نفط أو حكومة؟

الكاتب : dalmurja | المشاهدات : 779 | الردود : 8 | ‏28 ابريل 2010
  1. dalmurja

    dalmurja موقوف

    85
    0
    0
    السلام عليكم

    انا مهندس أول في وضيفة حكومية وعندي عرض عمل اشتغل في شركة البترول. بصراحة إحترت بعد ما طلع كادر المهندسين إلي ما طلع حق المهندسين في القطاع النفطي.


    العرض صار اقل من الحكومة!

    أبي اعرف شنو المزايا إلي موجودة حق Grade 14 ?
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    نصيحه اخوي لا تستعجل في الانتقال

    انتظر الين ينزلون الكادر في حسابك وانطر اذا القطاع النفطي ما نزل كادر لا تنقل شتبي فيه

    اذا قرو كادر مهندسين النفط انقل من غير لا تفكر
     
  3. sporty196

    sporty196 بـترولـي نشيط

    105
    0
    0
    لا تستعجل طال عمرك ... انا لو مكانك احسبها ماديا ... انا شخصيا راح افكر كالاتي :

    اذا الوظيفة الحكومية مرتاح فيها نفسيا (المسئول / الزملاء) لا تنقل و انشالله الكادر اكيد

    النفط اذا مكتب بالاحمدي او الشويخ ===> انحششششش و اقضب مينونك و خلك بالحكومة

    النفط اذا فيها سيارة و تلفون و بدل طريق ====> النفط ممكن افضل

    الحكومة اذا فيها سيارة و تلفون اقعد فيها ترا المستقبل احسن (مثل ماشاءالله قطاع المشاريع /الكهرباء و الماء)


    و عموما .... انا شخصيا حاليا افضل الحكومة (اذا كان الفرق بالمعاش اقل من 500 دينار) و لدي اسبابي الخاصة:

    1/ ساعات عمل قليلة
    2/ تسمح لك باستخدام الوقت اللي بعد العصر في اعمال حرة/هواية/علاقات اجتماعية
    3/ القطاع النفطي يتجه للاسفل و صار حاله حال الوزارات ماكو فرق
    4/ المستقبل معدوم بالقطاع النفطي ==> مثل ما انت شايف هواش على كل ترقية او زيادة
    5/ التعب اللي تبذله يخليك ترجع بيتكم 3.30 الى 4.30 العصر (طالع من ال 6) هلكان و يومك منتهي ما عندك الا الويكند
    6/ حقوق اولادك و عائلتك بقضاء اوقات معك (االلي يشتغلون بالنفط حاسين فيها)
    7/ الضغط الشديد من تحمل مسئولية وظيفتك بالنفط (خصوصا العمليات و اغلب المهندسين)


    و بالخير ... و عشان ما ننحرم من المهندسين, الخيارين انشالله جيدين و النفط عندك معاشاتنا جيدة و لله الحمد و الخبرة المكتسبة انشالله احسن ​


    ملاحظة: ماكو مزايا تستاهل بالنفط الا السيارة (للبعض ... و تأكد 100% منها قبل لا تروح) اما بالنسبة حق التذاكر (200 دينار للفرد بالسنة زائد زوجتك و اولاد) و المكافأة نفس الحكومة (اذا في خردة يوزعون اعمال ممتازة و النفط يسمونها مشاركة نجاح) و اذا ما في خردة و سعر النفط نازل اغسل ايديك

    الزبدة: ركز على المعاش :)
     
  4. dalmurja

    dalmurja موقوف

    85
    0
    0
    جزاك الله خير. عاد انا قاعد احاول أحسبها عدل. علشان كذي كنت أبي أشوف إذا في ميزة للنفط غير المعاش.

    ورداً على بعض نقاطك, انا الحين دوامي من ال 8 إلى ال 2:30 -- يعني فرق ساعة الصبح و نص ساعة العصر. كأنها ما تفرق؟

    في ميزة للنفط غير المعاش؟
     
  5. sporty196

    sporty196 بـترولـي نشيط

    105
    0
    0
    لا تستهين بالساعة و نص ... ترا تفرق اذا جربتها (حاول تجربها)

    المميزات غير اللي انا ذكرتها ممكن يقولك الشباب الكورسات (الكورس كل سنتين مرة و مو اكيد)
    الحكومة فيها فرص سفر انا اشوفها متساوية مع القطاع النفطي (بالاحرى حسب مسئولك ... ناس 12 سنة خدمة و لا مرة سافر و ناس كل شهرين)

    السيارة حسب المكان و حسب مسئولك (تأكد منها 100% من قسمك)


    و سلامتك و تعيش
     
  6. Lag

    Lag بـترولـي نشيط

    94
    0
    0
  7. Bent_Abooha

    Bent_Abooha بـترولـي نشيط جدا

    انا اقول استخير قبل ماتستقيل والي الله كاتبه بيصير
    بس دام عطوكم كادر الحمدالله ليش تفكر تطلع هذا اذا بتكلم من ناحيه ماديه بس اذا تبي تدريب وكورسات حق مستقبلك الوظيفي فاعتقد النفط احسن بهالشغله
    ودام انهم حطوا النفط في بالهم ماراح يرتاحون الين يخصخصونه اذا مو هالمره فالمره اليايه
    مزايا جريد 14 انهم يشيلون عنك كلمه يو دي غير جذي ماتفرق وايد :)
     
  8. الماجستيري

    الماجستيري بـترولـي نشيط

    91
    0
    0
    القطاع النفطي أفضل بكثير من وزارات الدولة حتى بعد الزيادة

    يكفي الزيادة السنوية أنها لا تقارن بالعلاوة السنوية أو الزيادة المصاحبة للدرجات في سلم الوزارات

    ناهيك عن المزايا الأخرى اللي تفوق مزايا القطاع الحكومي بجدارة
     
  9. sporty196

    sporty196 بـترولـي نشيط

    105
    0
    0
    يا" الماجستيري" و" لاق" يعني احنا نكذب مثلا

    شوف زميلك حديث التعيين كم يستلم (1400 دينار) ==> اكثر من مهندس النفط
    http://www.q8ow.com/vb/showthread.php?t=28721

    و لا تروح بعيد و تتعب نفسك شوف "صاحب الموضوع" ==> العرض النفطي اقل من مرتبه و يسأل عن المزايا


    احنا ما نقول نزلوا معاشات المهندسين بالحكومة ==> يبا زيدونهم بعد اكثر للاسباب التالية :
    1/ يحملون شهادات عالية فنية
    2/ في نقص بالمهندسين
    3/ الحكومة مقبلة على مشاريع ضخمة و خطة تنمية و محتاجة كوادر مؤهلة (تجذبهم بالفلوس)


    بس احنا نطالب باقل درجات العدل (على الاقل راتب النفط بالساعة = الحكومة بالساعة) و اترك عنك بطيخ انها شركات نفط و عمل شاق و شريان البلد (الحكومة مو مهتمة بمنبع خيرها و خير المواطنين و مرتباتهم)
    او يصدر تعميم ينظم انتقال مهندسين النفط الى الحكومة ===> ما نبي شي من مزايا النفط على قولتك بس احسب لنا سنوات الخدمة :)
     
جاري تحميل الصفحة...

مشاركة هذه الصفحة