يخرب بيت اللي يثق بالسيكشن هيد

الكاتب : المنطقة الأولى | المشاهدات : 1,379 | الردود : 8 | ‏23 مارس 2010
  1. المنطقة الأولى

    المنطقة الأولى بـترولـي جـديـد

    37
    2
    8
    السلام عليكم

    أدري انه العنوان شوي مسوي أكشن .... بس فعلا فعلا ياجماعه لحد يثق بالسيكشن هيد ماله خصوصا لا صار فيه حالة طوارئ او حريقه او شي من هذا القبيل .

    يوم امس كان فيه حريقة في منطقتنا .. والحمدلله شباب الوحده محد منهم تعور .. ولكن للأسف فيه 4 اصابات من عمال المقاول المساكين .

    المصيبه انه اثناء الحريق طلب من رئيس قسم من المنطقة الثامنه انه يعزل التانكي اللي يغذي الخط اللي قاعد يليك ومسبب الحريقه . للأسف الأخ داخ ومو عارف وين المكان او وين التانكي.
    وسيكشن هيد من المنطقة الرابعه هو اللي عزل التانكي ووقف مصدر الحريق .. عساه على القوه وكثر الله من امثاله.

    لكن اذا صاحب الشغل مو عارف شغله شلون نثق في تسليمة مسؤولية القسم وادارته ؟؟؟؟ ولا بس فالحين في زلغ المشغلين المساكين ؟؟؟

    ويقولك بعد رئيس قسم في المنطقة اللي صارت فيها الحريقه كان مزرق وقت الحادثه ... الظاهر كان عنده اجتماع وقت الحريقه بس برى المصفاة :) معذور يالحبيب الشغل مايخلص ....

    تخيل لو السوبر فايزر او احد المشغلين مزرق شيصير فيه ؟؟؟ يقولك احتمال يشنقونه على التاور مال الوحده ردعاً له ولأمثاله :)



    وهيك مصفاة بدها هيك مسؤولين..........
     
  2. feed gas

    feed gas بـترولـي خـاص

    يااااااااااااما حت شووووووووووف بس طول بالك ولد عمىىىىىى
     
  3. ضمير الأمة

    ضمير الأمة بـترولـي نشيط

    100
    0
    16
    من رئيس قسم وطالع يجب ان تكون محاسبتهم وعقابهم أشد من المشغل المسكين
    لان هذا الشخص يعتبر قدوه للموظفين
    والا شلون يزرق وكل الموظفين يشوفونه ويدرون عنه ومحد يحاسبه
    ودام موظفينه يدرون عنه اكيد بيسوون مثله
    والمشغل المسكين لو راح العيادة من غير مايخبر احد رصوه هروب


    الأمر الأخر السكشن هيد اللي حل المشكله يستاهل التكريم ... واللي تابع للمنطقه وماحلها يستاهل التوبيخ
     
  4. eng_q9

    eng_q9 بـترولـي جـديـد

    39
    0
    0
    بسم الله الرحمن الرحيم

    أخوي الي كاتب الموضوع ,,, ودي اعرف انت كنت موجود وقت الحادث ؟؟؟؟ أو شاهد ما شافش حاجه ؟؟؟؟

    أو تبي تمدح برفيجك او ولد عمك الي اهو سكشن هيد الثاني ؟؟؟؟

    انت للأسف أنسان متناقض ..... تمدح سكشن هيد و تطعن بالباقي ؟؟؟؟


    شوف يا موظف المنطقه الاولى ,,,,,,, أو شي طفت النار و خلصت ,,, و الي يستاهل التكريم و الشكر اهم المطافي الله يعطيهم العافية

    ثاني شي : الخط من اختصاص النتطقه الاولى و اهو خط ال RunDown و الخط هذا مو من مسؤولية المنطقة الثامنه من مسؤوليتكم يالي ما تعرف خطوطك و شغلك ...

    ثالث شي السكشن هيد الي كان موجوط طلب عزل التانكي و تم بالفعل عزله و يشكرون المنطقة الثانمه على هل شي ..


