الإهتمام بالعمل والتعاون

الكاتب : إعلامي قديم | المشاهدات : 914 | الردود : 7 | ‏26 يناير 2010
  1. إعلامي قديم

    إعلامي قديم بـترولـي نشيط جدا

    195
    0
    0
    السلام وعليكم

    إخواني الأعزاء أبي أطرح عليكم موضوع مدى تعاون الموظفين بالشركة

    حيث أعاني من الموظفين اللي معاي مو مهتمين بالعمل والتمادي بالطبيات والتأخير وأنا مستغرب للأسف

    مثل ما يقول أحد الأجانب الكويتيين ما يشتغلون ودهم معاش بدون عمل طبعا مو كلهم وهذا أنا بصراحة

    أشوفة عندي في الدوام ولا بعضهم يستأذن أي وقت ما يعمل حساب أخوانة اللي معاه ما فية تعاون

    ولا والموظفين الجدد حدث ولا حرج.

    ليش أتكلم في هذا الموضوع لأن صرنا شماتة للأجانب لما يتكلمون عنا .

    أطرح الموضوع وكلي حزن على أبن بلدي يتوانى في خدمة الوطن ولكم التعليق
     
  2. محمد المذن

    محمد المذن بـترولـي مميز

    694
    0
    0
    عدل كلامك اخوي انا اشوف ينقص الموظف الكويتي الاحترافيه بالعمل والتفاني والقدره على تطوير نفسه وتطوير الدائره الي اهو فيها
    والمسؤول الي يلتزم بالقوانين ويجتهد قالو عنه مو زين ويمكن يحاربونه
    لاكن انا اقولك الحل
    قال تعالى(ما يغير الله بقوم حتى يغيروا ما بانفسهم) صدق الله العظيم
    ولازم كل شخص يغير من نفسه وبهالطريقه انت غيرت بالمجتمع حتى لو غيرت شخص واحد فقط الي اهو انت .

    شاكرلك اخي الكريم على الموضوع الممتاز الصراحه وانا اشوف انه موضوع يستحق الوقوف عنده
     
  3. محمد المذن

    محمد المذن بـترولـي مميز

    694
    0
    0
    الصراحه موضوعك على الجرح قررت ارجع له واطلع الي بقلبي
    من عيوب الموظف الكويتي الواسطه خل نشوف تأثير الواسطه :
    1- (من امن العقوبه اساء الاب ) يعني هاذا راح يزيد نسبة الاهمال واللامبالاة
    2- اذا شخص حصل على ترقيه او درجة او تقرير زين واهو مايستحق انزين خل نشوف الي يستحق شنو وضعه راح يحبط وتحصل له مره واثنين وبالتالي يقول انا ايي استلم معاشي وامشي لا اطور من نفسي وا اشتغل بضمير لان بالنهايه التقدير راح يروح لغيري
    3- اذا شخص ترقى واهو مايتستحق المنصب راح يأثر سلبا على المكان الي اهو ماسكه بحكم عدم خبرته الكافيه او عدم المامه بأمور الاداره
    والواسطه بالكويت اعتقد يبيلها كتب ومراجع ماراح يكفي منتدى كامل يتكلم عنها

    من عيوب الموظف الكويتي المدير يفكر شلون يدير الاشخاص بوهاذا اكبر غلط لازم يدير العمل عن طريق توجيه السليم للاشخاص
    وماعندهم مبدأ مشاركة المسؤوليه مع الموظفين الاقل منهم درجه لان هاذا بحد ذاته تشجيع لهم ويخليهم يتحملون المسؤوليه بالمستقبل

    وانا اشوف انه اغلب الشعب الكويتي تنقصه الثقافه العامه عبالهم كل من قرى الجرايد ودش بجم سهم بالبورصه صار مثقف

    وهني تدخل فباب عدم التمسك بتعاليم الدين الاسلامي الرسول صلى الله عليه وسلم قال : (إن الله يحب إذا عمل أحدكم عملا أن يتقنه ) وهاذا حديث مباشر يحث على العمل بأتقان وبتفاني وبجد
    لاكن جم واحد من الامه الاسلاميه يطبقه 100% ؟؟؟؟

    اعطيكم الخلاصه
    ادارة حكيمه +تخطيط سليم +موظفين مجتهدين = اداره ناجحه بكل المقايس

