وضع النقابه الحاليه ؟

الكاتب : همام | المشاهدات : 671 | الردود : 5 | ‏17 مارس 2010
  1. همام

    همام بـترولـي جـديـد

    10
    0
    0
    بسم الله الرحمن الرحيم ,,

    السلام عليكم ورحمه الله وبركاته , تحيه طيبه وبعد ,,
    اللهم صلي على محمد وعلى آله وصحبه ومن اتبعه الى يوم الدين ,, اماااا بعد

    بخصوص النقابه الحاليه , ودي اعرف وودي احد يفيدني عن اوضاعهم وعن الكلام اللي يطلع على النقابه ,,
    انااعتب على الاعضاء ودي احد منهم يمتلك الشجاعه ويكتب بالمنتدى ويوضح لنا الامور الي قاعده تحصل بين اعضاء النقابه ,,

    اولأ سالفه التفرقه الي حاصله بينهم والمشاكل بين بعض الاعضاء والاحزاب اللي حصلت بينهم ,,
    نسمع ان في قسمين منشقين من النقابه وقسم مظلوم وقسم منهم العتب عليه , وانا هذا الشي اللي ودي احد من الاعضاء يكتب ويضح لنا المشاكل اللي تطلع عليهم , حنا مادونا بالكلام هذا واتمنى ان الكلام اللي يطلع عليهم انه غير صحيح ,, واعتب كل العتب على اعاده المناصب اللي صارت واللي انظلموو فيها ناس وهم من شال القائمه وسعى اللي توصيلهم وكانت الشجاعه واضحه عليهم من اول يوم تشكلت القائمه ,, ناس نشهد بشجاعتهم وبفعلهم اللي يبيض الوجه ,, وبعد كل التعب هذا صارت كل هالتفرقه ,, واعتب على الرئيس اللي ضحى بالقائمه وضحى بربعه وضحى بالتعب ونسى وقفه الرجل الواحد اللي بينت بنجاح القائمه , وسوى كل هالمشاكل وفرق بين الاعضاء وكان الشك يدور بينهم مع ان اغلبيت الاعضاء ناس نشهد بجهدهم ووقفتهم وشجاعتهم , ليش يارئيس ضحيت بربعك وضحيت بأقرب الناس لك وهو ولد عمك واتفقت ضده مع انه مظلوم وظلمت معاه اكثر من شخص ,,
    والتشكيل اللي صار بدوانيه الحربي اللي اشهد له وقفته وانه وضح الامور بس الاغلبيه تقلب الشجاعه ,,

    والله ماودي اني اكتب هذا الموضوع بس من الظلم اللي اشوفه على بعض اصدقائي هو اللي خلاني اندفع واكتب هالموضوع ..

    انا ودي ان يكون في اعتصام قريب عشان تبين مواقف الرجال والاعضاء ونشوف من المظلوم ومنو مع مصلحه العمال ومنو مع مصلحته الشخصيه ,,

    بس في 4 اعضاء اشهد وقفتهم واقسم بلله لو تصير اي مشكله للعمال هم اول من يوقف معهم وينصرهم والايام تثبت هالكلام ,, , وشرط حقكم راح تاخذونه وحنا معكم قلبأ وقالباً ,, وعندي كلام واجد ودي اقوله بس لو اتكلم ماراح ينفع عند بعض الناس ,,
    الله يوفقكم وانشالله تاخذون حقكم وزياده ,, والميدان يبين بكره منو اللي مع الموظفين ومنو ضدهم , وحنا لنا وقفه ضد بعض الاعضاء وراح تبين كل الاموره اللي نعرفها واللي بعضها نجهلها ,, والسلام ختام ]
     
  2. Q8-OLD

    Q8-OLD بـترولـي جـديـد

    13
    0
    0
    سبحان الله
    والله اكبر
    لا اله الا الله
    هذا واحد من الي سجلوا هليومين ونااااوي يشق الصف ويطبل ويزمر والمشكله انه ماسجل الا هليومين
    وقام يشق ويخيط جنه خياط الي ورا شارعنا تيسير انا اقولكم من كلامك أصيدك واحسبوا ويااي جم مصيبه وقع فيها *********

    أولا-انااعتب على الاعضاء ودي احد منهم يمتلك الشجاعه ويكتب بالمنتدى ويوضح لنا الامور الي قاعده تحصل بين اعضاء النقابه ,,

