امثال كويتيه قديمه

الكاتب : كندريه | المشاهدات : 539 | الردود : 3 | ‏2 مارس 2010
  1. كندريه

    كندريه بـترولـي نشيط جدا

    315
    0
    0
    باحثه اجتماعيه
    أبو طبيع ما يجوز من طبعه

    · إذا بغيت صاحبك دوم حاسبه كل يوم

    · إذا حبتك عيني ما ضامك الدهر

    · إذا حجت البقر على قرونها

    · إذا حضر الماء بطل التيمم

    · إذا صار رفيجك حلو لا تاكله كله

    · إذا طاح الجمل كثرت سكاكينه

    · إذا طبع دوس على تريجه

    · إذا فات الفوت ما ينفع الصوت

    · إسأل مجرب ولا تسأل طبيب

    · إش حادك يا المسمار ؟ قال المطرقه

    · إصرف ما في الجيب يأتيك ما في الغيب

    · أضبط من ساعة الملا



    · أقضب مجنونك لا يجيك أجن منه

    · إكل ما تشتهي وإلبس ما يعجب الناس

    · إما طلعه ولا طبعه

    · إن طاعك الزمن وإلا طيعه

    · إنطر يا حمار لما يجيك الربيع

    · إنفخ يا شريم قال ماكو برطم

    · الباب اللي يجيك منه الريح سده وإستريح

    · بات مظلوم ولا تبات ظالم

    · بغاها طرب صارت نشب

    · بغى يكحلها عماها

    · بغيناه عون صار فرعون

    · تجيك التهايم وإنت نايم

    · ثوب أطول منك يعتك

    · جارك ثم دارك

    · حاميها حراميها

    · حشر مع الناس عيد

    · حط راسك بين رجليك وإشهد على والدين

    · حط فلوسك بالشمس وإقعد بالذلال (إجلس بالظل)

    · خبز خبزتيه يا الرفله إكليه

    · خربان من البيضه

    · دابة الله بأرض الله

    · الذيب ما يهرول عبث

    · راعي النصيفة سالم

    · رزق القطاوه على الخاملات

    · زرع الميانين (المجانين) يطلعه رب العالمين

    · شبعونا طراقات وشبعناهم شتايم

    · شمامها لمامها

    · طارت الطيور بأرزاقها

    · طقاق روحه ما يصيح

    · الطول طول نخله والعقل عقل صخله

    · عتيج الصوف ولا جديد البريسم

    عمره ما تبخر ، تبخر وإحترق

    · عومه مأكوله ومذمومه

    · غصيت فيك يا ماي ، شدفعك في

    · فال الله ولا فالك

    · الفرخ يجوجي في البيضه

    · قال عندك تاكل ؟ قال لأ . قال عندك تغرم ؟ قال إي .

    · قراقيع صيف

    · قطو وطقيته بمصير

    · كثر الدق يفك اللحام

    · كلٍ بقلبه شيقاليله (شقاء له)

    · كوم حجار ولا هالجار

    · لي بغيب الخبر يشيع عطه (أعطه) أم بزيع

    · لو جريت جري الوحوش غير رزقك ما تحوش

    · لي طار طيرك قول سبيل

    · لي فات الفوت ما ينفع الصوت

    · اللي في الجدر يطلعه الملاس

    · اللي ما يرضى بجزَه ، يرضى بجزَه وخروف

    · اللي ما يستحي منك لا تستحي منه

    · اللي ما يطول العنقود يقول حامض

    · اللي ما يطيع يضيع

    · اللي ما يعرف الصقر يشويه

    · اللي ماله أول ماله تالي

    · اللي مو على دينك ما يعينك

    · اللي هذا أوله ينعاف تاليه

    · اللي يجي من الله حياه الله

    · ما تعينك إلا يمينك

    · ما لك إلا خشمك لو كان عوي (أعوج)

    · مال عمك لا يهمك

    · مخروش طاح بكروش

    · مد رجولك على قد لحافك

    · مداح نفسه يبي له رفسه

    · مكسورة و تبرَد

    · من طمع طبع

    · نصيبك يصيبك

    · هذا سيفوه وهذي خلاجينه (ملابسه)

    · الوجه من الوجه أبيض

    · يا شين شيء ما شابه هله (أهله)

    · يا من شرا له من حلاله علَه

    · يفوتك من الجذاب صج وايد

    · يمدح السوق من ربح فيه

    · يوَد (أمسك) الحبَه وفلَت (أفلت) الدبَه






    وخيلي ممنون
     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    · إذا صار رفيجك حلو لا تاكله كله -----------> ألا باكلة كلة ولا وش فايدة الصحبة :D
     
  3. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    تسلمين يا كندرية على الأمثال

    خيلي مشكورة
     
  4. ممــــيز

    ممــــيز بـترولـي نشيط جدا

    420
    0
    0
    وفيه مثل بعد
    (ما يحك ظهيري الا ظفيري)
    خخخخخخ
     
جاري تحميل الصفحة...

مشاركة هذه الصفحة