توظيف الخفجي

الكاتب : Mechanical Engineer | المشاهدات : 7,402 | الردود : 50 | ‏6 ابريل 2010
  1. Mechanical Engineer

    Mechanical Engineer بـترولـي نشيط جدا

    359
    0
    0
    يعطيكم العافيه شباب..

    انا قاعد ابحث عن مواضيع تخص التوظيف بالخفجي
    شفت مواضيع قديمه صارلها من سنة 2007 - 2008
    بخصوص الرواتب و الزيادات ... فهل تغير فيها شي؟؟

    و الي قريته ان معاش المهندس اول ما يتوظف 1200 تقريبا؟؟؟؟
    انا سمعت اكثر؟؟؟


    هل الوظيفه بالخفجي تسوى ولا ما تسوى ؟؟؟
    من ناحيتين

    اذا كنا بنقارنها مع الوظايف الحكوميه؟؟
    و اذا كنا بنقارنها مع الشركات الي بالكويت؟؟؟


    و المهندس شلون نظام دوامه؟؟؟ صباحي شفتات؟؟ اسبوع باسبوع؟؟؟
    و هل يفرق الراتب فرق قوي بينهم اهما الثلاثه؟؟


    و بالنسبه للتنقل... باص الشركه يوقف وين و الساعه جم يحرك من الكويت و الساعه جم يوصل الكويت؟؟
    لانه شكله اذا بالسياره خلال سنه راح تمشي فوق ال 200 الف ... لانه كل يوم مو اقل من 250 كيلو راح تمشي غير المشاوير الي تيلك



    الحين سؤالي العكس الي المفروض ابتدي فيه ...

    الاختبار قالولي انجليزي؟؟ فهل اهو انجليزي فقط ولا فيه شغلات عن التخصص عشان الواحد يقدر يقراله اشوي و يسترجع الشغلات الي درستها؟؟؟
    و المقابله الشخصيه شلونها؟؟

    تكفون عطونه فكرررررره

    و هل الواحد يتأمل خير انه يحصل وظيفه ولا صعبه الكل يبي؟؟؟
     
  2. Bos3ayd

    Bos3ayd بـترولـي مميز

    523
    4
    18
    انا بحاول اني اجاوب على الي اقدر عليه لاني اتذكر يوم ماييت هني و سألت نفس اسألتك و جم واحد من الشباب ماقصروا :)

    انا بكلمك من ناحية الي يتعينون على الدرجة التاسعه (دبلوم) لانه هذا الي توظفت عليه :) بخصوص الرواتب ابشرك زادوها تقريبا 80 دينار حق الموظفين الجدد.

    معاش المهندس على حسب مكانك ، اذا صباحي مالك بدل شفت ، مالك بدل خطر ، و لكن تحصل اوفر تايم وايد :)
    اما الشفتات الي اعرفه انه لهم تقريبا %15 من اجمالي الراتب ك زياده على معاشهم ، لكن تقدر ترجع لموضوع الاتفاقيه الجماعيه و تتأكد جم بالضبط.

    المهندس بال Offshore يفرق معاشه وايد عن ال Onshore ، تقريبا حول ال 400 دينار اذا مو انا غلطان، لكن شغل البحر الله يعينهم ولله يستاهلون هالزياده لانه كراف.

    بالنسبة للتنقل ، انا انصحك انك تداوم بسيارتك ، اول شي يمكن تطلعلك شغله ضروريه ولازم ترد الكويت، اذا ياي بالباص راح تلتزم انك تنطر لي الساعه 3 يالله ترد ، ثاني شي مرات يصير شت داون و جم قسم من الاقسام يصير ماعندهم شغل ، يعني يداومون ساعه ولا ثنتين بالكثير بعدين يطلعون ، ف راح تحتاج سيارتك ، اما اذا تحاتي انه سيارتك تمشي وايد ، اخذلك سياره حق كراف و فك نفسك :)

    اختبار الانجليزي
    سخيف!! ، اي نعم ، قواعد و كلمات و شغلات ولله قمت اضحك عليها ، لكن الشغله الي يمكن تواجهك صعوبها الي اهي الاستماع لان الاسئله فيها مراوغه شوي.

    اختبار التخصص
    مافيه شي اسمه اختبار تخصص ، لكن الحجي مو هني ، الحجي كله بالمقابله لوووول.

