كرسي في شنق الطاوله .. مايفرح فيه ألا .......

الكاتب : alighsaad | المشاهدات : 1,450 | الردود : 18 | ‏8 يناير 2010
  1. alighsaad

    alighsaad بـترولـي نشيط

    131
    0
    0
    حينما نكتب ... نكتب لهدف .. لا لمجرد الكتابة .. وإلا أصبح الواحد.. مثل فرقة حسب الله المطبلين .. للائتلاف
    الشباب فرحانين ..ويحق لهم .. ولكن تذكروا إن الشعوب فرحت بوصول الشيوعية.. ولما أدبرت تبين للناس حجم الدمار والخراب الذي تسببت فيه ..
    الجمعية العمومية قالت كلمتها .. واختارت الائتلاف .. وهذا نحترمه .. رغم التجاوزات التي حذرنا منها قبل الانتخابات من وقوف رؤساء أقسام وضغوط متنفذين بالإدارة .. وتجاوزات أخرى كثيرة.. منها ان السجلات اللي تم تسليمها للعمالية لم تكن مكتملة وتنقص اكثر من 300 اسم لاعضاء مسجلين بالجمعية العمومية .. لكن هالامر لا يغير من الوقع شي .. وبهذه المناسبة .. نزف للإخوان ازكي التهاني والتبريكات بالتالي :
    • تقديم عدد من أطباء الشركة لاستقالاتهم احتجاج على أوضاعهم
    • تدشين الانتقام لمن ساند العمالية بإعطاء "ل م" كوشن والسبب ........ ليش واقفة دعم للعمالية
    • استحياء أبناء عمومة "القصبي" من فعلته والدليل ان موقعهم الرسمي رفض المباركة له بفوزه .. لأنه اعتبر فعلته "سواد وجه" .. وفقدانهم مجرد التفكير بالترشح لفرعيتهم لمجلس الأمة.

    قلنا أن المراكز محدودة ومحسومة للكنادره .. ويمكن نشوف ترضية للشيعة بمركز محدد .. بس خلو الجماعة يسمعوننا شراح يكون للقحطاني والهاجري والمطيري والرشيدي والعوازم لانهم أعضاء فوق البيعة ..الغرض منهم تصوير أن القائمة ليست للكنادره ومن في حكمهم ... طبعا صينية العشاء فيها صف أول يأكل .. وفيها صف ثاني ينطر الفضلة.

    كلامي بالعظم .. بس هذا واقع .. إحنا حاولنا نغير الواقع .. وللأسف ما قدرنا .. والأيام بيننا...
    وختاما أقولها لأهل العقل اللي صوتوا للائتلاف
    ولقد نصحت قومي بمنعرج اللوى @@ فلم يتبين لهم نصحي الا ضحى الغدِ

    علي العلي
     
  2. صريع النقرور

    صريع النقرور بـترولـي نشيط جدا

    152
    0
    16
    هلا علي العلي اخيرا شفناك بعد الانتخابات هههههههه وين اكتساحك ياريس
    الاستحياء بالعكس لاحظناه بافراد العماليه ياعلي وخصوصا ان ماشفناك عند ربعك معلق العماليه واكتفيت بالجلوس بالهد كوارتر : ) ويالطيب بالنسبه لعنوان موضوعك اعتقد ان موشغلك الحين صار اعتقد ان في رجال اخير منك زكوهم عمال شركة النفط هم الي بيتفقون على الكراسي والمناصب وكن عندي احساس انك بتلجم بعد مره بس شفيد فيك انت متعود يخوك
    وعن وقوف ابناء عمه والله انك متناقض واعتقد شفت منو الي معلق معاه لان يعتبره هو مرشح مطير مو ربعك الي هم عباره عن افرازات لجنه لا اكثر
    وعن وقوف رؤساء اقسام على الباب اعتقد اني شفت اعضاء مجلس امه واقفين عند الباب يساندون ابناء عمهم بالعماليه والا انا غلطان واذا اتحب اذكرهم لك انا حاظر (((والا البعير مايشوف سنامه )))

