هل يعقل يخرج من بنك ؟؟؟؟

الكاتب : bo-saleh | المشاهدات : 460 | الردود : 2 | ‏17 فبراير 2010
  1. bo-saleh

    bo-saleh بـترولـي مميز

    هل يعقل يا اخوان ان يخرج من بنك ورقة بفئة عشرين دينار مزوره والله على ما اقول شهيد



    ذهبت في احدى المرات الى فرع في منطقة الفحيحيل لسحب مبلغ تقريبا خمسة الاف دينار


    واتضح لي انه توجد ورقة في النقود مزوره من فئة العشرين دينار وكيف عرفتها انا اقولكم


    خذيت الفلوس وذهبت الى المزيني للصيرفه لارسالها لصديق في دوله خليجيه وعند وضعها على جهاز الكاشف عن النقود المزوره صفر الجهاز بصوت عالي وقالي الموظف تشوف هالورقه يوم شفتها ملمسها غير وطبعتها مقلوبه


    نظرت له وعطيته هذي :)

    قالي تدري انه المفروض ارفع عليك قضيه ومادري ايش بس يقولك عيال الحلال يبينون وعيال الحرام يبينون

    قالي ارجع للبنك او ارفع على البنك قضيه كيف تخرج نقود مزوره من البنك ياجماعه لايكون فلوسنا مزوره في البنوك


    بس انا رجعت البنك لاني ماودي ابعوار الراس وقضايا وقلت لهم هذي مزوره اخذوها وعطوني اصليه ( والله مصخره هالبنوك )



    اول شي يوم شافوا الفلوس على طول انكرت المديره وبعدين قلت لها ممكن تنادين اللي يوزع الفلوس وجا الرجال وشاف العشرين دينار المزوره وعليها سيريال نامبر قالي نعم هذي مني وانا عديتها بيدي ومانكر الرجال للامانه وقال اسمح لنا والله يجزاك خير اللي رديت لنا وراح نعطيك العشرين دينار الاصليه وخذوا المزوره ( كأنهم يقولون ماراح تشمها عشان ماتجيب لنا الطلايب )


    ياجماعه تقولون انا كذاب اقسم برب الكعبه انه كلامي صحيح وحصل معي انا بوصالح وانا بكامل قواي العقليه


    تقولون شنو اسم البنك انا اسف مراح اقول اسم البنك بس تراه (بنك ربوي)


    تقولون انت غبي ليش ماشتكيت عليهم الحمد الله والشكر انا مو محتاج لتعويض منهم اموري طيبه ولله الحمد والمنه ومالي نفس للطلايب مع هالبنك
     
  2. محمد المذن

    محمد المذن بـترولـي مميز

    694
    0
    0
    ياخوي صار معاي نفس الموضوع بالضبط
    من البنك التجاري بشارع البنوك بشويخ انا بقول اسم البنك جانك منت قايله
    سحبت مبلغ كبير وطلع بينهم عشر دنانير مزوره
    عرفت من بيت التمويل رحت احط الفلوس بحسابي قالي هاذي مزوره ما اقدر اخذها روح البنك الي سحبتها منه وراجعه
    طبعا قبل لا اروح البنك سألت عن الموضوع قالو لي انه البنك غير مسؤول عن الفلوس اذا طلعت من باب البنك مفروض انت تتأكد والبنك مكاينه تميز بين الفلوس الاصليه والمزوره (الحين جنه المكاين ماتخترب وله ماتغلط) المهم يعني بالنهايه بيقولون انت مبدلها وله مو من عندنا انا عن المشاكل و س و ج قطيتها وخلصنا
    والموضوع الصراحه ماينسكت عنه لان صارت وياي ووياك وبعد ينطرون تصير للكل؟؟!!
     
  3. aL- raSy

    aL- raSy إدارة المنتدى

    2,714
    0
    36
    صادق يا بو صالح باللي قلته و ما يحتاج حلف، و اخونا محمد المذن أكد على كلامك و اللي صارلك..

    بس فعلن شي ما ينسكت عليه..

    مصدر الاموال و حافظها يخرج منه عمله مزوره.. والله عيب..

    اخالفك في نقطه يا بو صالح الا و هي عن الشكوى، انت قلت انك مو محتاج تعويض و انا اشوف ان الشكوى تعتبر تلقين درس للبنك و تعريفه بخطأه و تحمله للمسؤوليه مش لمجرد التعويض بالمال لك..
     
جاري تحميل الصفحة...

مشاركة هذه الصفحة