هموم عن الشعيبه

الكاتب : kuwait | المشاهدات : 637 | الردود : 3 | ‏10 ابريل 2010
  1. kuwait

    kuwait بـترولـي نشيط

    76
    0
    0
    السلام عليكم

    فيه موضوع يتكلم عن العلاوه السنويه فحبيت افتح موضوع جديد عن شعيبه

    هي جت على العلاواة

    والله قبل كم يوم كنت عند الأوبريشن مانجر والله كلام حلو ومصفف ويمتص الغضب .. (وطبعا هو ما امتص الغضب او الشكوى )

    لكن كله نصب ونفاق وضحك على الناس طلع نفس الكلام قايله حق 4 اشخاص قبلي وبنفس الطريقه :d

    اللعبه كبيره يا جماعه والناس ما تهتم للموظفين حنا بعالم وهم بعالم ثاني ..

    شوفو لنا حل اذا صار ظلم او شكوى نروح لمنو كل واحد ماله شغل ويلطعك مده ولا يجيب حقك نهائي ...

    وبالأخير يقولون لك الطيور طارت بأرزاقها :):):)

    الشعيبه كأداره عليها السلام .... ماشايه على الهنود والأجانب والحبايب طايحين له ماكو شغل بس سفرات

    رجاء اي واحد لا يدافع عنهم اذا كان برا شعيبه لأن الظلم طايح على ناس واجد عندنا اذا ما كنت محسوووب على أحد فيهم........ زين أنا مظلوووم أبي حقي شلون آخذه أروح لمنو :)
    أدري بتقولون النقابه بس يا جماعه حقي أبي حقي ليش اروح واكلم الناس عن حقي ما يجوز ...


    ياجماعه الشعيبه صارت لعبه لا آسف.... كانت ولاتزال لعبه بيد ناس لاتعرف معنى المسؤوليه ولاتخاف من الله سبحانه وتعالي يعلم الله اني طرقت كل الأبواب على مشكلتي وراح اجيب لها حل بأذن الله بس والله الأداره فاشله ...

    لازم نغير الأسامي الى كومار راجو تومس انا بحط اسم مركب عشان اضبط اموري بسمي روحي توماس راجو مورلي بن كيرلا (المهم الرزاق بالسماء وهو اللي ياخذ حقنا بس حبيت افضفض شويه )
    وبالأخير أقول :

    ياجماعه لحقو على الشعيبه :) من اللي مسلمين امورنا للهنود :)

    والسلام عليكم واسف على الأطاله
     
  2. ربينا سوا

    ربينا سوا بـترولـي خـاص

    الأخ الكريم Kuwait
    النقابلة ممثل شرعي للموظفين وشغلها الرئيسي الدفاع عن حقوقهم

    وهذا حق مجبورين عليه النقابة(غصبا عنهم) وليس على مزاجهم.

    من حقك الذهاب لمبنى النقابة وتقديم شكوى وهذه أمانه في عنقك تلقيها في عنق النقابة

    وإذا النقابة تكاسلت في الشكوى فمن حق المشتكي التظلم في كل مكان من مجلس الأمة إلى القضاء

    أما السكوت عن حقك فهذا أمر غير مقبول ومرفوض تماما

    سيظهر لك بعض المتفلسفين للطعن والهمز واللمز في النقابة فلا يحبطونك ونحن جربناهم فما وجدنا

    عندهم إلا وين النقابة وشنو سوت وكلام ما أنزل الله به من سلطان.. إذهب وأنا أخوك وإخذ حقك.

    وتقبل تحيتي
     
  3. بو جاسم

    بو جاسم بـترولـي نشيط

    113
    0
    16
    :))
    الله يعينك يا خوي
    ويعين كل مقهور في شعيبه " ويا كثرهم فيها"

    وانا الي قاهرني اني اول ما تعينت الكل يقول لي احسن شي شعيبه تتعلم وتستفيد ومن هالخرابيط

    شباب محد عنده واسطه ينقلني من شعيبه
     
  4. diners

    diners بـترولـي نشيط جدا

    اخوي نبي تفاصيل اكثر, مشكلتك مع مسؤول هندي مهمشكم ولا شنو

    ونفس ماتفضلوا اخوي الفاضل ربينا سوا لازم تبلغ النقابة بالموضوع بكتاب خطي وعليه توقيعك ورقمك الوظيفي وتلفونك, ولو عندك شهود خلهم يسوون نفس الشي وعط الاوراق للنقابة خل يسجلون اثبات حاله
     
جاري تحميل الصفحة...

مشاركة هذه الصفحة