الاعتصام....او الاستقالات الجماعيه...!

الكاتب : aziz-hd | المشاهدات : 2,068 | الردود : 28 | ‏27 ابريل 2010
  1. aziz-hd

    aziz-hd بـترولـي جـديـد

    7
    0
    0
    بسم الله الرحمن الرحيم

    السلام عليكم ورحمه الله

    هذا اول موضوع لي بالمنتدى ولكني متابع قديم للمواضيع...ولكن الي خلاني اسوي عضويه واكتب موضوع اهو الكوادر الاخيره الي اقرها مجلس الوزراء

    يا اخواني المهندسين....احنا انداوم بالشركه 8 ساعات يوميا ومعاشاتنا 1108...وبدون زياده واهم رايح ياخذونها عالبراد 1300 او 1400 من اول معاش ؟؟

    انت ساعتك 6.295 دينار واهو ساعته 9.790 دينار....اهو دوامه فلاتي....وانت لازم اداوم....منو يرضيه هالشي ؟؟

    انا ادعو المهندسين بشركات النفط انهم يراجعون انفسهم.....ويحسبونها.....اهو راح ياخذ معاش اكثر منك ويصعد اسرع منك وانت راح تتعب وتنقمت بمكانك......ادعو خصوصا مهندسين البترول الي يداومون بالاحمدي الي ماعندهم لا بدل خطر ولا بدل طريق انهم يتجمعون

    وادعو كافه المهندسين للتجمع ولزياده مقدارها 500 دينار.......اذا الحكومه 300 كادرهم واهم ما يسوون شي....والقطاع الخاص كادرهم 420 واهم يشتغلون حق شركات وتجار......احنا يا موظفين القطاع النفطي نشتغل للكويت واحنا عمود الكويت الفقري فلازم يميزونه عن هالقطاعيين

    ارجو التفاعل معاي ونبديها باعتصام.....واذا ما زادونا لي اخر شهر 5........انقدم استقالات جماعيه احنا المهندسين.....لان مظلومين....درسنا بجامعات عريقه...وقبولنا كان صعب....وشغلنا 8 ساعات بدون تزريق ولا واسطات نفس الوزارات......اتمنى منكم التجمع وتقديم استقالات جماعيه....بهالطريقه راح يعرفون انهم اخطئوا عندما ساوونا بمهندسين الوزارات....وانا متأكد انهم يزيدونا اذا قدمنا استقالات اكثر من 200 مهندس بيوم واحد.

    ارجو التفاعل يا مهندسين......انا كل خوفي ان هذا تمهيد حقنا المهندسين عشان نطلع من الشركه عشان يكون خصخصتها شي سهل وبسيط

    امانه......لا تبيعون شركه نفط الكويت...لا تبيعون شركات النفط......اهي مصدر رزقنا ورزق الكويت

    تحياتي
     
  2. aziz-hd

    aziz-hd بـترولـي جـديـد

    7
    0
    0
    بسم الله الرحمن الرحيم

    السلام عليكم ورحمه الله

    هذا اول موضوع لي بالمنتدى ولكني متابع قديم للمواضيع...ولكن الي خلاني اسوي عضويه واكتب موضوع اهو الكوادر الاخيره الي اقرها مجلس الوزراء

    يا اخواني المهندسين....احنا انداوم بالشركه 8 ساعات يوميا ومعاشاتنا 1108...وبدون زياده واهم رايح ياخذونها عالبراد 1300 او 1400 من اول معاش ؟؟

    انت ساعتك 6.295 دينار واهو ساعته 9.790 دينار....اهو دوامه فلاتي....وانت لازم اداوم....منو يرضيه هالشي ؟؟

    انا ادعو المهندسين بشركات النفط انهم يراجعون انفسهم.....ويحسبونها.....اهو راح ياخذ معاش اكثر منك ويصعد اسرع منك وانت راح تتعب وتنقمت بمكانك......ادعو خصوصا مهندسين البترول الي يداومون بالاحمدي الي ماعندهم لا بدل خطر ولا بدل طريق انهم يتجمعون

    وادعو كافه المهندسين للتجمع ولزياده مقدارها 500 دينار.......اذا الحكومه 300 كادرهم واهم ما يسوون شي....والقطاع الخاص كادرهم 420 واهم يشتغلون حق شركات وتجار......احنا يا موظفين القطاع النفطي نشتغل للكويت واحنا عمود الكويت الفقري فلازم يميزونه عن هالقطاعيين

