آخر تطورات قضية كادر المهندسين ( نقابة نفط الكويت)

الكاتب : كنافة | المشاهدات : 9,176 | الردود : 56 | ‏28 ديسمبر 2009
  1. كنافة

    كنافة بـترولـي نشيط

    55
    0
    0
    شكلكم ماقريتو ايميل النقابة اليوم
    شوفو الايميل

    آخر تطورات قضية كادر المهندسين



    بالإشارة إلى الموضوع أعلاه ، وكما تعلمون بإقرار مجلس الخدمة المدنية للقرار27/2006 والذي يقر باختصار تطبيق جميع الكوادر المهنية المطبقة في القطاع الحكومي ( المهندسين – المحاسبين – القانونيين- نظم معلومات - مساعدين مهندسين - وغيرهم) على الهيئات والمؤسسات العامة (مثل مؤسسة البترول الكويتية) ، وبحكم أن شركة نفط الكويت تعتبر إحدى الشركات التابعة لمؤسسة البترول الكويتية فقد تقدمت النقابة عن طريق محاميها برفع دعوى قضائية باسم احد الزملاء المهندسين ضد إدارة مؤسسة البترول الكويتية وديوان الخدمة المدنية لتطبيق هذا القرار على العاملين بشركة نفط الكويت وذلك في بداية عام 2009 (كون القضية تتطلب أن يرفعها صاحب شأن و صفه).

    وقد قامت المحكمة بإحالة ملف القضية إلى إدارة الخبراء لاحتساب قيمة العلاوة ، وقد اقر الخبير المالي باحتساب ما قيمته 250 دينار للزميل (صاحب الدعوى) بالإضافة إلى قيمة مقدرة كأثر رجعي تصرف للزميل من تاريخ سريان القرار 27/2006 بتاريخ 1/7/2006.

    وتم رفع التقرير إلى المحكمة في يوليو 2009 للنظر فيه وتم عقد عدد من الجلسات لمناقشة التقرير كان آخرها جلسة 15/12/2009 على أن تكون الجلسة القادمة في 2/2/2010. ومن المتوقع أن يتم حسم الحكم بالقريب العاجل.




    وتقبلوا منا فائق الشكر والتقدير




    إخوانكم
    رئيس وأعضاء مجلس الإدارة
    نقابة العاملين بشركة نفط الكويت
     
  2. Workers

    Workers إدارة المنتدى

    7,767
    30
    48
    ذكر
    الكويت
    اسمحلي نسخت مشاركتك السابقة من موضوع كادر مهندسين القطاع النفطي في موضوع مستقل كونك اول من نشر البيان ..وعساك على القوة ..

    الجلسة القادمة في 2/2/2010

    ياليت اذا فيه بيان آخر تطورات بعد هالتاريخ ننزل البيان هني ماعليكم أمر ..

    وراح نتابع في هالموضوع بدل الموضوع السابق .. وشكراً
     
  3. الفيلكاوي

    الفيلكاوي بـترولـي نشيط جدا

    302
    2
    0
  4. Q8_oil

    Q8_oil بـترولـي خـاص

    1,387
    0
    0
    تقاءلوا بالخير تجدوه
     
  5. كنافة

    كنافة بـترولـي نشيط

    55
    0
    0
  6. AD-01

    AD-01 بـترولـي خـاص

    1,040
    2
    38
  7. Q8_oil

    Q8_oil بـترولـي خـاص

    1,387
    0
    0
    أتوقع راح تتأجل حالها حال خواتها
     
  8. bshmohandes

    bshmohandes بـترولـي نشيط جدا

    200
    0
    0
    Up Up Up

    اليوم الجلسه


    بالتوفيج


    واللي عنده اي معلومه لا يبخل علينا
     
  9. names1

    names1 بـترولـي نشيط

    93
    0
    0
    على كلام الاخ/ فيصل الكندري امس

    راح تتأجل عادي .. لانها تحت المداولات واحتمال تحال للمحكمة الدستورية

    واذا في حكم راح يبين اول الصيف

    موفقين خير
     
  10. كنافة

    كنافة بـترولـي نشيط

    55
    0
    0
  11. Eng.Vampire

    Eng.Vampire بـترولـي خـاص

    الظاهر تأجلت كالعاده !!!
     
