وحدة Fcc تطلب الإنقاذ

الكاتب : FCC-Area-4 | المشاهدات : 4,172 | الردود : 41 | ‏12 مارس 2010
  1. FCC-Area-4

    FCC-Area-4 بـترولـي جـديـد

    4
    0
    0
    في البداية أود ان اشكر ادارة المنتدى على اتاحتها الفرصه لي وللزملاء لطرح مالديهم من هموم ومشاكل
    ونسأل الله ان تكون في موازين حسناتهم وجزاهم الله عنا خير الجزاء .

    لقد سمعنا كثيراً عن السيد مناور المطيري مدير عمليات مصفاة الأحمدي كل خير .. والكل يمدح فيه ويذكره بالخير وهذا شيئ طيب ونتمنى ان يكون جميع المسؤولين على قدر من المسؤوليه مثل السيد مناور المطيري ومحاولاته الحثيثه لحل مشاكل الموظفين في المصفاة .

    اليوم نتحدث عن أهم وحده في مصفاة ميناء الأحمدي .. وهي وحدة FCC وكلكم يعرف حجم هذه الوحده وحجم المهام فيها وأهميتها اقتصادياً للدوله .

    بسبب كبر حجم الوحده وبسبب كثرة معداتها وكثرة العمل المتعب فيها دون اي تقدير يطلب الكثير من موظفيها النقل الى وحدات أخرى .

    طبعاً بما انها وحده مهمه وطارده للشباب الكويتي وغير الكويتي حتى ان بعض السوبرفايزريه اجانب لعدم رغبة الكويتين بالعمل فيها . فمن المفترض ان يكون هناك حوافز واغرائات لمن يريد العمل في هذه الوحده . ولكن للأسف مايحصل هو العكس .. وهو تطفيش الموظفين بشتى الطرق ولا نعلم ان كانت متعمده او غير متعمده ونترككم مع بعض النقاط المهمه .

    * التيم ليدر للأسف لا يعرف أغلب الموظفين .. بل ان من امضى اكثر من خمس وست سنوات في هذه الوحده لم يرى التيم ليدر الا مرات تعد على الأصابع .. ولا يوجد اي تحفيز او تشجيع من قبل التيم ليدر للشباب في الوحده .

    * للأسف ايضاً ان رئيس القسم ليس على قدر المسؤوليه .. حيث يتسم تعامله مع الموظفين بالديكتاتوريه والتعالي عليهم .. بل يصل في بعض الأحيان الى التطاول لفضياً عليهم .. حتى انه يتمنن عليهم بالإجازات والعلاوات مع العلم انها حق مكتسب للموظف .

    * خلال اقل من 3 سنوات قدم 8 مشغلين استقالاتهم منهم 4 كويتين .. والسبب اسلوب التعامل الغير جيد وبيئة العمل الغير صالحة نفسياً وصحياً .

    * الشلاتر ونشدد هنا على الشلاتر .. فهي تفتقر لأقل مقومات الحياة البسيطة حيث ان المياه غير صالحة للشرب .
    - لا توجد براده وقد تم استعارة برادة من احد الوحدات المجاوره .
    - لا توجد ثلاجه ولا مايكروويف بل نستخدم الخطوط الحارة لتسخين الأكل .
    - سخان الماء الخاص بالشاي والقهوه اشتراه أحد الشباب على حسابه الخاص .
    - دورات المياة أجلكم الله غير صالحة للإستخدام بتاتاً.
    - لا نستطيع الوضوء في الشتاء بسبب برودة المياه وعدم وجود سخان ولا في الصيف ايضاً لحرارتها الشديده.
    - المكيف مجرد صوت واعتقد انه من قبل الغزو .

    * العلاوات السنوية مخفوس فيها دائماً والبونص للأسف اذا بيعطون يعطون واحد فقط .. طبعاً البعض قد يتعذر بوجود طبيات .. وهنا نسأل مالذي يدفع الشباب للمرضيات ؟؟ انها قلة الإجازات وكأن السيد المسؤول يعطيك من جيبه .
    ومع ذلك نرى ان من يعمل في هذه الوحده بالذات يجب ان يميز عن باقي المشغلين في الوحدات الأخرى مع احترامنا لهم .

    * تم اظافة معدات جديدة ( قسم جديد ) في الوحده وطلب منا العمل عليها دون ان تتم زيادة عدد المشغلين في الوحده . مع العلم ان الوحده يعمل فيها 4 مشغلين حقل وهي عبارة عن 3 اجزاء كل جزء يحتاج على الأقل الى مشغلين أثنين .

    * الدخانية تبعد عن الشلتر والوحده مسافة ليست بالقليلة وكأنهم يتعمدون المشقة على المشغلين .. الا يكفي عدم وجود براده ولا ثلاجه ولا مايكروويف ؟؟


    في النهاية أدعوا السيد مناور المطيري مدير العمليات الى زيارة هذه الوحده وان يقوم بنفسه بدخول الشلتر ويزور الدخانيه ويرى كيف يعيش المشغلين حياتهم اليوميه هناك .. وانا هنا اقول يعيش لاننا فعلا نجلس في هذا المكان أكثر مما نجلسه في بيوتنا .
    فهل يرضى أي مسؤول سواء رئيس قسم او تيم ليدر او المدير بنفسه ان يعمل في هذا الجو وهذه البيئه وفي وحده من أخطر الوحدات حياتنا معرضه للخطر في أي لحظه .
    وكلنا أمل ان يقوم السيد مناور بإصلاح ماعجز عنه الأخرون ... ونقوله تراها في ذمتك يابو صالح .. لا تحابي قريب ولا زميل ولا ابن قبيله وأعمل بذمتك وضميرك كما سمعنا عنك .
     
