المشروع الجديد .. الكيروسيل الرابع !!!

الكاتب : راس العاير | المشاهدات : 1,273 | الردود : 11 | ‏15 يناير 2010
  1. راس العاير

    راس العاير بـترولـي جـديـد

    16
    0
    0
    السلام عليكم ورحمة الله وبركاته

    كثيرا مايدور الحديث عن المشروع الجديد .. ومساهمته في الانتاج بشكل كبير .. وتوفيره الانتاج المطلوب لسد حاجة السوق وايضا تقليل او شبه ازالة الساعات الاضافيه للعمل مما يحقق مكسب للشركه ..و انه كما ذكر في مجلة الشركة بأنه يوفر 40 % من الحاجه العامه .. وان انتاجه 1600 سلندر في الساعه !! ..

    وانه مشروع ضخم .. يحتوي على 36 ميزان تعبئه بعكس المراكز القديمه التي تحتوي على 24 ميزان تعبئه فقط و و و و ....
    لكن الواقع يعكس غير ذلك تماما !!
    حيث ان المشروع فيه اخطاء وعيوب جذريه لايمكن تعديلها .. على قولة المثل (( شربت مروقها )) :p

    اما بالنسبه للانتاج الذي يحققه وهو المهم في الموضوع .. فهو في اغلب الاحيان لا يتجاوز ال800 سلندر في الساعه .. اما في احسن حالاته فهو ينتج 1300 في الساعه كحد أقصى .. حاله من حال المراكز القديمه !!!

    يعني (( لا طبنا ولا غدى الشر )) :D

    الشيء الذي لفت انتباهي في المشروع هو اثنين من المشغلين العاملين عليه تم توظيفهم من فتره لا تتجاوز ال4 شهور كويتيين الجنسيه .. ماشاءالله عليهم عيني عليهم بارده .. استلموا العمل عليه منذ افتتاحه مع العلم بأنهم لم يلتحقوا بدورات تدريبية في مجال التشغيل .. ولم يتدربوا على أجهزة المركز .. ولكن اجتهادات شخصية منهم والعمل مع فني برتغالي الجنسية من الشركة الفرنسية التي عملت المشروع ..

    (( الكويتي أنفع )) ;)

    وهذا شي طيب من الشركه بتعيين الشباب الكويتي في جميع الأقسام .. حيث ان قسم التشغيل بالذات لايوجد فيه مشغلين كويتيين و( معشعشين ) فيه الاخوان المصريين :D
    باستثناء الشباب اللي ذكرتهم و مشغل آخر قديم معاهم في القسم

    المظحك في الموضوع .. ان قسم التشغيل استعان بالمشغلين الجدد للعمل في المشروع الجديد لسببين :
    الاول .. وجود نقص موظفين في القسم
    الثاني .. عدم المام المشغلين المصريين القدامى باللغة الانجليزية (( ثقافتهم فرنسية )) :p

    حيث ان المركز كل اجهزته تعمل الكترونيا من خلال الأجهزه باللغه الانجليزيه ..

    خلاصة الموضوع .. المشروع فاشل بما تحمله الكلمة من معنى :)

    وهذي الكويت صل على النبي
    :cool:
     
  2. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    شوف منو المستفيد من وراه :)

    للأسف اصبحت المشاريع تنفيع في تنفيع

    والمناقصات مثل الهبات توزع للأحباب والأقارب
     
  3. فلان الفلاني

    فلان الفلاني بـترولـي جـديـد

    29
    0
    0
    قولو الصج.. أنا مارضى بالإفتراء


    وعليكم السلام يا راس العاير وحمة الله وبركاتة

    نعم سمعنا بهذا الحديث...

    كلامك عدل يا خوي حتى أنا عديتهم بنفسي وطلعو 36..


    :eek: أوه شلون!!

    لا تقول :confused:... أكيد أنت تقشمر مو من صجك!!

