كمبيوتر (لاب) من وين وشنو وبجم

الكاتب : حنان | المشاهدات : 1,883 | الردود : 13 | ‏5 ابريل 2010
  1. حنان

    حنان بـترولـي خـاص

    2,197
    1
    38
    قوة
    شلونكم اللي عنده خبرة يزاه الله خير يساعدني
    بشتري كمبيوتر ابية يكون كل شي فية بس ماعرف شنو المواصفات الزينة
    ومن وين احسن الاجهزة وبيكون بجم
    ثاني شي اذا ابي اشترك في وصلة منو احسن زين ولا وطنينة وهل لازم ادفع كل شهر ولا بس الايام اللي اشبك فيهم؟
    اخر شي شلون نظام الد اس ال ماعرف ميخالف انا عليمية وابيكم تساعدوني
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    اشتري

    iPad

    توه نزل اليوم في اي ستي الافنيوز
     
  3. diners

    diners بـترولـي نشيط جدا

    اسالي في المحلات عن HP او DELL اهما الماركات العالمية اللي يطولون معاج وفيهم جميع المواصفات

    الدي اس ال حلو لانه سريع وثابت, اذا تستخدمينه بمكان واحد مثلا البيت بس, تقدرين تخلينه وايرلس تشترين روتر من اي محل او عن طريق شركة الانترنت (كواليتي نت) مثلا اهما يركبونه لج, وميزته انه مايخلي تلفون البيت مشغول.

    الوطنية وزين كلهم زينين وتدفعين شهريا بغض النظر عن شكثر تستعملينه, الباكج في من 14 دينار وفي 25 دينار
     
  4. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت


    بريلنت:)


    الحرمة تقولك ماتعرف آي شي عن الكمبيوتر ..تقولها آي باد

    :D
     
  5. حنان

    حنان بـترولـي خـاص

    2,197
    1
    38
    مشكور بريلينت
    بس انا كنت ابي نصيحة ماعرف شنو مواصفات وجذية
    بس مشكور انك رديت
     
  6. حنان

    حنان بـترولـي خـاص

    2,197
    1
    38
    مشكور وايد
    انزين يوريكا او الغانم اقول لهم بس ديل او اش بي
    يسلم قلبك ابي مواصفات
    يعني مثلا السرعة جم لازم تكون
    رام جم
    هالسوالف ترى صج ماعرف عشان جذية سالت
    انزين الدي اس ال يكون شلون نظام الدفع وابي رقم شركة مال نت او مو شركة قول لي اسم وانا بدق ع البدالة
    حلو
    انزين صج لي بغيت استخدم الاب وايد الافضل اني اشيل البطارية واتم واصلتة ع الكهربا؟
    ماعلة استحملني
     
  7. حنان

    حنان بـترولـي خـاص

    2,197
    1
    38
    صحيح هذا اللي انا قلتة مو عارفة شنو يعني
    ع العموم مشكورين كلكم
     
  8. بن عامر

    بن عامر بـترولـي خـاص

    1,159
    0
    0
    k.o.c
    kuwait
    أختي بالنسبة لل d . s . l أنا مشترك بكواليتي سرعه 512 حيل حلوة بالنسبة للأستخدام العادي بمبلغ 85 بالسنه طبعا هذا عرض خاص للكي أو سي و للحين موجود العرض و عندي إيقو من زين إشتراكه 13.5 بالشهر هذا حق الطلعات و مناسب للتصفح .


    و بالنسبة للابتوب و مواصفاته هذا يعتمد على شنو تبينة بالضبط إذا كان تصفح مواقع بس و يوتيوب بس هذا أي جهاز و أي مواصفات يمشي الأمور و زين أنصح بجهاز dell core 3 due الجديد مع ويندوز 7 تحصلينة بيوريكا أعتقد سعره 209 دنانير و أشوف إنه حيل مناسب .
     
  9. حنان

    حنان بـترولـي خـاص

    2,197
    1
    38
    يزاك الله الف خير
    لاب توب ابي يكون قوي يتحمل والله شوف مو حق شي يعني ابية حق منتديات وايميلي جرايد يعني هالشغلات
    بس احب الشي اللي استخدمة يكون قوي انزين شوف انا دايم اشتري من الغانم اوكي شغلهم حلو
    بس يوريكا ما جربتهم شغلاتهم زينة وجذية
    انزين لي شريت منهم لاب بيزلون فية كل شي ولا لازم اروح مكان ثاني ينزلون لي الحماية وهالماسنجر يديد وهالشغلات
    ماعلية استحملني ماعرف
     
  10. بن عامر

    بن عامر بـترولـي خـاص

    1,159
    0
    0
    k.o.c
    kuwait

    العفو ما سوينا شي و بالنسبة للبرامج ما أدري بالضبط و لكن يعطون برنامج حماية ويا الجهاز و يوريكا زين لا تحاتين .
     
