مني ... لحمران النواظر ... سلام .. وتحية

الكاتب : alighsaad | المشاهدات : 1,874 | الردود : 14 | ‏3 يناير 2010
  1. alighsaad

    alighsaad بـترولـي نشيط

    131
    0
    0
    وجهت رسالة لإخواننا الشيعة .. أن الائتلاف كان يشوفكم تهمه .. ويفتخر أنكم مو ضمن صفوفه في 2008
    لكن العمالية حتى وأنتوا مو ضمنه... يؤكدون أنكم رغم انضمامكم للائتلاف ..لكن هذا لا يخرجكم من كونكم عمال شركة نفط الكويت ..وأي مرشح للعمالية هو مرشحكم.

    و وجهت رسالة لعيال العود الهواجر وقحطان .. بما كان من الائتلاف من تصرفات مع الدليهي و ابو شافي.... ولا أظنهم نسوا.

    وهذي رسالتي لمطير

    قبل الحج بقليل .. ف ك .. عضو النقابه .. ومرشح الإئتلاف ..

    يقول وبكل صراحه " مطير مو مشكلتي ولا ألقي لها بال .. لأني أخترقتهم وشقيت صفوفهم .. وصاحبنا شفت معاه تواقيع تؤكد وقوف ربعه معاه ..ولو أكسر ربع إلتزام المطران عن العمالية فانا الكسبان لأن ألتزام أهلنا أفضل... بس مشكلتنا مع العجمان مالها حل للحين"

    أولا .. مشكلتك مو العجمان .. مشكلتك .. حرب .. وقحطان ..وشمر وعنزة .. وعتيبه .. وبني خالد .. والعوازم .. والقروية .. والفضول .. وكل شريف من حضر وبدو ...شيعة وسنة .. وأي عامل ما يرضى يحني راسه .. غير للي خلقه .. مشكلتك كل عامل فرطتو بحقه عشان مكاسب فرديه لكم ولعائلتكم الكريمه اللي صارت مثل بشوات مصر قبل الثورة .. وتعتقد ان الباقيين أتباع لها...ولازم يرضون بالفتات

    ثانيا .. راح تدفع غالي ثمن ل هالكلمة و للأستهانه بمطير .. الفرز بكره نشوف وتشوف ... حمران النواظر ... عشان مو أنت بس تعيد حساباتك ... يخلون الكل يعيد حساباته ... لأن مالهم طريق ونهج غير الالتزام بالعمالية .... وصوت خارج اللوحة الزرقا ما يطلع .. وساعتها تأكد بتعيش جو البورصة ... وفي البورصة ... الأحمر صج صج معبر.

    "ما ينحني راسي وأنا ساسي مطير @ لو ينحني راسي برجلي وطيته"

    علي العلي
     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    وأنـــت وش وضعـــك بالظبـــط مـن الطبخــة :D

    ودي تبـرز نفسـك بتاريخ 4-1 وتقول هذا أنا علي العلي

    وأتكلم وتقول كـل الي في بطنـك وقدام الرياجيــل :D

    بشوف بتجيك الجرأة مثل منت صاير خلف الشاشة ولابس هوا في تنك ;)
     
  3. صريع النقرور

    صريع النقرور بـترولـي نشيط جدا

    152
    0
    16
    اخي العزيز علي العلي انا لي عدة اساله ابي اسالك اياها

    انت من وكلك على مطير تتكلم باسمها ؟؟؟؟؟
    اي نعم انت فموضوع من مواضيعك كتبت ورديت علي ان المطران باللجنه اهم الي بلغوك ان الناس بالنت يحسبونك علي غزاي وكان ردي لك هذا من طيب المطران الي باللجنه الي سمحولك انك تتكلم على قبيلتهم وولد عمهم بالنت وانت منت منهم شلون وهاللجنه الي انت تتكلم عنها حق اسم القبيله مالتفتت بتلتفت لمصالح العمال

    هل معنى كلامك الي محدد انا بالاحمر انا الي يساند الائتلاف بالانتخابات مهو شريف والي يساندون العماليه هم الاشراف ؟؟؟؟؟؟؟؟؟؟؟؟
    شوف انا ما اختلف مع اي واحد ان انت ما تدري شتقول ولا تدري وين الله قاطك على هالمواضيع التافهه الي قاعدد تكتبها بالمنتدى والحمدلله ان الناس قاعد اتشوف مستوى اللجنه الاعلاميه للقائمه العماليه فاذا انت من اللجنه شبيكون مستوى القائمه ؟؟؟؟؟؟؟
    وكلها يومين ونفقدك

