سؤال عن شركة schlumberger

الكاتب : very kuwaiti | المشاهدات : 16,731 | الردود : 25 | ‏20 ابريل 2010
  1. very kuwaiti

    very kuwaiti بـترولـي جـديـد

    10
    0
    0
    عندي سؤال عن شركة شلومبرجر , شلون شغل المهندس الكيميائي فيها ؟ تنصحون فيها ولا لأ ؟ أحسن ولا knpc & KOC ? كراف ولا شغل عادي مقدور عليه ؟ أفيدونا أفادكم الله :)
     
  2. Mechanical Engineer

    Mechanical Engineer بـترولـي نشيط جدا

    359
    0
    0
    والله شوف

    الشركات الي تحت المؤسسه راحه و راتب اقوى

    اما بالنسبه لشلمبرجير
    فهي شركه خدمات نفطيه .... و ترى الخبره فيها قويه جدا جدا جدا جدا و رواتبهم الي اعرفه همن حلوه احلى من الوزارات بوايد بس شغلهم دق .. و الدوام من 7 لي 4 العصر و دوامك همن in call اي وقت يحتاجونك تروح

    و اخو واحد من الشباب يشتغل فيها عنده دبلوم
    يقول غير الراتب يعطونه بدل اكل باليوم 5 دنانير
     
  3. الفيلكاوي

    الفيلكاوي بـترولـي نشيط جدا

    302
    2
    0
    اها بس يبيلها واسطه عشان تشتغل فيها قدمت عليها اكثر من مره ومادقو علي ومعني عندي شهادة خبره والله يوفقكم انشاءالله اهيا وظيفه حلوه
     
  4. المغمور

    المغمور بـترولـي جـديـد

    8
    0
    0
    هل هذي تبع مؤسسه البترول kpc او لا - وأين مقر الشركه ؟ واكون لك من الشاكرين
     
  5. Mechanical Engineer

    Mechanical Engineer بـترولـي نشيط جدا

    359
    0
    0
    هذي شركه امريكيه خاصه ... الكي او سي متعاقده معاها حق حقول النفط

    و مكانهم بالاحمدي


    روح الاحمدي الصناعيه في مطاحن الدقيق ... قبال مطاحن الدقيق في لهم مبنى

    و بنفس الشارع خل مطاحن الدقيق على يمينك
    و كمل سيده

    في همن اهناك لهم مبنى على ايدك اليمين في شجر يمه



    طبعا مطاحن الدقيق دخلتها عن شركة البهبهاني و الملا جيب و دوج
     
  6. very kuwaiti

    very kuwaiti بـترولـي جـديـد

    10
    0
    0
    شكرا لكم على المشاركه بس أنا سمعت أن معاشاتهم أكثر من معاشات Koc & Knpc ؟ و بصراحة أول مرة أسمع أن محتاجه واسطه عشان تنقبل فيها :(
     
  7. H.Al s

    H.Al s بـترولـي جـديـد

    4
    0
    0
    السلام عليكم شوف انا كنت اشتغل فيهااا خبرتهاا قويه قويه وووو قويه هذي شركة عالميه يعطونك كورسات تفيدك بس عيبهااا انهاا تاخذ كل وقت وطبعا اكيد صحتك لانك بالمختبرات والحقووول لانك لراح تاخذ عينات من الابارر وهالسوالف وطبعا يبيلك وواسطه :)
    وعلى فكرة اذا انت من نوعك تروح دوانيه ووتلعب كره وتحب اللزوارات للاسف شلمبرر راح تخليك تنسى هالشي وتمسح من حياتك بدون مبالغه والله بس شنوو يعطووونك فلوووووووووووووووووس يعني راتبك ماراح يقل عن 1600 هذا غير البونص الي راح تاخذه على كل شغله تسويهاااا وموفق وبسسسسسسسسسسسسسسسس
     
  8. Mohammad S.

    Mohammad S. بـترولـي جـديـد

    36
    0
    6
    اخوي الحين التوظيف في شركات النفط الخاصين صار عن طريق ال KPC اعلان العقود
    تسجل عندهم يمتحنونك ويقابلونك وبعدين اهما ينظمون عمليت توظيفك في هل شركة
    هالنظام يديد عشان سالفت Kuwaitization law
    واتمنى اذا احد عنده معلومات ادق مني يفيدنا هني...

