قصيدة عن القريد Grade

الكاتب : Safety First | المشاهدات : 903 | الردود : 12 | ‏17 يناير 2010
  1. Safety First

    Safety First بـترولـي خـاص أعضاء الشرف

    ياصا حبي جالك قـــريد





    بشّر عسى ياصاحبي جالك قـــريد وإلاّ عـلى خــبري ليـا الحـين مـقـــرود

    وبشّر عسى التقييم ما ينقص يزيد وبـشــّر عساك بخـير ياجـعـلـك بــزود

    وان كان ربعك ياعشير الأجـــاويد تــتــعب ولا تـاخـذ من أمـثالهم فــــود

    لا زيــد يـنفـــع بالــنهـايه ولا عبـيـد إمسك رئيسك وأشرح الوضع بركـود

    قله تراي مداومٍ ٍ في ضحى العـيد ومـداوم شـفتـات والـقــــلب مـضـهـود

    واقف على قيت البلا والمناكــيد وأنا على خـــط الخــطر دوم موجـود

    شغلي تـمام ولا لــحقني منــــاقــيد هــو لــيه مــامن تــرقــيـه يامل الــفود

    الفورمن كـــثّر عليّ المـــــواعــيد لـي فوق ســت سنين ببلان موعود

    وهذي نهاية من يبي ياخذ قريد يبقى عـلى طـول الـدهـر دوم مقـــرود

    :)
     
  2. aL- raSy

    aL- raSy إدارة المنتدى

    2,714
    0
    36

    اقسم بالله ان القصيده جت في وقتها، و اليوم جاني قريد.. :)

    صح لسانك و تسلم على هالقصيده يا Safety First
     
  3. Dashti83

    Dashti83 بـترولـي نشيط

    84
    0
    0
    سجين نفطي
    وطن النهار
    صح لسانك

    وانا ناطر القريد
     
  4. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    لاهـــنـت

    ونتمنــي التوفيــق للجميــع
     
  5. الـــعجمي

    الـــعجمي بـترولـي جـديـد

    13
    0
    0
    صح والله لسانك

    وجعل أمورك كلها سهالات وقريدك يمشي وأمورك كلها


    مــــــــافيك حيـــــــله على القصيده


    تحيــــــــــــــاتي لك
     
  6. amkl

    amkl بـترولـي نشيط جدا

    173
    0
    0
    رد على الأخ Safety First

    تزوج أربع كان ما جالك قريد وحاول تجيب بكل شهرين مولود
    يمكن معاشك يرفع فوق ويزيد الخ.............................

    المعذره على عدم التكملة ....نحتاج من الشباب الشعراء الهمه
     
  7. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    صح لسانك

    صراحة القصيدة عجيبة وتحكي حال الموظفين

    :)
     
  8. amkl

    amkl بـترولـي نشيط جدا

    173
    0
    0
    تزوج أربع كان ما جالك قريد وحاول تجيب بكل شهرين مولود
    يمكن معاشك يرفع فوق ويزيد وتكون في رغدا من العيش محمود
     
  9. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    الأبقريد يا صاحبي في قسمنا صار محظور و للحين موصود بابه لنا مسدود

    طافت من السنين يا كثر ما طاف و للأسف تجددت مطالبنا و معانا شهود

    أنهار الكرم بدت تسيل أنهار و سيول لدواير و لنا مجرى النهر جدامه سدود

    يا صاحبي مرت سنين و مرت عقود على ربعنا و ما شافوا قريد و لا مسهم فود

    اللي عشر و خمسة عشر سنة موجود مقيم بقريد و ما تعداه و لا شاف الحدود

    يا صاحبي الله كاتب و موجود سبحانه مقسم الرزق لو لك رزق يجيك موعود

    تصبر و قنن مصروفك على قد ما جاك و لين الله كتب لك قريد ما تمسكه بلود
     
  10. Safety First

    Safety First بـترولـي خـاص أعضاء الشرف

    مرحبا ترحيبة الناس للعيد... معطرة بعنبر وبخور ودهن عود

    لكل عضو من قديم وجديد... وكل من مر على عجل وركود

    ومبروك للي جالة اليوم غريد... عساك تهنابه وينكتبلك بزوود

    :):)
     
  11. Safety First

    Safety First بـترولـي خـاص أعضاء الشرف



    تزوج أربع كان ما جالك قريد... وحاول تجيب بكل شهرين مولود

    يمكن معاشك يرتفع ويزيد... ويحوشة توب غريد بوقت محدود

    بيحوشك والله احباط شديد... وبتشيب قبل يومك الموعود

    بتقول ياليتني نبدا من جديد... لجل نحسبها قبل لاغدي عود

    حسبة تخلي الشايب وليد... حسبة مفبركة على بند وشهود

    اترك الزواج وترك وراه القريد... خلك اعزوبي والمعاش بيجيك بزود:D

    وسلامتكم:)
     
  12. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    أسمع يقولون جاله أو جالها قريد .. وانا اسمي من القائمة مفقود !

    أسألهم هو الخبر أكيد ؟! .. تأكدوا يمكن اسمي موجود !

    يقولون التيم ليدر الجديد .. ماشي على سياسة المطرود !

    اظلم .. ابطش .. وبيد .. خلها حرب و نارها تقود !

    آمر ولا تسمع وفيد .. ربعك بس وعلى المحدود

    قلت ادري والله ما من جديد .. عمر الردي ما عطى مردود

    وانا عموما ما أبي قريد .. لأني فيه وبلياّه موجود


    وبس :)

    مبروك لكل من ياله قريد .. واللي ما ياله قريد نفس حالتي ( مقاومه ) خل يقول الحمدلله والله يهدي مسؤولينّا أو بعضهم عشان ما يزعلون الزينين .. ولا البعض الآخر فيهم جنون العظمه حمدلله والشكر :)

    شكرا صاحب القصيده وصح لسانك .. وسامحنا على الرد المتواضع ..
     
  13. reznama

    reznama بـترولـي مميز

    من القهر الكل قام يغرّد ههههههه

    الله يرزقكم ويرزقنا

    ويغنيكم عن القريد ..

    المهم الصحه والعافيه

    بارك الله فيكم

    ..
     
جاري تحميل الصفحة...

مشاركة هذه الصفحة