    عبدالله العـــبدالله
    الملقب برونالدينو
     
  4. علميني الحب

    علميني الحب بـترولـي نشيط جدا

    365
    0
    0

    أتحدااااااااااااااااااااااااااااااااااااااااااااااااااااااااااااااااااااااه
    بس لو سواها يكون قلب الموازين صح للعماليه
    وكسب ناس بس هم ارد واقول
    أتحدااااااااااااااااااااااااااااااااااااااااااااااااااااااااااااااااااااااه
     
  5. صريع النقرور

    صريع النقرور بـترولـي نشيط جدا

    152
    0
    16
    تهقى يسويها هو مكشوف من غير شي طال عمرك
     
  6. عالي الهمه

    عالي الهمه بـترولـي نشيط

    123
    0
    0
    والله والنعم بحمران النواظر ويستاهلون كل مدح

    وقفتهم مع العماليه والتزامهم الواضح يعتبر نجاح بحد ذاته

    ووقفة كل عائله او قبيله او شخص مع العماليه يعتبر نجاح للقائمه العماليه بدون حساب الارقام ونسب النجاح او غيره



    وان شاء الله بكره نشوف التزام يفرح القلب ونتيجه تعلن فوووووز العماليه 15/0
     
  7. AD-01

    AD-01 بـترولـي خـاص

    1,040
    2
    38


    اتصدق هم انت بعد احبك وحاس انك خوش ولد

    بس لا تقول 15/0 للعمالية علشان احبك اكثر :d


    الوعد باجر وانفرح فلبك
     
  8. مساعد مراقب حسابات

    مساعد مراقب حسابات بـترولـي نشيط جدا

    171
    0
    0
    مساعد مراقب حسابات
    الكويت العربية المتحده
    الاخوان اللي ردوا : ياليت نرقى بالردود وعدم مهاجمه الاشخاص .. ليش ما تتناقشون بإسلوب محترم وراقي بعيداً عن الغلط والسب ؟


    هذي وجهه نظر صاحب الموضوع واذا مو عاجبتك ناقش باسلوب راقي مو تهاجمه باسلوب لا ينم عن اخلاقيات موظف في شركة راقية مثل نفط الكويت ..!



    تم التصويت للعمالية .. وأسأل الله التوفيق للفائز .. ولو فازوا الائتلاف بنبارك لهم .
     
  9. صريع النقرور

    صريع النقرور بـترولـي نشيط جدا

    152
    0
    16
    تم التصويت للائتلاااااااااااف 1-15
    وانشاء الله الكل يوصل
     
  10. Helmet

    Helmet بـترولـي نشيط

    56
    0
    0
    ردو عليك الرياييل وتعادلو 15 - 15 مع فرق المسمى 15 نجاح و 15 احتياط :)
     
  11. HDH

    HDH بـترولـي جـديـد

    27
    0
    0
    ونعم والله بالنسابة حمران النواظر -------------ونعم والله بابو سلمان (ناصر المطيري)اللي مثلهم في الائتلاف
     
  12. نواف النواف

    نواف النواف بـترولـي جـديـد

    45
    0
    0
    والنعم والله فيهم حمران النواظر
    والنعم والله في باقي القبايل والعوائل

    بس اقوووووولك يابوسلمان كفو كفو ولو منت كفو ماوصلت ..

     
  13. صريع النقرور

    صريع النقرور بـترولـي نشيط جدا

    152
    0
    16
    شلون ما يوصل يخوي انت شفت المطران الي معلقين الائتلاف منو وكم واحد بس عشان يعرفون كتاب التاريخ ان ممثل مطير بهالانتخابات هو ناصر سالم المطيري الملقب بابو سلمان طير شلوى اما الباقي فهم افرازات لجنه وممثلين لها لا اكثر

    عبدالله العبدالله
    الملقب بالساحر
     
  14. نواف النواف

    نواف النواف بـترولـي جـديـد

    45
    0
    0
    شايفهم وواضحين مثل الشمس ياصريع النقرور ...

    ماتقذف الا الشجره المثمره وابو سلمان مارد عليهم وعلى كلامهم قبل الانتخابات والتجريح اللي شافه ما أثر فيه بالعكس دخل الانتخابات وهو واثق بنجاحه وواثق بجماعته وربعه والله يوفقهم ويعينهم
     
  15. BOAHMAD

    BOAHMAD بـترولـي نشيط جدا

    340
    44
    28
    تنديل
    الكويت
    دروس تعلمناها من هالانتخابات ​
     
جاري تحميل الصفحة...

مشاركة هذه الصفحة