  2. R&GL

    R&GL بـترولـي نشيط

    129
    0
    0
    ادعوا الى تميز ومكافئة العاملين فى هذه الوحده باعطائهم بونص سنوى ومضاعفة اجازة التميز للعاملين فى هذه الوحدة لتكون 5 ايام كل 3 اشهر واضافتها على رصيدهم السنوى مع اعطائهم الحق بالخروج باجازة كل 6 اشهر لمدة لا تقل عن30 يوما لاستعادة نشاطهم وصحتهم حيث ان لهذه الوحدة بعض المخاطر الصحية على العاملين فيها بالرغم من جميع الاحتياطات المتخذة . وليتاكد لاخواننا العاملين فى هذه الوحدة اننا نحن اخوانهم العاملين فى الوحدات الاخرى نكن لهم كل تقدير واحترام نظرا لطبيعة عملهم الخاصة
     
  3. sayed hussain

    sayed hussain بـترولـي جـديـد

    33
    1
    8
    اتفق جزئيا معك

    نعم لابد ان تستجيب الادارة الى طلبات الموظفين مثل الثلاجة والميكرويف
     
  4. هيلمت أخضر

    هيلمت أخضر بـترولـي نشيط

    51
    0
    0
    احنا بالمنطقه الثالثه بح صوتنا

    السيد مناور المطيري (أسد المصفاة) ماراح ينفذ طلباتكم لانه التوفير و (الجعاصه) من صفات الشركه و مسؤولينها
     
  5. KWO

    KWO بـترولـي نشيط

    الله يعينكم
     
  6. THEMASTER

    THEMASTER بـترولـي نشيط

    61
    0
    0
    السلام عليكم ورحمة الله وبركاته

    يعطيكم العافيه فعلا على هذا المنتدى الراقي للتواصل وحل مشاكل الموظفين فشكرا للاداره .

    اخوي FCC-Area-4

    اسمحلي على المداخله معاك بموضوعك لاسباب كثيره اولها اني موظف في وحدة FCC يعني معاك واعرف جيدا الوحده ومافيها .. واعرف اكثر ادارتنا ومسؤولينا لهذا السبب اشارك من باب احقاق الحق لان هذا الموضوع فيه تهجم مباشر على ناس نحترمهم ونقدرهم ولهم افضال ومواقف كثيره على الجميع بالوحده عندنا وانت واحد منهم !!

    خلافك شخصي وانت حكمت على النيات وسبق وتكلمنا بهذا الخصوص وقلنا تكلم معاهم مباشره واشرح موقفك لانهم مايقصرون ربعنا طيبين ولكن مرات كثرة العمل تجعل الروتين ممل وانت مو قادر تصبر ...
    نملك اشخاص ذهب ويقدرونا ويتعاملون معانا كأخوان واكثر ومشكلتك بسيطه جدا ولاتحتاج لكل هذا الكلام والتشعب بموضوعك .

    ببدا بكلامك من البدايه
    نعم وحدتنا صعبه وهامه جدا وتصنف من اهم وحده في مصفاة الاحمدي مع الاحترام للجميع ولكن هذا تصنيف رسمي كان في مشروع بتمييز الموظفين اللي فيها ولكن لاسباب نجهلها تم منع هذا الشيء وهو اداري لانه كان على مستوى 3 مصافي وهو تمييز وحده في كل مصفاة !!

    اما كلمتة طارد للكويتيين !!! تتكلم عن منو ؟ لم يستقيل اي موظف بالعكس تم طرده لانه اما غياب دائم او مشاكل معروفه وكلنا نذكرها ماطلع ولا موظف بسبب الاداره وابي اسم واحد اذا عندك !!!!!

    والاجانب عن منو تتكلم مابقى الا واحد لان الاربع السوبرفايزريه كويتيين ...

    التيم ليدر شخص محترم وراقي في تعامله وبابه مفتوح للجميع وانا شخصيا كذا موقف حصل لي ايام الاداره السابقه واقصد SUCTION HEAD السابق اللي تقاعد وكانت للتيم ليدر قرارت سليمه وانصفنا فيها اما انه مايعرف الموظفين يااخي الرجل كان في مهمه من المصفاة لمده طويله ولما كان موجود والله يجي على البنل ويسأل ويسلم والاهم بابه مفتوح دائمه وتقدر تتصل عليه بعد .. وغطى مكانه ناس ولا ارقى واحلى اخوان ورجال بمعنى الكلمه بابهم مفتوح ويوميا موجودين معانا واتحداك تنكر هذا الشيء لانهم وانت تعرفهم جيدا ثم التيم ليدر هذا بسببه شفنا العلاوات الجيده والبونص اللي ماكنا نحلم فيه وقولي بالمناسبه كم علاوتك السنه الماضيه وهذه السنه ليحكم الناس بينا !!!!!! وهل خذيت بونص ولا لا السنه الماضيه او اللي قبلها وياريت تقول السبب لاخذك البونص هذا اذا وجد سبب يعني الناس تقدر وتحفز لانك خذيت بونص وعلاوه 8.5 % شنو تبي اكثر !!!

