للاسف مع حمد قلم

الكاتب : الخوارزمي | المشاهدات : 939 | الردود : 7 | ‏15 فبراير 2010
  1. الخوارزمي

    الخوارزمي بـترولـي نشيط

    75
    0
    0
    مع حمد قلم

    الانسان يمشي على القمر

    مع حمد قلم

    اختراع القلب الصناعي

    مع حمد قلم

    اطلاق الاقمار الصناعية

    مع حمد قلم ... ما ادري متى بيخلي القلم و يشيل لابتوب

    استنساخ نعجة دولي

    مع حمد قلم

    الولايات المتحدة تستكشف المريخ

    و اخيرا قرر حمد ان يترك القلم و قام يقول انا اكل و اشرب .

    التعليم عندنا سيء لاقصى درجة و الدليل انه غير قادر على اعطائنا دكاترة جيدين او مهندسين ممتازين او الاستفادة من الكنز اللي تحتنا ( النفط )
     
  2. MamLOoO7a

    MamLOoO7a بـترولـي مميز

    وانا اأيد كلامك بأنه التعليم عندنا ميئوس منه حالياا لأنه مو مع حمد قلم لا انا سالم وعبير واكل واشرب والله هذا الميئوس منه مو مع حمد قلم

    لو مو مع حمد قلم كان الحين حالتنا حاله

    ماقول الا الله يعين عيالنا الحين على المدرسين يبيلهم من يؤسسهم :)
     
  3. الخوارزمي

    الخوارزمي بـترولـي نشيط

    75
    0
    0
    اخواني التدريس عندنا سيء لاقصى درجة و خصوصا بمرحلة الابتدائي لانه الكثير من المدرسات ياخذون هالمهنه مو حبا فيا و لا اقتناعا يسعون انهم يكونون مدرسات عشان المعاش القوي و الزواج بسرعة على اساس انه المدرسة مرغوبة لانه الشغل كله حريم زائد معاش قوي .

    نصيحة لوجه الله اللي عنده فلوس يدخل عياله مدارس خاصة و اللي ما عنده يدرس عيالة بنفسه و يؤسسهم من ناحية الكتابة و القراءه و اساسيات الحساب و يحببهم بالدراسة و لي كبروا اهم يشيلون نفسهم بمرحلة الثانوي .
     
  4. احب اقول الحين خلصنا من حمد وقلمه
    وانا اكل واشرب
    و سالم وعبير
    الحين ماتدرون وين وصلنا؟؟
    الحين صارت عندنا فراشات تطير !!! ياسبحان الله !
    شر البلية مايضحك
    انا معاكم التعليم يتردى بشكل مو طبيعي بس الخلل مو من معلمينا ولا معلماتنا
    الطامه الكبرى من مؤسسين المناهج كل سنه تغيير وتخبط
    وبعدها نكتشف اخطاء لا حصر لها ومن المسؤول ؟ ولاهي بس فكره تغيير وارباح ومصالح متبادله على حساب طلبتنا


    انانا
     
  5. لو يخولن وزير حازم مثل ابو قتيبه الله يرحمه احمد الربعي

    شوف ويزرة التربيه ومشاكلها الى كل يوم تزيد ماتنقص

    الهرم لازم يتعدل ومايعدله الا رجل حازم ضد الواسطات والطائفيات

    رحمك الله يا ابو قتيبه
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    نعم يا الخوارزمي

    و لذلك و للأسف فقد يصبح لدينا جيل في المستقبل سيحدث له التالي و الله أعلم :


    تخيل وزير بالكاد لديه معلومات سطحية و يمثل الكويت في مؤتمر و حلقات نقاشية مهنية بحتة !

    ( يعني يقص الويه صح )

    تخيل سفير يناقش و يدافع عن قضايا الكويت و ليست لديه الخبرة و الإطلاع الكامل فهل سيحفظ هذا السفير

    حق البلد ؟

    تخيل دكتور في مؤسسة تعليمية تخرج بطلعة الروح ثم يأتي ليعلم جيلا من الخريجين فكيف سنتخيل مستوى

    الخريجين و خريجي الخريجين من بعدهم !

    تخيل طبيب فلت و تخرج يأتي ليمارس الطب ليقتل خطأ كل من الوزير و السفير و الدكتور و الخريجين !

     
  7. المعلمة المتميزة

    المعلمة المتميزة بـترولـي مميز

    945
    0
    0
    :: ×× أ,الخوارزمي ×× ::
    تحية طيبه وبعد ....
    كأنك وضعت يدكـ على الجرح !!!! ... جزء من الحقيقهـ
    لكن اتدري ؟؟؟ ... جميعنا نشتركـ في في الوصول إلى هذااا الوضع المزري كلاً في مجالهـ ...الوزارة ... المدارس من هيئات تعليمية ...أولياء الامور ...الطلبه أنفسهم ...الخ
    لو... تكاتفت الجهود مع وضوح الرؤية ... والمقدره على تنفيذ الاعمال بصوره متقنهـ والسعي الى الكيف وليس الكم ....
    اتوقع في النهايهـ سوف ننجز بصوره مشرفهـ
    شكرااا لك .... تقبل تحياتي ... تبقى في الختام وجهة نظر :)
     
  8. الخوارزمي

    الخوارزمي بـترولـي نشيط

    75
    0
    0
    احنا المسؤولين عن مستوى التعليم بالكويت ... احد يقولي جم طالب بالثانوي و لا بالجامعة يدرس يوميا ؟ جم طالب يدرس عشان يتعلم ؟! ليش نسمي اللي يدرس معقد ؟! كانت لي زميلة بالكي ان بي سي شهادتها بكالريوس تربية تقول انها و معظم زملائها
    يغشون بالامتحانات ( متخيلين مدرسين يغشون ) و انهم ما تعلموا شي من الجامعة ؟!

    اللي ساهم اكثر على عدم التعلم الشهادات الوهمية اللي توزع من الاردن و مصر و الفلبين و سكوتلندا و حتى المانيا و امريكا يتخرجون مهندسين و صيدلانيين و محاميين و بعضهم يصير محقق و اهوا شاري الشهادة ؟!

    راح ايي اليوم اللي ما نلقى فيه شخص يتقن عمله و السبه مستوى التعليم بالبلد بالاضافة الى عزوف الناس عن العلم و التعلم .

    للمرة الثانية اقولها هالله هالله بالمدارس الخاصة و اللي ما يقدر عليها اقل شي لي وصل ولده الثانوية يدخله دورات انقليزي لانه جامعة الكويت و الجامعات الخاصة يدخلون امتحان الانقليزي ضمن حسبة المعدل و محد يطوف امتحان الانقليزي الا خريجين المدارس الخاصة و بعض الفلتات من طلبة المدارس الحكومية
    .
     
جاري تحميل الصفحة...

مشاركة هذه الصفحة