    أنا مادري شلون ما يتجاوز 800 ويوصل 1300؟؟ ممكن توضح شلون توصلت لهذه معادلة العجيبة؟

    راح نعرف بعد ما نحل المعادلة السابقة:rolleyes:

    الكويتيين دائما رجال وهذا مو شيء غريب.. بس على فكرة أخواننا المصريين يشتغلون بالمركز.

    هذا صحيح

    يس يس شكسبير


    أنا سمعت أنا المراكز القديمة تكلم عربي:p


    خوش استنتاج بكل ما تحمله الكلمة من معني...:p
     
  4. راس العاير

    راس العاير بـترولـي جـديـد

    16
    0
    0
    اخوي فيصل العجمي كلامك صح .. لكن الى متى هالحال

    اما بالنسبه لفلان الفلاني

    بخصوص الانتاج .. انا قلت في اغلب الاحيان ينتج 800 سلندر بالساعه وركز على في اغلب الاحيان
    وفي احسن حالاته يعني اذا بدع وشد حيله .. ينتج 1300 بالساعه .. وهذي ماصارت وياهم الا جم مره
    يعني اعتقد كلامي واضح وبسيط وماهو معادله على قولتك ..
    لكن اذا انت تشوفها صعبه عليك .. هذا شي ثاني :)

    اما النكته الظريفه اللي قلتها بانك سمعت ان المراكز القديمه تتكلم عربي
    انا بحاول افسر لك الموضوع ..

    المراكز القديمه .. كل اللي قاعد يسوونه .. انهم يشغلون الاجهزه ويتابعون خط سير الانتاج
    وتشغيل الاجهزه ماتحتاج لغه انجليزيه .. زرار معين صارله 15 سنه يدوسه ويعرف ان هذا يشغل الجهاز بس
    وفي باسووردات حق الاجهزه .. ارقام وبعدين انتر .. :)

    اما الاجهزه اليديده في المركز الرابع .. فكل خطوه تسويها يطلعلك كلام بالجهاز وعلى اساس هالكلام تختار رقم من 1 الى 4

    ومايصير (( تـشـيـّر )) وتدوس اي رقم عشان ماتعفس الدنيا

    يعني محتاجه انجليزي
    واغلب المصريين الموجودين اعتذروا عن الشغل فيه لسبب اللغه وبشهادتهم هم نفسهم
    باستثناء جم واحد منهم لأن المركز كبير ويحتاج مشغلين اثنين ..
    والحاصل حاليا .. مقسمينها بينهم على شفتين .. كل شفت يمسك ساعه
    والشباب الكويتيين اللي سبق وذكرتلك انهم ماسكين هالمركز .. وياهم اثنين مصريين كل واحد ويا واحد منهم بساعته
    فلا تاخذ الموضوع بغشمره .. لأن المنتدى هذا مو مكتوب عليه منتدى الالعاب والتسليه
    واذا عندك شي يفيد بالموضوع قوله
     
  5. فلان الفلاني

    فلان الفلاني بـترولـي جـديـد

    29
    0
    0
    خلك كووول

    بصراحة أنا أشوفها صعبة:confused: .. وبعدين هل في مراكز بالدنيا تبدع وتشد حيلها ... وين سوق يمعة:p

    وبعدين تعال المراكز القديمة جم المفروض تنتج؟ مو 1200 روح شوف جم توصل وقولي!:rolleyes:

    أشكرك على المجاملة الرقيقة..

