اين العدالة يا ادارة الانتاج !!

الكاتب : Alajme | المشاهدات : 1,909 | الردود : 18 | ‏8 فبراير 2010
  1. Alajme

    Alajme بـترولـي جـديـد

    29
    0
    0
    السلام عليكم ورحمة الله وبركاته

    اخواني ...

    حنا موضفين w.s.m في دائرة الانتاج

    اطلبونا تقييم سنوي نزل تحت قريد good = 3

    قلنا لهم هذا مانستحقه نستحق اكثر حالنا حال غيرنا

    قالو انتو جدد قلنا مو معقوله دفعه كامله كلهم هالدرجه

    يعني مافيه ناس تشتغل ؟

    مافيه ناس نايمه

    المسؤلين المباشرين لنا قالو انه عطيناكم اكثر لكن ليش انزلت بهالدرجه !!

    كل هذا عشان مانخسرهم كم دينار ؟؟؟ ولا شنو السبب ؟؟

    هل هذا قانون بالشركه هالقريد ولا من اي جهه اخترعها
     
  2. under maintenance

    under maintenance بـترولـي نشيط جدا

    453
    0
    0
    السلام عليكم

    اي عدل يا خوي انت حدك توك داش الشركة و موعارف النظام

    يا يبا الناس الي عندها اقتراحات و انجازات و حلول لمشاكل سحبو عليها تبي انتوا الجدد تاخذون حقكم!! تحسب الله و عوضك على الله انشاء الله و المشكلة انه انت جديد راح تتم معاك مو اقل من سنوات :)

    و ما خفي اعظم
     
  3. محمد المذن

    محمد المذن بـترولـي مميز

    694
    0
    0
    للاسف ظلم بهالسالفه صاير عرف بمثابة قانون
    انت يديد تاخذ C وبعدها تصعد تك تك
    طبعا في ناس يصعدون اكثر من تك بس مو الي يشتغلون الي عندهم واسطه



    under maintenance
    زين شفناك ياخوي واول مره نتفق على شي :)
     
  4. المشاكس

    المشاكس بـترولـي خـاص أعضاء الشرف

    998
    1
    0
    أخوي العجمي السلام عليكم أحب أوضح لك هالنقطه

    أولاص مافي قانون بالشركة يقول انت جديد والمفروض تقريرك مايتعدى هالتقييم .... أو انت جديد على هالدرجة

    الكلام هذا تم إقراره (أنتبه انا اقول هالكلام وليس القانون) سنة 96 تقريباً وكان الأتفاق بين رؤساء الفرق وكانو 4 وهم (عبدالله السميطي - خالد السيف - ومحمد الزيد والرابع ما أذكره) أتفقو ال4 على أن كل موظف صار له على درجته أقل من سنة لا يقيم أكثر من جيد مرتفع والتزم الجميع بالقرار إلا واحد وهو خالد السيف أعطا أحد موظفيه جيدجداً منخفض

    ومشت الأمور على الحاله إلى يومك كاعذر وليس قاااااااااانون

    ثانياً

    لا يوجد قانون في الشركة يقول انك ترتفع بالتقيم درجة درجة بل يقول القانون التقييم حسب أداء الموظف السنوي...

    يعني ..... سين من الناس أجتهد هالسنة وطلع بقتراح وفّر على الشركة مبلغ معين وهو صار له 9 أشهر بالشركة يمكن أن يمنح تقرير أمتياز والسنه ألي بعدها راح الحبيب وحط راسه ونام ولاشغل مثل العالم ولا أهتمام ممكن يمنح بالسنة الثانية تقرير جيد منخفض ...... الخلاصه كل تقرير سنوي منفصل عن السنوات الأخرى

    لكن يبقى أن نذكرك أخي العزيز ماهي متطلبات التقييم لكل مستوى ؟

    مثلا عندما يقوم الموظف في عمله على أكمل وجه دون تقصير خلال مدة ساعات العمل يكون تقريره في مستوى الجيد

    اما إذا أعطى أكثر من طاقته في العمل خل نقول (بقوة 2 ) يعني يقيم بمستوى جيد جدأ....

