آش ..ومهياوة ............................. وإقط !!

الكاتب : alighsaad | المشاهدات : 1,703 | الردود : 13 | ‏15 يناير 2010
حالة الموضوع:
مغلق
  1. alighsaad

    alighsaad بـترولـي نشيط

    131
    0
    0
    قلناها قبل الانتخابات وقلناها بعدها ان القائمة مجيرة لفئة محددة .. وشاركتهم الشيعة تقسيم الغنائم وان كان بقدر متواضع .. وكان كلامي واضح أن الصحن للمسيطر .. والبقية ترضى مجبرة تأكل من الصحن بعد ما يقومون .. بس ما أخفيكم .. أنني تفاجأت أن الجماعة مو بس أكلوا أول الناس .. لكن بعد ما خلصوا حتى الفضلة ما عطوها لهم .. الأمر كان أكثر من غريب لأني توقعت ولو منصب صوري لهم .. وابتسمت من إصدار الأخ "أبو دينار" بيان يقول فيه إننا لازم نفتح صفحه جديدة واللي ما حالفهم بالمراكز ممكن مستقبلا ينالون شيء ....... طبعا هالكلام يطيب خاطر .. اللي طلعوا من المولد .. بلا مهياوة.
    ما أقول حق مدمني الأقط من الائتلاف إلا ........... خبز خبزتيه يا الرفله كليه

    @@@@

    أكثر التعليقات طرافة اللي سمعتها .. تعليق من احد الشباب المتحمسين للائتلاف .. يقول وهو فرحان بالفوز ..
    "القافلة وصلت" ..
    طبعا المعنى وصل لكل شخص غير مؤيد في كتاباته للائتلاف .. وبصراحة لو كان من محبي الآش أو المهياوة كنت أقول معاه حق بفرحته .. بس كون الشباب أكدوا لي انه مدمن إقط فتذكرت قصه يوردها ابن الجوزية في كتابه "أخبار الحمقى والمغفلين" ..

    القصة باختصار تجري أحداثها في مضمار لسباق الخيل .. واحد المتفرجين يشجع بحرارة .... وحماس
    فسألوه .. أأنت صاحب الحصان ... قال ..لا
    أأنت تعرف .. الفارس .. قال ..لا ..أراهنت عليه بالمال .. قال ... لا
    فاستغربوا منه .. فصاح بهم متحمسا ... أنا صاحب اللجام ..؟؟!!
    صاحبنا هذا كصاحب اللجام ... فرحان .. لا الرئيس قريبه ولا نائب الرئيس ولا أمين السر ولا نائبه ولا المرشح لاتحاد العام .. وله صحبه بصاحب منصب "أبو دينار" ........... وفرحان بالفوز ............. الله يحفظك لإهلك

    علي العلي
     
  2. محمد المذن

    محمد المذن بـترولـي مميز

    694
    0
    0
    يحليلك يا على كاتب موضوع ومتعب عمرك هجوم على شخص معين
    واذا وصلتك معى انه القافله وصلت زين واذا ماصولت انا اقولك


    والشخص اذا وقف مع ربعه تقوله انت شكو وله ماتعرف معنى ربع!!
     
  3. ملكّع

    ملكّع بـترولـي مميز

    535
    0
    0
    K_O_C
    أتمنى من الهاجري والقحطاني والعوازم ان يقدموا أستقالاتهم وذلك لحفظ ماء الوجه




    مجرد رائ
     
  4. BOAHMAD

    BOAHMAD بـترولـي نشيط جدا

    340
    44
    28
    تنديل
    الكويت
    ما اقول الا الله يسامحك ويهديك ياعلي على الموضوع اللي كلش ماله داعي

    مع اني عمالي وداعم للقائمه

    لكن ما ايدك على هالكلام

    كلامك فيه نوع من التحريش لفئه ضد فئه اخرى وهذا ماسيجلب لنا الفتنه

    الفتنه اللي مانتمناها بديرتنا ... اللي نجحوا اخوانا وربعنا وبينهم محبه وموده والمناصب ماتعني شي

    بعدين يا اخي اهو كله كرسي واحد شلون يعني يشغلون الموسيقى ويركضون دار ماداره لين توقف الموسيقى واللي يحله يصير اهو راعيه ؟؟؟

    الاخوان الشيعه التزموا مع الاائتلاف هالمره بنوع من التحدي واثبات قوتهم للعماليه وقاموا يتوسلون ربعهم توسل للالتزام والحضور من شباب وبنات ... وقدروا يجيبون الالتزام اللي وعدوا فيه وحصلوا كرسي المجامله اللي لايهش ولا ينش لاكنه كرسي وله منصب ...

