( يازمان العجايب وش بقى ماظهر ؟؟؟ !!! )

الكاتب : مستر خبره | المشاهدات : 873 | الردود : 5 | ‏7 ابريل 2010
  1. مستر خبره

    مستر خبره بـترولـي نشيط

    125
    0
    0
    يا اخوان والله اللي يتابع اوضاعنا بالكويت يستغرب ويتعجب من كل مايحصل للوطن والمواطن !!!
    في كل بلد نلقى على رأس قائمة كل حكومه هي العمل على النهوض بالوطن في كافة المجالات والسعي على خدمة المواطن وتوفير كل السبل الممكنه لراحته _ لكن في الكويت نجد العكس !!! حيث ان الوطن والمواطن يأتون في ذيل قائمة الاولويات !!! بل على العكس نجدهم يتسابقون على كل مايزعج المواطن !!! < يعني على قولة القايل _ الخير مامن خير والشر عجلن به > :)
    والادله والشواهد كثيره وماعليك الا ان تنظر حولك لتتأكد من صحت كلامي . وصرنا مثل عين عذاري اللي تسقي البعيد وتخلي القريب !!!
    ولو نظرنا على سبيل المثال داخل ال ( Koc ) فراح نتأكد ان احنا فعلا عين عذاري !!! حيث نجد ان الموظف الاجنبي وفرت له الشركه خدمات ومميزات كثيره مايحلم فيها مع العلم ان الشركه مو مجبوره توفرها له !!! وشارك الموظف الكويتي في هذه الميزات بل في احيان كثيره تمتع هو بهذه الميزات على حساب الموظف الكويتي !!! وانا متأكد لو ان الشركه عند توقيع العقد مع الموظف الاجنبي لم تلزم نفسها تجاهه بكل هذه الخدمات ماعدا الراتب فقط لوافق الموظف الاجنبي على هذا الشرط ولو بنصف مايعرض عليه من راتب حالي ( وتلقاه مستعد يبوس ايدهم ويقول شكرا بابا ) :)
    ومن هذه الخدمات والميزات الموفره لهم والتي ضايقوا فيها الموظفين الكويتيين
    فعلى سبيل المثال لا الحصر /
    السكن في بيوت الشركه !!! العلاج بمستشفى الشركه !!! سيارات الشركه !!! تذاكر السفر !!! وغيرها من ميزات
    فعلا هالامور تخلي الواحد يقول ____ يازمان العجايب وش بقى ماظهر ________
    ملاحظه / انا ترى صار لي 27 سنه بالشركه ولله الحمد ومتوفر لي كل الميزات اللي ذكرت لكن يحترق قلبي لما اشوف الكويتيين يعانون !!!! وياااااااااااااااا عجبي .
    اسف على الاطاله لكن لاتلوموني اللي بالقلب كثير:(
     
  2. المنجنيقي

    المنجنيقي بـترولـي خـاص

    1,966
    0
    36
    ماتنلام

    فعلا هذا اللي صاير الحين
     
  3. العامري

    العامري بـترولـي نشيط جدا

    عش رجبا ترى عجبا ويا ما هتشوف
     
  4. workerq8

    workerq8 بـترولـي مميز

    613
    6
    18
    انا لو كانت عندي اعلى الشهادات ما راح القى وظيفة فراش في بلدهم وهني سيارة وبيت والعيال مدارس خاصة وبونص وسفرات

    فعلا زمن العجائب
     
  5. AD-01

    AD-01 بـترولـي خـاص

    1,040
    2
    38
    والله يا اخوك راحت وفود التوظيف الهند ما لقت اللي يجي صوبها !!

    كانوا يعرضون عليهم راتب الدرجه (14) ويواعدونهم بعد ست شهور بالدرجه (15) مع رسوم تدريس عيالهم وبيت وسيارة !! وهو بديرته لا بيت يملك ولا سياره يطولها

    هذا غير الهنود المصريين اللى كانوا عندك على الدرجه (15) واستقالوا من شركتنا وراحوا لقطر غاز او ادنوك او ارامكو .. والحين ابلشوا شركتنا بالماليزيين والاندونيسيين والفلبن

    انا ما اواطن الاجانب ولا اشتهيهم .. لكن وضعك مجبور تآخذهم وتلحقهم علشان يتعينون عندك
     
  6. ضارى

    ضارى بـترولـي نشيط

    عزيزى ممكن تفصيل أكثر لهذه الجملة

    ما هى الحاجة الماسة لهم ؟؟؟

    وما الدور الذى يقومون به بالضبط ؟؟؟

    ما أعلمه أن دورهم يقتصر على الإشراف فقط والعمل كهمزة وصل ما بين رؤساء الفرق وما بين شركات المقاول لمعظم المشاريع الحالية ودراسات المشاريع المستقبلية بأغلب فرق الشركة

    لذلك يمكن الإستعانة عنهم بالشركات المتخصصة وتقليل النسبة العددية التى يخلقونها ما بين رؤساء الفرق وما بين شركات المقاول

    وبرأيى سيكون ذلك أنجح وأنفع لشركة نفط الكويت

    ولكن إذا عرف السبب بطل العجب

    والله المستعان
     

مشاركة هذه الصفحة