  11. diners

    diners بـترولـي نشيط جدا

    بصراحه يعتمد وايد على شنو تفضلين,

    اللاب توب ايي اوزان, في ناس مايحبون لاب توب وزن ثقيل

    اقول هذا لان اذا تبين لاب توب قوي اجباري يكون وزنه ثقيل مابين 3 الى 5 كيلو تقريبا

    كل ما يزيد الوزن يكون مواصفاته قوية من حيث السرعة وحجم الشاشة

    كل مايقل الوزن يكون مواصفاته اقل وخفيف وجاهز للترحال لكن لاتتوقعين منه السرعة الفائقة

    وزن اخف = بطارية اطول
    وزن ثقيل = بطارية حدها 2 او 3 ساعات

    هذا بالنسبة للوزن واللي قلته قانون عام خليه في بالج وانتي تقررين شنو افضل لج

    نيي حق المواصفات اللي تسالين عنهم,

    البروسيسور (Processor) نوعين وافضلها (Intel) والمنافس لها (AMD) ومن حيث الموديل والسرعة عندج اختيارين:

    لاب توب يكون البروسيسور Intel Core 2 Duo وسرعته تكون من 2.0 Ghz لغاية 2.8 Ghz
    او يكون البروسيسور Intel i5 او Intel i7 وتكون سرعاتهم من 1.3 Ghz الى 1.7 Ghz وهذيل اهما احدث شي نازل وسريعين للغاية

    عندج الرام RAM ابحثي عن 2 GB وانتي طالعة فوق لغاية 8 GB الاكثر معناه الافضل وانج تقدرين تشغلين اكثر من برنامج في نفس الوقت من غير تاخير

    كرت الشاشة مايهمج وايد الا اذا تشغلين العاب حديثة, اذا كان هذا مقصد الاستعمال ف انصحج في اثنين:

    Nvidia Geforce 230M or 240M or 260M or 310M or 340M or 360M يعني الرقم من 200 وانتي طالعة

    او

    ATI Radeon HD من رقم 4000 وفوق

    اثنينهم شركات متنافسة وكل واحد احسن من الثاني ف ماتفرق اي واحد راكب

    ولما تخلصين من المواصفات اللي فوق وترسين على اختيار محدد شوفي باجي المواصفات مثل,

    البلوتوث, الوايرلس, نقاط اليو اس بي, دي في دي, ومافي نوعية محددة انصح فيها اهم شي يكونون موجودين وبس

    الشاشة تيي احجام على حسب ماتحبين انتي, تبينها كبيرة صغيرة شي راجع لج, كل ماكانت اصغر كل ماخف وزن الاب توب والعكس صحيح

    ف هذا اختيار شخصي بحت, ركزي فقط على البروسيسور يفضل يكون من نوع Intel i5 or i7
    والرام من 2 جي بي لغاية 8 جي بي اي رقم بينهم راح يأدي الواجب واكثر

    اساله تسالينها البائع:

    - شنو نوع البروسيسور, وسرعته؟
    - جم حجم الرام ؟
    - فيه بلوتوث ؟
    - فيه وايرلس ؟
    - فيه دي في دي ؟
    - اقدر اشغل عليه العاب وافلام عالية الوضوح؟ شنو نوع كرت الشاشة ؟
    - شنو نظام التشغيل ؟
    - جم وزن الجهاز ؟
    - جم اطول البطارية عموما ؟
    - جم حجم الشاشة ؟
    - فيه كاميرا ومايك ؟
    - فيه قارىء للبصمة ؟
    - جم مدة الكفالة ؟ وشنو مكفول فيه ؟
    - شنو يجي مع الجهاز ؟

    دشي على موقع دل او اتش بي وتفرجي على جميع الاجهزة اذا عجبج نوع معين تروحين هناك تستفسرين زيادة وتشترينه

    البطارية يفضل انج تشيلينها لما يكون شابك على الكهربا لان اذا كانت البطارية شابكة مدة طويلة جدا جدا ممكن يقصر عمر البطارية. يعني شبكي البطارية... نطري ليما تشحن اميه بالامية بعدين شيليها

    اذا كنتي تشتغلين على شي مهم يفضل تخلين البطارية مكانها ماتدرين يمكن الكهربا تفصل وتخسرين كل الشغل اللي سويتيه تصير وايد معانا.

    شركة كواليتي نت 1804444 يجاوبونج على جميع اسئلتج وعن تجربة شخصية اهي الشركة الوحيدة خدمتهم مستمرة من غير تقطيع او مشاكل


    مثلا انا عندي لاب توب وزنه 7 كيلو !! مخليه في مكان واحد بالبيت مايتحرك الا لضرورة وحجم الشاشة كبير واستخدمه للالعاب ومشاهدة الافلام وتصميم جرافيك وانترنت وكل شي

    ونفس الوقت عندي لابتوب وزنه 2 كيلو حجم شاشته 14 انش اخذه معاي كل مكان للدوام, الديوانية, اكلم منه اصدقائي بكل مكان وجذي لانه خفيف وبطارية اطول 8 ساعات واكثر

    لكل لاب توب اسخدام معين هذي القاعدة العامة

    وبالتوفيق
     
  12. حنان

    حنان بـترولـي خـاص

    2,197
    1
    38
    شكرا وايد
     
  13. حنان

    حنان بـترولـي خـاص

    2,197
    1
    38
    والله يا اخوي يزاك الله الف خير
    ويعطيك الف عافية فعلا فعلا فعلا فدتني وايد
    وعسى الله يوفقك بجاه ال البيت
    شي بسال وميخالف استحملني
    امس رحت شفت يوريكا واخذت فكرة عن الاجهزة
    بس يقولون مافية برامج ولا حماية
    هل فية مكان تنصحني اروح له يكون شغلهم اوكي ينزلون لي برامج ويندوز سفن وحماية تكون شغالة دايم مو بس تجريبي
    ويعني ماسنجر وهالشغلات؟
     
  14. diners

    diners بـترولـي نشيط جدا

    مكان محدد مااعرف والله لان انا اشتري برامج حماية نسخة اصلية من النت وانزلهم من النت فقط

    لان اخر مرة رحت لحولي يحطون لي برامج حماية نزلوا لي معاه فايروس وخرب جهازي ف ما قمت اثق في احد
     
جاري تحميل الصفحة...

مشاركة هذه الصفحة