ممكن اطلب المساعده من موظفين الpic?

الكاتب : Engineer_09 | المشاهدات : 1,359 | الردود : 14 | ‏11 ابريل 2010
  1. Engineer_09

    Engineer_09 بـترولـي جـديـد

    7
    0
    0
    مرحبا جميعا :)

    انا انقلبت في اخر اعلان في شركة Pic وحاليا انا اشتغل بمكان وايد زين .. بس بغيت اعرف الموظفين شيقولون عن الشركة وهل مطبقين نظام البصمه على الخروج والدخول؟ وشلون طريقة الاستئذانات والاجازات ؟ لان الصراحه الخيار وايد صعب بس كل من يقول ان مستقبل النفط اهوه الافضل

    علما اني مهندسة و راح اتوظف على الدرجه 12 :) اتمنى ان احصل على ردودكم ومساعدتكم
     
  2. Workers

    Workers إدارة المنتدى

    7,767
    30
    48
    ذكر
    الكويت
    مرحبا بأختنا المهندسة

    مبروك القبول والله يوفقج ..بالنسبة للبصمة ماعندنا بصمة عندنا كرت ممغنط مربوط بالمحاسبة حسب كلامهم !
    والصحيح انه حسب مسئول الموظف في آخر الشهر تصل الكشوفات للمسئول وهو يوافق على الخصم او يتجاوز
    عنه حسب مايراه المسئول .. هذا بالنسبة للشعيبة .. أما المكتب الرئيسي أشوفه سهالات يعني افضل من الشعيبة بمراحل ..

    الاستذان نفس الشي حسب المسئول ورأية في الموظف ..
    الأجازات عادي وطريقتها ممتازة جداً .. أقصد نظام الأجازات والآلية اللي ماشين عليها تمام التمام ..
    بالنسبة للمستقبل اشوفه مجهول : ) وخاصة أن الخصخصة على الأبواب .. ولكن أعتقد بالنسبة لج ماعندج مشكلة ..
    اذا كنتِ مو بالأسمدة لأنها المعنية بالخصخصة ..

    واتمنى لج التوفيق في الوظيفة الجديدة بالشركة وانصح فيها بشدة وخاصة للمهندسين ..
     
  3. Engineer_09

    Engineer_09 بـترولـي جـديـد

    7
    0
    0
    انا راح اداوم بالرئيسي انشالله .. بس شوي مستصعبه السالفه من ناحية ان الدوام شوي طويل من 7 ونص لي 3 ونص فما ادري الصراحه متردده وايد :)
     
  4. الوزير

    الوزير بـترولـي نشيط جدا

    166
    5
    18
    صلي ركعتين إستخارة وتوكلي علي الله الوظيفة زينة والمكتب الرئيسي راحة أكثر من الشعيبة .... نتمني لج التوفيق .
     
  5. Engineer_09

    Engineer_09 بـترولـي جـديـد

    7
    0
    0
    مشكورين وأيد عالمعلومات و انشالله أنا براجعهم هالاسبوع :)
     
  6. Mechanical Engineer

    Mechanical Engineer بـترولـي نشيط جدا

    359
    0
    0
    انا تدربت في الشركه قبل سنتين


    و اعتقد بما شاهدت


    انه فرصه مميزه للمهندسين التوظيف اهناك

    خصوصا

    انه عدد المهندسين قليل لما رأيت

    و اغلب الي ماسكين قدامى و فنين

    فاعتقد المهندس اذا توظف فيها و اثبت وجوده "يفترض" له الاحقيه بمسك منصب معين


    اما الدوام في الشعيبه
    فتسفطين سيارتج بره و تركبين بباص الشركه
    طبعا اذا توظفتي بالشعيبه ما توظفتي بالمبنى الرئيسي


    الا اذا يستثنون الاناث من هذا الموضوع شي ثاني


    و طبعا الشركه مقسومه الى مصنعين تقريبا
    واحد يصنع يوريا و الثاني امونيا


    و خطوط انتاج المصنع كلها قديمه و افتكر ايدد خط عندهم بال 80 مسوينه مادري بال70

    بس همن لا تدرين بال

    لانه بالنهايه الي بيطلع سايت و يجيك و يعابل مو الكويتي ... الموظفين العرب او الاجانب
    لانه يوم تدربت صراحه ما شفت كويتي طلع سايت و اذا طلع يطلع بس ياخذله نظره و يطلع

