سؤال يحتاج جواب وجايب لكم خبر

الكاتب : مهندس خبره | المشاهدات : 3,643 | الردود : 10 | ‏21 مارس 2010
  1. مهندس خبره

    مهندس خبره بـترولـي جـديـد

    1
    0
    0
    السلام عليكم ورحمة الله وبركاته


    انا عندي استفسار وفي نفس الوقت خبر من الجانب السعودي في الخفجي


    الخبر يقول ان ارامكو لاعمال الخليج عدلت سلم رواتب الدرجات ورفعته رفعه قويه


    السؤال هو يا اخوان انا مهندس خبره 7 سنوات في ارامكو وجا في بالي اقدم على شيفرون اللي تعمل مع نفط الخليج في الوفره بس ماني متاكد هل الشغله تحتاج اتعب وراها او لا

    حاليا متوسط راتب واحد في خبرتي في ارامكو تقريبا 1800 دينار كويتي


    كم متوسط راتب مهندس في خبرتي في شيفرون ؟ وماهي مميزات شيفرون



    ومشكورين مقدما
     
  2. جابر

    جابر قــلــم بــتــرولــي أعضاء الشرف

    للأسف ماعندى خبر ...أنا بالخفجى ..
    لكن بالنسبه للخبر اللى قلته ..أظن إنه صار عندك لبس فيه ...
    الرواتب لم ترفع للموظفين ولافلس حمر ..
    كل اللى صار إن تم فتح (سقف الرواتب) تقريبا 20% والسبب إنه الرواتب ماتعدلت من سنين وناس كثيره وصلت أعلى سقف الراتب ..لادرجه محصلين ..وزياداتهم السنويه أصفااااار ...
    وعلى هالأساس وضعوا هالحل الترقيعى المؤقت ...
    بس بعد ثلاث سنوات هم راح تصير زيادات هالعالم أصفااااار أيضا ..ويبدوون مشوارهم من جديد .....
    الله يعين
     
  3. هدار

    هدار بـترولـي جـديـد

    42
    0
    0
    هل تم التعديل بالفعل ولا لازال تحت الدراسة
     
  4. عمليات الخفجي

    عمليات الخفجي بـترولـي نشيط جدا

    349
    13
    18
    نعم تم الموافقة عليه وهو فتح سلم الراوتب لكل درجة

    وهذا ان الكثير وصل للسقف الاعلى على درجته ويخدم ببلاش لا يستفيد علاوة ولا شي لحين ترقيه ...

    ولا يوجد بوزشن فارغ يترقى عليه ... والكثير يعاني من هالمشكلة من الموظفين



    زي ما عرفت ان قريد 24 وصل السقف الاعلى له 30 الف ريال .. والكثير من الموظفين موقف قريده على هالدرجة بحيث لايوجد بوزشن فارغ يترقى عليه ... والكثير طمع بالبكج ومشى مع الدفعة الاخيرة


    موفقين كل خير
     
  5. هدار

    هدار بـترولـي جـديـد

    42
    0
    0
    لكن الدرجة 24 السقف الأعلى هو 21330 ريال فى 20% يصير تقريبا 25500 ريال
     
  6. جابر

    جابر قــلــم بــتــرولــي أعضاء الشرف

    المضحك فى (رفع السقف) بهذه الطريقه ...قد يسبب الأتى :

    الأرقام الأفتراضيه ...تقريبيه

    أفرض موظف (جامعى) ...
    توظف من 3 سنوات .. وراتبه 7000 ريال ..
    وكل زياداته السنويه أصفار ...لأنه كحيان تقييمه السنوى E ...

    بعد رفع سقف الراتب .. أصبح أدنى مربوط الدرجه 7000+20% يعنى تقريبا 8500 (قيمة أقل مربوط للدرجه)

    فإن الشركه قد تكون مضطره لأعطاه الفرقيه ...
    حتى يصبح راتبه (على الأقل) مساوى لأقل مربوط الدرجه...ويتواءم مع نظام الشركه ..