    شنو معنى باسوورد وشنو معنى أنتر (دورت في لسان العرب ما لقيت؟؟)


    أنا سمعت بعد أن في توجه يديد بخلون مراكز التعبئة بدون أزرار ولا شيء.. يعني بس يدخل الأوبريتر الصبح " يصفق مرتين ويقول في بصمة صوتة طبعا يلا يا أجهزة اشتغلي وتشتغل الأجهزة:D وااو ما خلو شيء

    حلوة يشير! شنو بنيان البذالي قاعد يشغل الأجهزة:D

    أنا سمعت طشار حجي ان في اعتصام مدني

    الحمد لله أشوه يا معود.. "قال صفو صفين.. قال أحنا أثنين"

    والسؤال اللي يسدح نسفة.. ليش كل واحد ماسك واحد وياه؟

    ولا مكتوب عليه للجد فقط! وبعدين في أيقومات وايتسامات شحقة حاطينها زينة شنو؟;)
    نعم أنا أبي أضيف ... يعني فوق أن المركز يعبي اسطوانات فهو ينتج اسطوانات أيضا:eek: "نورت المحكمة"
     
  6. مرعوب

    مرعوب بـترولـي نشيط

    98
    0
    0
    سؤال واتمنى ان يرد علي راس العاير وفلان الفلاني

    متى سيصل الانتاج الى 1600 ؟ اعتقد صارله حول السنه اذا ماني غلطان !!
     
  7. فلان الفلاني

    فلان الفلاني بـترولـي جـديـد

    29
    0
    0
    قوية


    أيه هذا خوش سؤال..وطبعا الجواب ل حجة البقر:p

    أتقشمر لا تصدق ..

    بصراحة أنا كنت بدوانية عروقها بالماي :rolleyes: ويقولون أن بسوون مصنع كامل بخزاناته بشغلة وخطوط انتاجة "تحت الماي":eek: الله .. ودي ودي أصدقك بس قوية:D
     
  8. راس العاير

    راس العاير بـترولـي جـديـد

    16
    0
    0
    والله ياخوي مرعوب .. مع المشاكل اللي صايره حاليا في المشروع .. ما اعتقد ان الانتاج يوصل 1600
    ولا حتى راح يوصل ..
    يكفيك ان المركز مافيه جنزير يطلع الاسطوانات التالفه و الغير صالحه للتعبئه للصيانه ..
    ينزلونهم على الارض ويخلونهم يومين ثلاثه لين ينترس المركز .. ويحطونهم على عربانه .. ويودونهم الصيانه !!

    وطبعاً مراقبين السلامه ماقصروا فيهم .. مخالفات على أفا من يشيل :)
     
  9. راس العاير

    راس العاير بـترولـي جـديـد

    16
    0
    0
    عجائب الدنيا

    سبـحــآآآآن الله !!
     
  10. a78

    a78 بـترولـي نشيط

    65
    0
    0
    بغض النظر عن تفاصيل المشروع وحجم الانتاج

    انا الي يهمني الي تم ذكره وهو انه المصريين ما يعرفون انجليزي !!!!!

    ليش ما يسوون إحلال ويوظفون كويتيين بدالهم ؟؟؟؟؟
     
  11. راس العاير

    راس العاير بـترولـي جـديـد

    16
    0
    0
    مو بالضروري يسوون احلال ..
    لكن على الاقل يسوون دورات لهم .. للانجليزي .. و تدريب على استعمال الاجهزه اليديده

    والشغله الثانيه .. اللي هي العجز والنقص الموجود بقسم التشغيل وباقي الاقسام بشكل عام
    يعني لو اثنين ماخذين اجازه بالشهر .. الشغل مايمشي
    ليش يحطون روحهم بهالأزمه اللي هم بغنى عنها

    طبعا سمعنا ان في ناس عينتهم الشركه من فتره .. لكن للحين ماشفنا شي !!
    وانتوا عارفين سياسة التوظيف بالشركه شلون ماشيه
     
  12. راس العاير

    راس العاير بـترولـي جـديـد

    16
    0
    0
    عندك صاحبنا هذا مثلاً ..
    يا مسؤول عن المشروع ومتوهق .. ويبي سمعة المشروع تكون نفس ماهو مكتوب بالمجله .. وهذا مستحيل طبعاً
    او انه واحد من المستفيدين من هالنصبه الكبيره ..

    للأسف صارت المصالح الشخصيه تطغى على المصلحه العامه
     
جاري تحميل الصفحة...

مشاركة هذه الصفحة