( لااا يطوفك ) القول الثمين في كادر (( المهندسين ))

الكاتب : مهندس كول | المشاهدات : 4,634 | الردود : 11 | ‏29 ابريل 2010
  1. مهندس كول

    مهندس كول بـترولـي جـديـد

    4
    0
    0
    الكل قرا الجرايد قبل كم يوم بخصوص كوادر المهندسين في القطاع الحكومي
    للاسف اول ماتم اقرار هذا الكادر تضايق اخوانا اللي بالقطاع النفطي من هالكادر بدل مايفرحون لنااا
    وللاسف طالب الكثير من المهندسين بالقطاع بعمل اعتصام حتى يتم تعميم هذه الزيادة للقطاع النفطي (او) وقفها عن القطاع الحكومي ،، يعني اذا قطعوها عنا ماراح يعتصمون وان اقروها اعتصموا

    والله ياجماعة كل منتدى ادخله مستانسين انهم اقروا زيادة المهندسين مع ان اكثرهم مو مهندسين الا منتدى القطاع النفطي دياما يتحلطمون والدليل مافي اي موضوع بالمنتدى فيه تهنئة للمهندسين بالحكومة ،،

    ياجماعة الخير ترى كلنا اخوان وكويتيين يعني الزيادة هذي بتروح حق الكويتيين ككل يعني اعيال البلد ،، سواء سني شيعي بدوي وحضري ،، فليش الشباب متضايقين انا اقوولها حق عيال ديرتي عليكم بالف عافية ياعيال ديرتي وعسى الله يزيدكم ويزيد القطاع النفطي

    الكادر مثل مانشرته الجرايد ووكالة كونا
    http://www.alanba.com.kw/AbsoluteNMNEW/templates/local2010.aspx?articleid=109069&zoneid=14&m=0

    طبعا بما اني مهندس مبتدئ زيادتي 205 دينار
    يعني الحمدلله وصل ومعاشي 1430 تقريبا هذا بخصوص وزارة الكهرباء والماء (اداري)
    يعني حتى بعد الزيادة ماراح انقايش عندكم ،، انتوا بخير ونعمة عندكم تامين صحي وبونص ومشاركة نجاح وسيارة وقرض اضعاف الراتب ،، يكفي علاوتكم السنوية احسن منا

    ياجماعة الخير المثل يقول لو ما الحسد مامات احد ،،، افرحوا لخوانكم وخواتكم بالحكومة

    ولمزيد من الاستفسار عن معاش مهندسين الحكومة نزل الجدول بالمرفقات

     

    الملفات المرفقة:

    • teb2[1].pdf
      teb2[1].pdf
      حجم الملف:
      161.4 ك. ب
      المشاهدات:
      174
  2. Workers

    Workers إدارة المنتدى

    7,767
    30
    48
    ذكر
    الكويت
    هالكلام اللي بعد الـ او مو صحيح اخوي من وين جايب هالسوالف ؟!

    المهندسين في القطاع النفطي ماعندهم مشكلة معكم ولا حاسدينكم قاعدين يطالبون الحكومة تكون عادلة
    وتشمل القطاع النفطي .. ليش متضايقين ؟!

    =======================

    شوف هالرابط ولايكون حاسدينكم بعد ..

    http://www.alwatan.com.kw/ArticleDetails.aspx?Id=25417
     
  3. workerq8

    workerq8 بـترولـي مميز

    613
    6
    18
    لا حسد ولا غيرة لكن البحث عن العدالة ولا تخاف على الزيادة عليك بالعافية ما عمرها الحكومة اعطت شي وخذته
     
  4. kahraba_eng

    kahraba_eng بـترولـي نشيط

    71
    0
    0
    حبيت ابارك لكم الكادر و هاذا كل كويتي يستاهل و العاملين في وزارة الكهرباء يستاهلون
    بس حبيت اقول انه مو كل واحد يشتغل بالبترول شايف خير. انا صارلي 3 سنوات مهندس و الا الآن راتبي اقل من وزارة الكهرباء اب 70 دينار . و مافي اي سفرة ولا سيارة و ترا مستشفى الشركة م الي متخيله.
    احنا ما نحسدكم بس نبي حقنا . انتو والله تستاهلون الكادر انا اشتغلب بوزارة الكهرباء سنة و ادري انكم تستاهلون
    بس مو عدل انه مهندس بالبترول معاشة اقل شي .
     
