التميز فى قســم الأنتــــاج

الكاتب : LP-WET | المشاهدات : 2,005 | الردود : 15 | ‏4 مارس 2010
  1. LP-WET

    LP-WET بـترولـي نشيط

    145
    0
    0
    السلام عليكم ورحمه الله وبركاته


    أخوانى فى قسم الأنـــتاج

    ودى أعرف شنو صار فى موضوع التميز لقسم الانتــاج انا سمعت أنه راح يصرف مع شهر فبراير

    بس شهـر فبراير مــر علينا مروك الكــرام ولا شفنا التميز ولا جا له طــاري

    اخوانى للى عنده خبر عن التميز يقولونا شنو صار
     
  2. بلاوي

    بلاوي بـترولـي نشيط جدا

    185
    0
    0
    Free Kuwait
    الكويت



    ... ما كو شي نجحت القائمة ونسوا الموضوع ...
    والله لو تصير dry هم ماكو تمييز والسبب حسد الدوائر الثانية وضعف الإدارة
     
  3. Lag

    Lag بـترولـي نشيط

    94
    0
    0
    انا في سؤال من زمان يجول بخاطري وودي اسأل
    واتمنى صدوركم تكون رحبة للنقاش
    اسمع دايما عن التميز في قسم الانتاج والمطالبات في التميز
    هل الانتاج يداومون اكثر من الموظفين الثانين؟
    هل الكرود خطر والغاز مو خطر والكهرباء اللي 1000 فولت مو خطرة وقاتله ؟ واذا كانو خطرين هل يصرفلهم بدل خطر؟
    هل الاوفر تايم والاستفادة منه بالانتاج اكثر من قسم المحاسبه والاقسام الادارية ؟
    هل الموظفين في جميع اقسام الشركة ما يتعبون في عملهم بس الانتاج يتعبون ؟

    هل سالفة انه الانتاج يتعاملون مع نفط وغاز وماي تخلي دوامهم اكثر من دوام باجي موظفين الشركة ؟ ولا تخليهم يتعبون اكثر من موظفي الشركة ؟
    منو يتعب اكثر ؟ موظف يداوم شفتات وزام الليل يرتاح ويسوي اللي يبي لا مسؤول فوق راسه ولا مراجعين , حتى لو يبي يقسم ويا ربعه عادي يقسمون ,, ولا موظف قاعد على مكتب واحد من 7 الى 3 مسؤوله على راسه كل يوم ؟ انا صراحه افضل النوع الاول
    ليش ((بعض)) موظفين الانتاج حاط في باله ان محد يعرف شنو يصير في دوامهم وتقسيماتهم ؟

    والسؤال الاخير والمهم
    ليش نشوف اكثر الاداريين يبون يروحون ويتمنون يروحون الانتاج , في المقابل لو قلت حق اي موظف بالانتاج روح صير اداري يقولك مابي ؟ مو المفروض العكس لاني عمري ما سمعت انه موظف بالانتاج مقدم طلب انه يصير اداري لانه صراحه تعب من الاوفر تايم ومو قادر يعيد مع اهله

    وعلى فكرة
    انا ترا مو اداري :)
     
  4. bo-saleh

    bo-saleh بـترولـي مميز

    اهنيكم يا ادارة الانتاج على التعاون فيما بينكم وعلى المشاكل اللي تواجهونها وتحلونها فيما بينكم


    عمركم شفتوا غرفة تحكم فيها تلفزيون ال سي دي معلق علني :)


    هذا ان دل فانما يدل على قوة الاداره والله يحفظكم


    ويكونون مسؤولين الادارات الثانيه بقوتكم


    تحياتي بوصالح
     
  5. محمد المذن

    محمد المذن بـترولـي مميز

    694
    0
    0
    ليش يبا حسد الناس من الاقسام الثانيه لايبا الله يوفقكم ابينا حسد ان شاء الله
    اذا الله كاتبها لكم بتاخذونها والله يوفقكم
    لاكن انا اشوف انه ضروري التميز مو عشان انه تعب اكثر من الاقسام الثانيه لا كل واحد قاعد يسوي شغله
    لاكن قسم الانتاج هو اهم قسم بالدوله مو بس بالشركه والدليل خل تصير مشكله بالسنتر (مشكله كبيره) شوف منو راح ايي حق الابوريتور 1
    قسم الانتاج فيه نقص والكل وده يطلع منه وهاذا غلط مفروض فيه اكتفاء وارتياح

    والحمد الله على كل حال
    وشكراا
     
  6. zeyad

    zeyad بـترولـي نشيط جدا

    256
    0
    16
    بسم الله الرحمن الرحيم

    انا احب اعلق على نقطة واحدة فقط

    هل فعلا الاخوة في السناتر يستحقون التميز اكثر من غيرهم


    انا كوني كنت في الانتاج سابقا والحمدالله من الله علي بالانتقال الى الغاز اجزم وااكد

    انه لا يستحق التميز اي قسم في الشركة باستثناء الانتاج

    فقط الاخوة في الانتاج هم من يستحق التميز والاسباب كثيرة

    ولعل البعض لا يعلم انه اكثر قسم طارد هو قسم الانتاج بل طلبات النقل من الانتاج اكبر من طلبات التوظيف في الشركة

    لذا التميز حق للانتاج ويستاهلون وياريت يكون لهم مميزات اكثر وعسى الله يوفق الجميع

