من يتطوع و يستلم تكوين جروب بي بي للتواصل بيننا

الكاتب : ^7abeeba^ | المشاهدات : 3,449 | الردود : 33 | ‏22 ابريل 2010
  1. ^7abeeba^

    ^7abeeba^ بـترولـي نشيط

    السلام عليكم و رحمة الله و بركاته ..............

    اشرايكم بتكوين جروب لموظفين المؤسسة على البلاك البيري !!!!
    أشوفها فكرة طيبة و تكون وسيلة اضافية للتواصل !!!

    الحين نبي شخص يكون مرجع هالمجموعة (ما ادري شنو يسمونه: اونر / كريييتر: Onwer / Creater ) يحط رقم البن Pin و الراغبين بالانضمام للمجموعة يبعثون له ......

    ما ادري اشرايكم؟؟؟؟
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    حلوه الفكره بس بالايفون البلاك بيري مو شي
     
  3. ^7abeeba^

    ^7abeeba^ بـترولـي نشيط

    [SIZE="4"]اعتذر عالخط .... ما هقيت بيكون كبير لهالدرجة !!!
     
  4. ^7abeeba^

    ^7abeeba^ بـترولـي نشيط

    بنختلف من اولها !!!! بلاك بيري ... بلاك بيري :)
    مو انا عندي بلاك بيري :)

    اعتقد مو مشكلة بالتواصل مابين الاي فون و ال بي بي عن طريق البرنامج اللي يربط بينهم .........
    بس يلا خل نكون الجروب و احد يستلمه
     
  5. بو جاسم

    بو جاسم بـترولـي نشيط

    113
    0
    16
    فكرتج حلوه اخت حبوبه وللتوضيح المسنجر والقروبات اهي الشي الي يميز البلاك بيري عن الايفون
    وانا معاج بانتظار متطوع لهذا الموضوع علشان اعطيه البن مالي
    وموفقين
     
  6. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
  7. Workers

    Workers إدارة المنتدى

    7,767
    30
    48
    ذكر
    الكويت
    ليش ماتواصلون هني في منتداكم ؟!
     
  8. الرويشد

    الرويشد بـترولـي نشيط

    145
    0
    0
    يالله ضيفوني هذا بن كود **********
     
  9. ^7abeeba^

    ^7abeeba^ بـترولـي نشيط

    Workers .......

    المنتدى هو الاصل و الاساس و لا لنا غناة عنه ...... بس هذا شي اضافي ..... يمكن يكون احيانا اكثر سرعة و توفرا من المنتدى ............ و الهدف من استخدام ال بي بي هو للربط بينا و بين المنتدى فمثلا اذا احد المشتركين شاف انه اكو موضوع جديد مهم أو مستجدات على موضوع قائم فيقوم بتنبيه باقي اعضاء جروب ال بي بي للدخول للمنتدى ............ او يكون ال بي بي لعناوين الاخبار و للتفاصيل المنتدى و هكذا
     
  10. ^7abeeba^

    ^7abeeba^ بـترولـي نشيط

    الرويشد ...........


    حلو حماسك ... و يشرفنا اضافتك و لكن ودنا بمتطوع يستلم تكوين الجروب و يكون مسئول عنها من جميع النواحي
     
  11. بو جاسم

    بو جاسم بـترولـي نشيط

    113
    0
    16
    ^^^^^
    شكلها طاحت براسج دامها فكرتج
     
  12. ^7abeeba^

    ^7abeeba^ بـترولـي نشيط

    بو جاسم

    يشرفني و الله بس للاسف اني وحدة كسوووووولة غير الانشغال مع البيت و اليهال .... فاذا استلمت انا الجروب شكلي بقطهم على صخر بيكونون اخر من يعلم :)

    بس عندي اقتراح اخر .............. ممكن احط بن كودي و استلم تكوين الجروب بس نكون واضحين ان مسئولية التواصل و التحديث بتقع على عاتق الاعضاء .............. و انا مستعدة اسوي اعادة ارسال للي يوصلني ....اشرايكم ؟؟؟ نبلش؟؟
     
  13. Workers

    Workers إدارة المنتدى

    7,767
    30
    48
    ذكر
    الكويت
    عساكم على القوة .. مشكورة على هالرد ماقصرتِ
     
  14. diners

    diners بـترولـي نشيط جدا

    نبي امتداد للمنتدى عالفيس بوك , تويتر

    عندي استعداد اسوي قروب بلاك بيري ولكن بعد اذن ادارة المنتدى الموقرين والاعضاء
     
  15. santafe

    santafe بـترولـي مميز

    717
    3
    18
    والله فكرة حلوة بس انا عندي اي فون بس في برنامج اسم whats app هذا برنامج اتنزلة على اي فون واعتقد على البلاك بري انا واخوي مسوين هالحركة وشغالين ومافي مشكلة واعتقد هذا تواصل اسرع حيث ان الجهاز بكون معاك اينما كنت
     
  16. ^7abeeba^

    ^7abeeba^ بـترولـي نشيط

    السلام عليكم و صبحكم الله بالخير جميعا ..................
    تم بحمد الله تكوين الجروب و يشرفنا انضمامك diners كعضو و كادارة للجروب .......
    santafe يلا حياك الله

    ما اعتقد الادارة لديها اي اعتراض على الفكرة لان مثل ما وضحت حق Workers (من ادارة المنتدى) ان فكرة الجروب هي امتداد للمنتدى و بالعكس الهدف انه يتم تحديث الاعضاء بمستجدات المنتدى


    يرجى على من يود الانضمام للجروب : اما يحط البن اهني او يرسل رسالة خاصة اللي يريحكم ...........
    و عدوا انفسكم اصحاب مكان ...... انشروا
     
  17. meshary

    meshary بـترولـي نشيط جدا

    237
    0
    0
    تسويقي
    السره
    حسافه ماعرف حق سوالف بلاك بيري وايفون ولا جان اشتركت وياكم:rolleyes:
     
  18. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    يعطيكم الف عافية والله

    أختي حبيبه يعطيج الف عافية
    شلون الحين إذا الجروب جاهز يا تعطونا البي بي الخاص بالجروب أو نعطيكم بي بينا :) علشان الإضافة
     
  19. بو جاسم

    بو جاسم بـترولـي نشيط

    113
    0
    16
    اتمنى اضافتي للقروب
    وهذا البن مالي
    **********
     
  20. ^7abeeba^

    ^7abeeba^ بـترولـي نشيط

    بوحنونه

    تفضل ارسل البن كود الخاص بك حتى اتمكن من ارسال لك دعوة للانضمام للجروب
     

مشاركة هذه الصفحة