    رئيس القسم الله واكبر احلف بالله عاد هذا الرجل المعروف عنه نزاهته واخلاقه ووقوفه مع الموظفين وسعيه الدائم لحل مشاكلهم واي دكتاتوريه ياليت تعطي مثال واحد واتحداك تعطي لانه والله واشهد ربي على هذا الكلام مامسك وحدتنا شخص في نظافته وتعامله وبابه مفتوح للجميع وله مواقف مشرفه ويقدر الناس ويعرف الرجال وكيف يتعامل معاهم في وجوده شفنا هم البونص والعلاوات 8.5 و 9 % يتابع العمل والموظفين وله اسلوب اداري راقي وياما خجل الكثير في شهامته وعطاءه .

    نرجع للي استقالوا واقصد طردوا واكرر ابي اسم واحد كان شخص كفؤ ويستحق !!!!

    بالنسبه للشلاتر وغيره هذا موضوع آخر ونعم يوجد قصور ولكن على مستوى المصفاة وليس عندنا وهذا النقص موجود من ايام الاداره السابقه كتيم ليدر وسكشن هيد سابقين ايام ماكانت الديكتاتوريه بجد موجوده والظلم علني ولاتحلم ببونص او علاواه جيده !!!!! ياليت ترد علي بأني غلطان بس ابي اثبات ...

    نرجع للبونص والعلاوات قلت كلامي فوق واكرر ياليت تقول كم علاوتك هذه السنه امام الجميع وكم كانت قبل هالناس الشريفه ؟؟!!

    نعم نطالب بزيادة الموظفين هذا حق مشروع ونطالب بشلاتر ودخانيه صحيه ومجهزه بأفضل الامور لكن مانحمل الناس اخطاء سابقه ولم يساهموا فيها بل نطلب منهم التغيير وهم يسمعون واللي يقدرون عليه راح يسوونه وزياده .


    في الختام اقول مارديت على الموضوع الا لانك ذكر اشخاص لها مكانتها في قلوبنا ولا نحابي او نجامل مسؤولين ويشهد الله على كلامي المخطأ ننصحه ولا نشهر فيه !!!! واللي مو مقصر نشكره ونشد على ايده لانه يستحق واللي يقدر لازم يتقدر والطعن في ذمم الناس مرفوض والمصداقيه شعارنا .


    اخوك .. ابوعبدالرحمن
     
  7. THE-FCC

    THE-FCC بـترولـي جـديـد

    3
    0
    0
    السلام عليكم ورحمة الله وبركاته
    اخوي FCC-Area-4
    اسمحلي اعلق على موضوعك الي طرحته في المنتدى
    اولا انا زميل لك بنفس الوحده وراح اعلق على كل النقاط الي طرحتها
    بالنسبه للتيم ليدر شخص محترم وبابه مفتوح للجميع وانا شخصيا كان لي موقف معاه وقابلته وسمع مني بكل رحابة صدر وتم حل مشكلتي من قبله والله اني ما اجامل
    ورئيس القسم يا أخي شلون تقول عنه يتعامل مع الموظفين بكل عنجهيه وتعالي لا ويتطاول عليهم لفظيا بعد الله واكبر والله الذي لا اله الا هو انه افضل مسؤول تعاملت معاه رجل بمعنى الكلمة حقاني مايجامل بالحق وشلون تقول ليس على قدر المسؤولية يا اخي اتق الله ما شفنا العلاوات الزينه والبونص الا بعهدهم والا بالعهد البائد كانت العلاوات الزينه والبونص بس للاجانب وربعهم
    وابي اسالك سؤال اي اداره الي كانت تطفش الكويتيين الحين ولا الاداره البائده الي كانت تصيد على الموظفين الزله وابي اعرف منو الموظفين الي استقالوا بسبب اسلوب التعامل او بيئة العمل على قولتك انا اعرف واحد انفصل بسبب مشاكله وضربه لزميله واثنين استقالو لانهم اهل غياب طويل واهم موقد المسؤوليه مع احترامي الشديد لشخصهم وواحد تقاعد طبي اذا فيه غيرهم اذكر لي
    بالنسبة للمعدات الجديدة اعتقد تقصد ال ESP تم طلب زيادة الموظفين الى خمسه من قبل رئيس القسم والامر عند الاداره العليا وعلى ذكر ال ESP تقدر تقولي ليش ماتم استلام المشروع ليما الحين من المقاول انا اجاوبك واقولك لان رئيس القسم رفض استلامه لانه غير مطابق للمواصفات وفيه قصور تشغيليه وفنية وهذا اكبر دليل على حرص الرجل واخلاصه في العمل
    بالنسبه للشلاتر والدخانيه والحمامات اجلكم الله انا مؤيد لك تماما نعم هناك قصور كبير جدا لكن هل هذا الامر مقتصر على ال FCC او بس على مصفاة الاحمدي ياخوي انا كنت بالشعيبه والله ان الوضع في الاحمدي على سوءه ارحم
    واتفق معك تماما في ان وحدة ال FCC كبيره حساسه مهمة يجب ان يكون لها وضعها من حيث التميز عن سائر الوحدات لكن هذا الامر تمت المطالبة فيه من قبل التيم ليدر ورئيس القسم لكن ليما الحين ماكو شي
    اسف على الاطاله أرجو ان توسع صدرك وتقبل كلامي برحابه
    وانا ما كتبت هذا الرد الا من باب كلمة الحق والله يشهد علي
     
