ممكن تفيدوني بخبرتكم و نصايحكم لموظفة يديده

مبروك ان شاء الله

وين قابلينج اى فريق ؟

 

ترى شغل الشركه يشق شق ديري بالج
8 ساعات دوام رسمي وماكو راحه كلش
اللهم بس وقت الغدا والصلاه بس
والله يعينج

هذا الي اقدر افيدج فيه
بس عسى ماخترعتي ؟

 

مبروك انشالله وعساها فال حلو عليج انشالله
انصحج بالالتزام بالدوام والمثابره بالعمل
(((من جد وجد ومن زرع حصد ومن سار علي الدرب وصل)))
حاولي اتميزين بشغلج وتخلين لج طابع خاص بشغلج
كثر ماتقدرين لا تاخذين طبيات لانها تأثر علي ترقياتج وتقريرج السنوي((الشركه تعتمد علي نظام اسمه الرينج او المفاضله))
واتمني لج التوفيق والنجاح بحياتج العمليه والمهنيه

 

ألف مبروك والله يوفقج إن شاء الله

وإذا في اي سؤال احنا حاضرين وبالخدمه

 

ألف مبرووك ان شاء الله


وماكو الا كل خير الدوام ان شاء الله سهاله


ولكن الالتزم مطلوب ما عليج الا داومين الـ 8 ساعات


تمنياتي لج بالتوفيق

 

الف مبروووووك مثل ما قالو الاخوان .. اهم شي الالتزام ولا تكثرين طبيات .. وانشالله نشوفج تيم ليدر P:

 

لا يبااااااا الدعوة سهاااالات سوي اللي تسوينه

كل شي واسطه

قريد ,تنقلااااات,كل شييييييييييييييي واسطه


والحق ينقال

 

بالمبارك الوظيفة وعسى الله يعطيج من خيرها ويكفيج شرها إن شاء الله
موفقة إن شاء الله ..

..

أسعدنا حضورج وتواجدج الكريم معانا
وحياج الله معانا اختي الكريمة ..

 

مبروك على الوظيفه

راح تشوفين العجايب فى الشركه

كل شئ بالواسطه

و الله يوفكج

 

والله يا اختى اذا جامعيه
رووحى دوريلج وزاره والا هيئه
أبرك لج من الشركه
ع الأقل الراحه النفسيه
ومثل اليوووم الجو غيم وحلووو
احنا بس فراره بالبر
والوزارات قز ع البحر





وبس

 

You Are Right

 

ال شي مبروك الوظيفه وبالتوفيق


ومثل ماقالو الي قبلي الدوام واسطه ونصيحه لا تشدين حيلج بالشغل لانج بتنصدمين لما بتلقين المهمل بعمله بالواسطه يترقا

وبالتقيم افضل من الي يشتغل


قزريها حب شمسي وجاي وقهوه وسوالف واشتغلي عن الحلال والحرام مو اكثر


لا تبذلين مجهود بالشغل ابذليه بالواسطه

وقتها بتوصلين للاعلى

 

اللة يعينج علي الشقا مالقيتي الا البترول لو لاقية اي وزارة اسنعلج

 

مبروك اختي الوظيفه وشدي حيلج ومالج شغل باحد وكثر ماتعطين كثر ماتاخذين
وكافي مميزات الشركه اللي محد يحصلها بالوزارات
وبالتوفيق ان شاء الله

 

مبروك
ولا يسعنى إلا نرحب فيج بينا ومعانا
ولكن ما راح أزيد على ما قالوا الأخوان
كل شي بالواسطه
أشتغلتي أو قعدتي
إذا حبتج عيني ما ضامج الدهر وأنا أخوج
هذا أنا 9 سنوات كرف ما حصلت على شي يفتح النفس وغيري تعينوا بعدي وعليهم بالعافيه

 

اول شي مبروك
وثاني شي زين سويتي ويتي الشركه احسن من الحكوممه بمليون مره
ومالج شغل باللي يقولج الشركه موزينه
الشركه احسن من غيرها وفيها مميزات احسن من الحكومه
ونصيحتي لج
انطباعج الاول بالشركه يعني بالعربي شدي حيلج بأول سنتين راح ترتاحين العمر كله انشالله
لانه الانطباع الاول شي مهم بالشركه ومتعارف عليه عند المسؤلين

وثاني شي حاولي ماتاخذين طبيات لانها تأثر
وسلامتج وتعيشين
ووين العزيمه نبي حلاوه التعين ​