    و الي كانوا يطلعون يا اما موظفين الشركه الغير كويتيين او الشركه المتعاقده الي اهي الخرافي او العربيه و همن موظفينها غير كويتين


    اما بالنسبه للخصخصه

    و من و انا ادرب و اهما يقولون لي الشركه بتتخصخص مادري تتخصص
    يعني م 2008 لي 2010 كله حجي


    حطي ببالج شغله
    راتب الشركه اقوى من راتب الحكومه
    مميزات الشركه احسن من مميزات الحكومه ... الحكومه بس بونص سنوي مافي تذاكر مافي خصومات


    ايي صح بالنسبه للمبنى الرئيسي همن دخلته
    هادئ و مافي زحمه و محد عندج بالاساس

    و يحليلهم مسوين صاله .. اظاهر عادة يسوون فيها معرض او شي جذي

    بس طبعا لا تقارنين مبناهم بال Kpc او ال Knpc لانه هذولاك احلى

    بس اقدر اقول مستوى المبنى كترتيب داخلي منطقة ال Koc بس الكي او سي في مباني اكثر و بره مسوين نفس حديقه و الخ

    بس احسن من مبنى نفط الخليج
     
  7. Engineer_09

    Engineer_09 بـترولـي جـديـد

    7
    0
    0
    مشكور اخوي ميكانيكال انجنير ماقصرت والله كفيت ووفيت :) جاوبت على كل الاسئلة اللي ممكن تنسأل في هالموضوع يعطيك الف عافيه
     
  8. Engineer_09

    Engineer_09 بـترولـي جـديـد

    7
    0
    0
    شرايكم بالوظيفة بعد الخصخصة ؟ ليلحين تنصحون فيها ولا تغير رايكم؟ لان ترا حدي مادري شسالفه :)
     
  9. الوزير

    الوزير بـترولـي نشيط جدا

    166
    5
    18
    صلي اربع ركعات شكر انج ماتوظفتي حطي رجلج وروحي لشركة النفط هي اللي مارح اتخصخص
     
  10. Mechanical Engineer

    Mechanical Engineer بـترولـي نشيط جدا

    359
    0
    0
  11. Engineer_09

    Engineer_09 بـترولـي جـديـد

    7
    0
    0
    احم احم ترا حدي مادري شسالفه .. احتاج لنصيحة لاني حديثة تخرج فماعرف التفاصيل ابدا
     
  12. Mechanical Engineer

    Mechanical Engineer بـترولـي نشيط جدا

    359
    0
    0
    اختي , تبين نصيحه

    لو انا مكانج

    بما انه نفط راح اقبل بسرعه

    ترى فرق الراتب و المميزات احسن بوايد من الحكومه


    الحكومه بس الي يميزها, انج تنقعين شهادتج و تنامين على المكتب ولا تقعدين على الانترنت
    و اذا اشتغلتي راح تقزر عليح و اذا اقزرت عليج راح تقزر عدل و ما راح تستفيدين شي يعني ماراح تحصلين مردود لا مادي و احيانا لا معنوي

    فانتي شوفي و استخيري

    و اذا على الشركه ترى وايد من المرات يسوي نقل داخلي بين الشركات
    او يحطون اعلانات الي يبي يتوظف بالشركه الفلانيه يدز CV ماله
    طبعا هل شغلات تصير حصريه حق موظفي النفط


    فانا لو منج اوافق على طول
     
  13. Engineer_09

    Engineer_09 بـترولـي جـديـد

    7
    0
    0
    مشكور وايد وايد ماقصرت
    انا قبلت الوظيفة وراح انظم للpic قريبا انشالله :)
     
  14. زيـنـه

    زيـنـه بـترولـي نشيط جدا

    162
    0
    0
    حياج الله .
    و توني ادري ردوا يقبلون تعيينات يديده في المكتب الرئيسي .
    بالتوفيق :)
     
  15. Powerful

    Powerful بـترولـي جـديـد

    43
    0
    0
    حياج الله معانا في الشركة اللي عطتنا الكثير وما عطيناها الا القليل ... على العموم هذا رايي الشخصي .. الشركة ممتازة مقارنة بالقطاع الحكومي ... والخصخصة لا تحاتينها لأنج مهندسة وراح تكون امامج خيارات للانتقال في اماكن افضل في حالة الخصخصة ا
     
جاري تحميل الصفحة...

مشاركة هذه الصفحة