    المقابله الشخصيه (حد السيف) على قولتهم
    المقابله اهي الي تقرر انك تنقبل ولالا ، راح يسألونك عن تخصصك ، وليش تبي الخفجي بالذات ، وسؤال يمين و سؤال يسار تقريبا 9 اشخاض قاعدين بالقاعه ، بالنسبة لي انا ك تخصص هندسة بترول - انتاج اسألوني وايد اسأله لكن بقولك الي اذكره ، شنو انواع السابوريترات ، شنو الديسولتر ، شنو الهيتر ، شنو انواع الحفر ، شلون يتم الانتاج ، شلون طريقة النقل ؟ ، بعدين راح يقولك كلمنا بالانجليزي ، حط بالك ترا هني اهم نقطه :) الانجليزي مهم جدا و حسسهم انك واثق من نفسك.

    ارد و اقولكم تأملوا خير والحين الشركة محتاجه موظفيين كويتيين ، لكن الى حد الان المحسوبيه موجوده و الواسطه تلعب دور ، وبالتوفيق للجميع.
     
  3. خليج النفط

    خليج النفط بـترولـي نشيط جدا

    179
    0
    0
    انا مهندس ميكانيك ومتوظف اخر 2008 وبقول لك كل شي باختصار من ناحية المطلوب للقبول 3 اجزاء الأول اختبار انجليزي ومو سهل على فكره فيه قواعد واستماع كلمات كله اختيار متعدد وبعدها اختبار تخصص حسب تخصصك ومستواه وسط وفوق الوسط شوي بمعنى لازم تراجع عدة امور منها الفلويد والثيرمودايناميك وانواع البمبات وغيرها اهم شي تاخذ من مواد الهندسة الميكانيكية كل شي مشهور ورئيسي وبعدها المقابلة ويقابلك مدراء وناس مهمين بالشركة بس للامانة ناس محترمين وراقين وما يحرجونك،، بالمقابلة يطلبون منك تتكلم عن نفسك كمقدمة بالانجليزي وهي وين درست وبأي دوله وجامعه وأي سنه وشنو خبرتك وبأي وزارة وليش تبي الشركة (خلك صادق وقول حق المعاش عادي راح يتقبلون) وبعدها راح تتكلم بالعربي عادي ويسألونك عن الكمبيوتر شتعرف وأسئلة سهله نوعا ما وسلامتك.
    بالنسبة للباص انا اعرف اللي بجنوب السره ويطلع من بيت الزكاة الساعة5:45 ويرجع بنفس المكان حراوي الساعة 4 وربع وفيه باص يطلع من الصباحية وما أدري تفاصيله بس يقولون فيه باصين يطلعون واحد نفس وقت اللي بجنوب السره والثاني بعده بربع ما ادري نص ساعه والعوده ما اردي عنهم.
    بالنسبة للمعاش ابشرك طيب اللهم بارك ويستاهل انك تطلع من الوزارة وتجي وما راح تندم لأن المميزات طيبة وخير من عند الله لو نسلم من الحسد حنا بخير وسلامتك.
    اتمنى وضحت الصوره.
     
  4. Mechanical Engineer

    Mechanical Engineer بـترولـي نشيط جدا

    359
    0
    0
    انزين و بالتصحيح


    الخطأ يلغي الصح؟؟


    انا تخصصي ميكانيكه

    شنو الاسئله الي تتوقعون يسألوني اياها
     
  5. Mechanical Engineer

    Mechanical Engineer بـترولـي نشيط جدا

    359
    0
    0
  6. Bos3ayd

    Bos3ayd بـترولـي مميز

    523
    4
    18
    بالنسبة للخطأ يلغي الصح ، اي نعم هذا النظام الي ماشي

    اما بالنسبة لتخصصك ولله انت اخبر فيه ، لكن كل الي اقدر اقولك فيه انه على الاقل لازم تعرف الاساسيات و شنو الي يربط شغلك بالبترول.

    تحياتي
     
  7. Mechanical Engineer

    Mechanical Engineer بـترولـي نشيط جدا

    359
    0
    0
    يوم قابلوك

    كانت الاسئله صعبه بالنسبه لتخصصك؟
     
  8. Bos3ayd

    Bos3ayd بـترولـي مميز

    523
    4
    18
    ولله سألوني عن الاساسيات :) فيه شغلات سهله ، وشغلات ألفت فيها وطلعت صح لوووووول ، يعني الموضوع لازم تسوي نفسك تعرف كل شي و ماتقول ما اعرف ، مايحبون هالكلمه..
     
  9. Mechanical Engineer

    Mechanical Engineer بـترولـي نشيط جدا

    359
    0
    0
    يعطيك العافيه على الرد ...

    سؤال اخر ما عليك امر ادري اني مصختها ...