  8. FCC

    FCC بـترولـي نشيط جدا

    250
    0
    0
    بسم الله الرحمن الرحيم


    مع اننى لا احب التعليق أو الرد على مثل هذة المواضيع
    الا اننى وجدت نفسى مضطراً للكتابة .. وأستغفر اللة أولا وأخيرا


    أخى كاتب الموضوع نصيحة لوجة الله , تذكر قولة تعالي : ( ما يلفظ من قول إلا لديه رقيب عتيد )
    وقول النبى صلي الله علية وسلم : ( المسلم من سلم المسلمون من لسانه ويده )




    بدايةً لو كتبت عن وضع الشلاتر فى الوحدة او فى الميناء بشكل عام , أو تكلمت عن دورة المياة وعدم صلاحيتها للاستعمال لآيدتك فيما كتبت وقلت نعم الوضع سيئ ..

    ولكن أن تتهم أشخاص عاشرناهم, وعرفناهم … وتظلمهم و ( تبهتهم ) !! فلا حول ولا قوة الا بالله وأستغرب أن تكون بوحدة ال Fcc وتقول هذا الكلام !!






    ظلمت حظك قبل أن تظلمهم :(

    الدكتاتورية, والعنصرية, انتهت بعد تقاعد المسئولين ( اللى خبرك ) وبعد استلام الشباب الجدد سواء فى وحدة Fcc او الوحدات المجاورة.
    بفضل الله كلهم متفهمين ومثقفين وواعين , وانتهى عصر كبار السن صغار العقول !!

    أعتقد و بما أنك موظف بالوحده – حسب كلامك - مر عليك طريقة تعامل المسئولين السابقين ومحاولتهم (تطفيشنا) من الوحدة بشتى الطرق !!





    سألك أخوى بو عبدالرحمن وأنا بدورى اعيد عليك السؤال مرة أخرى

    خلال الثلاث سنوات الماضيه كم مرة أخذت بونص ؟؟ وعلى أى أساس صرف لك ؟؟ وكم علاوتك السنوية ؟؟







    رد عليك أخوى بو عبدالرحمن وقال لك سبب استقالتهم أو فصلهم !




    أخى كاتب الموضوع ..

    التقصير موجود ولا شك, سواء عندى أو عندك أو عند المسئولين , ولكن ان كنت تري بأنك مظلوم وصاحب حق ولا تملك الجرأة للمطالبة بحقك .. فمن سيطالب عنك !!

    وان كنت تملك الحجة ولديك الديل على كلامك, لم لم تطلب مقابة مسئولك أو المسئول الاعلى منة !؟


    السكشن هيد باب مكتبة مفتوح وكذلك التيم ليدر وكذلك مدير العمليات, واذا لك حق روح وطالب ولاتسكت .

    وتذكر اخوى مرة ثانيه قول النبى صلي الله علية وسلم : ( وهل يكب الناس في النار على وجوههم إلا حصائد ألسنتهم )​
     
  9. القنيصي

    القنيصي بـترولـي نشيط

    52
    0
    0
    (للأسف ايضاً ان رئيس القسم ليس على قدر المسؤوليه .. حيث يتسم تعامله مع الموظفين بالديكتاتوريه والتعالي عليهم .. بل يصل في بعض الأحيان الى التطاول لفضياً عليهم .. حتى انه يتمنن عليهم بالإجازات والعلاوات مع العلم انها حق مكتسب للموظف) .

    اخي الكريم راجع نفسك شوي وأنزل الرجال منازلهم .
    بالنسبه للمسؤوليه اعتقد ان هذا الرجل يعرف معنى المسؤوليه الصحيح خصوصا انه ترأس اكبر واخطر وحدتين في مصفاة الاحمدي وهم ال Hcr & Fcc ولم نسمع انه تردد في اتخاذ قرار حاسم في الوقت المناسب.
    اما بالنسبه للدكتاتوريه والتعالي على الموظفين فأنا اتفق معاك انه فيه من قسوة الحجاج ولكن بالحق حتى ياخذ كل موظف ما يستحق وهو بعيد كل البعد عن هذه الصفات.
    وبالنسبه لموضوع انه يتمنن باجازه او علاوه فهذا موضوع لا يستحق الرد عليه لانه هو يقدر من الاساس ما يطلعك اجازه او يعطيك علاوه
     
  10. THEMASTER

    THEMASTER بـترولـي نشيط

    61
    0
    0
    السلام عليكم ورحمة الله وبركاته

    اشكر كل عضو رد وبين الحقيقه وهذا طبع الرجال ماتقبل بالظلم والتهجم على الناس الشريفه
    علما واكرر بل احلف بأنه ماردينا الا من باب الحق وان الناس اللي ذكرت اسمائهم فعلا رجال تستحق التقدير والاحترام لا التشهير !!!!