    اللي يهمني ويهمك ان الشباب يكون متفاهمين ومتفقين على خط سيرهم ويشدون حيلهم بغض النظر عن الكراسي والمناصب ... واترك هالسوالف هذي ياعلي عنك وخلوكم اخوان وزملاء ترى الطلايب ماوراها فود



     
  5. محمد المذن

    محمد المذن بـترولـي مميز

    694
    0
    0
    اخوي بعد هم مايصير يا امسك منصب يا اطلع
    ووين عمل الفريق
    وترا الربع مو داشين يدورون مناصب
    وهالامور ماينظر لها الشخصيه الي يعقتد انى الاحترام والقوة ايي مع المنصب ووين معاملة الناس ووين احترامك لنفسك هاذا الي ايب القوة والاحترام

    :)
     
  6. علميني الحب

    علميني الحب بـترولـي نشيط جدا

    365
    0
    0
    لا حول ولا قوة إلا بالله
    إنت للحين ترفس
    ما أقول إلا موت في غيضك
    لأني أدري إن نظرتك دونيه
    والكلام معاك ضايع لأني ما راح ألقى منك رد
    بالأول عرفنا إن أبو سالم مزعلك وصبيت جام غضبك عليه وقلنا يمكن نلتمس لك العذر لأن هذي أنتخابات وتكثر فيها الفتن
    ولا هي بغريبه عليك مثل ما تعودنا
    بس ألحين صار الشخص اللي يهدي الأمر ويقول القافله وصلت عدو بعد ليش
    أنت مطبق سياسة اللي مو معاي ضدي
    على الأقل الإنسان قاعد يكتب بأسمه والكل عارفه وما سمعت أحد ذمه إلا أنت
    تقدر تملك الشجاعه اللي هو يملكها وتعلن أسمك ما أعتقد
    اترك المنتدى عنك لأنك صرت تزيدنا مشحانات
    ويكفي بأن الناس اللي تحب العماليه أخذت منك موقف




    ملكع رايك فاشل
    تدري ليش لأن النقابه تكليف مو تشريف
    وبعدين عشان تكون عندك بينه هذي مناصب هيئة المكتب
    وتو الناس على الأتحاد العام وأتحاد البترول بس أحب أقولك
    ولا تنسى بأن النقابه تكليف مو تشريف
    وإلا تبيهم مثل الربع وزعوا المناصب قبل الأنتخابات
     
  7. HDH

    HDH بـترولـي جـديـد

    27
    0
    0
    عليوي لاهالحين فيك روح-------------مانقول الا الله يصلحك ويبعد عنك هالحقد اللي تارس قلبك على الائتلاف-----ياخوي علمنا وش قصتك معهم-----------اخاف واحد منهم-----------------------------------ا
     
  8. انت وبس

    انت وبس بـترولـي نشيط جدا

    281
    0
    0
    مشكلة يا ملكع اذا محد عارفك مثلي

    (كف) ايدك عن هالمواضيع .... تراك أكبر من هالسوالف وانت عارف شنو أقصد وفاهمين بعض :cool:
     
  9. إعلامي قديم

    إعلامي قديم بـترولـي نشيط جدا

    195
    0
    0
    السلام عليكم

    أخواني الأعزاء قافلة الخير وهم موظفين الشركة كلهم بدون إستثناء

    أنا أتكلم وكلي حرقة على ما يدور في الساحة الحالية من مشاكل وشحناء وتعصب وبغض وكثر الكلام عن فئة وعن مسئول
    وعن نقابة وعن --------

    أحبائي ياقافلة الخير الآن يجب أن تتصافى القلوب وأن يحترم منا الآخر كما تتذكرون أيا الغزو هل وصل فينا في ذيج الأيام

    وأنتم تتذكرون ما عليه أبي أردكم سنة 1990 لما يشوف الواحد الكويتي بين العراقيين وهم يطقونة ويرفسونة في الشارع

    سأل واحد من الشارع قال هذا بدوي ولا شيعي ولا سني والله ما تطري الكلمة على اللسانة لما يشوف المنظر هذا يبكي عليه من

    الحرقه وهو ما يعرفة بس عشان من أهل ديرتة وأبن بلدة .