    ارجو التفاعل معاي ونبديها باعتصام.....واذا ما زادونا لي اخر شهر 5........انقدم استقالات جماعيه احنا المهندسين.....لان مظلومين....درسنا بجامعات عريقه...وقبولنا كان صعب....وشغلنا 8 ساعات بدون تزريق ولا واسطات نفس الوزارات......اتمنى منكم التجمع وتقديم استقالات جماعيه....بهالطريقه راح يعرفون انهم اخطئوا عندما ساوونا بمهندسين الوزارات....وانا متأكد انهم يزيدونا اذا قدمنا استقالات اكثر من 200 مهندس بيوم واحد.

    ارجو التفاعل يا مهندسين......انا كل خوفي ان هذا تمهيد حقنا المهندسين عشان نطلع من الشركه عشان يكون خصخصتها شي سهل وبسيط

    امانه......لا تبيعون شركه نفط الكويت...لا تبيعون شركات النفط......اهي مصدر رزقنا ورزق الكويت

    تحياتي
     
  3. معشي الجن

    معشي الجن بـترولـي نشيط جدا

    172
    0
    0
    عدل كلامك أخوي ..

    يبيلها زلم توقف هالظلم

    يارب ارزقني وارزق غيري

    خل يكون شعارنا كالتالي :

    نبي سياكل نفس كادر الوزارات

    كادر 100

    وين صارت هذي ؟

    حتى في سوريه ومصر ماعطوهم كوادر جذي
     
  4. معشي الجن

    معشي الجن بـترولـي نشيط جدا

    172
    0
    0
    عدل كلامك أخوي ..

    يبيلها زلم توقف هالظلم

    يارب ارزقني وارزق غيري

    خل يكون شعارنا كالتالي :

    نبي سياكل نفس كادر الوزارات

    كادر 1100

    وين صارت هذي ؟

    حتى في سوريه ومصر ماعطوهم كوادر جذي
     
  5. brilliant

    brilliant المـراقب الـعـام

    8,477
    0
    0
    Engineer
    Kuwait
    اتوقع التقديم الجاي للمهندسين راح يقلون ويقل الحماس للتوظيف في القطاع النفطي


    انشالله انتامل خير بالنقابات والاتحاد والاداره
     
  6. mech.eng.koc

    mech.eng.koc بـترولـي نشيط

    74
    0
    0
    بس ليلحين مو متأكدين اذا الكادر يشمل القطاع النفطي ولا لا!!

    واذا يعني اعتبرنا انه زادوهم 300 واحنا لا

    انت معاشك بعد سنتين 1108 راح يصير 1300 على قريد 13 وانشالله عقب 9 سنين معاشك صاك 3000

    فحتى لو زادوهم يضل مكانك احسن من الوزارات وانت مهندس الشغل يفيدك مايضرك حتى لو تداوم ماتزرق نفس الوزارات بس بعد 8

    سنين راح تصير شي يعتمدون عليك وعلى خبرتك اما اهو بيضل اهو سنة ولا 10 سنين لان مو قاعد يطور من نفسه




    بس هم اقول بالنهاية نبي الكادر مايمنع انه يساوون المهندسيين الكويتيين كلهم بغض النظر عن مكان شغلهم وسلامتك وتعيش:)
     
  7. aziz-hd

    aziz-hd بـترولـي جـديـد

    7
    0
    0
    اخوي.....اهما زياداتهم اقوى من زيادات النفط....وراح احط لك جدول كوادر المهندسين من مبتدئ لي كبير مهندسين وبتشوف ان اهم احسن منا وشغلهم اقل منا وساعتهم اغلى منا
     
  8. mech.eng.koc

    mech.eng.koc بـترولـي نشيط

    74
    0
    0
    خنشوف حط الجدول ونقارن
     
  9. محمد المذن

    محمد المذن بـترولـي مميز

    694
    0
    0
    اتفق مع كلام الاخ انه مستقبلا معاشك اكثر منهم وانت عندك ميزات اكثر
    وغيرة وغيره وغيرة
    لاكن مايمنع انك تطالب بزيادة انا اشوف مهندسين الشركة يستاهلونها
    وان شاء الله اينا احنا شي بعد اهل الدبلوم
    والحمد الله على كل حال
     