    ارجع واطلب من الاخ العضو FCC-Area-4 ان يرد علينا ويجاوب على اسئلتنا اذا يقدر !!!!
    او يعتذر امام الجميع ويقول انه مخطأ بحق هالرجال لانه من باب الانصاف لهم موحلو التشهير والتلفيق والكذب ...

    نقف مع الحق مهما كلفنا خساره ولانقبل بالظلم بل نتصدى له .





    وللعلم اعتذر يمكن في مشاركتي الاولى بيت وكأني اعرف العضو FCC-Area-4 وانا للامانه مااعرفه ولكني خمت انه يكون شخص في بالي لانه عنده مشكله بسيطه جدا وفيها سوء ظن فقط وبردي السابق شرحته ..
    وهذا ايضا للانصاف لاني ماابي اظلم احد واكون غلطان .
     
  11. مستشار

    مستشار بـترولـي نشيط جدا

    400
    9
    18
    والله العظيم ان التيم ليدر و رئيس القسم الذين تحدثت عنهم انهم من افضل الاشخاص وقمة في العطاء وقمة التعامل والاخلاق مع الجميع وانا والله العظيم تعاملت مع الاثنين...
     
  12. Workers

    Workers إدارة المنتدى

    7,767
    30
    48
    ذكر
    الكويت

    ياجماعة هالطلبات التيم ليدر يقدر يوفرها ؟

    ما ادري صراحة التيم ليدر عندكم شنو الصلاحيات اللي عنده ..
    عندنا التيم ليدر يقدر يوفرها بكل بساطه اذا كان مهتم !
    عندنا اذا مو مهتم .. يكلمون الشباب النقابة والنقابة تكلم التيم ليدر اللي مومهتم
    ويصير مهتم ويطلبها وتكون متوفرة باسرع وقت .. وتصير مكسب للنقابة : )

    اتذكر سنه من السنوات كانت مكاسب النقابة .. توفير جميع ماذكر في الاقتباس اللي فوق
    بسبب وجود تيم ليدر مو مهتم إلا في نفسه والقريبين منه ( دوام صباحي )
    ضاع وقت النقابة في مطالبات اشياء تعتبر من ابسط حقوق الموظف ( دوام الشفتات )

     
  13. FCC-Area-4

    FCC-Area-4 بـترولـي جـديـد

    4
    0
    0
    وبدأ المطبلون والمرجفون يطعنون في اخوانهم

    لن اعلق على ردود بعض الزملاء ولكن اطلب زيارة مدير العمليات للوحدة وسؤال المشغلين
    وان يلقي نظره على ملفاتهم وعلاواتهم والبونص وان يزور بنفسه الشلاتر ويرى كيف يعيشون
     
  14. THEMASTER

    THEMASTER بـترولـي نشيط

    61
    0
    0

    بدا الاسلوب المعتاد والله من بداية الموضوع وانا شاك بأن العضو هذا مستواه !!!!
    المطبلون والمرجفون !!! تعرف معنى هذه الكلمات وتعرف منو اللي راد عليك لله الحمد نملك الشجاعه والرجوله في مواجهتك انت وغيرك والدليل كتبت اسمي لك وهذا الهدف من كتابته .. ولا اعتقد انك ماعرفتني مافي ابوعبدالرحمن بالوحده الا واحد اللي هو انا تقدر تواجهني ؟!!!

    تملك الشجاعه وتقول منو انت ؟؟!!

    ماعاش من جعلنا نطبل له او نرجف منه نحن رجال ولا نحابي لاحد ولكن لانقبل هذا الظلم والتجني على الناس اللي هم من افضل الاداريين شفنا الحق والعدل بوجودهم وراح زمن الظلم واللي كان لنا مواقف ضد من ظلمنا ولكن وجه بوجه وجبنا حقنا لله الحمد وتعرف هذا الشيء اذا كنت من وحدة FCC
    وسبق وقلنا لك وسألناك عن علاوتك والبونص ولكن وين الرد منك ؟!!!

    والدليل اختفائك وراء اسم مستعار احب اقولك مدام عرفتني نحن اذا ظلمنا نواجه وجه بوجه ونطالب بحقنا ونجيبه من اي شخص مهما علا منصبه لاننا اصحاب حق لكن لانكتب ونشهر وراء غطاء !!!!
    عرفت الفرق بينا !!!!

    نعم يجي مدير العمليات حياه الله ويشوف كيف الرجال تعمل وتنصف وصدقني موضوعك قلب مدح وتكريم لهؤلاء الشرفاء لان 3 من وحدة FCC ردوا وفندوا كذبك وايضا البقيه ردت وهي من نفس AREA-4 وهذا اكبر دليل على نزاهة مسؤولينا ومصيبه اذا كنا كلنا محسوبين عليهم !!!!.