    والحديث يطول بهالموضوع لاكن وين الي يسمع ووين الي يطبق
    وشكراا مره اخرى
     
  4. إعلامي قديم

    إعلامي قديم بـترولـي نشيط جدا

    195
    0
    0
    شكرا اخوي المذن على مرورك

    -من المشاكل اللي نعاني منها في سوء الإدارة هي المحاباه للموظف للأسف

    -أيضا من المشاكل لا بد وضع الرجل المناسب في المكان المناسب وهذه بعيدة عن الإدارة

    -سوء التخطيط والتوجية وإتخاذ القرار والعدل والمساواة في العمل

    -معاملة الموظف الملتزم والموظف الكمبيوتر الإستأذان عندي شغل طبية مو شغلي مزرق , نفس المعاملة أي الشر يعم والخير يخص

    لذلك أسأل ما هي الحلول لحد من هذة المشاكل.
     
  5. محمد المذن

    محمد المذن بـترولـي مميز

    694
    0
    0
    الحل انيب مدراء من اليابان جم سنه يسنعون الديره ونتعلم منهم مو تعطونهم كابرس تفشلونا عطوهم لكزس
     
  6. mjaljaser

    mjaljaser بـترولـي جـديـد

    18
    0
    0
    كثرة الشكوى هي التي تعرقل العمل، في قوانين للعمل وضعتها الشركة، مثلا إذا الموظف (كويتي أم أجنبي) تأخر قوله إنه تأخر وراح نسجلك تأخير، إذا غاب سجله غياب، إذا عنده عذر اكتب العذر إذا مطنش اكتب بدون عذر، و ما أعتقد إن أكو إنسان يزعل من الحق، و لو تقول للشخص اللي يغيب أو يتأخر من أول يوم يداوم عندك:"إن أنا مسئول أعطي كل ذي حق حقه فلا تستغرب إذا تأخرت أو غبت إني راح أطوف" جذي راح يحط الموظف هذي النقطة في باله و راح يحترم نفسة و يداوم، أما إذا كل يوم تكلمه تقوله:"يا فلان لا تتأخر، يا فلان داوم نفس الناس، يا فلان ترا طوفتلك وايد، يا فلان فشلة أنا قاعد أحطك مداوم كل يوم، يا فلان إذا أحد سألني عنك شقول؟" كل هذا تستطيع أن تتجنبه بأنك تطبق القانون عليه و على الأجنبي، مو تقول والله حرام يمكن عنده شغل يمكن مشغول يمكن عنده ظروف، لازم كل شخص يتحمل مسئولية العمل، بعديت فجأة تقعد تتذمر و تقول الكويتي مو مضبوط، الكويتي ما يلتزم، الكويتي متهور، الكويتي ما يشتغل، الكويتي الكويتي الكويتي، ولا يقدر يحاجج إذا هذا النظام ماشي على الكل، إذن نستنتج إن إذا مشى النظام و مشت القوانين الكل راح يلتزم، التذمر و الشكوة عمل الضعفاء للأسف، بعدين ليش ما يكون في نظام كروت أو بصمة أو أي شي؟، راح تغني الكل عن التشكي و التذمر، الشركة تبي النظام جذي، خلاص خلينا نتم على هذا الوضع الى أن تنحل المشكلة.
     
  7. Bent_Abooha

    Bent_Abooha بـترولـي نشيط جدا

    اووكي اشتغلنا ووكرفنا ووقبل مااايوصل التيم ليدر اكون بمكتبي بس وين التقدير؟؟؟؟
    مع الاسف انظلمنا وايد هالسنه
    لو كانت الاداره تخاف الله وتطبق القوانين من غير محسبويه حق فلان ووعلان ماعتقد كان راح يوصل الووضع لهمستوى واذا اشتكيت وتكلمت طلعوك انت الغلطان
    ولا تقووولوون المفروض الواحد يسوي الي عليه ومو مهم التقيم... بالعكس وايد مهم انك تكووون بمكان مقديرنك مو يتسااوى الصالح مع الطالح
    بالنهايه الموضوع يرجع لاداره اذا كان الاساس خربااان فالله بالخير على القسم كله
     
  8. q8rix

    q8rix بترولي خاص أعضاء الشرف

    437
    0
    16
    اييييييي الي يدري يدري والي مايدري مايدري قسم معاينة الابار القسم الوحيد الي بالشركة فيه تحضير وتقريبا انا وزملائي الموظفين الجدد شفنا الويل بس الظاهر كل قسم ونظامه

    الحل الكل يطبق نظام قسم معاينة الابار برنامج الots وصدقوني الشركة اتصير سيده
     
جاري تحميل الصفحة...

مشاركة هذه الصفحة