كورسات الموظفين كلها ملغية

الكاتب : سالم الخالدي | المشاهدات : 1,673 | الردود : 16 | ‏30 مارس 2010
  1. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    [​IMG]


    السلام عليكم ورحمة الله وبركاته

    لوحظ في الآونة الأخيره الغاء كورسات الموظفين , بالرغم من وجود كتب من المؤسسة تشدد على الشركة بعدم الغائها ولا يعلم أحد من المسؤول المباشر عن الالغاء الا أن هناك اشاعات تروج بين الموظفين بوجود قضايا ولجان تحقيق في الكورسات وعلى هذا تم توقيف جميع الكورسات .....




    السؤول المطروح
    أليس من حقنا كموظفين أن نعرف الأسباب الرئيسية في هذا القرار ان وجد فعلا على أرض الواقع !!! ولماذا لم يرسل للموظفين حتى يكون الموظفين على بينه وحتى لا تنتشر الاشاعات التي لا حقيقة لها؟
    مادعانا للحيرة ماقيل أن هناك اتفاق مع النقابة بأن يتم زيادة ساعات التدريب الموظف ب60 ساعة تدريب سنويا !!!!
    فالذي حصل هو العكس لم يتمتع الموظف بأي ساعة الى الآن !!



    فعلا شي محير
     
  2. نبض الشعيبة

    نبض الشعيبة بـترولـي جـديـد

    25
    0
    0
    يبه انا بنقل نفط الكويت
    الشباب هناك مقزرينها كورسات
    شنو هالشركة التعيسه اللي بالقطاره
     
  3. ريال مدريد77

    ريال مدريد77 بـترولـي نشيط

    111
    0
    0
    للعلم اخر ابداعات الشركه هي تقديم اختبار انجليزي والحصول على المستوى الخامس شرط اساسي للحصول على الكورس

    يعني بعد اكثر من عشرين سنه خدمه يبون يختبرون الموظف ويقولون تطوير
     
  4. سفاري الكويت

    سفاري الكويت بـترولـي نشيط جدا

    صحيح كلامك...
    انا من ناحيتي تم الغاء دورتين
     
  5. ريال مدريد77

    ريال مدريد77 بـترولـي نشيط

    111
    0
    0
    نرجو من الاخوان في النقابه متابعة الموضوع لما له من اهميه وهل الشرط الجديد الذي وضعوه مطبق على جميع الشركات النفطيه ام في knpc فقط . لا حول ولا قوة الا بالله مع هذه القرارات ويبون تطوير ؟
     
  6. feed gas

    feed gas بـترولـي خـاص

    اولا اخ خالدى انته دشيت عش دبابير... الله يعينك وثانيا... الكورسات مو ملغيه !! الملغى حسب ما اعتقد والله اعلم ( كورسات الموضفين المغضوب عليهم ) شلووووون؟؟!! انا اقولك عندك تيم ليدر وانته تعرفه عدل من كورس الى كورس والحين بهالوقت اهو فى كورس... طبعا من علا حسابه ؟؟ علا حساب مصاريف كورسات المغضوب عليهم, حيث انه العذر الدائم انه ( ماعندى مان بور كافى) فتكون المصاريف تروح فى جيب من بيده القرار( التيم ليدر او السكشن هد ).. فا ما يطلع الا اللى يبونه وراضين عنه او التيم ليدر او السكشن هد .. الكورسات حق لجميع الموضفين بس المشكله ( مو جميع الموضفين راضين عنهم التيم ليدر او السكشن هدز) يعنى الامور الشخصيه اهى المقياس الاهم وليس ملف الموضف.. مقيووووله ( لا حبتك عينى ما ضامك الدهر ).... وعسا الله يفكنا من هالشركه اللى مصتنا لحم وقطتنا عضم ....
     
  7. Oil Engr

    Oil Engr بـترولـي نشيط جدا

    372
    0
    0

    أعوذ بالله من الفتن
     
  8. feed gas

    feed gas بـترولـي خـاص

    مشكوووور بس ياليت تكون اوضح لو سمحت
     
  9. زهرة التوليب

    زهرة التوليب بـترولـي خـاص

    انا عندي 3 كورسات ملغيه
    ومالهم بديل في وقت ثاني

    ما ادري اشسالفتهم مع ان في البورتا الكورسات موجوده ومو مكتوب انها ملغيه !!!
     
  10. ريال مدريد77

    ريال مدريد77 بـترولـي نشيط

    111
    0
    0
    حسب علمي يجب على الموظف ان يقدم اختبار تحديد مستوى للانجليزي ويجب الحصول على المستوى الخامس .