    زياد المطيري

    عمليات الغاز
     

  7. و الله احنا ما نبي تميز راضين بس انا عندي اقتراح

    خل شركة نفط الكويت او نقابة الشركة تسوى استفتاء مثل ما صار على موضوع القريد كنترووولر A واحد واحد

    كل موظفين الكرود و الماء و الغاز

    خل يصير التدوير بين الموظفين كل سنتين او 3 سنوات بيت الماي و الغاز و الكرود
    و خل التميز للانتاج يعني الكل بيحوشه التميز

    مثل الشمال و برقان و المقوع و المناقيش

    و شوف اذا لقيت احد يوافق من الماي و الغاز

    انا راضي ما ابي تميز و عليكم الحكم
    :)

    ( قاعد على مكتبك راز نسفتك جدامك كمبيوترك حاط عطرك راجع من دوامك نايم قيلولتك رايح دوانيتك راد بيتكم نايم بفراشك )

    احنا لا ريحتنه ريحه لا صدرنه متروس دخان و غازات صرنه معوقين و كل يوم متعور منه واحد قاعد على اعصابك طريجك من بيتكم لي الدوام ساعه و ساعتين و حاسدينه على جم هل الدينار خلوها على الله :×)
     
  8. المشاكس

    المشاكس بـترولـي خـاص أعضاء الشرف

    998
    1
    0
    قلناها مراراً وتكراراً مافي تمييز للأنتاج هذا مو حسد هذا واقع ..... وقلت أكثر من مره ... تحت أي بند يتم تمييز الإنتاج ؟؟؟؟؟؟؟؟؟

    أخواني إحنا كنا بالإنتاج ونعرف شغل الإنتاج والله يعينهم على سناترهم ألي كل يوم تاخذ طول بعرض .... بس كل ما كبرت السناتر زادو عدد الموظفين ألي فيها وهذا يبين إن مافي تمييز والتمييز يكون بزيادة عدد الموظفين...

    صحيح إن موظفين الإنتاج يتعاملون مع النفط والغاز والماي .... وأيضاً موظفين الغاز يتعاملون مع الغاز والنفط والماي والhse أيضاً يتعاملون مع جميع الأقسام...

    انا مو ضد تمييز الإنتاج بالعكس انا معاهم قلباً وقالباً بس ....... خل نتكلم بالمنطق أحسن
     
  9. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ

    كــــــــــــاك

    حــلوة كثــر منها

    واللـه يا أخوان مسرحية تميـز الأنتاج والي أبدعو فيها الأخوان في النقابة خلصت كواليسهـا ولا شفنـا النتائـج

    وعلي قولة البدوي ---> ماغيـر طـرق حكـي :cool:
     
  10. LP-WET

    LP-WET بـترولـي نشيط

    145
    0
    0
    جونم جقرم

    بنصير Dry بس عطووووووونا التميز اللى ونسونا فيها مو كفاااااايه 120 اللى راحت
     
  11. هل لما اقولك تبدل وتداوم في الانتاج وانا اداوم بقسمك توافق لا وانا متنازل عن 400 دينار بعد؟:D
     
  12. المملوح

    المملوح بـترولـي جـديـد

    20
    0
    0
    السلام عليكم ورحمة الله وبركاته

    اولا ياشباب انا من دائرة الانتاج ومن ناحية التميز هذي لعبه طابختها النقابه مع احترامي الشديد للاخواني وقالوا راح انفاجئكم تاريخ
    5-1-2010 وماتكلموا فيها مادري ليش حددوا التاريخ هذا ولاتحطون امالكم ياشباب بالتميز وعلى قولة المثل لو به شمس بانت من امس واحنا الحين بشهر 3 ولا صار شي . وخلوها على الله
     
  13. AD-01

    AD-01 بـترولـي خـاص

    1,040
    2
    38
    مادري يا شباب اذا انا كنت حاضر جمعية عمومية غير جمعيتنا والا الناس قامت تألف

    اللى انا سمعته (مع اني مو من ربع الانتاج) عن موضوع التميز في الجمعية العمومية كان التالي :

    1- تعهدت النقابة ان الموضوع راح يتوافق عليه من قبل ادارة الشركة في فبراير 2010
    2- قالوا تحتاج لموافقات من المؤسسة ومجلس الخدمة والمجلس الاعلى للبترول وهذي راح تآخذ وقت
    3- وقالت النقابة انها راح تطالب الادارة بصرف هذي العلاوة على شكل بونص سنوي لحين اقرارها

    حسب علمي تم اقرار التميز من ادارة الشركة وتحولت للمؤسسة من تقريبا (شهر)

    وحسب علمي ان الشركة ماتقدر تصرف البونص الا بعد ما تآخذ موافقة الوزير لان المبلغ كبير وفي قرار من مجلس الخدمة يمنع منح اي امتيازات ماليه او بونص الا بعد استئذانه
     
  14. Bluriver86

    Bluriver86 بـترولـي نشيط جدا

    الموضوع تم اطالتة
     
  15. AD-01

    AD-01 بـترولـي خـاص

    1,040
    2
    38
    اقرار العلاوه يبيله شهور اذا مو اكثر الا اذا تدخل الوزير
     
  16. محمد المذن

    محمد المذن بـترولـي مميز

    694
    0
    0
    عدل كلامك
    ياجماعه احنا مو مصوتين حق سوبر مان ترا ناس عادين حالهم حالنا
    الجماعه اجتهدو فيها ومثل ما قالو الربع يبيلها وقت
    الصبر زين والي الله كاتبة بيصير
     
جاري تحميل الصفحة...

مشاركة هذه الصفحة