ظلم المسؤلين للموظفين

اخي الكريم جميع ماذكرت مشاكل يمر فيها الجميع
ولكن حتى نكون منصفين فهذا ليس حال جميع المسؤلين

ولكن هل طرحت مشكلتك على نقابتكم؟؟؟ وماهو رد النقابه؟

 

اخواني اذا كان تعامل نقابتكم معاكم بهذا الأسلوب فيجب ان يكون لكم وقفه تجاه النقابه
اضغطوا عليهم حتى يقفوا معكم

 

حان وقت التغيير

 

والله بكل مكان يطلعلك واحد عنده قبليه او عنصريه بس صدقني قدم شكوى فيع عند التيم ليدر واهو بقانون الشركة راح يطيب خاطرك

واسال مجرب .. وبعدين ياجماعه مو كل شي عالنقابه وانا ماادافع خلي نخليها حق الشغلات الكبيره

لان النقابه بديهيا ماراح توقف بجذي مواضيع لان اكيد هذا المسؤل يطلع رفيجهم او .او .او وانتو فاهمين

 

السلام عليكم
انا وياكم لازم انشوف حل على الظلم من المسؤولين ويامه شفنه وسمعنه
اذا كلمت المسؤول فى التقرير ويكون منزلك وانت ماعليك شي قلط على طووووول يقولك انت ماسويت شي جديد هذا اذا ماعندك معارف وواسطه

 

كلامك عدل في عدل وانا وياك في كل ما تقوله

 

اللهم لا تجعلنا من الظالمين
الحمدلله على كل حال






وبس

 

السلام عليكم . حاب أعقب على كلام الاخوان اللي يتهمون النقابة وكل شي يقطونه براس النقابة . حاطين أعضاء النقابة الحاليين وكانهم ماسووا اي انجازات مع العلم ان العكس صحيح ماعتقد ان راح يجون أعضاء ويسدون مكان مكان أعضاء هالنقابة الحاليين . مع احترامي لكل القوائم اللي صارت تطلع ورا بعض . انا ماقول النقابة الحالية حلت كل مشاكل الموظفين وطموحاتهم بس اللي اقوله انه ماعتقد راح نلقى أشخاص أمثالهم كخبرة في العمل النقابي وسعة صدر واحترامهم للراي الاخر وعدم تحيزهم لاي فئة ضد أخرى . بس اللي حاصل انه احنا الظاهر راح نبتلش بشلة من الناس اللي همهم بس الوصول الى المناصب باي طريقة كانت سواء التحريض او التجريح بزملائهم . زبدة الحجي اهما جم وااحد افشلوا انهم يسوون قائمة ايام الجامعة وينجحون فيها وجايين يعوضون النقص هذا هني . ولازم يعرفون انه في فرق كبير ومسؤولية أكبر بين مجالس النقابات ومجالس الطلبة !!

 

كلامك منطجي ولد عمي

 

اهم شي انك تكون واثق من شغلك ومن نفسك وصدقوني مهما كان الظلم من بعض المسؤوولين لكن اهم شي الاقتناع ان اللي الله كاتبه بيصير وتسلموون

 

...............................................

 

عندي لك حل



انطر لين يقرون عليك والا لين يشكلون لجنة التظلمات واللي ماراح تسولك شي بس عندي لك راي يخلصك ويفكك وهو راي بإقتراحين

الاول

كلم دليهي الهاجري لإنه شخص وايد ناس كلموه وماقصر

والثاني

كلم النقابه بكتاب رسمي لان النقابة ومجلسها كان شعاركم التغيير

ولك عزيزي انك تشوف منواللي نعتقد انه فعال واختاره لأن اختيارك هو أساس قرارك وقرارك هو ماسوف تحصل عليه من نتيجه

 

خذها من خبره


والله ان كلامك صح بس اذا تمنينا المعالجه ( وطبعا ما عندنا غير التمني ).
اولا : سد باب المكابره من الاداره.
ثانيا : من اقل موظف الى اعلى موظف يقوم بعمله بجد واخلاص وخاصه ذوي الشهادات العاليه يترجل ويعمل بختصاص الشهاده (الان الي صاير والكل يشوفه البوس اقصد كبار الموظفين بس مهايط سياره ومكتب وسكرتاريه مقابلات وغيره انسا ويجيبون ناس من بره الكويت (مهندسين مشاريع) للبناء والاعمار وهم يقولون ما في امكانيه) ويلعبون بحسبه الموظف من تقارير وامتيازات ودرجات وفلوس على هواهم لا حسيب ولا رقيب.
ثالثا : معاناة الي ما عنده واسطه (الحين القريب يدخلون عضو واسطه ينقلون من شفت الى شفت فما بالك بالشي الكبير)
رابعا : القوانين تطبق على الضعاف فقط الي ما عندهم واسطه ولا يكون تصدق مسؤل يقولك ارفس الباب اذا كان لك حق ترى والله تتفنش (انت ما تشوف البرنامج البناني الحلقه الضعيفه انصحك متابعه البرامج لان الكبار هذا برنامجهم الخاص جدا).
رابعا : ابلعها واسكت احسلك لا نقابه ولا صناعيه يفيدونك( صارلي 26 سنه في الشركه مكانك راوح اكتشفت الي يدور عن حقه يقولون عنه فيه عيب واحد نجري )
خامسا : وهو الاخير ياأخي ما تعرف تكلك تعلم من ناس وايده انت تشوفهم كل يوم ترا الشغل عندنا الكلك ولا تتشكا مره ثانيه.
وعساك من الناس الي مثلي يشتغلون ويقلون الهم وراهم.

 

اعلانات الترشيح

انا مستقرب من اعلان القائمه المعتدله امام باب النقابه ما انشال لحد الحين

هل الاعلان عاجب النقابه الحاليه
او كلمه شعارات زائفه المكتوبه على الاعلان
او شيلمهن اقصد حجم الاعلان كأنه تانكي ماي يغذي الاحمدي كلها
ولا ماكو فلوس يشيلونه


توهقو فيه

 

اي والله

ماقول الا الله كريم
وانشالله اللجنه .. اذا صارت .. مايكون فيها من نفس هالنوعيه

تحياتي