    وعن ان محد من عيال عم ناصر باركله بالمنتدى ابشرك باركوله بالتلفزيوووون ان كان حد يوشك منتدى فهذي مشكلتك والمنتدى ناصر مايبيه اذا انت من رواده

    اما عن الكوشن ممكن تقولنا شنو السبب الله لايهينك
    كانت الهجوى ان كرت الشحن بيخلص عقب الانتخابات مباشره بس لا طلعت غلطان باقي فيه شوي


    عبدالله العبدالله
    الملقب بالساحر
     
  3. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0


    هلا بصريع النقرور

    بالبداية نبارك للعمال فوز الاتلاف 15 كرسي

    بس يا نقرور شفنى عيال عم ناصر الصبح وبعدها أختفو إلى الخماسي أتباع ناصر

    وإذا تقول : (( والمنتدى ناصر مايبيه اذا علي العلي من رواده)) فيكن في علمك هذا المنتدى خاص بأبناء عمومته وهذا كلام كبير يا نقرور ما أظن ناصر بوافقك عليه وإذا هو موافق فالشرف له يكون في منتدى الكنادرة أو الحمادية يكون أحسنله

    وحب أوصل لناصر رسالة وياليتك تبلغة فيها أفرح في الفوز وإلي زرعتة امس واليوم بتحصدة بكرة وبعده أنت والخماسي إلي يتبعك ....


    في النهاية العمال قالت كلمتها وختارة من يمثلها في الدورة الجاية
    واقول للاتلاف الحمل ثقيل الله يعينكم على حملة ....
    وأقول للعمالية :
    ((يكفي الفارس شرف المحاولة ))
     
  4. صريع النقرور

    صريع النقرور بـترولـي نشيط جدا

    152
    0
    16
    هلا مسوي زحمه لا والله محد انسحب ولا قالها الله الناس سوو الي عليهم ومشو ويعطيهم الف عافيه على وقفتهم
    بس ربعكم وينهم ما بينو اذا الاعضاء كانو ماخذين طرف وبالبدايه كان كلامك ان ماراح احد يعلق مع ناصر وعقب صار خماسي والحقيقه انهم اكبر من هالعدد وانا مستعد اقسم عليها
    (( والمنتدى ناصر مايبيه اذا علي العلي من رواده)) ههههههه من خبرتك وانت تحب تصيد بالماء العكر على قولتهم يا اخي انت قولي دوانيه يقعد فيها واحد مافيه خير والا سمعته مو اوكي تقعد فيها انا هذا الي كنت اقصده واذا ما تبي تقتنعك هم بكيييفك ووالله ان بو سلمان يشرف اي مكان يروحله واي منتدى يدخله سواء كان منتدى الحماديه او الكنادره

    بس الحين قولي يا زحمه من الافضل الائتلاف والا العماليه تذكر يوم اقولك تتفق معاي ان الي راح يوصل يكون اهو الافضل الحين احب اسمعها منك منو الافضل العماليه او الائتلاف ؟؟؟؟

    بعيد عن الموضوع انت يا خوي كان اهتمامك العامل فقط ودائما ما تتكلم عن حقوق العامل ولكن بعد الاكتساح قمت تتكلم عن القبليه وناصر ومطير هل حقوق العامل بالنسبه لك هي غطاء تصل فيه لاهدافك ؟؟؟؟؟


    عبدالله العبدالله
    الملقب برونالدينو
     
  5. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0
    لا طال عمرك بس أحب أذكرك أني قلتلك مرة أنا الكلام الصح ما أعلق عليه لأنه صح وماله شكلين

    لكن ما يكون فيه كلام غلط من واجبي أنبه أو أوضح
    ولاما قلت : (( والمنتدى ناصر مايبيه اذا انت من رواده )) أنا متأكد أنك ما تدري أي منتدى يقصد فوضحت لك ان هالمنتدى يخص ناصر وأبناء عمومته .... فأكيد ناصر ما يقدر يقول أنه ما يبي هالمنتدى .... ولا أنت تقصد هالكلام

    فنصيحة يا نقرور إذا الموضوع فيه ناصر أبتعد عنه ولا تدخل نفسك فيه ... ناصر عضو نقابة وأحد اعضاء الاتلاف ولي يهمك العمل النقابي .... وعدم المساس في الاتلاف أما شخص ناصر ما يعنيك بشي ....