    بالنسبة للشخص الي انت قاعد تتدافع عنه ,,, للأسف عزل خط الخطأ و عزل خط ال SLOP الراجع من منطقتك .... و هذا الخط ماله شغل بتاتاً بالحريق ( لأن الحريق طفت) ...... هذا المفروض يعزل خط مو في منطقته يستاهل انه يتفنشر لأنه ممكن عزل الخط الغطك و يمكن كان يسبب كارثة أكبر ...


    للأسف أنا اعاتب الشخص الي يسلمك في هل منطقة .... لأنك ما تعرف لا مسؤليليات و لا خطوطك .....

    و رابع شي وين السوبر فايزر و الفيلد اوبريتر قبل الحريق ؟؟؟؟ و ليش ما شافوا شغلهم ؟؟؟

    أنت تغلط و تحط الغلط على غيرك ؟؟؟؟؟


    والسكشن هيد مالك الله يعطيه العافية كان بإجتماع و هل اجتماع من مصلحة منطقتك مو مزرق على قولتك .... يعني صايد عليه ؟؟؟


    أخوي ياليت و للأسف انك تعرف المواضيع كلها قبل ما تكتب كلام تسيئ فيه لغيرك عشان تمدح ناس ثانين ,,,, هذا منتدى عشان التواصل مو عشان تقلل مقدار احد ...
     
  5. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    استغرب حقيقة اسلوب الطرح من بعض الأخوان

    الجميع قام بعمله على أكمل وجه ودون اي تقصير

    واللي حدث مقدر ومكتوب ... مع العلم انه تم عمل درين للخط والتأكد انه فاضي . ولكن امر الله لا راد له

    ولا اعتقد ان سوبر فايزر خدمه طويله تطوف عليه مثل هذه الأمور .. والمعروف ان السوبر فايزر اللي على الشت داون من اكفئ السوبرفايزريه والمشهود لهم .. وبشهادة الجميع فقد أدى عمله على أكمل وجه ودون اي تقصير.

    الأمر الأخر ... نحن نرفض التعرض للأشخاص في هذا المنتدى لمجرد الطعن فيهم او الأنتقاص منهم دون اي دليل او وجه حق
    لذلك نرجوا من الجميع الإلتزام بهذا الشيئ
     
  6. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    بصراحة لي وقفة في الموضوع

    أستغرب ان رئيس القسم هو من عزل الخط ؟؟

    آين المشغلين ؟؟؟
     
  7. نبض الشعيبة

    نبض الشعيبة بـترولـي جـديـد

    25
    0
    0
    يقولك اكثر ناس ياخذون كورسات
    واكثر ناس ياخذون بونص سنوي
    واكثر ناس ياخذون علاوات
    واكثر ناس ياخذون اجازات

    وفوق هذا مايدرون عن الشغل شي

    هم رؤساء الأقسام اللي للأسف يستغلون جهد المشغلين وينسبونه لأنفسهم في كل طالعه ونازله
     
  8. بو جاسم

    بو جاسم بـترولـي نشيط

    113
    0
    16
    انا ما ابي اطعن في الباقين بس من واقع معرفتي بشخوصهم بالعمل
    فالسكشن هدز الي بالمنطقه الثامنه من اكفاء السكشن هدز بالشركة مو بس بمصفاة الاحمدي
    ويا ليت لحد يخلي المنتدى للضرب من تحت الحزام

    ويا اخوي بما انك ضليع بكل صغيره وكبيره بالحادث ومنو عزل ومنو داخ ومنو مزرق ومنو مرتاح
    يا ليت لو تنور وتفيد لجنة التحقيق بالحادث بهالامور كلها
    احسن من ما تكتب بالمنتدى وتخلي كل من يدلي بدلوه
     
  9. مظفر قوم

    مظفر قوم بـترولـي نشيط

    62
    0
    0
    على فكره صادفنا احد الاخوان الذين كانوا وقتها فى الحريق وقال بالحرف الواحد ان الكل ادى شغله بالتمام والكمال والحمد لله لكن قدر الله وما شاء فعل
    وقلنا له ان فى احد السكشن هد هو اللى عزل وطفت النار قال كل يغنى على ليلاه
    يعنى ما صار الكلام هذا بتاتا
    وزالحمد لله انها وقفت على هالحال
    الله يسلمنا ويسلمهم ويشفى المرضى
     
جاري تحميل الصفحة...

مشاركة هذه الصفحة