قــطــيــه ديــنــاريــن مــن كــل كــويـتــي ...!!!

الكاتب : المنجنيقي | المشاهدات : 1,251 | الردود : 19 | ‏22 يناير 2010
  1. المنجنيقي

    المنجنيقي بـترولـي خـاص

    1,966
    0
    36
    السلام عليكم ورحمه الله وبركاته

    صبحكم / مساكم الله بالخير


    أعلومي سلامتكم يالربع



    أنا ودي أتكلم بالفصحه بس راح أجيب العيد قبل حله .. فراح أتكلم باللغه العاميه وأبي أطلع إللي بخاطري وأفضفض شوي


    بتكلم عن التنميه في الكويت .. وأن تكون الكويت مركز مالي ... هههههه (( مركز مالي )):D


    ** يقولك أن الكويت راح تتبرع ببناء مستشفى بالبصره ... وآخر مستشفى بنوه سنه الثمانينات ...!!:mad:


    المشكله أن الكويت هالكبر "" صغيره "" وعندها ميزانيه تكفي لتعمير دوله بحجم السعوديه

    وبصراحه زهقنا وحنا نعتمد على الحكومه بمشاريع التنميه ...

    يعني لو نسوي قطيه كل مواطن كويتي يقط دينارين بس كل شهر مع كل معاش

    راح نجمع مليون دينار كل شهر .. على أفتراض أن عدد الكويتين الموظفين 500 ألف .....!!

    وكل شهر ننجز شي للكويت .. يعني مثلا الشهر هذا نبني جامعه والشهر إللي وراه نبني مستشفى

    والشهر إللي وراه نبني البنيه التحتيه حق منطقه سكنيه جديده :D

    والشهر إللي وراه نكمل أستاذ جابر ونفتتحه .. والشهر إللي وراه نبني معاهد لتخصصات جديده مو موجوده بالوقت الحالي

    والشهر إللي وراه نرمم المجلس البلدي :D .. والشهر إللي وراه نعيد شركه المشروعات السياحيه إلى أمجادها

    والشهر إللي وراه نبني البنيه التحتيه لمطار الكويت الدولي .. وبعدها نشتري طيارات جديده

    و و و و و و و و و و و و و و ........ إلخ لعل وعسى يصحى مجلس الوزراء من سكرته ويستوعب حال الكويت

    وبلا منه الحكومه .. وآخر شي نخصص مليون دينار لبناء حفره عمقها كيلوا وعرضها كيلوا ونقط فيها الحيتان

    إللي قزروها على فلوس الكويت وأهل الكويت ونفتك منهم (( عاد ان شاء الله تكفي الحفره )) :)

    وبالأخير حنا المستفيدين .. والحكومه وقتها للحين قاعده تدرس موضوع أن الكويت تصير مركز مالي

    إيـيـيـيـيـيـه من متى الكويتي يتحلطم :(

    حسبي الله عليهم أعداء التنميه خلونا نقط خيط وخيط وحدونا على هالتفكير

    وأذكر إذا سافرت بره اقعد أسولف مع أجانب يسألوني من وين ..؟

    أقولهم من الكويت .. يردون على بهالعباره : you have too much oil

    ما دروا أن الكويت كل مالها ترجع لي ورى

    والشعب الكويتي ينطبق عليه البيت إللي يقول :

    ان لم تكن لي والزمان شرم برم فلا خير فيك والزمان ترللي
    يعني إذا الحكومه مافيها خير للشعب وميزانيتها ممتازه .. وش تتوقعون منها إذا صارت أزمه ماليه جديده ....!!!:confused:

    وان شاء الله كلنا أمل بإستعاده الحكومه وعيها في ضل أبونا صاحب السمو الشيخ / صباح الأحمد ....

    وأعذرونا على الأطاله وعلى سوء التعبير والصياغه ...وسلامتكم وتعيشون
     
  2. جابر

    جابر قــلــم بــتــرولــي أعضاء الشرف

    والله مشروع حلو ووطنى ...لكن تطبيقه شبه مستحيل ..مو لأن الكويتيين بخلاء ..
    لكن لأنه خطييييييييييييير . .

    لو سويت جذيه ...راح تحرم البعض من بقرتهم الحلوووووب
    وثانى يوم مطلعينك بقناة (معينه) ...وفيه أعتراف إنك (مزدوج) الجنسيه ...ويقول من وين لك هالفلوس اللى تبى تبرع فيها
    أو يطلعون أسمك ..على أنك تجمع فلوس لقضايا (تخل بأمن الدوله ) ..