    وناصر وضع حول نفسه دائرة وأدخل فيها كم شخص من قبيلته فلا قترب منها لانها ما تعنيك وهذا امر يدار بينهم ليس أنا وأنت من يحله

    ومبروك ثاني مرة انجاح الاتلاف

    ومرة ثانية انا إذا الاتلاف عملوا شي صح ومن أجل العامل لن أعلق وصفق لأن هذا دورهم أما إذا بدر خطأ منهم راح نكون القاضي والجلاد لهم لانه يصب في مصلحت العمل ويقيم الاعوجاج ..... وأكيد أنت توافقني الراي

     
  6. Lag

    Lag بـترولـي نشيط

    94
    0
    0
    رسالة الى صاحب الموضوع

    والله اني كنت اظن ان كلامك قبل الانتخابات هو آراء تطرحها وتصورات تصيغها في مقالات.
    ولكن للاسف اني كنت مخطئ وتأكدت باختصار انك تحب تثير الفتن والنعرات الزائفة, بل وتصرفت تصرفات حتى أعضاء العمالية ما يرضونها ولا يشرفهم انه يوجد أحد يدافع عنهم بهذا الأسلوب وانا اتحداك تشحذ آراؤهم في أسلوبك وتهجمك على القبائل والعوائل والتدخل في شؤونها, إطلب اراءهم ليتبين لنا الخبيث من الطيب.بل وحتى أنا وغيري ممن صوت لهم لا نرضى ان تدافع عنهم بإسلوبك البخس هذا لاننا كما نعرفهم ناس راقين في التعامل ولا يبيعون الرخيص من الكلام من اجل كرسي ويأنفون عما تفوهت به دفاعا عنهم. والله لا اجد ما اصف ما بك من تصرفات الا نعتك بـ ( جويهل النفط )
     
  7. الصقر2000

    الصقر2000 بـترولـي جـديـد

    35
    0
    0
    يا مراقبين يرجى اغلاق الموضوع
     
  8. محمد المذن

    محمد المذن بـترولـي مميز

    694
    0
    0
    صريع النقرور هاذي ال 200 فلس الي باقيه برصيده قالها واحد من الربع بيقط له وحده وبيمشي
    بعدين استغرب لمه تقول ان رؤساء الاقسام يوقفون مع الائتلاف معى اني اشوف العكس ماراح اذكر اسامي لاكن ثق وامن بالله انه كان في(طق من تحت الحزام) او (لعب من تحت الطاوله) بأيام الانتخابات وفي ناس تعرف انا شنو اقصد
    وخلك من الكلام الي مايفيد ولاتهاجم لمجرد الهجوم ولو طريقتك تنفع جان ماصارت 15-0
     
  9. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0

    يا مذن كان يعجبني فيك أنك تركز على المواضيع وكنت تتضايق لما الاعضاء يخرجون من الموضوع وتناقشون في موضوع جانبي ويتركون الموضوع المهم


    بس قاعد أشوف مشاركاتك الأخيرة أنتقلت لها عدوى التشتت والمشاركات إلي ما نطلع منها بنتيجة في ردك هذا ما طلعنا بنتيجة في ناس ما تبي تقول أسمائهم وفي ضرب من تحت الاحزام وفيه سوالف بالعكس .....