    الله يعينك على حالك واكرر ونعمى الرجال واقسم بالله انهم يستحقون الشكر بدل هذا الكلام اللي مبين مدى حقدك وكراهيتك لهم واظاهر ان الموضوع اكبر من علاوه وبونص .... ولكن انت او غيرك لن نقبل في مواضيع تمسهم لان ماتعودنا نقبل التجني والظلم وخاصه اذا كان في ناس لها تقديرها مثلهم .. وابشرك لو تبي ردود من الموظفين في الوحده وكل واحد يضع اسمه هم ماعندي مانع لاننا نفخر بأسمائنا ولا نفشل منها !!!
    وهذا لاني واثق من نزاهة مسؤولينا وراح ابين لك كم موظف يحب ويحترم ادارتنا .
     
  15. THEMASTER

    THEMASTER بـترولـي نشيط

    61
    0
    0
    اهلين اخوي الغالي نحن مع هذه الامور اللي تفيد الموظف وتطور وتجدد الشلاتر وغيرها لكن ردنا لان العضو مااكتفى بهذه الطلبات اللي هي حق مشروع لو وقف عند هذه المطالب تجدنا معاه ونوافق عليها ولكن هذه الامور من زمان وليست بسبب وجود هذه الاداره وهي على مستوى الثلاث مصافي تقريبا والتعديل اداري ويحتاج مراسلات ووقت !!!
    لكن العضو تهجم وطعن في الناس اللي فعلا شفنا الخير والطيب والعدل بوجودها وحرام التجني والتشهير لانهم افضل من غيرهم بكثير وبابهم مفتوح للجميع ويقفون مع الموظف وفي امور كثيره تشهد بذلك فقلب الامور حرام وغير مقبول وصدقني لو الناس ماتستاهل ماشفت الكل بدا يرد ويفند الكذب خصوصا في اشخاص مسؤولينا ولكن الظاهر الهدف ابعد من هذه الامور !!!
    ولاحظ اننا اشتركنا بالمنتدى تونا والسبب هو هذا الموضوع اللي فيه ظلم كبير وهذا واجبنا ندافع عن الحق ونقول شكرا لمن يستحق .
     
  16. THE-FCC

    THE-FCC بـترولـي جـديـد

    3
    0
    0
    كان المفروض منك انك ترتقي بمستوى الحوار وتحترم زملائك بدل ماتوصفهم بالمطبلين والمرجفين
    وبعدين تعال هل كلمة الحق تعتبر تطبيل والا تبينا نسكت واحنا نشوفك تطعن بالناس الاشراف وشلون تتهمنا بالطعن وانت الي طعنت بالناس
    احنا ماطعنا فيك بل بالعكس قارعناك بالحجه وما رديت مو لأنك ماتبي ترد بل لأنك ماعندك رد
    أتمنى انك تراجع نفسك واذا شايف انك مظلوم او لك حق ففيه ابواب كثيره مفتوحه والمواجهة خير من التحلطم والطعن في الناس
    اخوي pickw
    احنا موضد هالمطالب بالعكس لو ترجع للرد الي كتبته تلقى اني مؤيد تماما لكل هالمطالب ومشروعيتها ومن حقه يطالب فيها واحنا معاه مو ضده في هالناحيه لكن انا كل الي اقوله ان الطعن في ناس تعتبر من الكفاءات المشهود لها بالنزاهة مايجوز ياخي انا ادعوك انت وكل الاخوان انكم تزورون ال FCC واسمعوا من الناس وناقشوهم هل فيه شخص كفؤ انظلم وهل فيه تقدير للكفاءة ولا لا
     
  17. بو زينب

    بو زينب بـترولـي نشيط

    60
    0
    0
    يبدو أن نشر الغسيل اصبح علنيا :)

    اول هام .....الغريب ان يكون السكشين هيد المتقاعد ( بو طلال ) عرضة للتجريح وتوصف ايامه بالدكتاتوريه والزمن البائد والعنصريه
    ورئيسه بالعمل هو نفس التيم ليدر الحالي واللي نال نصيب وافر من المديح

    ثاني هام ..... استكمالا للتجريح بالسكشن هيد المتقاعد ( بو طلال ) تكلم الاخوه عن الدرجات في عهد بو طلال ومقارنتها بعهد الازدهار الحالي
    ويبدو ان الاخوه لا يستطعون الدفاع عن فكرتهم دون الطعن بالغير ومن ثم يطالبون كاتب الموضوع بالانصاف وعدم التجريح فاقد الشيء لا يعطيه !!!!!

    ثالث هام .....من عجائب الزمان ان بعضا ممن إستدل بافضليه الدرجات حاليا طعنا في ( بو طلال ) أنفسهم إشتكوا او إعترضوا على السكشن هيد الحالي في تلك المساله !!!! واحدهم اشتكى او اعترض على استحياء على درجته و حبر توقيعه لم يجف من على ورقه التقرير الآن واعتقد لو السكشن هيد الحالي ( بو محمد ) يرى بعضا ممن يدافعون عنه بمسأله الدرجات ربما سيقول ( فكوني من شركم بالاول وتالي دافعوا عني!!! )



    رابع هام ....
    اتأمرون بفعل وتنسون انفسكم !!!! انتم من تجاوز على الاخ كاتب الموضوع واخص هنا الاخ بو عبدالرحمن انته من اتهمت كاتب الموضوع بالكذب دون ان يوجه لك اي كلمه فان كنت ترى انك تدافع عن الحق فربما غيرك يرى ان الحق ليس معك بقولك عن السكشن هيد السابق زمن ديكتاوري فهل له الحق بوصفك بنفس الوصف الذي وصفته به !!!! و عجبا ان الاخرين بصرت أعينهم اساءه كاتب الموضوع ولم تبصر
    الاساءه له !!!!

