ليش ايكويت رافضين يوظفون بنات

الكاتب : very kuwaiti | المشاهدات : 1,348 | الردود : 6 | ‏14 ابريل 2010
  1. very kuwaiti

    very kuwaiti بـترولـي جـديـد

    10
    0
    0
    أبي أعرف ليش ايكويت رافضين البنات , أنا مهندسة كيميائية حديثة التخرج تقديري جيد جدا قدمت أول ما تخرجت و كانوا طالبين هندسة كيميائية رفضوني لأن ما يبون مهندسات !!!!! وين حقوق المرأة وين البطيخ !!
    المشكلة فتحوا التوظيف من تخرجت شهر يناير ثلاث مرات و كل مرة يطلبون هندسة كيميائية و كل مرة أقدم ( مثابرة جد1 :) ) و يرفضوني لأنهم يبون شباب و النكته ان الشباب اللي تخرجوا معاي ما يتعدون 5 واحد أخذوه و 2 رفضوا ما يبون أيكويت 2 معدلاتهم نازله !!!!!!!!
    عش رجبا ترى عجبا اللي يبي مو حاصله واللي يدقون عليه يسكبهم و يقول مالي خلق كراف بشتغل بوزارة أريح
     
  2. LoveEQ

    LoveEQ بـترولـي جـديـد

    1
    0
    0
    اختي اللي سمعته ان السبب أهو قانون العمل بالقطاع الخاص الجديد اللي وافق عليه مجلس الامة قبل فترة واللي يمنع البنات من العمل بالأماكن الصناعية اللي فيها خطورة. مو متأكد من صحة هذا الكلام بس ما أتوقع فيه سبب ثاني خصوصا ان ايكويت وظفت مهندسات وايد بالفترات السابقة.
     
  3. مشغل و افتخر

    مشغل و افتخر بـترولـي جـديـد

    4
    0
    0
    والله مع احترامي سؤالج ما يبيله اجابة يعني الحين كبار الشوارب من الرجال انحاشو من الشغل في المصانع تبين الشركة توظف بنات و و وين بالمصانع و التشغيل . صدقيني شغلنا مو حق بنات و المسالة مو ذكاء و شهادة لكن شغلة المهندس تتطلب التعامل مع المشغلين و الانتقال معاهم و الاتصال فيهم خارج اوقات الدوام و الشغل في الشفتات مع المشغلين و حتى الغشمرة و الاريحية معانا. في مهندسات اثبتوا كفاءتهم صح في المصانع لكن كلهم يبون يطلعون و ينحاشون من المصانع. ناهيج عن اذا الله وفقها و تزوجت راح تاخذ اجازات مرضية عشان الولادة و الامومة و غيرها و هذا كله راح يزيد الضغط على المهندسين الشباب. صراحة انا مع عدم توظيف بنات في المصانع و خاصة التشغيل ..... مع احتراماتي و تقديري لشخصك

    الاخو loveEQ شكلك حكومي و بصام مع احتراماتي :)
     
  4. very kuwaiti

    very kuwaiti بـترولـي جـديـد

    10
    0
    0
    شكرا على الرد بس البنات مو دايما يشتغلون بالمصنع في مهندسات يشتغلون باللابات و و أعرف بنات تخرجوا قبلي و يشتغلون باللابات وفي اللي اشتغلوا بالit
    و بعدين انا ما عندي مانع أشتغل بالمصنع و زميلاتي اللي يشتغلون ب أيكويت متزوجات و عندهم أولاد و وظفوهم محد قالهم ما نبيكم متزوجين ما تنفعون !!!!
     
  5. diners

    diners بـترولـي نشيط جدا

    البنات يفتنون اذا شافو فساد مالي او تهريب او شبهة (وهذا مضر للصحة)

    روحي لهم مرة ثانية قدمي وبال cv كتبي بخط عريض (امنيتي ابوق)

    من ثاني يوم تباشرين عمل

    ههههههه

    لا فعلا الله يوفقج اختي وحاولي مرة ثانية وانشالله ماتضيق الا تنفرج
     
  6. Chem.Eng

    Chem.Eng بـترولـي نشيط جدا

    182
    0
    0
    اختي ماتوقع هذا السبب انا قبل فتره انقبلت
    وعلى فكره ايكويت ماتهتم بالمعدل وايد اهم شي المقابله والثقه بالنفس

    ان شاءالله يكون لج نصيب تشتغلين فيها ان كان هالشي في خيره لج
     
  7. yousef dashte

    yousef dashte بـترولـي نشيط جدا

    203
    0
    0
    يمكن يخافون بالمستقبل تاخذين مكانهم
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    6,113
  2. المحرر النفطي
    الردود:
    0
    المشاهدات:
    5,330
  3. المحرر النفطي
    الردود:
    0
    المشاهدات:
    1,591
  4. المحرر النفطي
    الردود:
    0
    المشاهدات:
    2,099
  5. المحرر النفطي
    الردود:
    0
    المشاهدات:
    2,022

مشاركة هذه الصفحة