    هم الخلاصه لو يتم تطبيق قانون الشركة بمستوى التقييم أنا متأكد من 70 إلى 80% من الموظفين مايستحقون أكثر من جيد.....

    وأسمح لي على الإطاله وأرجو تكون الصوره واصحه أقصد الكلام
     
  5. المنصور

    المنصور بـترولـي خـاص أعضاء الشرف

    كلام المشاكس ماعليه خلاف

    وهالجدول يوضح الصورة للجميع




    [​IMG]
     
  6. under maintenance

    under maintenance بـترولـي نشيط جدا

    453
    0
    0
    يا خوي كلام الحق مايختلف علية اثنين ولا شرايك , و على الغيبة موجود لكن ماكوا شي يشد للنقاش كلة امور عاديه فأكتفيت بالمتابعة.
     
  7. المشاكس

    المشاكس بـترولـي خـاص أعضاء الشرف

    998
    1
    0
    شكراً يالمنصور على الدعم عاد كنت أدور هالفورمه كانت عندي وضيعتها
     
  8. CONT-A

    CONT-A بـترولـي جـديـد

    4
    0
    0
    يجب ان لايتجاوز تقيم الموظف الذي لم يمضي على خدمته الا سنه واحده Good+

    ياعمي تحمدوا ربكم ... اول تقرير Good+

    الله يخلف علينا ... سنين وحنا نكرف والتقرير مانشوفه ولاندري عنه ... يبلغونك بالتلفون عن تقريرك ...


    اللي مايخاف الله سنين واهو يقول بالتلفون تقييمك جيد جدا +
    ويوم حطوا التقارير بالسيستم وشفناها .. طلع جيد
     
  9. Bo 3Li

    Bo 3Li بـترولـي نشيط

    111
    0
    0
    {..Kuwait Oil Company..
    KUWAIT
    لــيش ان شاء اللـه يجـب !!

    يـعـني اكــرف كــرف وآخـر شـي انت تجي وتقـول يجـب ألا يتعـدى !!

    هـذا وانت كنترولـر يـعني عـارف شـغل الـ W.S.M وللاسـف هـذا تفكيـرك ..


    بـعديـن شسالفـه العموم اهني كـل ما تكلمنـا او احد قال شي قـلتوا احمدوا ربـك وقبـل وقبــل !!

    بـعرف شسالفتـكم مـع قبــل وقبــل !!

    اوكــي قبـل اللـه يعيـنكم بـس مو معناتـه الواحـد يـرضى بالظلـم عـدل والا لا !!

    الحمـد اللـه ألف مـره بـس عـلى شـنو وانا اشووف نفـسي مظلـوم !!

    فـي نـاس تشتغـل وتتعـب وتنـجز لـيش نعـاملـها مـثل اللي شغلـه عـادي !!


    العـجمـي مـا اقول الا اللـه يعيـنك يـاخووك ..
     
  10. CONT-A

    CONT-A بـترولـي جـديـد

    4
    0
    0

    يجب ان لايتعدى تقيمه good+ ماني جايبها من بيت ابوي ... يابوعلي

    يوم رحنا بنطالب حق الشباب اللي شرواك بتقرير اعلى من الgood+ لانهم يستاهلون .. قالوا بينا وبينكم

    قانون الشركه ... يوم شفناه ... قلنا لابد من استثناءات ... وليلحين ماوصلنا الجواب

    بعدين يالحبيب انا كنترولر وعارف شغل الفورمن وادري انه اكثر واحد يكرف اذا اشتغل بضمير .. لكن التقيم النهائي
    مو بايدنا .. نسوي اللي علينا ونفزع للي يستاهل الفزعه

    للعلم جميع الفرامنه اللي كملوا سنه .. هذا اول واخر تقرير لهم على هالوظيفه .. كلهم ان شاء الله طالعين op-2

    واللي يستاهلون فزعنالهم وجبنالهم 400 دينار ... استلموها اول يناير ... الخدمه وصلت 30 سنه ماعرفنا السبوت بونص وانت جاي تقول (كـل ما تكلمنـا او احد قال شي قـلتوا احمدوا ربـك وقبـل وقبــل !!)

