استفسار بخصوص خصم الاندية الصحية بليز

الكاتب : لورا | المشاهدات : 1,787 | الردود : 15 | ‏18 يناير 2010
  1. لورا

    لورا بـترولـي جـديـد

    12
    0
    0
    مرحبا انا حابة اسال عن خصم الاندية الصحية لموظفين kgoc كم يكون؟
    هلا فعلا 70% وفقط لغاية مبلغ 600؟
    وبالنسبة للاطفال هل لهم خصم؟
    وانا عندي طفل عمرة 6 اشهر بدخلة نادي الكرنيش فية مكان لالعاب الاطفال تحت السنة هل لة خصم بعد ولا في شروط معينة بالنسبة للعمر؟

    بلييييييييييييييييز الى عندة فكرة عن الموضوع يعطيني معلومات وشكرا
     
  2. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    طفل عمره ست شهور :)

    هذا ما يبي نادي صحي هذا يبي نادي الامومه وش قاصر بك لعبيه وين بتلقين له العاب يعرفها ذالبزر

    ماني بعرف وودي محد يعلمك دام بزرك بدخلينه نادي
     
  3. فوركسي

    فوركسي بـترولـي نشيط

    53
    0
    0
    سئليلنا وليرحم والديج انتي بالاحمدي واحنا بالخفجي انتي واايد اقرب
     
  4. Joker

    Joker بـترولـي جـديـد

    32
    0
    0
    اللي اعرفه 70% اما الحد الأقصى فمادري بس اي ابن لو انه ولد يوم وفيه نادي صحي له بتمشي معاملته بس وينه وين نادي صحي داريه بعدين دخليه نادي او عطيني اياه اعطيه كورس كوت بوسته وجنجفه جائزة تخرج.
     
  5. Disele

    Disele بـترولـي نشيط

    64
    0
    0
    6 شهور ونادي صحي ؟؟؟ شلون ترهم ..... ولا مخططه تسوينه رامبو:)

    يمكن قصدج حضانه ,, وهذي ما اعتقد يشملها الخصم
     
  6. عاشق الدستور

    عاشق الدستور بـترولـي جـديـد

    8
    0
    0
    السلام عليكم للرد على سوالكم يرجى الاتصال على دائرة العلاقات 23864718
     
  7. لورا

    لورا بـترولـي جـديـد

    12
    0
    0
    في نادي صحي لاطفال من 3 شهور نادي نظام انجليزي وكل اطفال انجليز بس يمكن لى الحين ما وصل لكم طبعا اسووون تمارين حق عظلات الطفل ومساجات وحركات حلوة بس وعلية الكويتيين ما يدرون عن شي هسوالف كلا حق لنجليز خلفلة علينا ما تشوفون اعيالهم احبلون ونشيطين اهلهم مجابلينهم مو عيالنا بس اطيح انكسرت ريلة بس في وايد اندية للاطفال من عمر 6 شهور لتمرين العظلات وهما سادحينة
     
  8. معشي الجن

    معشي الجن بـترولـي نشيط جدا

    172
    0
    0
    نورا انتم الظاهر من عوائل ( الدماء الزرقاء )

    حنا وين والكورنيش وين ؟؟

    حنا عندنا نادي الفحيحيل

    انشافوا ولد عمره 6 شهور بالنادي أكلووووه

    وبكم اشتراك الكورنيش يا نوره ؟؟
     
  9. العامري

    العامري بـترولـي نشيط جدا

    أنت خل الناس تلعب رياضه ههههههههههههههههههه
     
  10. fireeccc

    fireeccc بـترولـي نشيط جدا

    191
    0
    16
    لا تعليق :)
     
  11. بو عمر

    بو عمر بـترولـي نشيط جدا

    164
    0
    16
    السلام عليكم
    انا بعد ودي اسأل عن خصم الانديه الصحيه شلون طريقته؟
    انا مشترك بنادي بلاتينيوم شنو مطلوب مني علشان استفيد من الخصم؟
    يعطيكم العافيه مقدما.
     
  12. API 18

    API 18 بـترولـي مميز

    513
    0
    0
    بسيطه....خذ فواتيرك وروح الماليه بالمبنى الرئيسي وهم يظبطونك. بس دير بالك اذا ما نزل وزن خلال شهر ترى يردون فلوسهم, (لا اتغشمر بس)
     
  13. بو عمر

    بو عمر بـترولـي نشيط جدا

    164
    0
    16
    ههههههههههههههههههه

    يعطيك العافيه اخوي ما قصرت وان شاء الله الوزن ينزل صارله فتره ثابت :(
     
  14. Geologist Q80

    Geologist Q80 بـترولـي جـديـد

    16
    0
    0
    السلام عليكم

    شفيكم شبيتوا على المسكينه

    هذا بدل ما تقولون زين تسوين والحرص على الأطفال زين

    المهم نرجع لمحور حديثنا اللي هو إشتراك الإندية

    أحطلكم الإعلان مع الأرقام


    ==================

    إعــــــــلان
    اشـــتراك النــــوادي الصحيـــة

    يسر دائرة الخدمات والعلاقات العامة أن تعلن للأخوة العاملين/ والعاملات في المكتب الرئيس وعمليات الوفرة المشتركة وعمليات الخفجي المشتركة أنه قد تم تعديل ضوابط وشروط ألاشتراك في النوادي الصحية ابتداء من 1 يناير 2008 وهي كالتالي:

    1ـ يستمر دعم الشركة 70 % من إجمالي قيمة الاشتراك .
    2ـ الاشتراك يشمل العامل والزوجة وأربعة أبناء من غير المتزوجين.
    3ـ تمنح هذه الميزة للزوجة العاملة وأربعة من الأبناء بشرط أن لا يكون زوج العاملة متمتعاً بميزة الأندية والمراكز الصحية من جهة عمله.
    4ـ أن لا تزيد تكلفة الاشتراك السنوي الذي تتحمله الشركة عن 420 دينار كويتي للفرد الواحد.
    5ـ أن يسدد العامل/العاملة قيمة الاشتراك كاملة مباشرة للنادي ثم يقدم الفاتورة ونموذج التعويض بالقيمة الإجمالية لدائرة الخدمات والعلاقات العامة لاسترجاع نسبة 70% من إجمالي المبلغ المدفوع .

    لمزيد من الاستفسار يرجى الاتصال على الهواتف التالية:
    (64299 ـ 64014 ـ 64311 ـ 64211 )



    مع تحيات

    إدارة الشركة الكويتية لنفط الخليج
    مجموعة الشئون التجارية والخدمات
    دائرة الخدمات والعلاقات العامة
     
  15. Minagish

    Minagish بـترولـي نشيط

    عطيناهم الفاتورة مع النموذج

    الحين اشكثر يبيلهم على ما اردون البيزات ؟
     
  16. خفجاوي نجري

    خفجاوي نجري بـترولـي نشيط

    60
    0
    0
    اللي اعرفه انه عقب ماتسلم الفاتوره الاصليه للعلاقات أهما يحولنها للماليه عشان ينزلونها وغالبا تكون مع معاش مكتب لكويت
     
جاري تحميل الصفحة...

مشاركة هذه الصفحة