    وبعدين اذا انت ناوي خاص عندك اكثر من شركه مثل Halliburton, Baker Hughes وغيره

    انا ياني عرض من بيكر هيوزwireline engineer والراتب مع دعم العمالة 1550 دينار خلال فترةالتدريب بعدها يرتفع اكثر
     
  9. very kuwaiti

    very kuwaiti بـترولـي جـديـد

    10
    0
    0
    شلون أقدم على baker Hughes ? تبيلها واسطه بعد والله عادي يقبلون بدون واسطة !!
    شغله تبط الجبد عندك شهادة هندسة و تقدير جيد جدا ولا ما عندك ما تفرق لو أدري أول ما تخرجت من الثانويه يبت واسطة و توظفت :)
    وين مكان baker Hughes عشان أقدم عليها
     
  10. Mohammad S.

    Mohammad S. بـترولـي جـديـد

    36
    0
    6

    لا مايبيلها واسطه ولا شي بالعكس
    في طريقتين للتوظيف، اما انك تسجل بعلان العقود وتمتحن معاهم وكل شي وذا نجحت تقولهم انك تبي هل شركه ...
    او تييب قبول من الشركه نفسها فتختصر على نفسك سالفت الامتحانات بالكي بي سي وعوار الراس...
    بس انت سو الطريقتين وشوف الي تخلص اسرع كمل فيها لانه ممكن ال كي بي سي يطولون..

    دش موقعهم الرسمي وسجل هناك وبعدها راح يدقون عليك مقابله اذا عديتها راح تكون عندك مقابله ثانيه اخيره وبس يقبلونك بعدها
    عاد يبون كويتيين ومافي وايدين مقدمين وبالتوفيج

    www.bakerhughes.com
     
  11. Mechanical Engineer

    Mechanical Engineer بـترولـي نشيط جدا

    359
    0
    0
    مسجل بموقع الشركه من شهر 9 مادري 8 و للحين ما دقوا

    عكس موقع شليمرجير دقوا علي خلال اسبوعين من تسجيلي


    مع العلم الشركه الي انت حاطها حتى يبون ترينييه حق امريكا اذا ما خاب ظني
     
  12. santafe

    santafe بـترولـي مميز

    717
    3
    18
    اصحح معلومة : شركة فرنسية وليس أمريكية بس ادارة التدريب قوي عندهم شوي
     
  13. Mohammad S.

    Mohammad S. بـترولـي جـديـد

    36
    0
    6
    اذا مادقو عليك يعني انت مومكمل اجراءات التسجيل بالموقع عدل

    لانه بس تسجل بالموقع بعدها بجم يوم يدزونلك ايميل يقولونلك في مقابله بالتلفون احجز موعد ، بعدها راح يدقون عليك من امريكا ولما تخلص اذا نجحت راح يقولك انطر الرد منا...
    وبعدها بسبوعين يدقون عليك من دبي ويقولونك انه راح تكون مقابلتك الاخيره بدبي وتكاليف السفره كلها عليهم... تروح هناك يقابلونك وبس بعدها يقبلونك اذا سويت زين...

    انا سجلت بالظبط 13/2 ومقابلتي بالتلفون كانت 19/2 ومقابلتي بدبي صارت 24/3
    وردولي النتيجه بعدها بيومين..

    وبعدين شلون يعني ترينييه حق امريكا؟ ، الي راح يصير انه يحطونك بقسم معين مثلا Baker Atlas والي تكون فيها wireline engineer ويحددون فترت تدريبك وغالبا تكون في دبي بس تخلصها ترجع تثبت بالكويت تشتغل على طول، وبين فتره وفتره يمكن ايلك كورس تدريب بمكان ثاني..
     
  14. very kuwaiti

    very kuwaiti بـترولـي جـديـد

    10
    0
    0

    أنا سجلت بموقع شليمبرجير من شهر فبراير ما دقوا علي ! يمكن لأني لما سجلت سويت submit و فصل علي النت و رديت قدمت من يديد قالي الموقع اني قدمت مرتين وهذا الشي غلط و يؤثر على فرص قبولي بالشركة ؟؟؟
    رحت الإسبوع اللي طاف الأحمدي و سلمت حق الشركة CV بس محد دق !!!!! ما دري اهم يطولون على ما يدقون ولا مالي نصيب بالشركة :p
     
  15. Mechanical Engineer

    Mechanical Engineer بـترولـي نشيط جدا

    359
    0
    0
    من شروط التسجيل بموقع الشركه

    تحط CV مالك مره وحده خلال 24 شهر يعني خلال سنتين

    يعني التقديم مره كل سنتين ولا طلبك يتأخر


    اما بالنسبه الاحمدي والله ما عرفنالهم
    مره قعدت اقدم يدوي على الشركات خذو سي فييي (يعني السيفي مالي) و بعدها بجم شهر رديت قعدت افتر و كلهم قالولي الكويتيين ما ناخذ سي فيهم و التقديم عن طريق الكي او سي


    فمالك الا تكمل اجراءاتك مع الاعلان مال المقاوليين
     
  16. very kuwaiti

    very kuwaiti بـترولـي جـديـد

    10
    0
    0
    يا جماعه باجر مقابلتي مع شركه شلمبرجير ؟ شنو نوعية الأسئلة اللي يسئلونها ما أبي أتوهق
    help me :)
     