    وكل الله .. لا الاجازه نقدر ناخذها اذا احتجناها ,, والله لو نفحط ونبكي عندهم ماردوا علينا

    ولا الاعمال الممتازه نعرفها ,,, ولا التقارير ندري عنها ... ولا الرخصه نحصلها ,,, ولا الكورسات شفناها ....

    اكمل ولا اكتفيت ؟؟؟؟
     
  11. المشاكس

    المشاكس بـترولـي خـاص أعضاء الشرف

    998
    1
    0
    أخوي Cont-a كلامك صحيح وماعليه غبار وانا قديم مثلك بس هل تعتقد نحمل الموظفين الجدد ماكنا نجهله في السابق ؟؟؟؟؟؟

    يعني القوانين كانت موجوده منذ تأسيس الشركة تقريباً

    التقرير المفروض مثل مايقولون لك يحطونه بس ألي ماعنده ضمير (يقول مالا يفعل) وصار في تطور حضاري الحين وصار في كمبيوتر يعني مايقدرون يخشون شي ..... وهذا مو ذنب الموظفين الجدد

    الإجازات هم كان لها قانو ولو تني اشوف إن الإجازات بالسابق أسهل من ألحين وكانت أوراق الإجازات موجوده بالسناتر تبلغ الإدارة ونوقعها ونمشي .....

    هم الكورسات والأنسنتف والسبوت بونص كلها موجوده بس جزاهم الله خير الي قبل كانو يبون كلي شي لهم ..... وهم اعتقد الوظفين الجدد مالهم شغل

    على كل حال كل واحد ياخذ رزقه والله يبارك لهم ولنا في الرزق
     
  12. Alajme

    Alajme بـترولـي جـديـد

    29
    0
    0
    ياجماعه انا اشد حيلي واداوم بالتايم بالاخير يجي واحد ياخذ نفسي good ميد زين على الاقل بما انه مسموح لنا الى good +

    ميزو الناس الي يتعبون وينكرفون



    ولا اقولكم شي

    بحط رجل على رجل من اليوم لاني راح اخذ مثل غيري
     
  13. under maintenance

    under maintenance بـترولـي نشيط جدا

    453
    0
    0
    وين بروحون من الله

    الشق كبير في دائرة الانتاج و المرض تفشى بالجسم لكن الى ان يوجد علاج الله يعين الناس المجتهده و لايوفق الناس الي عايشة على الواسطه.


    الا واحد عندنا يقول انا OUTSTANDING اخذها بالتلفون و المشكله انه فعلها اخذها بالتلفون حسبي الله عليه و شوف عيني محد قالي
     
  14. محمد المذن

    محمد المذن بـترولـي مميز

    694
    0
    0
    ياخوي تشوف بلاوي تتعب نفسيا
    موظفين الشركه مقسمين 4 اقسام:
    1- انت من ربع المسؤولين ومن جماعتهم شغلك ماشي وعال العال
    2- انت من الي يقلقسون عن المسؤولين يقطون عليك فضلة ربعهم الي اهم من القسم 1
    3- انت ساكت وعلى نياتك وتشتغل وتستلم معاشك وتمشي .... الكل يمدح فيك لاكن تنظلم
    4- انت تشغتل وله ماتشتغل بس ماتسكت عن الغلط .... مظلوم مظلم

    القسم الثالث والرابع يطول فيه الكلام لان الاغلبيه يبلشون بالقسم 3 لاكن يشوف انه نفس الشي فيقول يبا انا مظلوم مظلوم قطها بالطوفه ومايقص الراس الى الي ركبه ويروح القسم 4

