اول التحركات لكادر مهندسي القطاع النفطي

الكاتب : brilliant | المشاهدات : 1,882 | الردود : 15 | ‏28 ابريل 2010
  1. brilliant

    brilliant المـراقب الـعـام

    8,477
    0
    0
    Engineer
    Kuwait

    ورشه عمل ولقاء مهندسي القطاع النفطي

    يوم الثلاثاء 4-5-2010 السابعه مساءا بمقر جمعيه المهندسين الكويتيه

    في ظل التطورات الأخيرة بخصوص كادر المهندسين. فقد تقرر اقامه ورشه عمل لمهندسي القطاع النفطي بحضور مجلس إدارة جمعيه المهندسين و رئيس مجلس الإداره م. طلال القحطاني للنظر بمطالب جميع المهندسين العاملين بالقطاع النفطي

    محاور اللقاء:
    أولا: كادر المهندسين بالقطاع الحكومي والتعديلات
    ثانيا: إمكانية دمج مطالب القطاعين الحكومي و النفطي, و ما هي موانع عدم إدراج مطالبات القطاع النفطي ضمنهم
    ثالثا: مطالب المهندسين بالقطاع النفطي ( الترقيات, الزيادات, مكافأة مسمى وظيفي)
    رابعا: خطه المرحلة المقبلة

    لذا يسر جمعيه المهندسين بتوجيه الدعوة لك و للزملاء و لجميع المهتمين

    مشاركتك تهمنا
    والله ولى التوفيق

    لجنة مهندسي القطاع النفطي

    28/4/2010

     
  2. bshmohandes

    bshmohandes بـترولـي نشيط جدا

    200
    0
    0
    نستطيع قلب الموازين بجمعيه المهندسين ان لم يتم اي تحرك

    ارجو من جميع المهندسين بالقطاع النفطي الحضور


    للرفع
     
  3. jinxed

    jinxed بـترولـي نشيط

    63
    0
    0
    ارجو من جميع المهندسين بالقطاع النفطي الحضور
     
  4. بو جاسم

    بو جاسم بـترولـي نشيط

    113
    0
    16
    ^^^^^
    ممكن اعرف الاخوان باللجنه الي صار لها سنين شنو كانوا يسووون اذا الحين يقولون امكانية دمج مطالب القطاع النفطي مع الخكومي
    ليش ما فيهم جهبذ فكر بهالشي من قبل

    بس مستانسين كل يومين تصريح وصوره بالجريده
    اول مره خذلونا لما اقروا مكافاءة للمهندسين بالحكومه واحتا ما اخذنا شي
    وعقبها القطاع النفطي بكبره لما كلوا علينا ال 120 دينار والي الباقين خذوها وصرنا مثل اخذ من جيسه وعايده
    والحين الكادر

    ملاحظه: على راسي شركة ايكويت وعيني عليهم بارده
    دعم عماله + كادر + ايكويت 2 تم تنفيذها مو مثل عندنا

    وتحياتي للجميع
     
  5. blackberry

    blackberry بـترولـي نشيط جدا

    302
    0
    0
  6. Eng.Vampire

    Eng.Vampire بـترولـي خـاص

    بصراحه عندي ملاحظات عالموضوع :)

    أول شي اسم المناسبة يفشل .. منو هالعبقري الي اختار اسم "ورشة عمل" !!

    الورش عادة تكون لمناقشة موضوع فني أو مشروع واحنا نبي نناقش موضوع كادر مهندسي القطاع النفطي ..

    يعني يسمونه لقاء .. تجمع .. مطالبة .. انصاف الي يكون

    ثاني شي انا اتكلم عن نفسي وعن تجربة شخصية السنة الي فاتت كان في موضوع مهم يخص مهندسي القطاع والجمعية سوت تجمع وللأسف الحضور يفشل يمكن بحدود 20 شخص بس .... يعني كل واحد يقول شكو اروح الي بيصير راح يتطبق عالكل ...