    شنو الفرق بين التسجيل اخر واحد "كان يدوي" و التسجيل عن طريق المؤسسه؟

    غير عن تحديد موقع العمل

    اقصد
    انه التسجيل اليدوي محددين موقع العمل و اهو الخفجي اما التسجيل عن طريق المؤسسه؟
    و هل المميزات تختلف؟
     
  10. P.Engineer

    P.Engineer بـترولـي جـديـد

    45
    0
    0
    مهندس بترول
    الكويت
  11. Bos3ayd

    Bos3ayd بـترولـي مميز

    523
    4
    18
    صراحة اول مره اسمع عن تسجيل عن طريق المؤسسة بالنسبة لنفط الخليج ، الي اعرفه انه الشركه اتنزل اعلان اما للتوظيف في الخفجي او بالوفرة ، وتطلب التخصص الفلاني و كييت و كييت ، لكن التوظيف عن طريق المؤسسة عمري ما سمعت فيه ، الا اذا كنت تبي تتوظف ال كي او سي او الكي ان بي سي.

    انا من الناس الي سجل يدوي بالاحمدي ، و اليوم سألت جم واحد من الربع بالدوام و محد فيهم سمع عن التسجيل عن طريق المؤسسة ، فأتمنى تتأكد من المعلومه.

    موفق
     
  12. Mechanical Engineer

    Mechanical Engineer بـترولـي نشيط جدا

    359
    0
    0
    هلا حبيبي

    والله متأكد من السالفه

    لانه همن وقت تسجيل المؤسسه رحت على اساس بقدم يدوي بنفط الخليج البنات الي اهناك قالولي التوظيف عن طريق المؤسسه


    يعني انت تسجل بالمؤسسه و المؤسسه تقطك باحدى شركاتها
     
  13. Bos3ayd

    Bos3ayd بـترولـي مميز

    523
    4
    18
    لوول عزا الله اذا بتمشي على كلام البنات الي هناك بتضييع ، صدقني الي شغالين بالاحمدي مايدرون ويين الله قاطهم و انا أ اكدلك انه نفط الخليج ماتقدر تقدم عليها الا بالتسجيل اليدوي صوب كلاسات التريننج ملوت شركة نفط الكويت ، مادري اذا غيروا مكانهم الحين و خلوهم بالبارتيشنات الي داخل ممقرر المؤسسة بالاحمدي ، لكن الي متأكد منه انه المؤسسة مالهم شغل ب نفط الخليج.

    تدري ليش انا متأكد ؟ طال عمرك دق على مؤسسة البترول و قولهم عندي المشكله الفلانيه او الاستسفسار الفلاني او ابي الورقه الفلانيه ، راح بيقولك الكول سنتر انه انت مو تابع للمؤسسة (انت بالاسم محسوب عليهم بس) واذا عندك شي تراجع فيه مكتب الخفجي (مقر العمل الرئيسي لك).

    كلام عن تجربه شخصية
    و موفق خير
     
  14. P.Engineer

    P.Engineer بـترولـي جـديـد

    45
    0
    0
    مهندس بترول
    الكويت
    إلي بقدم على عمليات الوفرة يصير تقديم عند المؤسسة نفسها بس بالنسبة لعمليات الخفجي لأ لازم بنفط الخليج .. وهذا كلام عن تجربة ..
     
  15. Mechanical Engineer

    Mechanical Engineer بـترولـي نشيط جدا

    359
    0
    0
    اتوقع نفس كلامك
     
  16. ابو ريتاج

    ابو ريتاج بـترولـي نشيط جدا

    190
    0
    0
    انا مقدم لنفط الخليج عن طريق النت ..من المؤسسه
     
  17. Bos3ayd

    Bos3ayd بـترولـي مميز

    523
    4
    18
    الخفجي؟
     
  18. Mechanical Engineer

    Mechanical Engineer بـترولـي نشيط جدا

    359
    0
    0

    ادخل على موقع ال KPC
    و ادخل على توظيف حديثي التخرج

    و سو روحك كأنك بتسجل

    و شوف الاختيارات او الرغبات الي الشخص يبي يتوظف فيها
    KOC
    KNPC
    KGOC

    ف اتوقع هذي المره للوفره
     
  19. abo 7amad

    abo 7amad بـترولـي جـديـد

    23
    0
    0
    شباب حديثي التخرج شنو شهاداتهم
     
  20. Mechanical Engineer

    Mechanical Engineer بـترولـي نشيط جدا

    359
    0
    0
    بكالريوس هندسه
     
جاري تحميل الصفحة...

مشاركة هذه الصفحة