  12. API 18

    API 18 بـترولـي مميز

    513
    0
    0
    ياجماعه انا مستغرب ان مافي اي رد على تطورات جلسة 2 / 2 معقوله محد عنده خبر. تقفه ابي هالمنتدى يفيدنا باي شي معقوله موضوع بهالاهميه مافي عليه اي خبر. واللي يزيد الطين بله ان تلقى واحد ماله شغل بالموضوع يرد عليك و يستملق بس احلى شي انك تقزرها عليه وتظغطه لي ما تطلعه من طوره. والسلام ختام.
     
  13. AD-01

    AD-01 بـترولـي خـاص

    1,040
    2
    38

    الظاهر ان ( الملييقييين) معورينك وايد خصوصا لما تقول كلام ويطلعون فاهمينه اكثر منك يا باش مهندس كبير :D

    المليقيين عندهم خبر يقول ان القضية تأجلت لين 16 /3/2010 ;)


    واذا مستعجل ترا لجنة المهندسين لها 3 سنين تدور احد ترفع بأسمه قضية علشان الكادر .. فيك البركة وارفعها باسمك جانك تدور حقوق ربعك

    انا لو مهندس جان رفعت قضية ... علشانك انت .. اهم شي عندي انت يا باش مهندس :D


    المهم استمتع بالاجازة مع عيالك وبطل ضغاط وكلام اكبر منك .. ما احب اشوف زعلان :p
     
  14. API 18

    API 18 بـترولـي مميز

    513
    0
    0
    ياجماعه ياريت اذا احد عنده فكره عن الكادر الجديد اللي قاعدين يتكلمون في الحكومه يعني جم راح يوصل راتب المهندس بالحكومه والله سمعت كلام انا بيوصل قريب من رواتبنا.اذا السالفه جذي خلنا نقب للحكومه وتكبير المخده ونجابل محادقنا ابرك. وخلي يجيبون بدالنا بوهناد ومصيريه.
     
  15. AD-01

    AD-01 بـترولـي خـاص

    1,040
    2
    38
    لاتنطر وانا اخوك

    دام الوضع تعبان والمهندس مظلوم بالنفط ومحد يقدر جهودهم ورواتبهم رايحه فيها دزها وروح للحكومة .. واستعين على قضاء حوائكم بالكتمان

    ترا صج رواتبنا بالنفط ماتسوى والقطاع صار طارد وكل يوم قاعدين يستقيلون بالهبل ومحد قاعد يحط واسطات حق التوظيف كلش ... والحكومة احسن ;)
     
  16. امرؤ القيس

    امرؤ القيس بـترولـي نشيط جدا

    271
    0
    0
    وللحين السؤال المستحيل محد يبي يجاوبه


    جم رقم القضية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


    ان كانت هناك قضيية فمعرفة رقمها شي بسيط وسهل !!!
     
  17. API 18

    API 18 بـترولـي مميز

    513
    0
    0
    ما فياحد عنده اي خبر على القضيه؟؟
     
  18. AD-01

    AD-01 بـترولـي خـاص

    1,040
    2
    38
    جنك تناديني :p صدقني لو عندي اخبار ما اقولها لك :D

    =======================

    متابعة إشرافية : الله يرضى عليك اخوي عندك شي يفيد الموضوع هاته .. ماعندك شي يفيد .. اترك الأعضاء في حالهم ..
     
  19. API 18

    API 18 بـترولـي مميز

    513
    0
    0
    أنا ماأدري انتا من شنو تعاني...بس حالتك هذي احسن شي ينوصفلها *** راح تريحك اكيد...***
     
  20. AD-01

    AD-01 بـترولـي خـاص

    1,040
    2
    38
    =======================

    متابعة إشرافية : الله يرضى عليك اخوي عندك شي يفيد الموضوع هاته .. ماعندك شي يفيد .. اترك الأعضاء في حالهم .. [/QUOTE]


    عاد الله يهداك كان بالع العافية ولما تكلمت انت (استقوى) و رد عقبك برد هندسي عجيب:p

    انت تآمر .. انت المهم والا غيرك .. حبيب :D

    صار معلوم طال عمرك
     
جاري تحميل الصفحة...
مواضيع مشابهة
  1. oilkw
    الردود:
    2
    المشاهدات:
    2,348
  2. المحرر النفطي
    الردود:
    0
    المشاهدات:
    680
  3. المحرر النفطي
    الردود:
    35
    المشاهدات:
    10,583
  4. الفيصل
    الردود:
    4
    المشاهدات:
    607
  5. المحرر النفطي
    الردود:
    3
    المشاهدات:
    12,297

مشاركة هذه الصفحة