    ثالث شي والأهم المفروض لا يسوون تجمعات ولا اعتصامات .... لجنة مهندسي القطاع النفطي المنبثقه من جمعية المهندسين يفترض تنسق مع النقابات واتحاد والبترول ويصعدون الموضوع بغطاء قانوني لرئيس الخدمة المدنية ووزير النفط .. وآخر شي يلجؤون للتجمعات وشكرا
     
  7. واحد مضيع

    واحد مضيع بـترولـي نشيط

    57
    0
    0
    كادر المهندسين بالحكومه يشمل مساعد مهندس خريج تكنولوجيا ؟
     
  8. المهندس

    المهندس بـترولـي خـاص

    1,305
    8
    0
    ي ورشه واي بطيخ .. جمعيه المهندسين لم ولن تمثل مهندسين القطاع النفطي والنقابات واتحادات البترول لم ولن تمثل مهندسين ااقطاع النفطي .. كها ضحك علا الذقون ... وينكم من زمان ووين قضاياكم ومنو اللي قاعد يرد عليكم ... كلها مسرحيات ولا راح اتطولون شي يا مهندسين.....

    الحين خل نعرف بالاول احنا قطاع حكومي او خاص .. ماكو شي واضح .. احنا صايرين شمال شما ويمين يمين
     
  9. الماجستيري

    الماجستيري بـترولـي نشيط

    91
    0
    0
    السلام عليكم

    أول مشاركة لي في المنتدى

    أسأل الله لكم التوفيق والسداد

    الظاهر المنتدى مليء بالمعلومات المفيدة

    شكرا للأعضاء والمشرفين​
     
  10. ذيب

    ذيب بـترولـي جـديـد

    44
    0
    0
    اعتقد مسمى ورشة ولا مؤتمر القمة ما يفرق....
    المهم مهندسين القطاع النفطى يعرفون شنو صار وليش ماهم داشين بالزيادة
    لازم يسمعون من رئيس الجمعية (دايركت) موينقل لهم.....
    يبقى يقنعهم باللي صار ولا مهندسين القطاع النفطى يقنعونه بوجهت نظرهم
    اهو الاهم....
    وبعدين لازم مهندسين القطاع النفطى يحطون الطريقة اللى اهم يشوفونه حل لهذى المشكلة
    ومجلس ادارة الجمعية يتبنى المقترح اللى يبيه الحضور....
    يبقى اهم شى بالموضوع
    فى 3000 مهندس بالقطاع النفطى
    حضورهم رسالة
    للجمعية...
    للادارة....
    للنقابات....
    وعدم حضورهم ينهى القضية قبل لا تبدى
    الا هل بلغت اللهم أشهد
     
  11. Chem.Eng

    Chem.Eng بـترولـي نشيط جدا

    182
    0
    0
    حلوة هذي يبون ورشه مادري ندوة عشان يطالبون بحق
    شرايكم تقعدون بالبيت تخلون هندي يوزع عالسيايير ورقه اعتراض وخلاص
    جمعيه المووهندسين اكبر مقلب
    وسلملي عالشهاده اللي بجنيه ونص
     
  12. jinxed

    jinxed بـترولـي نشيط

    63
    0
    0
    وصلني هالايميل من مهندسين زملاء بالشركة... اتمنا من الكل يبلغ زملائه والحضووووووووور مهم مهم مهم لحد يقول غيري يطالبلي وهذي اول الخطوات نحو اقرار الكادر للنفط.... والحاضر يبلغ الغايب!


    ورشه عمل ولقاء مهندسي القطاع النفطي

    يوم الثلاثاء 4-5-2010 السابعه مساءا بمقر جمعيه المهندسين الكويتيه

    في ظل التطورات الأخيرة بخصوص كادر المهندسين. فقد تقرر اقامه ورشه عمل لمهندسي القطاع النفطي بحضور مجلس إدارة جمعيه المهندسين و رئيس مجلس الإداره م. طلال القحطاني للنظر بمطالب جميع المهندسين العاملين بالقطاع النفطي

    محاور اللقاء:
    أولا: كادر المهندسين بالقطاع الحكومي والتعديلات
    ثانيا: إمكانية دمج مطالب القطاعين الحكومي و النفطي, و ما هي موانع عدم إدراج مطالبات القطاع النفطي ضمنهم
    ثالثا: مطالب المهندسين بالقطاع النفطي ( الترقيات, الزيادات, مكافأة مسمى وظيفي)
    رابعا: خطه المرحلة المقبلة