    ياما سمعنا عن كويتيين الله مغنيهم ..وحبوا يتبرعون لبلدهم ..
    وبمشاريع غير ربحيه ...مستشفى ومعدات و أجهزه بدون مقابل ..
    لكن تعطلوا ..وتبلشوا ...ومنهم من أستمر وقدم هالتبرعات (غصب) وأستغل (اسمه ومعارفه) حتى يمشيه ..
    ومنهم من يأس وقال كيفهم ...
     
  3. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    والله خوش فكرة
    :)
    أنا أقولك الكويتيين مستعدين يقطون ٢٠ دينار يعني ٢٠ مليون دينار شهريا
    تحياتي
     
  4. خلداني

    خلداني بـترولـي نشيط

    والله يا المنجنيقي انك فضفضت

    وفضفضتك جميله :) فيها فايده حق اللي يبون يفضفضون

    ان شاءالله تحقق فضفضتك .... قولوا أمين
     
  5. WAFRAWEY_Q8

    WAFRAWEY_Q8 بـترولـي نشيط جدا

    317
    0
    0
    بالاصبخه والصحرا المشمسه
    kuwait
    والله يا خوي ابصراحه صج الكويتين مواهب مدفونه
    وكلامك حلووووووووووووووووووووووووووووووووووو يا حلو
    عجبتني فكرتك
    لوووووووووووووول
    زين فضفضتلنا وخليتنا انشيل وياك الاهموم المشتركه حق كل كويتي يعاني من هالمشكله واتحز ابخاطره
    عالعموم شوفو متي اتعزمون عالقطيه علشان اسحب نفسي من قطيه المخيم الديره اولى:D لووووووووووووووووووووووووووووووووول
     
  6. المنجنيقي

    المنجنيقي بـترولـي خـاص

    1,966
    0
    36
    والله ياخوي جابر حدونا على هالتفكير .. ولا من متى الكويتي تشوفه يتحلطم

    حنا يمكن ما نقدر نمنعهم من بقرتهم الحلوب .. بس في نفس الوقت خل الشعب وخل الكويت ترضع من نفس البقره

    ومحد راح يمنعهم من هالديد اللي يرضعون منه :).. يا عساه زقوم في بطونهم
     
  7. المنجنيقي

    المنجنيقي بـترولـي خـاص

    1,966
    0
    36
    اي والله مستعدين وأنا أولهم

    الشعب الكويتي فيه الخير والبركه .. وشعب راعي فزعه

    بس السؤال : ليش الشعب يقوم بدور غيره ...؟

    ليش الحكومه ما تقوم بدورها ...!!؟؟:confused:
     
  8. المنجنيقي

    المنجنيقي بـترولـي خـاص

    1,966
    0
    36
    آمين

    ومشكور أنت بعد على هالفضفضه :)

    ذكرتني في برنامج " فضائيات " اللي من زمان يطلع في رمضان :D
     
  9. المنجنيقي

    المنجنيقي بـترولـي خـاص

    1,966
    0
    36
    هههههه

    كفو والله عليك يا وفراوي .. المخيم لاحقين عليه .. أهم شي نسوي الحفره اللي اقولك عنها

    اللي عرضها كيلو بــ كيلو علشان ندفن هالحيتان اللي لعبوا فينا وبعدها راح أسوي لك مخيم فوق الحفره هذه

    ها شقلت ...؟ وعلى حسابي الخاص
     
  10. aL- raSy

    aL- raSy إدارة المنتدى

    2,714
    0
    36
    ليست فضفضتك فقط اخي المنجنيقي، بل هذي فضفضة اي مواطن كويتي ( يعاني ) من حكومه عاجزه عن تحقيق اي شي يذكر في ظل الامكانيات المتاحه
    ( وفره ماليه - مساحه صغيره - عدد سكان قليل )

    و لو كانت هالامكانات لدى حكومه تحترم شعبها لعملت الكثير و في اوقات قياسيه ايضا..

    و بالرغم من العجز الحكومي الكلي في تنمية البلاد، فهي تتجه لتنمية البلدان الاخرى.. والله عيب.. :)


    اخيرا.. لو تسأل اي مصدر حكومي او رئيس مجلس الوزراء السؤال التالي :-

    ما السبب من توقف عجلة التنميه في الكويت في ظل الامكانات المتاحه التي تم ذكرها سابقا..؟؟

    ماذا تعتقد ان تكون الاجابه..؟؟



    كل الشكر لك يا المنجنيقي و ما تنلام و الله..
     
    آخر تعديل: ‏26 يناير 2010
  11. المنجنيقي

    المنجنيقي بـترولـي خـاص

    1,966
    0
    36

    العفو يالراسي

    والله احس ان السالفه حلم مو صدق :(

    وكلامك هذا كله عين الصواب .. وانت كتبت اللي بخاطري بإختصار

    وبالنسبه لسؤالك ...؟ الجواب كالتالي ...

