ريـــــــــــــــم ..

الكاتب : العجمـي | المشاهدات : 410 | الردود : 2 | ‏6 ابريل 2010
  1. العجمـي

    العجمـي بـترولـي خـاص

    1,857
    0
    0
    سـر
    kuwait


    السلام عليكم ورحمة الله وبركاته


    كان شاعرنا المسجون ماراً من أحد الممرات وكانت
    ( ريم وأمها ) داخلين لزيارة سجينهم
    والشاعر سمع صوت الأطفال فتذكر أبنائه

    فدمعت عينيه
    فرأته ( ريم ) فقالت لأمها :
    ( يمّه الرجال يبكي !! ،، فقالت أمها زاجرة : ريم !!! )




    عندها ،،
    كتب الشاعر هذه القصيدة:

    أبكي وعيني تسهر الليل يـا ريـم
    مدري بلاها الشوق والا الظليمـه

    يا ريم دمع العين مدري على الريم
    والا على قلبٍ تواكـل صميمـه

    تقول لاطمني علـى نونهـا سيـم
    أبكي وعندي لأزرق الدمع قيمـه

    ويمكن يكون الدمع للعيـن تكريـم
    ويمكن يكون إلها عذاب وحريمـه

    والله يا لولا دمعةٍ كّنهـا الديـم
    راحت ضلوعي من عذابي حطيمه

    ودام البكا يا ريم ما فيـه تحريـم
    ياعنك والله لأرخص الدمع شيمه

    وابكي على حالي من الوجد وآهيم
    لين الزمن يخلـف عليّـه نسيمـه

    أبكي حياةٍ صافيه ما بهـا غيـم
    وين المحبـة والقلـوب السليمـه؟

    أبكي قهر وابكي من الغبن والضيم
    وابكي من طعونن بقلبـي قديمـه

    غدر الزمن خلّى بوجهي مراسيـم
    وما يذبح الرجال مثـل الهزيمـه

    بعض المصايب شرها ياكل الهيـم
    وشلون بكبود الرجـال الكريمـه

    وبعض المصايب يخلفن المفاهيـم
    تبغى على ما قيل صبر وعزيمـه

    مظلوم بالدنيـا وغيـري مظاليـم
    من عرض ناسٍ لبسوهم جريمـه

    ما عاد أبي من سود الأيام تعليـم
    عقب العذاب اللي كلاني جحيمـه

    ولو تصفي الدنيا علـيّ الملازيـم
    ما عاد أدور من وراهـا غنيمـه


    أتمنى تعجبكم
     
  2. متمكنه

    متمكنه بـترولـي نشيط

    97
    0
    0
    مشكور يالعجمي
    كلمات مؤثره الله يفرج كربة كل مسجون مظلوم
     
  3. العجمـي

    العجمـي بـترولـي خـاص

    1,857
    0
    0
    سـر
    kuwait
    شكرا على مروركم ..​
     

مشاركة هذه الصفحة