    لذا يسر جمعيه المهندسين بتوجيه الدعوة لك و للزملاء و لجميع المهتمين

    مشاركتك تهمنا
    والله ولى التوفيق
    لجنة مهندسي القطاع النفطي
    28/4/2010
     
  13. الـخـبـيـر

    الـخـبـيـر بـترولـي جـديـد

    عموما ً

    الحكومة ما تبي تفتح على نفسها باب مسّكر


    إذا تم التلويح بإقرار كادر المهندسين بالقطاع النفطي

    سوف تفتح الأبواب الآتيه :

    كادر مساعدين المهندسين ( دبلوم )

    كادر القانونيين

    كادر المحاسبين

    كادر حملة شهادة الإقتصاد

    كادر الممرضين

    ........ إلخ




    الحجه موجوده عند الحكومه

    و هي ان تم إقرار الكار للنفط و يشمل جميع الموظفين


    و هذا لا يعني إني ضد إقرار كادر المهندسين


    بالعكس أتمنى لأخوانا المهندسين كل الخير


    و هذا مجرد تحليل شخصي و الله المستعان
     
  14. dalmurja

    dalmurja موقوف

    85
    0
    0
    كلامك صح. ما يبون يفتحون على نفسهم باب. لكن --- مو من المعقول الي يصير.

    انا حالاً مهندس في الحكومة و معاشي 1150 دينار. مع الزيادة 366 للمهندس راح يوصل 1516 دينار. وعندي الحين عرض عمل من النفط على درجة 14 معاشها 1553 دينار. يعني الفرق 37 دينار.

    ممكن النفط يفرق لما يزيد معاشي مع كل زيادة, هذا الناس تقولي كذي.... بس مو متأكد!

    شلون صارة الواحد ما يكون متأكد من القطاع النفطي من ناحية مادية؟!
     
  15. BoYousef

    BoYousef بـترولـي نشيط جدا

    159
    0
    0

    كلامك صح ومنطقي .. بس في بعض الأمور مو واضحه لحد الآن انا اتكلم من واقع تجربة لأني كنت بوزارة وحاليا بالنفط... الكادر اللي قروه لازال احتمال يمر على اللي تقدر تسميه "مشخال ديوان الخدمه" واذا ان شاء الله تم تثبيت القيم مثل الجدول .. تدش بموال ثاني " قانون لايجوز الجمع بين الكوادر" ..يعني راح تنخصم قيمه كادر المهندسين السابق من الحالي وتاخذ الفرقية ... اتمنى يكون كلامي غلط والجدول كله يقر كزيادة كامله بدون تغيير.

    اما بالنسبة للزيادة...اللي سمعته صح وتنحسب سنويا كنسبة(1-10%) على الراتب الاساسي مو مثل الحكومة ثابته. انا عن نفسي اذا ان شاء الله كادر مهندسي الحكومة بيقرونه مثل ما اهو بترك وظيفتي بالنفط وارجع للحكومة واشتري راحه بالي (شغل اخف-ضغط عمل ونفسي اقل- ساعات دوام اقل-درب اهون-اجابل بيتي وعيالي اكثر).

    القرار راجع لك والنفط فيه ميزات وعالبركه على القبول
     
  16. cool_engineer

    cool_engineer بـترولـي نشيط جدا

    191
    1
    0
    مهندس
    الكويت
    انا اقترح استقالات جماعيه لجميع المهندسين الذين يرغبون بالأستقاله والذهاب للعمل بالحكومه وجعل الوزير امام الأمر الواقع ونشتري( راحت البال ونشوف عيالنا واهلنا ودوامك على مزاجك)

    وانا اعرف مهندسين كثيرين ينددون بالاستقاله والذهاب للأسكان والقطاع الحكومي وسلامات يا القطاع النفطي لا انت حكومي ولا انت خاص
     
جاري تحميل الصفحة...

مشاركة هذه الصفحة