    يا ليت ترجع لاسلوبك القديم والتركيز في الردود مثل قبل .... وأسف إذا ضايقتك

    عجبني توقيعك ...:cool:


     
  10. صريع النقرور

    صريع النقرور بـترولـي نشيط جدا

    152
    0
    16
    هالكلام شرايك فيه اخوي زحمه ممكن توضحه عشان ارجع اجاوبك : )
    وبعدين ابيك تقولي شتبي تتكلم فيه مصلحة العمال والاصلح لهم والا موضوع ناصر عشان اعرف اخذ واعطي معاك اما انك تشوح يمين ويسار مايصير يخوي
    ومنو انت الي تحدد اذا موضوع ناصر يعنيني والا ما يعنيني لا يخوي انا اقولك ان موضعه يعنيني فوق ما تتصور
    ووين كلامك هذا عن علي العلي الي شرع بمطير طول بعرض وانت كنت اترفعله وتصفقله بالمنتدى والا لان كلامه كان يخدم قائمه معينه يهمك امرها على العموم انا راح اترك هالنقطه يحكمون عليها رواد المنتدى غير علي العلي طبعا

    بس ماقلتلي من الافضل العماليه او الائتلاف ؟؟؟ ترى الجواب كلمه وحده باسم القائمه ما نبي موضوع


    عبدالله العبدالله
    الملقب بالساحر
     
  11. under maintenance

    under maintenance بـترولـي نشيط جدا

    453
    0
    0
    هلا والله بالساحر الافلاطوني المنجنيقي الكاتالوني الاستكوزي القاتل المأجور ال ال ال ال ال .....الخ ياخوي القابك وايد يبيلها داتا بيز



    اهلييييييييييييين خيوا كيفك؟؟؟


    العمالية و الاتلاف كلهم 30 رجل ربع و اخوان و اترك عنك التفرقة يا عنصري ;)
     
  12. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0



    في هالرد تكلمت عن عدة مواضيع .... ما علقت عليها لأنها ما أدري عن صحتها الكوشن أو الرؤساء وما أقدر أكذبك أو أكذب علي العلي

    لكن كلامك عن ناصر والمنتدى وأبناء عمومته كن فيه كلام وأحسنت الظن فيك أنك ما تدري شنو آخر تطوراتة وأن الموضوع كبر حيل لدرجة أن لا ناصر ولا علي العلي يقدر يلمه وهذا إلي خلاني أقول:

    وحب أوصل لناصر رسالة وياليتك تبلغة فيها أفرح في الفوز وإلي زرعتة امس واليوم بتحصدة بكرة وبعده أنت والخماسي إلي يتبعك ....

    وأياً كان زرعة بشوفه في وقته

    وإذا شخصة يهمك فوق ما أنا أتصور .... الله يخليكم لبعض وخلك جنبة لانه بتمر عليه أيام ما مرت علية من قبل والخوي هذا وقته بس طبق الحكمة إلي تقول صديقك من صَدَقَكْ لا من صدقك .... لأنك بتفاجأ بأشياء كثيرة

    والبنسبة لعلي العلي ما شرع في مطير ولا ذكرهم بشر وأنا وياك جيب لي مقاله وحدة غمز أو لمز أو حتى صرح بشي عن مطير ..... وهذا تحدي إذا أثبت هالشي

    وأنا ما عندي توجة لأي قائمة علشان تعنيني ورجع لمشركاتي وبتعرف ....

    وبالنسبة للأفضل إلي يخدم العمال طال عمرك

    وترفع في مستوى حديثك وخلك راقي في طرحك .... والاسلوب الصبياني ما يصلح ....

    هذا إذا حاب تكون فيه ردود مفيدة .... في النهاية أنا كنت محسن الظن فيك ومفكر أنك ما تعرف شنو يدور في موضوع ناصر وحبيت أنبهك بس ما دام انت وناصر في مركب واحد وهو القبطان شوف وين بيرسى قاربكم وبأي مينى
     
  13. علميني الحب

    علميني الحب بـترولـي نشيط جدا

    365
    0
    0

    الصراخ على قدر الألم
     
  14. HDH

    HDH بـترولـي جـديـد

    27
    0
    0
    صباح الخير صريع النقرور-----------ياخوك لا اتعب نفسك مع عليوي ومسوي زحمه ترى الطراق اللي جاهم يعور
     
  15. kuwaiti_965

    kuwaiti_965 بـترولـي جـديـد

    38
    0
    0
    اي مشرفين !!!!