    خامس هام .... للاخ ابو عبد الرحمن حقيقة استغرب قولكم الوقت اللي كان فيه بو طلال كانت فيه دكتاتوريه حاولت اني افهم الموضوع انك تقصد الاداره عموما بس محد تغير منهم في وقت قدومكم للوحده غير بو طلال حسب علمي فالتيم ليدر اهو نفسه او على اقل تقدير واكبت يا بو عبدالرحمن اداره بو طلال مع التيم ليدر الحالي وهل فعلا بو طلال عنصري ودكتاتوري وظالم انا شخصيا ان لم تخني الذاكره سمعتك تمدحه فانصف الرجل من باب احقاق الحق

    سادس هام ..... السكشن هيد الحالي ( بو محمد ) كما اراه انسان نزيه متواضع لم تنل منه الطائفيه والقبليه والعنصريه منسجم مع نفسه وحقاني
    وما يسري عليه يسري على التيم ليدر

    سابع هام ..... افضل رد كان للاخ مستشار قال كلمه الحق دون ان يقترب من احد ولم يكن ملكيا اكثر من الملك كما كان الاخرين

    ثامن هام ...... حبوا بعض


    على كتر ........ رساله الى V-86-116 بسك غيبه ترا اليونت مالها طعم بدونك
     
  18. THEMASTER

    THEMASTER بـترولـي نشيط

    61
    0
    0
    بوزينب

    نعم يبدو أن نشر الغسيل اصبح علنيا ولكن من طرف واحد للاسف من الناس اللي راسها مكشوف ولا تخاف وتختبا وراء اسماء مستعاره !!!

    السكشن هيد ابوطلال نعم امدحه لما يستحق المدح وهو في آخر ايامه عدل من اسلوبه وبدأ يكسب الناس لكن في الماضي كلنا نعرف كيف كانت العنصريه والامثال كثيره وعندي ونعم ماعرفنا العلاوات ولا البونص في عهده وانا اشتكيت عند التيم ليدر الحالي وانصفني وهنا مدحي له .. انا اول ماجيت كان باقي كم يوم على التيم ليدر السابق ألياس ومو انا اللي اقول عنه دكتاتوري يامحمد بل من هم منه وفيه وهم عندي اسماء كثيره تقولك شنو كان يسوي وكيف يتعامل ومنو ياخذ علاوه وكم ومنو ياخذ بونص ولا نسيت حاضر اذكرك اذا تبي ايام ألياس وكاظم واسأل ابناء جلدتك تقولك فيarea-4 واذا محد قالك قولي وانا اقولك الاسماء وامامهم واذكرهم باللي قالوه !!!!
    نعم يبدو أن نشر الغسيل اصبح علنيا !!

    نعم صاحب الموضوع كذاب واتحداه يقول غير ذلك وهم عندي الدليل واتكلم عنه الطعن في الاشخاص الموجوده نعم تجنى عليهم وهم من انظف الناس يابوزينت نعم يبدو أن نشر الغسيل اصبح علنيا !!!!

    لاتستغرب يامحمد انا قلت ابوطلال عدل نفسه آخر ايامه وبالاخص لما انتقل الى وحدة Hcr-vr قبلها لا يتحابى واول من تهاوش وياه سيد مهدي الموسوي واول من طعن في تعامله ودكتاتوريته ولا نسيت تبي رقم مهدي يقولك والامثله كثيره بس هالاسم اخصه لانك تعرفه وانا اذكر كل كلمه قالها نعم يبدو أن نشر الغسيل اصبح علنيا !!!!

    قول منو اشتكى على الدرجات وفهمنا وهل حصل على حقه او لا ؟؟!!!
    هنا الفرق اللي له حق يسعى له ويطالب لكن مايشهر بالناس ويكذب ويألف ويطعن ياخوي واجه وطالب هذا حق لك .. التجريح من وراء اسم مو معروف هذا ضعف !!!!!!!!!!!!

    ثامنا مني نعم يبدو أن نشر الغسيل اصبح علنيا !!!!
    اللي له شيء يطالب فيه وباب المسؤولين مفتوح واذا يبي يطلب مقابلة مدير العمليات فبابه مفتوح وبتلفون واحد تاخذ موعد عنده ويسمعك وينصفك اذا لك حق لكن الاسلوب الضعيف والتخفي والتهجم والكذب على الناس مايجوز ولانقبله واكرر مانقبله وهذا واجبنا اذا الموضوع يمس ناس نحترمها ونقدر مواقفها !!!!!!!!!!!!!
     
  19. بو زينب

    بو زينب بـترولـي نشيط

    60
    0
    0
    اول هام ..... صباح الخير للجميع

    ثاني هام ..... الغريب يا بو عبدالرحمن ان بو طلال عنصري واول من تهاوش معاه سيد مهدي الموسوي !!!!

