شنو أفضل لي والله محتاره وياليت المهندسات يدشون

الكاتب : mech.eng.fa6ma | المشاهدات : 608 | الردود : 2 | ‏26 فبراير 2010
  1. mech.eng.fa6ma

    mech.eng.fa6ma بـترولـي جـديـد

    السلام على الجميع....

    أنا مهندسة ميكانيك وأشتغل بالكهربا والماي بس حددددددي ماله من القعده والروتين وحابه أشتغل بالقطاع النفطي
    بالنسبه لوضع البنات بأي مكان أفضل ال koc أو knpc وغيرهم شنو أفضل؟
    والتوظيف طبعا عندكم لازم واسطه ولا عادي؟ وشنو نوع الواسطه ( أكيد فاهميني):confused:
    والإختبارات لازم يكون الواحد ذاكر كل شي بالتخصص ولا لأ؟
    وجم معاش المهندس تقريبا؟

    والله يجازيكم ألف خير سواء خواتي أو إخواني بالمنتدى
     
  2. Safety First

    Safety First بـترولـي خـاص أعضاء الشرف

    وعليكم السلام ورحمة الله وبركاته

    التوظيف بشركة نفط الكويت نوعان اما متنقل بالحقول مثل غرب , شمال وشرق وجنوب

    أو ثابت ويكون بالاحمدي المبنى الرئيسي

    شغل الحقول فية حركة وتنقل واعلى بالراتب لانه فية بدل تنقل ويكون محسوب من منطقة الاحمدي

    الافضل من وجهة نظري المتواضعة (واذا انتي تحسين بالممل وودج بحركة ) الحقول :) بس تعب شوية:)

    بالنسبة للافضل بين شركة نفط الكويت والبترول الوطنية أتوقع الشركة أفضل وهذه وجهة نظر أخوج المتواضعة ولايزعلون علينا أخوانا بالترول :) اللي احبهم واكن لهم كل احترام وتقدير .

    المعاش اللي اهوه الناس كلها ودها تعرفة غير معروف لما تتوظفين لانه يعتمد على الدرجة والمكان وغالبا توظيف المهندسين على الدرجة 13 والله أعلم .

    صلي لربج ركعتين واستخيري ربي يوفقج .

    واذا كان السؤال للنساء فقط فأنا أسف على الاجابة بحكم اني رجل :)

    ولكن رأيت لاردود وحبيت أرد ولو بتطفل بسيط :)

    موفقة خير ان شاء الله
     
  3. mech.eng.fa6ma

    mech.eng.fa6ma بـترولـي جـديـد

    مشكوووور أخوي وماقصرت كفيت ووفيت .....
    هذا إلي بيصير بأصلي إستخاره وناطره الإعلان والله يكتب إلي فيه الخير إن شالله
    وموفق أخوي إن شالله
     
جاري تحميل الصفحة...

مشاركة هذه الصفحة