هدايا اليوبيل الماسي لنفط الكويت للموظفين..للأســـــــــف

الكاتب : Winchester | المشاهدات : 3,170 | الردود : 31 | ‏18 يناير 2010
  1. Winchester

    Winchester المـراقب الـعـام

    السلام عليكم ورحمة الله وبركاته

    أحتفلت شركة نفط الكويت قبل أيام باليوبيل الماسي بمرور 75 سنه وهذا الأحتفال يشمل جميع الموظفين اللي شاركوا بالعمل والمثابرة وتحمل المصاعب للوصول للهدف المنشود.

    وانصدمنا قبل أيام بتوزيع الشركة هدايا للموظفين نأسف ان تكون هذه الهدايا لهذه الشركة المرموقه ولهذا الانجاز الذي لا يتكرر.
    والهدايا من اسوء الهدايا التي تعطي لا من حيث السعر ولا الشكل.

    خلوني اقول لكم شنو الهدايا :

    1- كاب ( والله بدون مبالغة ما ينلبس كلش حتى عمال النظافة ما يلبسونه )
    2- قلم ( بلاستيك ومن ارخص الانواع )
    3- تيشيرت ( أبيض ساده من جدام علبالي فنيله داخلية ومن الخلف مكتوب عليه شركة نفط الكويت وللأسف عموم المقاسات M حتى ما اخذوا بعين الاعتبار مقاسات الموظفين تبي ولا كيفك أخاف بعد شوي اعطيها السايق يقولي بابا هذا خربوطه )
    4- سي دي بعنوان قصه وعطاء ( لا تعليق )
    5- قاعده للكروت والقلم ( كرتونها أكشخ منها )
    6- الدفتر أو التقويم السنوي ( هذا كل سنه وماله شغل بالأحتفال )
    7- برميل نفط أسفنجي بحجم كف اليد ( انا اعتقد للتدريب علشان اذا اشتغلت وايد على الكمبيوتر ايدك تخدر )


    للأمانه سعر الكيس كامل بالهدايا اللي فيه ما يتعدى 10 دنانير


    السؤال المهم : هل يستحق العمال اللي تحاوطهم المخاطر من كل صوب ومعرضين انفسهم للخطر 24 ساعه في سبيل الوطن هذه الهدية ؟

    وسؤالي الثاني : هل العمال من الدرجة 17 فما فوق أخذوا نفس الهديه الي اخذها جميع الموظفين ؟ للعلم ترى كلنا مشاركين بالنجاح من اقل درجه الى أعلاها.

    ونتمنى من نقابتنا الحالية التدخل بأسرع وقت لحل هذه المشكلة التي بخست حق العامل ودوره في رفع أسم الشركة عاليا.
     
  2. Al-Hammadi

    Al-Hammadi بـترولـي نشيط

    148
    0
    16
    ما حصلنى على شي مو كل الأقسام خذت
     
  3. خالد

    خالد بترولي خاص أعضاء الشرف

    404
    10
    18
    السلام

    الظاهر عندك واسطه

    حنا بدائرة الإنتاج ماعطونا هذه المكرمه النفطيه

    أيه ناس وناس ماعليه

    يعني حاسدكم على الهدايا المطليه بالذهب
     
  4. غيوم

    غيوم بـترولـي خـاص أعضاء الشرف

    7,298
    1
    0
    1- كاب ( والله بدون مبالغة ما ينلبس كلش حتى عمال النظافة ما يلبسونه )
    2- قلم ( بلاستيك ومن ارخص الانواع )
    3- تيشيرت ( أبيض ساده من جدام علبالي فنيله داخلية ومن الخلف مكتوب عليه شركة نفط الكويت وللأسف عموم المقاسات M حتى ما اخذوا بعين الاعتبار مقاسات الموظفين تبي ولا كيفك أخاف بعد شوي اعطيها السايق يقولي بابا هذا خربوطه )
    4- سي دي بعنوان قصه وعطاء ( لا تعليق )
    5- قاعده للكروت والقلم ( كرتونها أكشخ منها )


    هذا الي استلامته ... يعني مكشخينا معطينا كيسين مو واحد

    ما الباقي ما شفنا

    امبيــــــــــــه و الله فشله


    6- الدفتر أو التقويم السنوي ( هذا كل سنه وماله شغل بالأحتفال )
    7- برميل نفط أسفنجي بحجم كف اليد ( انا اعتقد للتدريب علشان اذا اشتغلت وايد على الكمبيوتر ايدك تخدر )
     
  5. aboaley

    aboaley بـترولـي جـديـد

    28
    0
    0
    Safety Engineer
  6. KOCiya

    KOCiya بـترولـي خـاص

    1,596
    0
    0
    انا غير ..
    تي شيرتي كحلي :)

    أما بالنسبة حق البرميل فمساكين يدرون شكثر منقثين ونفسيتنا بالقاع فيبون نفرغ الضغط بالبرميل :)
     
  7. العامري

    العامري بـترولـي نشيط جدا

    ما شفنا شي حتى الرزنامه ما كو الضاهر مخلينها لربعهم :rolleyes:
     
  8. ahmed

    ahmed بـترولـي نشيط جدا

    206
    0
    0
    ?????
    الكويت
    والله كشخه انته عندك واسطه وحصلت على شي :) واللي يقولك اول مره نسمع انه في هدايا ؟؟؟
     
  9. old days

    old days بـترولـي جـديـد

    44
    0
    0
    مهندس
    الكويت
    السلام عليكم,,

    اتمنى يكون صدرك وسيع معاي,

    اولا, مزايا الشركه مو بالهدايا, مزاياها كلنا نعرفها بالمعاش والتذاكر و مشاركة النجاح والامور الثانيه مثل التدريب و التدريب الخارجي و...و... و...