    ثالث ..... اصدرت حكمك على بو طلال في فتره لم تشهدها حين كان الياس تيم ليدر كما تقول يا بوعبدالرحمن وانا استفسرت منك على كلام حقيقة اني اعتقد سمعته منك بمدح بو طلال بعدين يا ابو عبدالرحمن تقول ان تعدل بالاخير وفكرتك الاخيره عنه انه دكتاتوري وتكتبها على الملأ يعني تعدل ويظل دكتاتوري !!!!

    رابع هام ..... كانت فتره وجودك اخوي بو عبدالرحمن باليونت هي فتره بو طلال والتيم ليدر هو نفسه حاليا يعني ليش تقول بو طلال تعدل بالفتره الاخيره وما قلت التيم ليدر اهو اللي تعدل !!!! لم بو طلال شمله كلامك بالدكتاتوريه وفي عهده نفس التيم ليدر اللي كانت فيه درجات منخفضه وبونص عالميزان الغير عادل شملته بالمديح!!!!!مجرد استفهام !!!!!

    خامس هام ..... اتفق معك ان الادارات القديمه عموما كان البونص فيها شحيح والدرجات منخفضه وكان الجميع يمشي ( على طمام المرحوم ) على من سبقه ولكن لم وصف تلك الفتره بالدكتاتوريه وشملت البعض ولم لم تشمل الجميع حتى التيم ليدر هو كان على رأس الهرم !!!!

    سادس هام ..... اكرر انكم تتهمون غيركم بالكذب لانه تعرض لشخص السكشين هيد الحالي وانتم تتعرضون لشخص السكشين هيد السابق وتتهمون صاحب الموضوع بان اسلوبه غير راقي فلا يجوز الكيل بمكيالين من مبدأ احقاق الحق


    سابع هام ..... بو طلال ومن شده احترامه لمن يعمل ويجتهد قام بتسليم شخص عزيز على قلبي وقلبك يا ابو عبد الرحمن من اول مقابله في غرفه التحكم وتلك سابقه على كل الجيل القديم من السكشين هيد تقديرا له على اجتهاده الفائق الغير عادي

    ثامن هام ..... سيد مهدي لا احتاج لرقم هاتفه :) ساتصل به واستعلم ولو اني اعرف رأي سيد مهدي جيدا وكان له عتب من ناحيه التعجيل باستلامه وكان يرى من منظوره واكرر من منظوره بان يستحق الاستلام قبل موعده استلامه الحقيقي

    تاسع هام ..... حيث ان مشاركتك يا بو عبدالرحمن خصصتها كامله بالرد علي اتمنى اني ما اكون المقصود بكلامك بالتخفي واتمنى انها مجرد جمله عرضيه حيث ان هالكلام خطير ويحتاج دليل وهالشي من حقي حيث انك ما دخلت هالموضوع الا وانت طالب حق

    عاشر هام ..... كان من الانسب للجميع تبيان الحق كما فعل الاخ مستشار من دون التعرض للاخرين حتى لا تفقد حجته بريقها ليس محمودا ان يكون الشخص ملكي اكثر
    من الملك

    الاحدا عشر هام ..... يبقى الجميع اخوان والتشنج بالرد لا طائل منه وغريب

    على كتر .....
    رايح اسجل اسم للمولود وراجع لتكتب اخوي بو عبدالرحمن ردك وان شاء الله لي رد اخير فاكتب يطولي عمرك كل اللي حاب تقوله وسيكون لي رد عليك من باب رد التحيه باحسن منها وتالي هالموضوع بالنسبه لي منتهي وكل واحد وضميره
     
  20. THEMASTER

    THEMASTER بـترولـي نشيط

    61
    0
    0
    المولود قلنا لك سمه حسين وربي يخليه لك.

    ماعندي كلام يابوزينب غير ان تعلمنا ان نقول الحق لو علينا وتعلمنا ان لو لنا شيء نطلبه من الناس مباشره وتعلمنا مانسكت على ظلمنا بل نقاتل على حقنا ..
    ولكن بدون تشهير وغيبه وكذب او التفاف على الناس او الكتابه باسماء مستعاره ومخفيه يابوزينب لو الرجل عليه ظلم ليش مايصعد ويقابل المدير بدال الكتابه بالمنتدى بهذه الطريقه والتجني مانقدر نشوف هالكلام ونسكت ...
    ويمكن يكون في شيء بينه وبين المسؤول هذا يصير لكن قابله واذا ماخذيت اللي تبيه اصعد واصعد الى ان توصل للي تبي الناس فيها خير والحمدلله احنا بالكويت محد يقدر يحط على احد فيه قانون وفي ناس شريفه ماتقبل بالظلم .

    هذه رسالتي فقط ..

    للعلم بعد يومين مسافر وهذه معلومه لاني ماراح اقدر ارد فلا احد يعتقد اني مااقدر ارد لو صار تدخل بالردود لكن الناس اللي فيها خير كثيره وتقدر ترد وتقول الحق بدالي !!
     
جاري تحميل الصفحة...

مشاركة هذه الصفحة