نطلب النصيحه من اهل الخبرة

الكاتب : ALPRINCE | المشاهدات : 492 | الردود : 6 | ‏10 فبراير 2010
  1. ALPRINCE

    ALPRINCE بـترولـي جـديـد

    3
    0
    0
    بسم الله الرحمن الرحيم

    اوجه احترامي وتقديري الى كل العاملين في القطاع النفطي واطلب منهم النصيحه

    انا على وشك التخرج من كليه التكنولوجيا تخصص استكشاف وتطوير

    وانا محتار هل ابحث عن الوظيفه مباشرة بعد التخرج ام اكمل الدراسه للحصول على شهاده الهندسه

    وشنو الاماكن الي تنصحوني فيها

    وعلى فكرة انا على وشك التخرج لكن مو مقتنع بالتخصص الي انا داش فيه تعرفون ليش

    اول كورس لي في الدراسه قالي احد الدكاتره كلمه للحين احس اني اسمعها

    قال :(( الي يبي يعمل في القطاع النفطي ينسى حياته الاجتماعيه )) هل هذ صحيح !!

    فا شنو تقدرون تقولون لي عشان تغيروون هذي الفكرة ,من مميزات العمل والانشطه الي تصير والمرتب الخ.....


    واقول هذ من مبدا ((اعمل ما تحب و احب ماتعمل ))

    فالكثير منا تضطره الظروف الى عمل ما قد لا يحبه ولكن الضروف تضطره الى قبوله لتسمتر حياته وحياة من حوله

    ولا اريد ان اكون احدهم

    ولكم مني جزيل الشكر

    ALPRINCE-2@HOTMAIL.COM
     
  2. Bos3ayd

    Bos3ayd بـترولـي مميز

    523
    4
    18
    حبيبي البرنس :) اول شي حياك الله بيننا و مبروك مقدما التخرج من الكلية :)

    بالنسبة لسؤالك ...
    اذا تقدر تكمل دراستك ، كمل وصدقني ما راح تتحسف او تضيع وقت لانه كل شي بحسابه وباجر بتحس فيها اذا توظفت :)
    بالنسبة للتخصص و الحجي الي قاله لك الدكتور ، احب اقولك انه كلام فاضي ، انا خريج التكنلوجيا قبل سنتين و توظفت في احدى القطاعات النفطيه و الحمدلله الامور طيبه لا و ازيدك من الشعر بيت ، بعد تعييني بالقطاع البترولي تزوجت ^_^ ، يعني الي يقولك انسى حياتك الاجتماعيه هذا ماعنده سالفه ، اللا اذا كان قصده انك تتوظف في احدى شركات القطاع الخاص و انت مو مجبور على هالشي :)

    بخصوص المميزات تختلف من شركة لاخرى وبالنسبة للشركات الي انصحك فيها حاليا التقديم يتم عن طريق ال Kpc و غالبا ما يتم فرزك على ال Koc ما دام انه تخصصك استكشاف و تطوير ^_^ ، ولا تخاف ال Koc شركة ممتازه و الراتب خير و نعمه :) ، اما بالنسبة لي انا افضل انك تقدم على شركة الكويت و نفط الخليج الخفجي او الوفره :) راح يفرق معاك المميزات و المعاش و الراحه.

    عموما الموضوع بالنسبة للشركات اعتبره تفضيل شخصي لا اكثر ولا اقل ، واتمنى اني فدتك ولو بالشي البسيط :)

    وبالتوفيق للجميع.
     
  3. algabry911

    algabry911 بـترولـي نشيط

    71
    0
    0
    السلام عليكم
    -أولا مبروك تخرج يا البرنس وأنا أحس إنه تخصصك ممتاز لو كملت بيصير أحسن وأحسن.
    ثانيا أخوي بوس عياد هل في تقديم الأيام هذه في شركة نفط الخليج لأني سمعت في تقديم في تاريخ 8/2/2010 وإلى الآن لا حس ولا خبر

    وأرجو التزفيق للجميع
     
  4. ALPRINCE

    ALPRINCE بـترولـي جـديـد

    3
    0
    0
    اخوي Bos3ayd واخوي algabry911 يعطيكم الف عافيه على النصايح الحلوة واكيد اني راح اخذ بنصيحتكم وماقصرتو

    وانا شاكر لكم حرصكم على عيال ديرتكم واتمنى لكم النجاح ومن اعلى الى اعلى :)




    والله يبارك فيكم جميعا
     
  5. Bos3ayd

    Bos3ayd بـترولـي مميز

    523
    4
    18
    البرنس :) الله يعافيك ، ماسوينا شي..

    الجبري ، ولله علمي علمك :) سمعنا انه في تقديم على شهر فبراير لكن الى الحين كلام ، وانشالله اذا في شي رسمي راح انزله بالمنتدى ^_^ و بالتوفيق.

     
  6. Knight

    Knight بـترولـي جـديـد

    42
    0
    0
    البرنس ..مبررروك التخرج ومنها للاعلى باذن الله.. نصيحتي لك ... طيااري تكمل دراستك بدون تفكير.. والقطاع النفطي تدشه مهندس احس وفرق واايد لما تدشه عاالدبلوم .. ولا صدقني اذا تعينت عالدبلوم راح تحس بحسره وندم ... وبعدها راح تحس بغلطتك ولما تجي تبي تكمل .. راح تلقاها صعبة جدا بالقطاع النفطي اذا مو مستحيله ... توكل عل الله وكمل الهندسه بدون لاتشاور أحد ... وأنصحك جدا جدا جدا تكمل ببريطانيا قدر الامكان .. كلها سنه او بالكثير سنتين تاخذ الهندسه .. ولا أحد يقص عليك يقولك صعبة .. بريطانيا فيها جامعات وايد منها السهل والعادي .. وانا انصحك بالقطاع النفطي لان صج تحس انك مهندس اضافه للامتيازات الكثيرة ..وبالنسبه لعلاقات الاجتماعيه راح تلقاها راح تزيد بالقطاع النفطي اترك عنك كلام الناس.. الله يوفقك ويوفق الجميع ..
     
  7. ALPRINCE

    ALPRINCE بـترولـي جـديـد

    3
    0
    0
    اخوي Knight مشكور على النصيحه وهذا الي كنت ناطر اني اسمعه وماقصرت
     
جاري تحميل الصفحة...

مشاركة هذه الصفحة