    تذكرون الأيام هذيج الجار يفضل جارة على الماي والأكل والمال وكل شي

    أيام التلاحم بين الكويتيين اللي في الداخل والخارج تذكروا هذي الأيام حتى ترد المحبة بين أهل الكويت

    أقول لأخواني عدم الرد على كل من يريد الفتنة دعوا القافلة تسيير ولا نفرق بين بعضنا البعض

    والأنتخابات انتهت وانا أقول الله يعزج يا كويت ويألف القلوب بين أهلها ويبعد عنا الفتن ما ظهر منها وما بطن

    ولكم مني جزيل الشكر والمحبة
     
  10. koc_q8

    koc_q8 بـترولـي نشيط جدا

    188
    0
    0
  11. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    آش ..ومهياوة ............................. وإقط !! أجل عاد ناقصنا زبيب وحليـــــب :D:D:D
     
  12. علميني الحب

    علميني الحب بـترولـي نشيط جدا

    365
    0
    0

    أيام ندعوا الله بأن لا تعود
    وكلامك عين العقل
    بس وين اللي يتعض
     
  13. عابر السبيل

    عابر السبيل بـترولـي نشيط

    58
    0
    0
    --------------------------------------------------------------------------------

    بسم الرحمن الرحيم

    المتتبع لهذا الموضوع يجد ان هناك دور رئيسى للنقابه في متابعة الفساد في شركة نفط الكويت والمشاركه في لجان

    التحقيق لمتابعة ومعرفة أين يكمن الخلل وكيفية معالجته .

    والغريب في الأمر حاليا مايحدث في شركة نفط الكويت من لجان التحقيق التي تقوم حاليا في التحقيق في الترقيات

    التي تمت من

    قبل لجنة الخدمات المسانده التابعه (الشرق الجنوب الغرب والشمال) حيث نجد نقابة العاملين في شركة نفط الكويت

    في سبات عميق وتخاذل في الذود عن الظلم والتعسف من قبل اللجنه والأعضاء في النقابه لا يملكون الجرأه

    والشجاعه في الدخول في لجان التحقيق وذالك لضعفهم في التعاطي وحماية حقوق العاملين أو التواطئ مع أدارة

    الشركه وذالك لتحقيق مكاسب على حساب العاملين في شركة نفط الكويت .

    والمحير في الأمر منذو مايقارب ثلاثة أشهر والأعضاء في النقابه يقفون موقف المتفرج ولا يدركون ما للعمل النقابي

    من مسؤوليه وأمانه سوف يحاسبهم الله سبحانهو وتعالى وذالك لتقصيرهم في الدفاع وإنصاف ورفع الظلم عن

    الموظفين الذي هو ديدن العمل النقابي


    وفي النهايه لا يسعني إلى أن أقول نحمد الله سبحانه وتعالى أنه بين للعمال على هشاشة النقابه وعدم أدراكهم

    بقصد أو بدون قصد لما يدور حولهم .

    وأثبتت هذه المواقف والأحداث أن للنقابه دور رئيسي في التحالف معى إدارة الشركه لما يلبي مصالح الطرفين .

    . (((((( ودمــــتـــــــم ســــــالــــــمــــــيــــــن )))))) .
     
  14. محمد المذن

    محمد المذن بـترولـي مميز

    694
    0
    0
    مناشدة النقابة للوزير بسبب وقف الانتداب والنقل وغيره والحمد الله تم رفع الايقاف
    مناشدة النقابة للوزير بسبب الظلم الواقع للاخوة بالمستشفى والحمد الله وضعهم تعدل وقاعد يتعدل زود
    تحرك النقابة بعدم دخول ال sos وغيره بالتقرير لان الناس ماعندهم خبر والحمد الله وقفوه هالسنه
    وغيرها من الامور الي قاعد تتحرك فيها النقابة بس مثل ما انت عارف لازم تاخذ لها وقت


    كل هاذا والنقابة تاخذ موقف متفرج
    انا اقول عيل النقابة متابع جيد الصراحه

    اخوي انت الظاهر ماتجيك على ايميلك الي كل شوي النقابة جزاهم الله خير قاعد يدزون لك ايميل سوينا وسوينا
    وبعدين انت قلتها كلها ثلاث شهور ثلاث شهور حتى دورة انقليزي ماتيب لك والربع جذي شغلهم

    انصحك دش موقع النقابة وشوف شغلهم وله روح اشرب لك فنجان قهوة وسولف وياهم تراهم مايقصرون مع الكل
    هالك هاللنك اذا انت فاضي دش عليه
    http://kocunion.net/news_all.php
     
حالة الموضوع:
مغلق

مشاركة هذه الصفحة