الفزعة يا شباب

الكاتب : أحمد ظاهر | المشاهدات : 687 | الردود : 13 | ‏28 نوفمبر 2007
  1. أحمد ظاهر

    أحمد ظاهر بـترولـي نشيط جدا

    411
    0
    0
    بسم الله الرحمن الرحيم

    الاخوة الاحبة الاعضاء .. السلام عليكم ورحمة الله وبركاته

    اخواني انا عندي مشكلة قلت اشارك فيها اخواني في المنتدى، لعل وعسى ان اجد لها حل عندكم .. واجد المساعدة منكم من بعد الله.

    المشكلة اني حطيت جهاز كمبيوتر لابتوب عند احد المحلات في شارع ابن خلدون حتى يعرضه لي ويبعيه لي اياه واتفقنا على نسبة او على مبلغ نظير بيعه. وهذا الكلام من شهر 9 ..

    الاخ هذا شريك بهذا المحل تعرفت عليه عن طريق احد الاخوة هنا في المنتدى - بدون ذكر اسماء - الاخ هذا الشريك طلع من المحل وراح محل ثاني واخذ الجهاز معاه .. ومن ذاك الوقت للحين لا اعطاني الجهاز ولا اعطاني دينار واحد!!!!

    مع العلم بأنني لما سلمته الجهاز في المحل الاول اعطاني وصل بالاستلام .. يعني الوصل باسم المحل الاول وهو الان في محل ثاني .

    ما العمل :confused: وما الحل :confused:

    فكرت اروح اشتكي عليه في مخفر حولي .. لكن اخاف تروح الشكوى في غياهب الادراج مثل الكثير من الشكاوي .. واخاف ان تم التعامل معها تطول الشغلة وتقعد شهور :confused:

    والجهاز غالي قيمته المتفق عليها 600 دينار !! .. مو شوية :(

    فيا ليت تساعدوا اخوكم بالمشورة .. وما خاب من استشار

    ودمتم سالمين.
     
  2. القحطاني

    القحطاني بـترولـي خـاص أعضاء الشرف

    4,717
    0
    0
    مشكلتك عويصه جدا
    خذيت وصل في المبلغ ؟
     
  3. أحمد ظاهر

    أحمد ظاهر بـترولـي نشيط جدا

    411
    0
    0
    حياك الله اخوي القحطاني ..

    انا خذيت وصل باستلام الجهاز .. والجهاز مواصفاته معروفة بالسوق

    بس مثل ما قلت انه الوصل باسم المحل الاول .. مو اللي شغال فيه الحين
     
  4. القحطاني

    القحطاني بـترولـي خـاص أعضاء الشرف

    4,717
    0
    0
    الوالد محامي واقدر استفسرلك عن الحل

    تعالي خاص وتفهمني الموضوع بتفصيل

    حاضرين للطيبين!
     
  5. أحمد ظاهر

    أحمد ظاهر بـترولـي نشيط جدا

    411
    0
    0
    جزاك الله خير اخوي القحطاني

    ارسلت لك رقمي على الخاص .

    بصراحة ما ابي تروح الشغلة بين محامين وقضايات واجراءات وروتين وووووووووووووووووووو .. وتاخذ الشغلة شهور وسنين :(

    مع العلم بأنه المحل الثاني اعرفه ورحت له وكلمته يقول لي ما عندي فلوس!! .. يقول ما عنده وهو منزل اعلان نص صفحة في جريدة اعلانية اسبوعية!!!

    عموما مشكور شكرا جزيلا مقدما وفي كل الاحوال
     
  6. ناصر الهاجري

    ناصر الهاجري بـترولـي جـديـد

    47
    0
    0
    تدري شتسوي يا احمد الظاهر

    *** ردد وراي ياليل مطووولك ***
     
  7. شاد حيله

    شاد حيله بـترولـي جـديـد

    6
    0
    0
    احمد عن حرتك ادخل عليه وبيدك طفايه وسوقه خله تصير بين عيونه على الاقل تبرد جبدك
     
  8. القحطاني

    القحطاني بـترولـي خـاص أعضاء الشرف

    4,717
    0
    0

    الله اعيناء على فعل الخير
    مراح اقصرمعاك
     
  9. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    اهلين يا احمد ظاهر الحل سهل اذا كنت انت متعرف على الشخص بالمنتدى

    راسل المراقب العام وبصفته مراقب او مشرف عطه نك الشخص وهو عن طريق البروفايل يقدر يطلعلك ايميله وحاول انك تراسله عن طريق الايميل هذا اذا ماتعرف رقمه


    اما اذا تعرف رقمه ومايرد عليك هذا شي ثاني
     
  10. زهرة التوليب

    زهرة التوليب بـترولـي خـاص

    خلاص اشتك على المحل الأول

    لأنه ماله حق يخلي شريكه ياخذ اي جهاز من المحل دامه يبي يروح محل ثاني
    يعني هذي مسؤوليه صاحب المحل الأول

    وان شاء الله ربي يفرجها عليك
     
  11. المهندس

    المهندس بـترولـي خـاص

    1,305
    8
    0
    روح المخفر - راح يبهذلونه
     
  12. حرف

    حرف بـترولـي خـاص

    1,776
    0
    0
    هذى ناس ما تستحي بصراحه

    بالاول روح كلمه باحترام واذا مافاد حاول تشهد معاه بالكلام .. ولو تطقه بعد زين مانى قايل لأ لانه يستاهل

    وثانيا روح اشتك بالمخفر بالوصل اللى معاك على المحل الاول طبعا لان المحل الثاني ما عليه اي تهمه

    والشغله ما اعتقد راح تطول لان اذا مانى غلطان اذا كان المبلغ اقل من 2000 دينار يتم الحكم فيها بسرعه ويتنفذ ولا فيها دوخه

    وصاحب المحل الاول يعوضك او راح ياخذ جهازك من شريكه ويرده لك
     
  13. أحمد ظاهر

    أحمد ظاهر بـترولـي نشيط جدا

    411
    0
    0
    شكرا لك من مر وقرأ وشارك واقتراح

    ما ضاع حق وراه مطالب
     
  14. أحمد ظاهر

    أحمد ظاهر بـترولـي نشيط جدا

    411
    0
    0
    للرفــــــــــــــــــــــع
     
جاري تحميل الصفحة...

مشاركة هذه الصفحة