    كله من الأعضاء المؤزمين هم اللي موقفين التنميه بالبلد ...!!:confused:

    وانتوا يالشعب يلحقكم ملام .. لأنكم زكيتوا هالنواب .. ( واخر شي بيقلب على الشعب ويخلي سبب تخلف التنميه

    الشعب المسكين )

    هذا راح يكون جواب مجلس الوزراء ...!!


    يعني الحين اذا صار النائب يدافع عن المال العام صار مؤزم .. وصار هو السبب في وقف التنميه بالكويت

    انا بس ودي اعرف شي واااحد ... منو العضو الشريف بنظر الحكومه ........؟؟؟؟؟؟؟؟
     
  12. aL- raSy

    aL- raSy إدارة المنتدى

    2,714
    0
    36
    يا المنجنيقي.. هذا راح يكون الجواب اللي ملينه وحنا نسمعه و بيني و بينك جواب ماله اي معنى..

    و كذبة اعضاء التأزيم ماراح تمشي إلا على ضعاف العقول..

    اذا مافيه غير هالجواب فهذي مصيبه ثانيه بعد..!!

    انا ابي الجواب الاساسي و الحقيقي..!!


    اما بخصوص سؤالك، فهو بالتأكيد النائب علي الراشد.. :)
     
  13. المنجنيقي

    المنجنيقي بـترولـي خـاص

    1,966
    0
    36
    علي الراشد :D

    ههههههه ضحكتني يالراسي :rolleyes:

    قصدك " علاوي الراشد " :)
     
  14. بياع

    بياع بـترولـي جـديـد

    41
    0
    0
    السلام عليكم

    والله يا خوي انها فكره جباره ما تطلع الا من عقل واحد جهبذ وترى خلونا نفكر فيها صج ترى خوووش فكره .
     
  15. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    المنجنيقي ، الفضفضة نوع من ترييح الأعصاب و الضغط

    الحمدلله على الحال فنحن أفضل من غيرنا بكثير

    و لكن هناك تقصير واضح في المشاريع التنموية و جودة الخدمات و قلتها خاصة مع دولة

    بحجم الكويت و مدخولاتها

    أما الموضوع و الشح النسبي في الداخل و الكرم الواضح في الخارج

    فهو الموضوع الذي ما يلبث أن يختفي حتى يظهر و يطفو ثانية

    فكلما رأينا أعلام دول على بعض الطرق و الجسور فذلك

    يعني و كما يدور في بال أكثر الناس ، وفد أتى ليأخذ المقسوم :)

    و نادرا ما تكون هناك وفود إيجابية

    ليتنا نوازن بين الداخل و الخارج و لا ننسى

    فإن الأقربون أولى بالمعروف
     
  16. المنجنيقي

    المنجنيقي بـترولـي خـاص

    1,966
    0
    36

    يا خوي الافكار كثر التراب ... والفلوووووس والميزانيه ماشاء الله كثر الرمل

    بس ان شاء الله يجي اليوم اللي ترد فيه الكويت عروس الخليج
     
  17. المنجنيقي

    المنجنيقي بـترولـي خـاص

    1,966
    0
    36


    لا طبعا مافي شي اسمه " وفد ايجابي " للكويت

    واللي محيرني ومحير الشعب ... ان مجلس الامه وبما فيه من اعضاء و وزراء يقومون بالتصويت على المشاريع ..!!

    يا اخي مايحتاج تصويت .. يعني مثل المشاريع التنمويه للكويت مايحتاج يخلون الاعضاء والوزراء يصوتون عليها

    خلوا التصويت على اشياء اخرى مالها ذات اهميه

    هي واحد من هالاسباب ...؟

    يا انا مو فاهم القوانين صح .. او .. ان بعض من القوانين تحتاج الى تعديل او يتم إلغاؤها
     
  18. بو أنس

    بو أنس بـترولـي نشيط

    62
    0
    0
    S.C.R.O
  19. محمد المذن

    محمد المذن بـترولـي مميز

    694
    0
    0
    فكره فوق الممتازه لاكن خوفك يا المنجنيقي باجر تحسب علينا لووووووووووووووول
    ضبطني بمناقصات اوكي انا راضي
    ونرجع نفس اول
     
  20. سلومكو

    سلومكو بـترولـي مميز

    563
    0
    0



    تدري أنك فلللللللللللللم أنت ههههههههههههههههههههههههههه
     

مشاركة هذه الصفحة