حادث الدوحه (تحليل)

الكاتب : محمد المذن | المشاهدات : 1,266 | الردود : 7 | ‏27 يناير 2010
  1. محمد المذن

    محمد المذن بـترولـي مميز

    694
    0
    0
    [حادث الدوحه طبعا ما اعتقد انه شي يديد بالكويت لاكن انا اشوف انه الظاهره هاذي زادت بالكويت ولازم وزارة الداخليه تشوف لها حل واعتقد الحل انه يتم التشديد على الشوارع الفاضيه بالمناطق النائيه مثل وصلة الدوحه وخط الزور وخط صبحان وخط الوفره وغيرهم الكثير الي تتم فيهم القومات وهالسوالف واعتقد لازم يحطون شروط ومعاير للسياير يعني الحين مع التكلنوجيا والتطور السياير وصلت 1000 حصان وتقدر تستخدمها استخدام يومي وسرعتها خياليه ولازم الشروط تتراعا فيها قواعد السلامه وغير جذي السيايره تتصادر وينسجن صاحبها


    لحظه لحظه
    انسوا الكلام الي قلته قبل شوي انا اعتقد هاذا القلام قديم ومايحل المشكله تبون الحل ؟؟

    رياضة السيارات رياضه حلوه وانا من هاوينها ومشجعينها حلو الكلام وهالرياضه مو يديده بالكويت ولها عشاق ومتابعين واايد اعتقد من بين كل 5 من الشباب الكويتي 1 بس مايحب هالرياضه وفي من الناس الي يشاركون بره الكويت بسباقات او رالي ولهم شركات راعيه وهالسوالف .
    المقصد من الكلام انك ماتقدر تمنع الشباب من هالرياضه
    المطلوب من الحكومه تخصيص ارض تتم فييه بناء نادي للسيارات وحلبة سباق دوليه حالنا حال الدول الخليج الثانيه
    وعلى فكره الكويت اول من انعرض عليها المشروع وانرفض هالمشروع لاسباب مجهوله
    قالو بيحطون النادي بعريفجان لاكن اعتقد انه الحكومه بتحط منطقة سكنيه بعريفجان يعني بتصير نفس مشكله جنوب السره معى النادي القديم (مكان جمعية الشرطه )
    يعني لازم تكون له دراسه وتخطيط نفس العالم والناس
    ولازم المجال يكون مفتوح للكل يعني بالبحرين اعتقد في ايام تقدر تدخل سيارتك وتجربها بالحلبه على راحتك هاذا غير البطولات والموسم شغال طول السنه
    يعني لي متى وشبابنا طايحين له بالزور كل يمعه والزين فيهم متأذي يوم قالص سيارته ورايح البحرين يوم قالص سيارته ورايح رالي بالاردن
    وياليت يتم تغير جذري لادارة نادي السيارات عندنا
    يعني صلاح العيدان يوم سوا حادث والريال تكسر بدال لا يتحمدون له بالسلامه اوقفوه ومشاكل ماتخلص
    ياليت يعطون هالرياضه اهتمام مو لسواد عيونا على الاقل عشان تقلل من هالحوادث بالشارع
    اسف على الاطاله وياليت تعطوني رايكم
     
  2. aL- raSy

    aL- raSy إدارة المنتدى

    2,714
    0
    36

    كلامك صحيح يا المذن..

    بيني و بينك انا ماني راعي هالهوايه و لا احبها بعد، بس لازم يجدون حل لهذه المصيبه..

    يا جماعه ارواح قاعده تروح و السبب عدم احتضان الشباب و هوايتهم في نادي او مركز، و صحيح ان نادي السيارات موجود بس ماعندي اي معلومات عنه..

    انا اذكر قبل كانت فيه ( رابطه ) محتضنه هالشباب و هوايتهم و بعدين سكروها مادري ليش..
     
  3. dehen_3ood

    dehen_3ood بـترولـي خـاص أعضاء الشرف

    الله يحفظ الكل من كل شر ويحمي الشباب ويبعد عنهم السـوء
    ويجعل بدربهم كل شي زين وكل خير يلهيهم ويركدهم
    بالفعل لو في مكان آمن ومجهز للممارسة هواية سباق السيارات جان ما وصلنا لهذا الحال
    ساحات وبرايح غير مستخدمة يسنعونها ويضبطونها ويسوونها فورميلا الكويت
    بس خوفك باجر إتييك لجنة الإزالة !!!!!!!

    الله يرحم اللي ماتوا في هذه الحادثة المؤسفة ويغفر لهم ويجعل مثواهم الجنة
    ويشفي المصابين ويمتعهم بالصحة والعافية

    وعل وعسى هذه الحادثة تكون بمثابة جرس إنذار .. وغيرها من الحوادث اللي صارت ..

    بس الروس نايمه ومشـخرة
     
  4. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    صدقت يا محمد

    أولا رحمة الله على الموتى والله يغفر لهم و يشملهم بعفوه

    و يحسن خاتمتنا






    للأسف يا محمد ،

    نحن في بلد فيه الخير الكثير و لله الحمد فللكويت اليد الطولى في يد العون و المساعدة للقاصي و الداني

    للعربي و المسلم و الأجنبي و غير المسلم

    الكويت نسبيا بلد عايش التقدم حديثا ، أي مع ظهور نعمة النفط إذ بدأت النهضة العمرانية و غيرها

    إلا أننا و للأسف نجد تخبط و تقصير بسبب عدم وجود رؤية شاملة لإستيعاب هذا التطور

    فرعاية الشباب لم تعد كما السابق

    المطلوب كما ذكرت يا محمد ، إنشاء أندية أكبر و رؤية شبابية تنظر لأمور الشباب فتفهم حاجاتهم

    و تخصص لهم متطلباتهم بدلا من رؤية هدر طاقات الشباب في التسكع في الأسواق و العبث

    بسبب البطالة و عدم وجود الهدف أو الرعاية الصحيحة .