    الجواب - انا اقولك انت امتلك الشجاعه والرجولة وقول اسمك انت منووو لكن النقابه كلهم معروفين ولو تبي ارقامهم انا ازودك فيهم ناس رجال ومشهود لهم بكل خير ويكفيهم انهم ممن زكاهم ربعهم بس انت منووووو؟؟؟


    ثانيا-واعتب كل العتب على اعاده المناصب اللي صارت واللي انظلموو فيها ناس وهم من شال القائمه وسعى اللي توصيلهم وكانت الشجاعه واضحه عليهم من اول يوم تشكلت القائمه

    الجواب-منو الي انظلم فيها اذا قصدك منصور لجنته الي اهي لجنته مااهتمت فيه واهو لو كان مظلوم ليش مايقدم استقالته شقعده وياهم واذا قدم استقالته رؤساء دول قدموا استقالاتهم واهم كانوا علي خطأ وبعدين تبي تقنعنا انت وامثالك انهم مظلومين كل موظفيين الشركه يدرون انهم لم يبرو قسمهم مع الله وطبخوهاا ال4 الي ادافع عنهم وربعهم الباقين ماهتموا فيهم وردو الصاع صاعيين

    وتقول اهم من شال القائمه اذا اهم الي انت محسوب عليهم شالوا القائمه ليش نزل معاهم ليش مانزل سنغل ونجح بل ربهعهم الي شالوهم
    بسكم أدعائات باطله وأشاعات وااتقوا الله لي متي تقولون قول الزوووور
    ***************
    ثالثا-انا ودي ان يكون في اعتصام قريب عشان تبين مواقف الرجال والاعضاء ونشوف من المظلوم ومنو مع مصلحه العمال ومنو مع مصلحته الشخصيه ,,

    بس في 4 اعضاء اشهد وقفتهم واقسم بلله لو تصير اي مشكله للعمال هم اول من يوقف معهم وينصرهم والايام تثبت هالكلام

    الجواب-اللحين انت وامثالك اتقيم الرجال حتي قائمة التطوير اخوانهم يشهدون لهم برجولتهم وشجاعتهم وحتي الي داوموا معاهم يعني ربعك ويا العمال وال11 اهم الي ويا الاداره صج صج قويه

    وبعدين لما تقول بس في 4 اعضاء ابشرك انت واحد منهم وابشرك وهؤلاء هم الي لم يبرو بقسمهم لا مع الله عزوجل ولا مع ربعهم حتي طاحوا بشر اعمالهم (وشهدا شاهدا من أهلها) وكل الموظفين يدرون القاصي والداني

    وفي الختام أنا كتبت مقاله قديمه بعنوان والله عيب تحث علي الاحترام وعدم التجريح والتفريق بين اعضاء النقابات والملاحظ للهذه الأسامي التي تسب وتقذف بلأشخاص أنها جميعها سجلت في شهر 3

    صج صج والله عيـــــــــــــــــــــــــــــــــــــــــــــــــــــــــــــــــــــب
     
  3. حدي صريح

    حدي صريح بـترولـي جـديـد

    26
    0
    0
    بسم الله الرحمن الرحيم


    انا مستغرب برد اخونا كويت اول على الموضوع ردك فيه حماس كانك تمشي 200 هدي السرعه شوي

    بخصوص الاعضاء 4 وانهم احلفووو واقسموواا ومابروو بالقسم اقول ماعندك سالفه واذا احد حلف لك اللي تبي

    مع اني سمعت كلمه من قائمه التطوير حيل عجبتني بخصوص الطعن

    قالووااا حنا طعنا لانا مظلومين ونشوف لنا حق واذا ماقدرنا انجيب حقنا شلوون بنجيب حقووق الموظفين

    وهذي رساله حق الاعضاء 4 انتووو نجحتووواا لانكم تستاهلللون فإذاا كنتوااا تحسووون ان ربعكم اطعنوووكم من الخلف فوجودكم معهم مذله لكم ولربعكم فمذااا انتم فاعلوووون طبعن تدووور السوالف بينا وبين الربع على هذاا الموضوع لانه حديث الساعه

    فكان رائيي انكم راح ترضون وخصوصا ان صار في توزيع قبل الانتخابات ورضيتوواا خصوصا الشمالات والحربي

    وانا قلت لربع اذا في واحد راح ايقدم استقالته هو منصور مثال

    وخلنا انرد حق اخونا المتحمس

    بسم انا ابي جواب على هالسؤال

    هل الصحاف حلف ولا لا وهل قال جعل امي وبوي السرطان اذا نزلت على اي منصب ؟

    واتحداك احد من اعضاء النقابه ينكر هذااا الشي


    وبعدين تقول لجنه المطران راضين اللجنه انتهى دورهاا بعد الفرعي والحين ايمثووون نفسهم