  17. الوحش123

    الوحش123 بـترولـي جـديـد

    28
    0
    0
    يعني اذا حطيت طلبي مرتين بالموقع راح ياخر قبولي...؟
     
  18. الوحش123

    الوحش123 بـترولـي جـديـد

    28
    0
    0
  19. الوحش123

    الوحش123 بـترولـي جـديـد

    28
    0
    0
    سؤالي :

    اذا اشتغلت بشركة شلمبرجير

    راح يسجل اسمي بالتامينات الاجتماعيه اذا راح اشتغل بره ؟؟؟
     
  20. IMeCH-E

    IMeCH-E بـترولـي جـديـد

    45
    0
    0
    الوحش: بالنسبه لسؤالك اذا راح تتسجل في التامينات مع شركة شلمبرجير ...

    اتوقع انه يالك offer بان تشتغل IM بمعنى International Mobile

    يعني شغلك بره الكويت لمدة 2-3 سنين بعدين قالولك في مجال ترجع تتثبت بالديره ...

    عموما انا بقولك بعض المزايا و بعض الشغلات البايخه في هذا الموضوع:

    المميزات:

    الخبره شي عالي جدا ما راح تحصله بالكويت لان شركة شلمبرجير شغلها خفيف بالديره بالنسبه للدول الاخرى

    مسماك بال CV باجر و ال Career Network Profile راح يكون شي راقي لانك مشتغل في عدة دول

    شلميرجير نظامهم يرقون من داخل الشركة و ما يوظفون من بره ( بمعني اذا محتاجين مدير ... ياخذون مهندس من الشركة و يرقونه و يسوونه مدير ) ما ييبون واحد غريب من بره ... و اذا انت مشتغل بره و عندك خبره عاليه تكون لك الاولويه ..

    يصير لك بدل الدوله ... طبعا كل دوله لها بدل معين على حسب اذا في مدينه او في بر او بمكان مقطوع او خطر ( يتراوح بين 1.2 و 1.75 الراتب ) يعني تظرب راتبك بالرقم هذا ... مثال ( الدوله بدلها 1.2 و انت راتبك 1000 ... يعني 1000 * 1.2 = 1200 )

    في دول معينه لك Rotation ... يعني تداوم فرضا 7 اسابيع و تطلع 3 ... غير الاجازات ... طبعا الشي هذا يعتمد على الدوله و القريد مالك ... و تخصصك و ال Segment الي راح تكون فيه ..

    طبعا كل الشغلات هذي تقدر تسال الي قاعد يسويلك المقابله و اجراءاتك بعد قبولك!! ( يعني بعد ما تاخذ القبول تبدا تسال و مو بالمقابله .. )

    انزين هذي بعض الامور الحلوه قتلك اياها ... الحين اقولك بعض الشغلات الي للاسف يخلونك تكتشفها بعد ما تداوم :

    تدفع ضرايب 17.5% من راتبك
    ما تتسجل في التامينات
    ما تتسجل بدعم العماله ( اذا مهندس تقريبا 400 دينار )
    اذا كنت مهندس ما تاخذ كادر مهندسين ( تره توه اقروا كادر مهندسين قطاع خاص 300 دينار )
    اذا كنت في دولة لغتهم الاساسيه مو انجليزيه ... فتقبل انه القليل الي يكلمك او يرد عليك حتى .. ( الكثير منهم ( الفنيين ) غير متثقفين ) و المشكلة انه هذول الي تحتاجهم لفهم الوظيفه ..
    طبعا الي تقدر تسويه تظبط امورك و تسجلك في اي شركة بالديره و تسجل بالتامينات و دعم العماله ... ( حرام؟ )

    المهم ... الغريب ان ... راتبك بشركة شلمبرجير بالديره ... اكثر من راتبك بشركة شلمبرجير بره الديره ...

    لان الحمد الله على كل النعم الي الله انعم علينا فيها ... ديرتنا مو مقصره في شي معانا و عندنا زيادات و مالنا ضرايب ...

    حبيبي نصيحتي لك ... حاول تقعد بالديره ... الي اذا انت تبي تروح تطور نفسك لمدة 3 سنوات و ترجع الله يوفقك و يصبرك انشالله ..

    عموما اذا عندك اي اساله او استفسارات تفضل و انا حاضر ... و عطني خبر بالدوله و المنطقه بالظبط و شهادتك و وظيفتك علشان اقدر اقولك جم راح تستلم و تحسبها و تمخمخها غلى راحتك ...

    عموما بالتوفيق للجميع و سامحوني على القصور
     
جاري تحميل الصفحة...

مشاركة هذه الصفحة