  10. jinxed

    jinxed بـترولـي نشيط

    63
    0
    0
    صدقت يالغالي

    وضعنا بالنفط صج اي شي

    انا مهندس من تعينت بالبترول من سنة 2005 وانا كلا متحبط من هالوضع الرديئ السيئ

    يعني اول ما توظفت بالبترول عطو مهندسين الحكومه كادر و صار معاشهم احسن منا و بعد ما طالبنا وندوات و نشرات بالجرايد ومقارنات و استقالات بالهبل و عزوف المهندسين عن البترول لين قامت الشركة تسوي دعايات وتسويق بس عشان تبي احد يتوظف و اخرتها بالغصب زادونا لا و زياده منقوصه منتفه ومافيها اي تمييز للمهندس او الوظائف الاخرى

    والحين بعد اقل من سنه و نص همن عطوا لمهندسين الحكومه كادر ثاني و اشملوا مهندسين القطاع الخاص واحنا طبعا بره الحسبه نهائيا رغم ظروف العمل الصعبه !!


    معااااااااااااااااااااااااااك قلبا وقالبا اصحوووو يا مهندسين بسكم سكووووووت
     
  11. wardya

    wardya بـترولـي جـديـد

    2
    0
    0
    والله شي يحر وهذا لعب ابشركم مو بس الكادر الي يحر ابشركم ان في امكان معينه بالشركه خريج العلوم وخريج كليه االعلوم الاداريه مسماهم مهندس وله كل مميزات المهندس ومعاشهم معاش مهندس .... لي متى لي متى هذا ليش شركه نفط الكويت ما تحترم المهندس في كل دول العالم المهندس له مكانته واحترامه والي يصير مهندس هذا ويييين انا من صرت مهندسه بال Koc وانا محتره ومنقهره والحين اختموها ان معاش المهندس الوزاره اكثر من معاش مهندس الشركه لي متى هالتحقير
    احنا ما صرنا مهندسين الا ان احنا نطمح للاحسن ونبي نطور ونرفع ديررتنا ما انا وحده اشتغل كل يوم لي الاربع مو ثلاث متواصل مليييت من التحقير هذا وين التقدير
    مهندس الي بالشركه يتعب اكثر واكثر من الي بالوزارات ماله داعي انا اقول الكل يعرف هذي اخرتنا
    لا تقولون عقب تسع سنين منو بيصبر بعد هالقهر
    مهندسين الي بالشركه احنا لااازم كلنا نسوي اضراب
     
  12. santafe

    santafe بـترولـي مميز

    717
    3
    18
    سوى اضراب مافي مشكلة وهذا حقكم وقدموا استقالاتكم شنو المشكلة عادي رحوا قدموا في الوزارات الدولة احسن لكم شتبون في عوار الراس
     
  13. Bent_Abooha

    Bent_Abooha بـترولـي نشيط جدا

    عليهم بالعافيه الي اقروا لهم ولكن سؤال بسيط ليش معصبين اذا شايفين ان وجود المهندسين بالنفط ظلم لهم ليش مايستقيلون ويروحون الوزاره ترى الشغل مو غصب !!
    لان ببساطه النفط فيها مميزات ثانيه بغض النظر عن الراتب والحمدالله احنا بخير ونعمه وكل واحد يقدر يقرر ويشوف مصلحته ومو صعب الموضوع اذا احد شاف ان في مكان ثاني افظل له فالاستقاله مو صعبه وانا استقلت من شغلي القديم لما لقيت بالنفط مميزات احسن :)
    فحسبوها وفكروا فيها عدل وقرروا وعليكم اللف عافيه
    وبالنسبه ان في خريجين علوم اداريه وغيرها بمسمى مهندس فصراحه صعبه واذا كانت فعلا صحيحه يمكن ماخذين ماستر او عندهم سياسه ثانيه بهالقسم ومافيها شيء اذا انذكر اسم القسم :)
     
  14. wardya

    wardya بـترولـي جـديـد

    2
    0
    0
    ارد عليج الي ايده بماي بارد مو مثل الي ايده بالنار وياليت تقدرون الوضع الي احنا فيه وشنو مو صعبه اقدم استقالتي يكون لقيتيلي حل وينج عني من زمان جان حليتي لنا مشاكل وايد
     