    بينما ...
    شخص جامعى ..
    توظف معاه بنفس اليوم وعلى نفس الدرجه ..
    وزيادته السنويه (فى الثلاث سنوات) السابقه B ,B , A مثلا ..
    لن يزيد راتبه ولا فلس ...لأن راتبه الحالى أعلى من (أقل مربوط الدرجه)

    بالعربى ... ضيعوا جهد 3 سنوات على موظف نشيط ..وأعطوا موظف كسوووول هالزياده ... لتضبيط سلم الرواتب .. وبالأخير تساوى راتب الأثنين ..

    كنا نتمنى لو كان فيه زياده للجميع مثل ماعشمونا السنتين اللى طافوا ...كنوع من التعويض عن الكادر المنقوص ..
    ربك كريم ..
    ومع هذا (رأى شخصى) تظل إدارة الخفجى (الكويتيه) أفضل بكثير من الإدارات النفطيه الكويتيه الأخرى..ولانزال متأملين فيهم خير ...
     
  7. هدار

    هدار بـترولـي جـديـد

    42
    0
    0
    السلام عليكم ورحمة الله وبركاته
    ممكن يرفعون السقف الأعلى للراتب ولايرفعون الحد الأدنى
    ولايصير اللى تقول عنه
     
  8. جابر

    جابر قــلــم بــتــرولــي أعضاء الشرف

    وعليكم السلام ورحمة الله ..
    ممكن طبعا ...لكن مستبعد ..

    لأن الأصل ليس فقط تعديل الرواتب للناس اللى زيادتهم وصلت أصفار ...

    ولكن رفع الرواتب لكل من يريد التوظيف فى الخفجى ..حيث إن هذه الرواتب جامده من سنيييييييييين

    بالأضافه لمراعاة زيادة الرواتب فى القطاع ..وزيادة الأسعار ..

    يعنى بدل مايبدأ مثلا 7000 ريال يبدأ 8500 مثل ماقلنا ..

    وعليه .. الأدق هو رفع الأدنى والأعلى للدرجه ... وليس فقط أعلى المربوط ..
     
  9. هدار

    هدار بـترولـي جـديـد

    42
    0
    0
    السلام عليكم ورحمة الله وبركاته
    إذا الأن الزيادة مطبقة حتى على التوظيف الجديد أرجو الإجابه لان الإجابه تهمنى لو سمحت وهل حصل تعديل على نظام الترقيات للتوظيف الجديد
    ولك جزيل الشكر
     
  10. جابر

    جابر قــلــم بــتــرولــي أعضاء الشرف

    وعليكم السلام ...
    اللى أعرفه ...
    الزيادة للتوظيف الجديد ......لأن الموظف القديم ماله شى ..الا الحالات اللى ذكرتها ...(حسب توقعى ..يزيدونه لأقل مربوط الدرجه..إن كان راتبه أقل منها)
    بس متى ينفذ فعليا ؟...الشباب يقولون سقف الراتب أقر ..
    وموجود حاليا على الساب ..وهذا يعنى أى توظيف من اليوم تحوشه الزياده .
    ونظام الترقيات هو نفسه ..
    ماتغير فيه شى كل أربع سنوات ...
    لكن التوظيف الجديد كل 3 سنوات بدرجه ...

    على كل حال ..
    إذا السالفه مصيريه وتهمك حيل ..
    أخذ معلوماتك من أكثر من مصدر ...

    ومنا إلى الشباب اللى عندهم تأكيد أو شرح يضيفونه ...
     
  11. هدار

    هدار بـترولـي جـديـد

    42
    0
    0
    جزاك الله خير وبيض الله وجهك أى والله تهمنى حيل وتكفى اذا حصلت على معلومات جديدة لاتبخل علينا فيها
     
جاري تحميل الصفحة...

مشاركة هذه الصفحة