وين مكان ال Kgoc اللي بالوفرة

الكاتب : ATI | المشاهدات : 654 | الردود : 6 | ‏19 مارس 2010
  1. ATI

    ATI بـترولـي جـديـد

    9
    0
    0
    السلام عليكم

    اخواني يا ريت اللي يدل وين صايرين بالوفره يدليني مكانهم

    او اذا عندكم الاحداثيات للجارمن اكون شاكر لكم


    انا خذيت احداثيه من الانترنت و امس وصلت نص الطريج شفت لافته منطقه محظورة للعمليات المشتركه و رديت مادري اذا صح و لا غلط ؟

    واللي يداومون هناك هل تسوى كل يوم رايح راد من الوفره ؟

    وجزاكم الله خير
     
  2. xSpark

    xSpark بـترولـي جـديـد

    السلام عليكم

    يعطيك العافيه

    انت وصلت لي الدوار الاخير الي موجود فيه لافته منطقه محظوره تقريبا انت دشيت العمليات المشتركه

    بس الاداره و المواقع الثانيه لازم تصريح بالدخول من قسم الامن

    وبالنسبه للعمل بالوفره كل واحد وقناعته وشغل يسوا وحلو وحاله حال اي شركه نفطيه ثانيه

    الله يسهل عليك

    ارجو اني اجبت على استفساراتك




     
  3. ATI

    ATI بـترولـي جـديـد

    9
    0
    0
    الله يعافيك اخوي مشكور عالرد

    اي صح كلامك انا وصلت لي الدوار

    بس انا بغيت اعرف يعني باقي وايد على ما اوصل مكانهم؟

    انا انقبلت هناك بس متردد اوقع العقد رحت بشوف المكان و ما عرفت بعد لافته المنطقه المحظوره الشارع صار بدون ليتات وانا كنت رايح بالليل ف مادري باقي وايد على مكانهم و هل انا طريقي صح

    وانا العقد اللي شفته مو كاتبين بدل الطريق بس حاطين درجه 11 و المعاش 997

    ف اذا تقدر تنصحني يا اخوي

    وجزاك الله خير
     
  4. xSpark

    xSpark بـترولـي جـديـد

    الف مبروك اولا

    بالنسبه المسافه من الدوار لبوابه الاداره 5 كيلو تقريبا

    بدل الطريق قريب 400 دك

    بس اي قسم هل انت شفتات ولا صباحي

    والطريق سهل بس يبيله شوي تكون واعي لان اكو مشروع مدينه صباح الاحمد فالشاحنات مسويه

    زحمه وغبار

    اسئل الله التوفيق للجميع ​
     
  5. ATI

    ATI بـترولـي جـديـد

    9
    0
    0
    الله يبارك فيك اخوي

    انا صباحي بس مادري وين راح يقطوني

    تخصصي علوم كمبيوتر


    مشكور اخوي ما قصرت الله يعطيك العافيه
     
  6. eng_004

    eng_004 بـترولـي نشيط

    68
    0
    0
    الف مبروك على القبول...انت وصلت تقريبا للشركه لانه من الدوار تقريبا خمس دقايق انت بالمبنى الرئيسي....بالنسبه للمعاش راح يكون تقريبا1250 دينار ومكانك راح يكون بالآيتي خوش مكان ...اللي عليكم امريكي نصيحتي لك وقع عقدك والله يوفقك انشالله
     
  7. ATI

    ATI بـترولـي جـديـد

    9
    0
    0
    الله يبارك فيك اخوي

    مشكور وايد عالرد

    ردودكم طمنتني جزاكم الله خير


    بالتوفيق للجميع يا رب
     
جاري تحميل الصفحة...

مشاركة هذه الصفحة