رواتبنا ،،، نص قانوني ، ولا بكيفهم ؟؟!!

الكاتب : سالم بن طفلة | المشاهدات : 1,775 | الردود : 8 | ‏6 ابريل 2010
  1. سالم بن طفلة

    سالم بن طفلة بـترولـي نشيط

    بسم الله الرحمن الرحيم

    هذي اول مشاركة لي وأتمنى إنها تحوز على رضاكم


    بالنسبة لرواتب العاملين في القطاع البترولي الخاص ، نلاحظ إنه في فروق كبيرة في الرواتب

    على سبيل المثال :
    Roustabout في الـ KDC يستلم 380 دينار + 100 دينار بدل سكن (( مع ملاحظة إنها تخصم من بدل الإيجار الحكومي للمتزوجين )) ومافي Overtime

    Roustabout في الـUPDC يستلم 485 دينار + Overtime يوصل تقريباً إلى 100%

    Roustabout في الـ Sinopec يستلم 895 دينار (( مو متأكد )) Fixed Salary يعني (( Basic Salary + Average Overtime ))

    وبالنسبة لإخواننا في شركة برقان ، أتمنى إنهم ينورونا


    يعني أمر غريب ، يعني لو ثلاثة ربع حبوا يشتغل في هالشركات ، وكل واحد توظف بشركة غير ، في فرق رهيب بين رواتبهم ، مع العلم انهم في نفس الوظيفة ويقومون بنفس الشغل


    هل من المعقول إنه مافي قانون يرتب معدلات الرواتب ، يعني أنا أعرف في شي بأمريكا اسمه Minimum Wage اللي هو الأجر الأدنى وهو 8 دولار بالساعة ، أياً كانت الوظيفة ، وطبعاً حسب طبيعة العمل ومخاطره يتعدل الراتب وتضاف الامتيازات ( المكافأة التقاعدية والتأمين الصحي وتأمين الأسنان وإلى آخره )

    هل عندنا قانون في الكويت ينظم هالأمر ؟؟ هل نص قانون العمل في القطاع الخاص الأخير على أي قانون ينظم عملية تحديد الرواتب ؟؟

    وشكرا ودمتم ،،،،،
     
  2. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي
    اللي بعرفه انا شييي واحد بس !!!؟؟

    الحين اذا طلعت (( لمن يهمه الامر )) من التأمينات اشوف انه الراتب = 658د,ك

    والمبلغ اللي يخصمونه شهريآ للتأمينات = 60 , 46 د,ك

    والراتب الشهري = 690 , 527 د,ك // قاصين 60 , 46 د,ك للتأمينات وخالصين

    واللي بعرفه انه في تقريبآ 85 د,ك مادري شنو سالفتهم ومصيرهم !!!؟؟






     
  3. rig

    rig بـترولـي نشيط جدا

    177
    2
    0
    برقان 480 + دعم العمالة هذا بالنسبة حق العقود اليديدة

    وطبعا الكي او سي تعطي كل فرد بكل شركة معاش ثابت بس الشركات تاخذ منه وتعطيك المقسوم وانت وحظك
     
  4. سالم بن طفلة

    سالم بن طفلة بـترولـي نشيط

    أخوي العود

    بصراحة ترى مافهمت اللي قلته :)

    لكن خلني اشرحلك بمثال بسيط :-





    X موظف في شركة قطاع خاص ، حامل شهادة ثانوية ، متزوج ، عنده طفلين ، يستحق راتب قدره 500 دينار + دعم عمالة 222 + علاوة أولاد 100 + زيادة الـ 120 + زيادة الـ 50 + زيادة الـ50 المحددة بسقف الألف دينار




    استقطاعه للتأمينات = 7% من راتب الشركة (500) + دعم العمالة (222) + علاوة الأولاد (100) بس




    يعني استقطاعه يساوي 57.540 دينار فقط لا غير




    ويكون راتبه المسجل في شهادة التأمينات = 822 دينار فقط لا غير




    يعني الاستقطاع يكون على الراتب + دعم العمالة + علاوة الأولاد ((بس))






    أتمنى وضحت الصورة

    ودمتم ،،،
     
  5. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    العقود القديمه العـمال الحفر ..
    في شركة برقان لحفر الأبـــار
    480 أما العقود الجديدة زياده 300 دينار
    يعني 780 ... :) من غير دعم العمالة
    شامل بدل السكن والأوفر تايم كل شيء

    وشكرا
     
  6. 7amad al3jmi

    7amad al3jmi بـترولـي نشيط

    101
    0
    0
    يعني افهم من كلأمك اللي يتعين جديد علىى شهآدة ثنويه عامه بـ شركة برقان
    يكون معاشه 780 غير دعم العماله ..؟

    طيب والعقود القديمه ..؟ هي هي نفسها علىى معاشها 480 دينار ..؟ اذا السالفه كذا ..
    هذا ظلم ..!

    ارجو الافآده الله يرضىى عليك ..
     
  7. rig

    rig بـترولـي نشيط جدا

    177
    2
    0
    معقولة ؟!

    أنا الي سمعته بتوحد معاشات كل الكويتين وتصير 780 عقود قديمة ويديده وماصار هالشي

    وحاليا الي اعرفة العقود اليديده 480 من غير اوفرتايم غير دعم العمالة

    بس كلامك غير الي اعرفة

    وإذا صحيح هذا ظلم واضح ولازم نتوحد كلنا خصوصا احنا قدم وعندنا خبرة ..
     
  8. سالم بن طفلة

    سالم بن طفلة بـترولـي نشيط

    بالنسبة للإخوان اللي عقودهم قديمة ولم يتم تعديل رواتبهم


    أتمنى منهم تقديم شكوى رسمية للنقابة ، ويفوضونهم بمخاطبة وزارة الشؤون


    ودمتم ،،،،،،،،،
     
  9. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    السلام عليكم اخوى سالم بن طفلة واتمنى ان لا يكون الموضوع الاخير واللة يعطيك العافية على جهودك الواضحة اما بخصوص الرواتب فى برقان فهى مشكلة كبيرة للااخوان هناك ولاكن للاسف لم نتلقى شكوى رسمية حتى الان لاكن اتذكر اننى التقيت مع الاخ احمد الحمد قبل شهرين واخبرتة بأن هناك مشاكل يتعرض لها الكويتيين العاملين فى شركة برقان وقد اخبرنى الاخ احمد الحمد بأنة من لا يعمل لا يخطئ والخطأ وارد وطلب منى ان اجمع مشاكل الكويتيين واطرحها علية وقد اخذت منة وعد بحلها وهذا للعلم وشكرا.....اخوك سالم العجمى
     
جاري تحميل الصفحة...

مشاركة هذه الصفحة