    ولاتوقع ان المطرااان راضين عن الوظع لان الصحاف فضحهم قدام الناس
     
  4. براق

    براق بـترولـي نشيط

    117
    0
    0
    السلام عليكم كيف حالكم شباب ؟

    كويت اولد يقول:
    هذا واحد من الي سجلوا هليومين ونااااوي يشق الصف ويطبل ويزمر والمشكله انه ماسجل الا هليومين



    تعليق : كويت اولد اللى يقرا ردودك يقول من مؤسسين المنتدى
     
  5. همام

    همام بـترولـي جـديـد

    10
    0
    0
    صح على قولتك اني مسجل ما صارلي يومين وانت مسجل قبل 5 سنوات ,, يا اخي ارتق بأسلوبك وانا ما طعنت بأحد ولا سبيت احد وهذي كانت وجهت نظري واكثر الموظفين تعرف منو الغلطان والمظلوم ومنو الظالم ,, بس ارتق بأسلوبك وتعلم الاحترام شوي ,,*************** ,,
     
  6. fr9a

    fr9a موقوف

    84
    0
    0
    همام..
    تبي الحق ولا ولد عمه؟
    ياخي انتا الي ارتق بكلامك..
    تدري ليش..انا اقولك
    الحين باخذ مقتطفات من الكلام الي كاتبه بموضوعك وقولي شنو معناته:

    ============================
    الكلام اللي يطلع على النقابه
    (الكلام من منو..وهالي سمعت منه..شدراه؟)
    احد منهم يمتلك الشجاعه
    (يابابا انتا أبو الشجاعه..بس ارتاح ياخوي)
    الامور الي قاعده تحصل بين اعضاء النقابه
    (الاموره الي قاعده تحصل؟ وشدراك ان في امور قاعده تحصل)
    اولأ سالفه التفرقه الي حاصله بينهم والمشاكل بين بعض الاعضاء والاحزاب اللي حصلت بينهم
    (او او او..شهالكلام الكبير..مابقى كلمه ماقلتها عن التفرقه..يبا اذا تبي بينهم دم بعد قول..هذا الي ناقص)
    نسمع ان في قسمين منشقين من النقابه
    (نسمع؟..حلوه..كثر منها..)
    ودي احد من الاعضاء يكتب ويضح لنا المشاكل
    (ارتاح..لامشاكل ولا شي..مافيهم الا العافيه)
    حنا مادونا بالكلام
    (واااااااااااااااااااااااااااااااااااااااااضح:))
    ناس نشهد بشجاعتهم وبفعلهم اللي يبيض الوجه ,, وبعد كل التعب هذا صارت كل هالتفرقه
    (اررررررررررررررررفع..واجـــبس)
    واعتب على الرئيس اللي ضحى بالقائمه وضحى بربعه وضحى بالتعب
    (ليش ليش ليش كل هالتضحيه عاد..قول ضحي بالقائمه وبربعه وبالتعب..اختصار احسن..بس ولايهمك..ادري ودك تسولف..قول قول)
    وكان الشك يدور بينهم
    (ملعوووووبه منك..لو كاتب "الشك يدور فيما بينهم" تطلع دراميا احلى)
    اغلبيت الاعضاء ناس نشهد بجهدهم ووقفتهم وشجاعتهم , ليش يارئيس ضحيت بربعك وضحيت بأقرب الناس لك وهو ولد عمك
    (اررررررررررررررررررررفع..اجــــبس)
    الاغلبيه تقلب الشجاعه
    (هوشه؟ بعديت مو تقلب..تغلب)
    والله ماودي اني اكتب هذا الموضوع بس من الظلم اللي اشوفه على بعض اصدقائي
    (دام ماودك ليش كاتب؟..علشان الظلم الواقع على اصدقائك؟..اصدقائك عاد؟..متابع سبيس-تون؟)
    اندفع واكتب هالموضوع
    (لاتندفع وايد علشان اعصابك بس)
    انا ودي ان يكون في اعتصام
    (اذا بتسوي قولي وين..خنغير جو)

    ============================
    توضيح..(ارررفع..اجبس) يعرفونها ربع المخيمات..:)
    وتحياتي للجميع..<<< القائمه
    :)
     
جاري تحميل الصفحة...

مشاركة هذه الصفحة