    بالنسبة للسؤال الاول ان هل يستحق العمال اللي تحاوطهم المخاطر من كل صوب ومعرضين انفسهم للخطر 24 ساعه في سبيل الوطن هذه الهدية ...

    اخوي خل نكون صادقين مع انفسنا, كلنا دخلنا الشركه للمزايا الماديه و نظام العمل اللي افضل من النظام الحكومي. لو لقيت وظيفه لها دخل مثل الشركه ماقعدنا نداوم شفتات و بآخر الدنيا, اعتقد هذي تغطي على جزئية (من اجل الوطن)

    الموظفين لي درجة 17 وفوق خذو نفس الكيس اللي اخذته و نفس الاغراض. بالنهاية هذي (هدية) لها قيمه معنويه و يعلم الله اني فرحت لما شفتها مع اني ماراح استعمل بعض الاغراض مثل ماقلت الكاب و التي شيرت بس تبقى هدية و المُهدى اليه (بضم الميم) لاينبغي له انه يستهزأ بالهديه.

    بعدين هالمناسبة اهي مرور 75 سنه على الشركه لا انا ولا الموظفين اللي بالشركه لنا فضل فيها. الفضل فيها بعد الله للاجيال اللي قبلنا فاذا كان لنا نصيب من التقدير فهذا شي بحد ذاته يعتبر لفته طيبة من الشركه لنا.

     
  10. zeyad

    zeyad بـترولـي نشيط جدا

    256
    0
    16
    والله اخواني الكل معاه حق
    بس اقل القليل لو انصرف بونص حق الكل على الاقل لو 100 دينار ماحد بيزعل
    بس على الاقل يحس العاملين انه فعلا الشركة احتفلت بالعاملين

    اللي اندفع على نوال ورويشد لو توزع على العاملين جان نغنغنا هههههه
     
  11. المنجنيقي

    المنجنيقي بـترولـي خـاص

    1,966
    0
    36
    ههههههههه

    شر البليه ما يضحك

    بس انا ودي اعرف كم المبلغ اللي مخصصينه للهدايا .....؟:confused:

    يا جماعه اللي يصيد الخبر ويعرف المبلغ المخصص للهدايا يبلغنا
     
  12. Winchester

    Winchester المـراقب الـعـام

    المشكله اخوي والله حرام انه المبلغ مهما كان ينصرف على أشياء لا تنفع للأستخدام

    ودي اعرف منو الشخص اللي وافق واختار هذه الهدايا ؟؟
     
  13. Q8GAS

    Q8GAS بـترولـي مميز

    514
    0
    16
    حتى الهدايا ماشفناها

    ولا يهمكWinchester عندي لك خوش هديه للاند
     
  14. ولد الموسوي

    ولد الموسوي بـترولـي نشيط

    144
    0
    0
    على الاقل انت حصلت كل الهدايا هذي مع انها ما تنفع لوووول

    احنا بالسناتر ومو الكل طبعا حصلنا بس رزنامه :)

    شكرا للموضوع
     
  15. judgement

    judgement بـترولـي نشيط جدا

    342
    0
    0
    معاين ابار
    احنى ماوصلنا غير الروزنامة وكتيب عن الشركة ومشوار 75 عام
    الصراحة كلامكم صحيح الهداية ماتفيدنة بشي لو وزعو شي افضل ومفيد بقض النظر عن السعر افضل
     
  16. MamLOoO7a

    MamLOoO7a بـترولـي مميز

    والله لو معطينا 75 دينار أبرك من هالهدايا اللي تفشل والله ياليت لو الكواليتي وجودتهم زينه الواحد مايزعل الا تجيب المرض
     
  17. pink_engineera

    pink_engineera بـترولـي نشيط

    61
    0
    0
    1-reznamah+book feeh 9war+sticker 7ag el car

    2- sh3ar el koc el silver (75 years) + cheis feeh balck file w qalam w t.shirt w cap w el bbl w crystal da5lha oil

    3 - cheis feeh t.shirt w cap w qalam w bbl w dairy w cd w huge book 3an el koc

    hatha ely w9lny .....ma q9raw ....best wisheS w proud to be KOC
    ;)
     
  18. باش دبلوم

    باش دبلوم بـترولـي نشيط جدا

    194
    0
    16
    ما استلمنا شى للحين احنا اللى نطحس فى السناتر بالصحراء
     
  19. برميل نفطي

    برميل نفطي بـترولـي نشيط

    55
    0
    0
    يالله هانت يا شباب ..... الصبر زين ، آنا سمعت من ديوانية عروقها بالماي انهم راح يعوضونكم بخوش هدايا بالأحتفال اللي بيسوونه بمناسبة مرور 100 عام على الشركه :d
     
  20. Salem J

    Salem J بـترولـي نشيط جدا

    226
    0
    0
    Eng
    Kuwait
    و الله ياخوي انا ما وصلني شي

    لكن الهدية ما تنرد و لا تنعاب أبد

    هذي الأخلاقيات اللي تعلمناها.
     
جاري تحميل الصفحة...

مشاركة هذه الصفحة