    هذا ماحصل مع اثنين من الشباب في التيرمنال مينا عبدالله هذا الاسبوع واحد خدمتة 26 سنه والثاني 23 سنه

    وعمرهم ما راحو كورسات خارجيه ( بدعه جديده من knpc ) الله يعينه على هيك اداره :eek:

    والله المستعان
     
  11. Workers

    Workers إدارة المنتدى

    7,767
    30
    48
    ذكر
    الكويت
    تصدق هالسياسة حتى عندنا مطبقينها وماكلينها مسئولين الفلس .. مانشوفهم من كثر الكورسات : )
    بس زين عندكم لاحبتك عيني عطوك كورس .. عندنا لاحبتك عيني احمد ربك !
    طبعاً ردي وردك مايعجب اللي حابتهم العين ومعطينهم كورسات .. ! يبيها له ولفلان وفلان وبس ..
    والباقي يستريح .. وراح يقولك ( وهل يستوي الذين يعلمون والذين لا يعلمون ) << قصدهم الناس مقامات : )





    تسلم بوخليفة والله يعطيك العافية ..
     
  12. كنبس

    كنبس بـترولـي مميز

    814
    0
    0
    قال كورسات قال .....هع

    الكورسات طارت بارزاقها وانتو نايمين
    الكورسات حلال لهم وحرام علينا
    الكورسات مفتوحه للى فوق والى يحبونه
    الكورسات ناس وناس
    عيل بذمتكم اكو كورس حق 15 التيم ليدر اسبوع بلندن . شنو ماكو مكان بالشركه ولا بالكويت
    عيل اكو كورس حق مدراء اقسام وهم اسبوع بلندن . وماكو مكان بالشركه ولا بالكويت
    خلصت الاماكن شنو هالصرف شنو هالتبذير ولا روح طير باجى ميزانيه التدريب مالت القسم
    والحين طايحين تضبيط حق الى يبونهم ويحبونهم اسبوعين كورس كوريا
    والباجى وصغار الموظفين والمساكين مالهم شي من هالميزانيه
    ولا بعد الحين طالعين لنا اختبار انقليزي ليش هالوقت وليش ماطبق على الى فوق
    ولا تخافون ما اييبون اكثر من مستوى 5 بالاختبار واشك فى ذلك
    ولا ماتبونا لانه احنا كويتيين وصغار موظفين ومالنا رب ولا مسؤل يدافع عنا او يطالب لنا
    والله شكلها اخرتها بتروح كورساتنا للهنود واشكالهم وربعهم ... ياخوووفى والله
    ولا النقابه حدث ولا حرج وساكته وتطالع بعيونها ولا عمك اصمخ او لانه من ربعهم من ربع الدنمارك !!!
    حرام عليكم اتقو الله فينا
    ترى احنا الى شايلين الشغل على راسنا وانتو نايمين بمكاتبكم وبيوتكم
    احنا الى نحترق ونتعور و ونتالم ونشتغل 8 و 12 ساعه وشت داون وستارت اب وهم مو عاجبكم
    حرام عليكم يا مسؤلين اتقو الله ترى كثرت دعوانا عليكم وبالاسم نقولها
    والتذمر وصل وعدى الخطوط الحمره
    لكن ما اقول الا لكل ظالم نهايه ولكل مسؤل جائر نهايته مزبله الشركه
    اسمحولى على الاطاله وهذا من داخل صدرى وصدر اخوانى صغار الموظفين
    وحسبي الله عليكم .......
     
  13. خليج النفط

    خليج النفط بـترولـي نشيط جدا

    179
    0
    0
    لا لا تحاتي احنا بنفط الخليج (عمليات الخفجي المشتركة) مطبقين هالنظام :(
     
  14. feed gas

    feed gas بـترولـي خـاص

    تكمله للموضوع.... مساله اختبار الانجليزى اعتقد مو عذر قوى عشان ما احد يروح كورس خارجى ( عندنا واحد بعد جم يوم يبى يروح كوريا .. واهو للحين يسمى ليفربول .... ليفرفول !! قلت لكم وانا عندى ادله , المساله شخصانيه فى المقام الاول وانا اتكلم عن الطبقه الكادحه فى العمليات تحديدا... يا باش مهندس.... والشق عوووووود طال عمرك.
     
  15. مظفر قوم

    مظفر قوم بـترولـي نشيط

    62
    0
    0
    اخوى بالنسبه لكويا يعطونك كورس بالكورى
    اخوى فى احد الاخوان فى Rmp--- طبعا ما يحتاج الوحده لانه معروف مودينه كوريا وهو قبلها بكم يوم حاولوا يعطونه انذار ما قدروا
    يعنى مو قصة لو حبتك عينى قصة جاملنى واجاملك
    لا وابى ابشركم دازين واحد على وجه تقاعد
    الله يوفقنا معاهم
     
  16. ريال مدريد77

    ريال مدريد77 بـترولـي نشيط

    111
    0
    0
    يااخوان تم تأجيل شرط الحصول على المستوى الخامس للانجليزي للحصول على كورس خارجي

    بعد اجتماع تم بين النقابه وادارة الشركه :)
     
  17. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    أخونا ريال مدريد

    فيه مثل كويتي يقول جهز الدوا قبل الفلعة
    ادارتنا وضعت الشرط للدورات الخارجية وهو أصلا مافيه دورات :D
    وشالت القرار ومافيه للحين دورات
     
جاري تحميل الصفحة...

مشاركة هذه الصفحة