الانتخابات و الضحك على الذوووقن؟؟؟؟

الكاتب : سـيـاف | المشاهدات : 814 | الردود : 6 | ‏13 فبراير 2010
  1. سـيـاف

    سـيـاف بـترولـي جـديـد

    46
    0
    0
    بسم الله الرحمن الرحيم

    أولا احب أبدأ الموضوع وهو حول الانتخابات الي انا اعتبرها فعلا ضحك على الذقووون طبعا الجميع راح يسأل شلون ضحك على الذقون انا راح اثبت بالدليل القاطع انهااا فعلا ضحك على الذقووون

    اولا لو نظرنا للقوائم لوجدنا أسماء مشالله رنانه ولكن هذا الشكل الخارجي ولا الحقيقه الشق عوووووووود

    ثانيا تعالوا نشوف قائمه التطوير مع احترامنا لهم جميع ولكل قبيله ينتمون لها لنجد التقسيمه خالصه من يوم فرعي الهواجر لوجدنا المهنئين من ابناء القبيله يباركون للمركز الاول بالنجاح والرئاسه هههههه والله شي غريب صراحه هم فعلا 3 اشخاص خرجوا من رحم الفرعي وهذا اختيار القبيله لكن يا جماعه باقي 12 كرسي مالهم راي؟؟؟

    ونأتي لأخوان العجمان ونعم فيهم لكن الكل يعرف انهم عرفواا أنهم خسرواا الكثير في الانتخابات السابقه ولا يحبون تكرار ماحصل لذلك تحالفوا مع اخوانا الهواجر اعتقد معاهم حق ؟؟؟؟؟

    ونروح لأخونا الرشيدي والنعم والله بالرشايده بس الكل يعرف انه كان مع قائمه الجميع والله اعلم انه خرج بسبب توزيع المناصب واتوقع علشان ما حصل الي يبيه (( وين مصلحه الموظفين عزالله رحنا اذا كان هذا مبادئ الاخوان))

    علشان مناصب

    وبعدها دخول الاخوان من قبيله السبعان والكل يعرف علشان تسكير القائمه تم دخول شخص من نفس القبيله المحترمه

    اما اخوانا الدواسر كان لهم ممثل واحد لكن للفراغ الكبير الي بالقائمه تم استدعاء اخر للتسكير


    وانشالله اكون مخطئ ونشوف منهم تغير يااارب للموظفين


    تعالوا عاااد للقائمه الثانيه قائمه الجميع التي هي فعلا اسم على مسمى لكن بالشكل طبعا لكن القائمه لا تختلف بشي كبير لقائمه التطوير بس على الاقل ضمت شريحه كبيره من القبائل والعوائل

    بس هم اغلبهم خرجو من رحم الفرعيات ايضا ومازالت المناصب بين شد وجذب

    وكذلك لأني لا امتلك معلومات عن اغلب المرشحين لا استطيع ان اظلمهم

    لكن بالعربي انا اول واحد بعلنها مقاطعه للانتخابات لأني على حسب وجهت نظري لا احد يستحق لكن فيني ولا بدوني لابد يطلعون 15 عضوا وانشالله كلهم يخلفوون توقعاااتي يااارب

    ولا حد يزعل ترى وجهت نظر

    والاختلاف لا يفسد للود قضيه

    تحياتي
     
  2. like.no.other

    like.no.other بـترولـي مميز

    594
    0
    0
    وجهه نظرك و نحترمها اخوي سياف

    وبالفعل ان الاعضاء الي نازلين بالقوائم يهمهم المنصب الي بيتحصلون عليه

    لكن هذا ما يمنع انه يركز على مشاكل الموظفين والاخذ بحقهم

    على العموم الله يكتب الي فيه الخير

    و ان شاء الله نشوف نقابه قويه سواءا كانت من الجميع او التطوير
     
  3. PeeP-PeeP

    PeeP-PeeP بـترولـي جـديـد

    9
    0
    0
    شكرا لك اخي سياف على طرحك
    ولكن هل تعتقد بان المرشحين سواء بالقائمتين مالهم لاناقه ولا جمل داخل القائمه؟!!
    امتى انك ما تحكم وتظلم ترى الظليمه شينه
    وحتى لو على اللي قلته بان صار توزيع مناصب ومسك فلان ومسك علان وين المشكله اذا كانوا اعضاء القائمه راضين ولا شفنا احد اعترض وخصوصا من قائمة التطوير ماشفنا احد طلع وتذمر وقال هذيل فيهم وما فيهم ، بعكس قائمة الجميع اللي كانت تدور حولهم الف شبه وبعدها استمروا ولا سمعنا شي ثاني غير ان لهم واحد ينقاله F16 كل اشوي يدندن ويمجد فيهم:p
     
  4. F.A.H.A.D

    F.A.H.A.D بـترولـي نشيط

    100
    0
    0
    انشالله ان القائمتين فيهم الخير وانا واحد من الناس اعرف من القائمتين منو الي يستاهل وفيه الخير وراعي كلمه ما راح اقصر بلصوت عنه اما في البعض وليس الكل بس اسم عضو علا الفاضي يعني اذا هو يقعد معاك ما يعرف يقول كلمتين علا بعض تبيني الحين اروح واعطيه مع احترامي للكل ولاكن كل شي واضح والله يوفق الي فيه الخير من القائمتين لان فيهم الي فيه الخير وكثيرين انشالله
    وتقبلو مروري
     
  5. القعقاع

    القعقاع بـترولـي نشيط جدا

    345
    0
    0
    وجهة نظر ضايعه مع كامل احتراماتي

    اولا انت لاتعرف احد في القائمتين؟؟

    وثانيا كل الكلام اللي كتبته مافي اي دليل قاطع مجرد تخمينات.

    وماشاءالله منتدانا صار منتدى للتوقعات والتخمينات بدون اي دليل..واحيانا تنقلب الى الظلم

    الله يوفق اللي فيه الخير وصاحب النية الطيبة
     
  6. سـيـاف

    سـيـاف بـترولـي جـديـد

    46
    0
    0
    اولا احي اشكر كل من علق على الموضوع ثانيا اخوي قعقاع بصراحه انا مو معااك بانها توقعات وشنو الشي الي قلته توقعات احب توضحلي يمكن انا فعلا ضايع لكن كل الكلام الي كتبته كان من الواقع وكل عارف هالشي من فرعيات الي اختلاف في المناصب خصوصا اخونا الرشيدي وصندوق الرئاسه عند اخوانا الهواجر مع فرعيهم وان قائمه الجميع ايضا عليها تحفظات ولو انها ظمت جميع القبائل والعوائل لكن هذا ما يمنع انه هناك في خطأ

    واشكرك مره ثانيه وياااريت توضح شنو التوقعات في كلامي وشنو الي فعلا من وحي الخيال مو على ارض الواقع

    ناطر ردك على احر من الجمر

    تحياتي
     
  7. سلومكو

    سلومكو بـترولـي مميز

    563
    0
    0

    يعطيك العافيه أخوي

    ولكن انتخابات نقابه .!!!؟؟

    أنا أول مره أسمع عن شي اسمه نقابة وانتخابات نقابه .!!

    والمصيبه مادري اذا انا قريت غلط اولا

    انه في انتخابات فرعية .!!!

    غريبه مع أني من زمان بس عمري ماألتفت او سمعت عن شي اسمه نقابه او انتخابات نقابه .!!

    عموما مشكور اخوي
     
جاري تحميل الصفحة...

مشاركة هذه الصفحة