رحت البحر - للشاعر سلطان محمد الشعلان الرويلي

الكاتب : SOS_KW | المشاهدات : 537 | الردود : 5 | ‏28 نوفمبر 2007
  1. SOS_KW

    SOS_KW بـترولـي خـاص أعضاء الشرف

    2,252
    0
    0
    رحت البحر والنفس جاها احباطا
    والصدر ضيّق يوم جلست بالشط

    يدني علي الموج فيه اختباطا
    ويبعد ويلقى تالي ٍ فيه يخبط

    سفن ٍ تروح وسفن تاتي قلاطا
    تقطع غباب الموج يا كنها تنط

    ناس ٍ تفصخ شفت فيها انحطاطا
    تلبس قصير الثوب وتعوم كالبط

    وناس ٍ تخم بزاد كله بطاطا
    وألوان من رزق البحر منه تمسط

    مزينينه في خيار وطماطا
    ورجل ٍ متين ٍ بأخضر الخس يقرط

    وربع ٍ تسلوا بالهروج الجفاطا
    مستانسين بخبل سفه ٍ مشبط

    قلت أبعدوا عني كثير الخباطا
    ما أبغى أشوف الشط والغط والنط

    أنا غرامي بالسهول البساطا
    وشمة ذعاذيع الهوا يوم تقلط

    وشوف الجبال بطلع نبت ٍ تحاطا
    يقنب بعالي أشعافها الذيب الأمعط

    وشد الهجن لا قيل نبغى الفحاطا
    وعسف الأصيل إن شاس راسه وعطعط

    يقحص برجله دون ضرب السياطا
    مع أشقر ٍ نادر على الجول يفرط

    بين الثنادي ضربته بالشباطا
    يفرح به القناص من يوم يقلط

    وصف الدلال مشاديات البطاطا
    جمر الغضا من تحتهن قام يشتط

    وبنت ٍ هنوف لثامها مايماطا
    ما تتبع العشاق والليل منغط

    والله لو حَطّت عليها القراطا
    إلا تباهى القرط من يوم ينحط

    الثوب ما يزهاه زين الخياطا
    الثوب يزهى بلابسه حين يمقط

    لا فج ضو الشمس قامت تماطا
    وضافي شعرها فوق الأرداف يسقط

    والله قلبي بالمخيرز يخاطا
    وقت الضحى لا شفت شعره يمشط

    حسدت ميل ٍ بين رمشيه حاطا
    يا ليتني كحل ٍ بعينيه ينحط

    عيني تراعي دربها وين تاطا
    لو مت حطوني بدربه مقشرط

    حتاني أسمع صاحبي يوم ياطا
    وأسمع ذريف دموعها حين تسقط

    تسقي ثرا ميت ٍ بحبه تعاطا
    وتسمع جضيضي يوم الأرياح تسفط

    يالله يا مهدي لحد الصراطا
    لا لا تعذب صاحبي إن كان فرط

    اجعل عليها من كتابي حطاطا
    خلي ذنوبه من حساني تنحط
     
  2. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    أنا غرامي بالسهول البساطا
    وشمة ذعاذيع الهوا يوم تقلط

    انا اشهد يا سوس

    عزالله قصيده روعه والقافيه صعبه صح لسان الشاعر وتسلم ايديك على النقل
     
  3. SOS_KW

    SOS_KW بـترولـي خـاص أعضاء الشرف

    2,252
    0
    0
    مشكور أخوي كلمـ ولو جبر خاطر ـه على المرور الطيب .. فعلا قصيدة جميلة لشاعر متمكن
     
  4. حرف

    حرف بـترولـي خـاص

    1,776
    0
    0
    مشكوور اخوي وتسلم اناملك على نقل هذى الرائعه
     
  5. SOS_KW

    SOS_KW بـترولـي خـاص أعضاء الشرف

    2,252
    0
    0
    أخي حرف شرف لي مرورك وتعقيبك الطيب على ما نقلت

    تحياتي
     
  6. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    حسدت ميل ٍ بين رمشيه حاطا
    يا ليتني كحل ٍ بعينيه ينحط

    وتسلم اناملج على نقل هذى الرائعه
     
جاري تحميل الصفحة...

مشاركة هذه الصفحة