  15. Bent_Abooha

    Bent_Abooha بـترولـي نشيط جدا

    أولا انا مهندسه حالي من حالكم
    ثانيا حدث العاقل بما يعقل اذا الشخص لقى له مكان افظل ليش يدفن نفسه بمكان مايوصله لطموحه!!
    ثالثا ماعتقد ان جرحت بردي وكان للجميع :)
    اذا عندج مشاكل من عيوني مأرد احد حبيبتي
     
  16. mech.eng.koc

    mech.eng.koc بـترولـي نشيط

    74
    0
    0
    اختي هذي مشكلة ثانية بعد اذا شغلج مايناسب تخصصج وتصير وايد شباب حولوا اقسام ثانية بالشركة لان قاعد يشتغلون شغل مهندس بترول واهم تخصصهم شي ثاني فاذا قسمج مو عاجبج فكري عدل وقرري انج تنتقلين قسم فيه من تخصصج اكثر ويزيد خبرتج واذا على باجي تخصصات البكالريوس ميزة المهندس سابقهم بقريد يعني اول مايتعين يكون قريد 12 اما اهم قريد 11 بس عالعموم انتي مالج شغل بغيرج عليج بنفسج وشدي حيلج وراح تبرزين حتى لو معاج تخصصات ثانية


    بس كلامنا احنا ليش ماينزلون لنا كادر فعلا احنا نستاهل الكادر مفروض تعتصمون عند جمعية المهندسين ياجماعة خل تطالب حق كل المهندسين الكويتيين مو بس الوزارات هالشي ماله شغل وزارة ولا قطاع نفطي الكادر واحد مفروض يكون للكل
     
  17. P.Engineer

    P.Engineer بـترولـي جـديـد

    45
    0
    0
    مهندس بترول
    الكويت
    أنا حالتي أسوء للأسف مهندس بترول ومعاشي تحت 1000 .. أنا قدمت أستقالتي وخالص أمس ياتني فرصة أفضل والحياة فرص .. أتمنى لكم كل التوفيق في شركة نفط الكويت
     
  18. Tacobell_q80

    Tacobell_q80 بـترولـي جـديـد

    22
    0
    0
    PETROLEUM ENGINEER
    KUWAIT
    يا جماعه انا سمعت من ناس وايد ان الكوادر لكل المهندسين الكويتيين؟ سواء بالقطاع او خارجه؟؟
     
  19. aziz-hd

    aziz-hd بـترولـي جـديـد

    7
    0
    0
    اخوي معشي الجن:

    بالفعل الموضوع هذا يبيله زلم....احنا مفروض القطاع المتميز بالدوله ومعاشاتنا اتكون اكثر شي...بس الي انشوفه ان ساعتنا اقل من ساعه الوزاره ومعناته مهندس بالوزاره متميز عنا.....ماخذين يكدونه بسعر رخيص.

    الاخ brilliant:

    انا اتوقع نفس توقعك....اذا الدوله بتخصص الشركات النفطيه.....معناته ما يبون كويتيين.....اما الدوله اذا تبي مهندسينها يشتغلون راح تغريهم واتساويهم واتميزهم عن القطاعات الثانيه.......احنا لازم نوقف وقفه جاده وما ننطر النقابه اطالب لنا.....لازم نتحرك من نفسنا

    الاخ jinxed:

    احنا موظفين البترول محسودين ترى من مهندسين القطاع العام لان بالبدايه نفرق عنهم 100 دينار قبل...وقبل هالكادر صرنا نفسهم وبعض الاماكن اعلى منا بالمعاش....بس مع هالكادر المهندس الحكومي يشوفك ويضحك عليك لان دوامه اقل وتزريقه اسهل وانتاجيته اقل ومعاشه اعلى وساعته اغلى منك
    من البدايه كان في مفروض تحرك واسع من مهندسين شركه النفط للزيادات اسوه بالشركات النفطيه الي بالدول المجاوره...بس احنا نايمين...وبصراحه جمعيه المهندسين تقف ضد المهندس المتميز ووقف ضد مهندسي القطاع النفطي واهي الي امقدمها وضاغطه عالحكومه على زياده هالكوادر حق القطاع العام والقطاع الخاص....لان اغلب اعضائها مايقدرون يدشون النفط لان شهاداتهم من جامعات مو قويه واي كلام
     
  20. workerq8

    workerq8 بـترولـي مميز

    613
    6
    18
    هذا الخبر غير صحيح

    للاسف القطاع النفطي اصبح غير مرغوب فيه
     
جاري تحميل الصفحة...

مشاركة هذه الصفحة