  5. ARAMCO

    ARAMCO بـترولـي نشيط جدا

    155
    8
    0
    في البداية اخي الكريم مبروكين على الزياده لجميع من اقر له سواء مهندسين او غيرهم

    الموضوع و ما فيه بأن جميع موظفي الدوله تمتعوا بجميع الزيادات الحكومية الخاصه بغلاء المعيشه بينما حرم منها القطاع النفطي فقط، و بالتالي فان اقرار الكوادر و المزايا حسب ما تم بهذا الشكل يعتبر اجحاف في حق القطاع النفطي حيث تمتع الجميع بكل زيادات غلاء المعيشه و ايضا اقر لهم كوادر و مزايا، و المطلوب على أقل تقدير ان يتم تعوبض موظفي القطاع النفطي عن زيادات غلاء المعيشه التي حرموا منها بالسابق.

    أما ما يخص المزايا التي تطرقت لها أخي الكريم، فبعضها لمستويات وظيفه معينه و لا تقدم للجميع هذا من ناحيه، و من ناحية اخرى لا يوجد وجه مقارنه بين مهام و مسئوليات و ساعات العمل لموظفي القطاع النفطي مع اي قطاع حكومي كان او خاص و بالتالي ما يحصلون عليه هو مستحق بفضل من الله و وجب تمييزهم به.

    في النهايه، يجب العلم من الجميع بأن مسلسل الكوادر و الزيادات ما هي إلا فتنه يراد بها شحن الأنفس و بالتالي خلق جو و بيئة عمل غير مريحه مما يؤثر بشكل مباشر على اداء الكفاءات الكويتية ليكون الأجنبي هو الموظف المنتج البريء الذي يمكن الإعتماد عليه مما يسهل اقناع اصحاب القرار بأن الخصخصه هي السبيل الوحيد لتصحيح المسار في قطاعات الدولة.

    و لا حول و لا قوة الا بالله
     
  6. API 18

    API 18 بـترولـي مميز

    513
    0
    0
    كلامك عين العقل. انا الصراحه قمت اشك بان هناك نيه لتطفيش العماله الوطنيه من القطاع النفطي والا شنو تفسير اللي قاعد يصير.
     
    آخر تعديل بواسطة المشرف: ‏29 ابريل 2010
  7. Chem.Eng

    Chem.Eng بـترولـي نشيط جدا

    182
    0
    0
    بالبدايه الف مبروك
    وهذي ارزاق من رب العالمين والقطاع الحكومي في اخوانا واهلنا شلون بنحسدهم!!!
    وبعدين مادري انت وين قريت بالمنتدى ان مهندسين القطاع النفطي يبون يوقفون كادركم
    يريت تعطيني اللنك بشوف منو اللي حاسدكم
    بس بليز لاتنسى تعطينا
     
  8. aL- raSy

    aL- raSy إدارة المنتدى

    2,714
    0
    36
    هلابك يا مهندس كول و حي الله هالطله..

    انا ماني عارف شلون ربطت و فسرت ان مطالبة المهندسين بالقطاع النفطي بكادرهم معناه انهم متضايقين من الكادر اللي اقر للمهندسين في القطاع الحكومي لا و وصلتها للحسد بعد..!!

    لا بالعكس يا خوي.. عليكم بالعافيه و مبروكين و مافيه حسد بالموضوع بالمره..

    من الواضح ان انت اللي متضايق من مطالبة اخوانك المهندسين بالقطاع النفطي بالكادر.. و حسيت ان موضوعك بالمجمل كتبته نتيجة تفكيرك بالقطاع النفطي و مهندسينه.. و لسان حالك يقول ( شكثر فلوسهم و يطالبون بكادر بعد ).. و انشاء الله ان جميع ما سبق لا يمت بالحقيقه بصله.. :)

    اما بخصوص النقاط الاخرى بكلامك.. اعتقد ان الاخوان ما قصروا بالرد..

    و شرفتنا يا غالي.. و مبروكين انشاء الله..
     
  9. jinxed

    jinxed بـترولـي نشيط

    63
    0
    0
    اولشي هالكلام اللي قلته مو صحيح وانا متابع لاخبار المنتدى باستمرار و ماشفت احد ياب طاري اعتصام عشان يوقفون كادر مهندسين الحكومه !!