    أرجو ألا يكون البخل و الشح هو السبب في إهمال الإهتمام بالشباب

    و للاسف فقد عرضت الفكرة على الكويت أولا ( حلبة السباق الدولية ) كما ذكرت يا محمد

    إلا أن الرؤية الكويتية اللامسؤولة رفضت الفكرة و ماطلت و فكرت و ترددت و النتيجة لا شيء

    إيجابي بل مزيد من الدماء على الطرق !

    المطلوب الكثير من الدولة و من كل الجهات الخاصة و الخبرات

    بتخصيص مواقع ضخمة للشباب تكون فيها حلبات سباق آمنة و تحت إشراف مختصين

    و نشر الثقافة و الوعي العام سواء مروري أو أخلاقي ، و تكون بها أنشطة رياضية

    و أندية رياضية لممارسة رياضات الحديد و التخسيس و الترفيه المسموح

    فللأسف نرى في الطرقات ما نرى من إستهتار و حوادث تدل على طيش و على رعونة

    بسبب عدم وجود الرادع و الوعي و التوجيه السليم

    و النتيجة إزهاق الأرواح و إنتكاسة للوطن و الأهل و كلما تقدم الوقت كلما خرجت علينا أجيال أقل

    وعيا و أكثر خطورة على أنفسها و على الآخرين


    أثني هنا على بعض المجموعات أو لنسميها الفرق التي تهتم بالسيارات القديمة

    أو المميزة أو السريعة و لكن هدفها و شعارها القيادة السليمة الآمنة مهما كان نوع السيارة

    أمثلة : مجموعة شباب يمتلكون سيارت كورفيت لكنهم لا يقودونها بسرعة و لا رعونة

    و مجموعة دراجات نارية ك هارلي و غيرها

    و مجموعة مالكي السيارات القديمة

    و غيرها من فرق و روابط أنشأها الشباب إحساسا منهم بواجبهم تجاه الشباب و المجتمع


    آسف للإطالة و شكرا لك يا محمد

    و رحم الله الموتى

    حسبي الله و نعم الوكيل
     
  5. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي
    ((الله يرحمهم ويرحم جميع اموات المسلمين انشاءالله))

    فعلآ وألف الحمدلله لك يارب على الخير اللي بهالديره والله لايحرمنا منه انشاءالله والمفروض عندنا نادي خاص لهالهوايه وشنو المانع من تواجده ؟!! بس عندي سؤال ؟؟؟؟؟؟؟

    اذا صار النادي بيمنع أو يخفف من ممارست هالهوايه بالشوارع العامه وبين البيوت وغيره ؟

    بصراحه مااعتقد وانا اشوف وجوده نفس عدمه وراح تبقى سوالف القومات والاستعراض بين البيوت وبين الناس اللي هاديهم الله .. ومااقول الا الله يحفظ الجميع ياااارب






     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    حلو السؤال يا العود

    من وجهة نظر خاصة ،

    الحين عذر بعض الشباب مو الكل ، إن الدولة ما خصصت لهم مكان يفرغون فيه طاقاتهم و يمارسون هواياتهم

    أما لما يكون في مكان مخصص و يستوعب الكل و على المدى الحالي و البعيد ،

    (جرت العادة على أن تكون أغلب مشاريعنا صغيرة و يا دوب تلبي الحاجة الحالية و لا تلبي إحتياجات المستقبل الأبعد )

    القصد ، إذا وفرت الدولة هذه الأماكن و الإمكانيات عندها فلن يكون هناك عذر و ممكن معاقبة المستهترين

    و اللي يمارسون هذه الهواية في الشوارع و بين البيوت مثل ما تفضلت
     
  7. سلومكو

    سلومكو بـترولـي مميز

    563
    0
    0
    ألى المسؤولين وخصوصا حضرة صاحب السمو الشيخ محمد ناصر الصباح \رئيس مجلس الوزراء المؤقر
     
  8. محمد المذن

    محمد المذن بـترولـي مميز

    694
    0
    0
    لا والله انا اشوف الربع يسولفون يقولون اول على ايام الرابطه محد يحب يدوس بالشارع
    عندك رابطه تقيد بالشروط (السيفتي وغيرة) وروح استانس لا تحاتي دوريات ولا عوار راس وهم سيفتي اكثر
    وكانت منافسه حلوة كل ويك اند الناس تروح تستانس
    شوف نظام حلبة دولية مو صعبة الى مستحيلة بالكويت
    الكويت فيزتها صعبة -الجمارك مو شي ماعندك فنادق يعني شوف فريق فراري بروحه اكثر من 100 واحد
    وفي بعض الفرق تاخذ فندق كامل نفس فندق النوفتيل بالبحرين ما اذكر اي فريق يحجزة كله

    يعني خلها رابطه عاديه محلية وخليجية وحط لك حلبتين وحده درفت ووحده استعراض عادي
    وحط رعاة سنعين وجوائز اقسم بالله العظيم انه رابطات البحرين وقطر والامارات راح تخف فيها المشاركة لان الاغلبية كويتين
     
جاري تحميل الصفحة...

مشاركة هذه الصفحة