قصيده في موظفي ossa

الكاتب : شاعر خام | المشاهدات : 906 | الردود : 7 | ‏15 يناير 2010
  1. شاعر خام

    شاعر خام بـترولـي جـديـد

    1
    0
    0
    مشاركه جديده وضيف جديد اخذوها بصدر رحب :)





    لولاك يا ( أحمد فهد الأحمد ) فتحت لْهم مجال
    ماكان يفرح واحدٍ منهم بـ.. لبس البيلسوت

    اللي شعاره يغني الرجّال عن ذلّ السؤال
    راتِبْه لو ينزل بلا زيادات يفتح له بيوت

    عطيتهم بـ.. أمرك وظيفه مصدر الرزق الحلال
    يحيا الرجل عشان ياخذ له ( رقم ) فيها ويموت

    دوره وثوره والموظف بين حال وبين حال
    عقب الفقر والموتر السكراب من لكزس لـ.. حوت

    رصيده اللي تاكله ( الأقصاد) مافيها جدال
    اليوم يقدر يشتري منّه بدال الكوت كوت

    الشغل مامن شغل وان جاك يتمشى بالعدال
    أما على اللاب توب يقضي الزام أو لعب البَلوت

    مزعج هل السنتر بشكوى مْن العمل ولاّ بسؤال
    والى جلس معهم مايجلس غير فيديه الريموت

    لامن هرج كذّب ويصنع كذبةٍ كبر الجبال
    ومْن الملل أما رقود اللي معه ولاّ سكوت

    مجموعةٍ جت للقطاع وكنّها جيش احتلال
    اذا الصغيره ماتفوت شلون لو تكبر تفوت

    ماودّي أجمعهم دخل من بينهم روس الرجال
    لهم قدر وأفعال وان جات اللوازم ماتلوت



    .



    شاعر خام
     
  2. لمن يهمه الامر

    لمن يهمه الامر بـترولـي نشيط

    96
    0
    0
    koc

    السلام عليكم

    مشكور وصح لسانك علي هذي القصيده
    مزعج هل السنتر بشكوى مْن العمل ولاّ بسؤال
    هذا الشاعر اكيد مفروز من شركة الخدمات الي شركة نفط الكويت
     
  3. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    صح الله لسانك

    لولا الله ثم احمد الفهد يمكن احنا حاليا بطاليه:)

    نشكر الشيخ احمد الفهد ونقوله الله يوفقك يارب والى الامام
     
  4. *الله كريم*

    *الله كريم* بـترولـي جـديـد

    32
    0
    0
  5. الصنفره

    الصنفره بـترولـي نشيط جدا

    198
    0
    0
    مجموعةٍ جت للقطاع وكنّها جيش احتلال
    اذا الصغيره ماتفوت شلون لو تكبر تفوت

    ماودّي أجمعهم دخل من بينهم روس الرجال
    لهم قدر وأفعال وان جات اللوازم ماتلوت




    والله مافوت شي وعز الله انك عجنتها





    واما الفضل الاول فـ الله سبحانه وتعالى




    واما فضل الشركه فالله الحمد لكن ( للتعقيب والاستدراك ) الوظائف موجوده وبيبان الرزق عند العزيز الحكيم



    ولولا الشركه ماهي موجوده كان بتلقا كلن موظف ولا مكمل دراسته




    واما أنتقادك لرجال الامن وعملهم فهذا مرفوض وخل نظرك بعيد وألسلبيات دبلها ايجابيات





    ويرزقني اللي يرزق الحيايا بجحرها = لاخايلت برق ولاهيب حايله
     
  6. الشامري

    الشامري بـترولـي جـديـد

    3
    0
    0
    رجل امن
    north kuwait
    صح لسانك
    قصيده أقل ما يقال بحقها أنها ******

    وانت ما أشوفك إلا ( جويهل ) ossc
     
  7. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    ان ماخاب ضني ان الاخ الشاعر من الناس اللي حاولوا ولكن ماافلحوا في دخول الشركه
    ويتمنى لبس البلسوت ولا كن مو قادر

    هاردلك ياعزيزي حاول مره احرى في التسجيل المقبل

    وجميع الاخوان اللي بالشركه لله الحمد والمنه شايفين خير قبل الشركه ... كلهم مافيهم اي قصووور

    وعلى قولة الاخ ان ماتوظفوا بالشركه كملوا الدراسه وتوظفوا

    واتمنى تقبل ردي بصدر رحب ياشاعرنا


    (( اتمنى اشوفك في شاعر المليون عشان اصوت لك ياعزيزي ))
     
  8. نقرة ايوب

    نقرة ايوب بـترولـي نشيط

    73
    0
    0
    نقول للاخ ابو مشاركه

    كل بالتنوين :) يرى الناس بعين طبعه

    10 - صفر
     
جاري تحميل الصفحة...

مشاركة هذه الصفحة