    وثانيا الكل بارك لمهندسين الحكومه (و) لكن تعجبنا ليش الكادر شمل كل قطاعات الحكومه و كذلك القطاع الخاص و ما شمل القطاع النفطي اللي فعلا حرم من وايد زيادات بسبب مبالغتكم بمزاياه,, و ترى على فكره السياره مو الكل ياخذها و الشركه غير ملزومه تعطيك سياره الا بعد ترقيتك لدرجه 16 (يعني +8 سنين) وانا لي ربع مهندسين بالاشغال والكهرباء والماء عطوهم سيايير من اول سنه + تلفون

    و اشوفهم مرتاحين و دوامهم خفيف. وعل عموم مبروكين ان شاءالله واحنا لمن نتكلم قاعدين نطالب بحق مشروع و عداله ومساواة مو اكثر.
     
  10. زيـنـه

    زيـنـه بـترولـي نشيط جدا

    162
    0
    0
    اخوي مهندس كول .
    مهندسين القطاع النفطي يطالبون بالمساواة و ان يشملهم الكادر حالهم حال مهندسين الحكومه مهندسين القطاع الخاص .
    بعدين ما فكروا يوقفون كادركم علشان ما مشى لهم الكادر .
    و الشي الثاني .. اغلب المميزات اللي قلت عنها تمشي مره بالسنه .. و السياره جاوبوا عليك يالله عقب 8 سنين او اكثر .. و هالاشياء كها من مميزات القطاع و تمشي للكل مهندس و غيره من الوظايف الاداريه .
    و يؤسفني اني اقولك اذا راتبك صار 1400 و انت توك يديد .. يعادل راتب المهندس بالقطاع النفطي مدة 4 سنين او اكثر خبره !
    و عموما .. السالفه ما فيها حسد ..السالفه فيها مطالبه بالمساواة و ماكو مهندس احسن من مهندس
     
  11. زهرة التوليب

    زهرة التوليب بـترولـي خـاص

    الف مبروك عليكم الكادر

    بس انت بعد ما ترضى ان الكادر ما يتطبق على اخوانكم في القطاع النفطي

    يعني لو انهم قروا الكادرر للكل باستثناء وزارة الكهرباء ماراح تزعل ؟؟

    الحق حق وهم مهندسينا لهم حق في الكادر

    وسلامة عمرك منو قالك المهندسين عندهم سياره ؟
    يبه السياره حق درجة معيننه من الموظفين مو حق المهندسين ؟
    والكورسات موجوده لكن في ناس لين الحين ماشافوها لأن مديرهم مو راضي عنهم !!!

    وبونص الشركة حق ناس وناس مو الكل ياخذ عندنا بونص

    اما المستشفى فحدث ولا حرج !! شي لا يليق في القطاع النفطي

    محد متضايق من كادركم بالعكس الله يزيدكم لكن متضايقين لأن القطاع النفطي كلش ماله كادر !! وهذا اللي يحز بالنفس
    واذا استمر الحال على ماهو عليه اكيد بتشوفون تسرب وظيفي مو طبيعي
     
  12. Eng.Vampire

    Eng.Vampire بـترولـي خـاص

    بالبداية ألف مبروك على اقرار الكادر لاخوانا مهندسي القطاع الحكومي .... وألف مبروك اخوي مهندس كول ويا رب يوفقكم وعليكم بألف عافية ....

    تأكد أخوي انكم اخوانا وربعنا ونتمنى لكم الخير ومافي شي اسمه "اعتصام من أجل ايقاف كادر مهندسي الحكومة"..

    ويشهد الله من اول لحظة تم اقرار الكادر لكم انا شخصيا دقيت على ربعي وزملائي أيام الدراسة وباركت وبعثت مسجات واحنا فرحانين لكم ...

    وهم لعلمك ترى جميع موظفي القطاع النفطي (مهندسين وغيرهم) شايفين خير ومنتجين بالعمل ويتمنون الخير للجميع ودائما يحمدون ربهم على النعم ....

    وبالنسبة لموضوع الكادر ببساطة احنا من مدة طويلة كنا نطالب بكادر لنا أسوة بالمطالبة الي كانت من قبل مهندسي الحكومة ... وترى المساواة بالظلم عدل

    انا شخصيا الحين كبير مهندسين وعندي ماجستير بالهندسة بنفس تخصصي من جامعة الكويت حتى مو مستفيد من هالشهادة لا ترقية ولا زيادة ال70 دينار المطبق بالحكومة :)

    وسلامتك
     
جاري تحميل الصفحة...

مشاركة هذه الصفحة