    تعقيبا على كلامك اخوي Lag

    انتو فهمتم علي *****العلي غلط

    قبل الانتخابات كان يمارس نفس الاسلوب لتصفية حساباته الشخصية وكانت واضحةمع منو
    عنده مشكله مع الكنادرة وكره لناصر كون علاقته طيبة معاهم بالاضافة انه شكل عائق دون استخدامه للقبيلة لظرب الكنادرة

    ون ثم اتجه لاستخدام قبيلته هو ومعاه بعض المساكين من امثال ****وكمان *** والى اخره من مجموعته اروادوا استخدام قبيلتهم لظرب الكنادرة ووافق شن طبقه التم معاه بعض اصحاب المصالح
    المهم بالاول اراد اسقاط الائتلاف كما قلنا لتصفية حسابات شخصية

    طيب ليش رجع الان يكتب

    بعد مضي اكثر من يومين او ثلاثة

    هو قال المحاولة ما تظر
    اراد بنفسه ***** المعتاد ان يكتب هذه المقالة لعل وعسى يذكي نار الفتنة والشقاق بين اعضاء القائمة قبل تشكيل المناصب لكي يتقاتلون عليها وتفوح رائحة الخلاف فيفرح فيها ******وبذلك يكون قد اشعل نار الفتنة مرة اخرى

    اخواني

    هذا علي العلي لا يهمه مصلحة العمال لانه من مصلحة العمال ان يكون هناك توافق بين اعضاء مجلس ادارة النقابة لكي يتم تحقيق انجازات للعمال لانه اي انجاز بحاجة الى فريق عمل متجانس

    وهذا ما يريده علي العلي يريد ان يشعل الفتنة مرة اخرى


    رسالة الى اصحاب الموقع

    كنتم عند حسن الظن وكنتم رمزا للحيادية في فترة الانتخابات !!!!!


    ================================

    حذفت ردك الأخير !!
    هذا نداء أخير لك .. عندك رسالة او ملاحظة عن الاشراف ترسلها لنا او تكتبها بالشكاوي ..
    pickw
     
  16. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0
    صباح الخير
    مبروك يا ابوسلمان ..... kuwaiti_965

    إلي قدر يحضر 900 صوت إلتزام في الانتخابات بيقدر ينظم 15 عضو ..... تأكد أن الكراسي مرتبه من المعزب العود ما يحتاج تتناقشون في المناصب وإن كان بصير تصويت شكلي على المناصب .... بس الامر محسوم وبنشوف بكرة المناصب

    وبنشوف موقعك على الطالوة وين بصير في الصدر ولا في الطرف .... وخلك من علي العلي .... وشوف طريقك الحمل كبير يا ابوسلمان كن كالمطر يينما وقع نفع
     
  17. محمد المذن

    محمد المذن بـترولـي مميز

    694
    0
    0
    طال عمرك انا رديت على الي اعرف
    يعني موضوع انه الائتلاف عطو العماليه كشف ناقص 300 اسم هاذي ماعندي علم فيها
    واطبه قدمو استقالتهم هم ماعندي علم فيها
    وموضوع بوسلمان بوسلمان ونعم فيه ومنو انا اتدخل بينه وبين عيال عمه

    يعني كان مجرد حجي ماتدري اشاعه وله كلام صحيح تدري الحجي بلاش
    انا بس علقت عن رؤساء الاقسام الي الاخ علي يقول استخدمو نفوذهم للائتلاف انا قلت اشوف العكس

    عرفت طال عمرك
     
  18. بياع

    بياع بـترولـي جـديـد

    41
    0
    0
    كل إناء بما فيه ينضح
     
  19. محمد المذن

    محمد المذن بـترولـي مميز

    694
    0
    0
    كلالالالالالالالالالالالالام كبير شدعوه لويجي اخاف مافيا خل يدير باله ناصر ولايطع بروحه والزرع الي زرعه بيحصده والقطو الي رباه كبر وصار اسد
    هدي هدي ترا كلها انتخابات لاتدخلي قبطان وسفينه
    :)
     

مشاركة هذه الصفحة