    طبعا في ناس مالهم احد ولا يقلقسون ياخذون حقهم بدون منت احد بس يستاهلونه

    حسبي الله ونعم الوكيل
     
  15. Alajme

    Alajme بـترولـي جـديـد

    29
    0
    0
    والله يالمذن كلامك من ناحيتي اشوفه ميه بالميه

    بس انا اشوف انه الواحد بهالشركه يداوم سيده ويحرق الي يلف مني مناك

    لانه الساكت عن الحق شيطان اخرس

    وانا اقول خنشوف النقابه الجديده شتسوي
     
  16. محمد المذن

    محمد المذن بـترولـي مميز

    694
    0
    0
    انا اقولك شتسوي دوام عدل ومش الشغل اوكي ولاتسكت عن حقك
    واعلم ما اصابك لم يكن ليخطأك وما اخطأك لم يكن ليصيبك
     
  17. Plant

    Plant بـترولـي نشيط

    130
    0
    0
    يااجمااعه احنا ابرقان وتقاريرنا لحد الحين ماوصلت ولا نزلت بالسستم ؟

    واا ترا ضايع بالطوشه مادري عند منو تقريري


    خصوصا انا فورمن شفت والكنترولر ماعندنا كنترولر ثابت كل يوم واحد مداوم اوفر تايم

    وادا قلنا يمكن اوبريتر 1 يقيمني همن ارد واقوم توهم يايبين لنا اوبريتر 1 اكتينق وهمن ماتوقع يقيمني

    وبالنسبه حق السنتر الثاني همن غيرو الاوبريتر 1

    ولو بقول السوبر فايزر همن السوبر فايزر غيرووه واكتينق ؟؟


    منو بيقيمني ماادري !!


    يعني لحد الحين ايريتنا كلها اكتينق !!!!!!!!!!


    ولحد الحين ناطرين تقاريرنا
     
  18. PPA

    PPA بـترولـي نشيط

    91
    0
    0
    السلام عليكم ورحمة الله وبركاته
    كلامك يالمذن 100% صح وأحب أزيد من فضلك

    أولا دائرة الإنتاج النوعية اللى فيها من المسئولين وخصوصا المدراء ورؤساء الفرق إذا ما تضغطهم مضبوط ماراح يمشون لك اللى تبيه وخصوصا إذا تجيهم عين حمرا

    ثانيا المسؤلين همهم يراضون اللى فوق (الإدارة العليا) علشان توفير الميزانية ( ياالله من فضلك ) ونفس الشى الإدارة العليا إذا فى عين حمرا ثق باالله العظيم تعظيم سلام يسوولك

    ثالثا إذا تحس نك مظلوم إرفض التوقيع ولا توافق وفى لجنة تظلم روح الرسونال وفى فورمه تعبيها وراح يبلغونك مت موعدها وتدخل عليهم وتشرح لهم وضعك

    رابعا عندك وزارة الشؤون فى الاحمدى لجنة المنازعات


    والله يعينك على اللى جاى من السنوات القادمة من التقارير
     
  19. Alajme

    Alajme بـترولـي جـديـد

    29
    0
    0
    plant

    اخوي بالنسبه للتقييم تطمن تقييم الفرامن واحد الي هو 3 good ماكو فايده تعرف ولا لا

    انا الكنترولر والاوبريتر يعرفوني وحطوني فيري قود بس السوبر فايزر نزلني يقول كلكم واحد يعني هالموضوع منتهي

    اخوي

    PPA

    انا وقعت اني مو موافق شنو النتيجه ؟

    نزلو تقييمي نفسه ههههه والله فلم هندي هالشكره توقع غير موافق ينزلون بالسستم الدرجه الي انت مو موافق عليها

    مع العلم اني طالب اقابل التيم ليدر مرتين ولي الحين ماشفته !!
     
جاري تحميل الصفحة...

مشاركة هذه الصفحة