ويستمر .. أسلوب التضليل

الكاتب : alighsaad | المشاهدات : 691 | الردود : 8 | ‏2 يناير 2010
  1. alighsaad

    alighsaad بـترولـي نشيط

    131
    0
    0
    يوم 4 يناير تعقد الجمعية العمومية .. طبعا مو لشرب الشاي والقهوة والسوالف .. لكنها تنعقد لمناقشة التقرير الإداري والمالي للسنتين الماضيتين .. ليعلم العامل مدى مصداقية القائمين على النقابة .. إداريا وماليا ..لأنها حقوق العمال وأموالهم ولهم الحق بمعرفة ماذا تم بخصوصها

    تخيل أخي العامل .. اليوم السبت .. وبعد بكره الاثنين الجمعية العمومية .. وحتى الآن لم يتم إصدار هذا التقرير ...وللعلم الإجازة حاليا تمنع الناس من استلام التقرير عبر بريدهم الإلكتروني للنظر فيه وفحصه .. وصدقوني راح ينشرونه بآخر ساعات عشان محد يلحق يدقق فيه..
    هذا الأسلوب مو جديد .. وبالذات بالنقابات أو إدارة الشركات اللي يكون مصداقيتها فيها نظر .. فتتعمد تأخر نشر التقرير لأجل تقليل قدر الإمكان بعدد الأسئلة المحرجة على النقابة .. بس أقول لنقابتنا ترى المثل يقول لا تبوق .. لا تخاف ...
    ولو كان عندكم مصداقية مو مخدوشه كان التقرير منشور من زماااان .. عالأقل قبل هالعطله عشان العمال يتسلون فيه بإجازاتهم.

    أنا أدري إن بعض العمال قد حسموا أمرهم سواء عمالية أو إئتلاف .. أو حتى المستقلين .. لكن هناك من سيحضر وله الحق بالاستماع للأسئلة والأجوبة على الأداء المالي والإداري .... بدون ألعاب .. وحركات .. أقل ما يقال عنها .. أنها صبيانية.
    مثل سالفة أسماء العمال المسجلين بالنقابة ... بالانجليزي .... يا ربع جورج .. ومايكل.

    علي العلي
     
  2. p.m

    p.m بـترولـي نشيط

    50
    0
    0
    عاد كانوا مواعدين بتقرير مالي و اداري ربع سنوي للعاملين ....... طبعاً باحد بياناتهم للإنتخابات الماضيه
     
  3. عالي الهمه

    عالي الهمه بـترولـي نشيط

    123
    0
    0
    والله كان ودنا بالتقرير المالي والاداري

    بس ماعليه متوقعين هالسوالف :)


    بس اتمنى من النقابه ما تخلي احد يدخل الجمعيه العموميه الا بهويه الشركه

    ما نبي احد من برى علشان التصويت على طرح الثقه والتعديلات يكون نزيه:)
     
  4. LPG

    LPG بـترولـي نشيط

    149
    0
    0
    من باب المعلومات العامة فقط ومن خبرتي المتواضعة

    السنة المالية تقفل في 31 ديسمبر .. ولازم تجيب كشف من البنك برصيدك بتاريخ 31 حق مكتب التدقيق الحسابي علشان يعتمد التقرير المالي قبل الطبع

    بحالتكم مع نقابتكم ومع نقابة الناقلات بعد .. يحتاجون معجزه علشان ينطبع التقرير المالي والاداري واتوقع انهم ماحسبوا حساب هالشي واحتمال يحرجهم .. لانهم ما راح يختمون التقرير الا يوم 31 من المدقق المالي .. يوم 1 و 2 عطله ومافي مطبعة راح تشتغل واذا اشتغلت راح تشتغل يوم 3

    اذا تم اتمام طباعة التقرير قبل الجمعية العمومية المفروض يحمدون ربهم ! لانه فعلا مافيه وقت

    بعدين نقابتكم متواصله معاكم بالانجازات عن طريق الايميل وهذا شي يسد عن التقرير الاداري كل ست شهور (نفس كلام الاخ اللى فوقي) و انا اشوفه عند شباب الاطفاء لما اداوم معاهم


    الله يوفقكم .. وعسى نقابة اوسكو تمشي على خطاكم وتتعلم من نقابتكم
     
  5. alighsaad

    alighsaad بـترولـي نشيط

    131
    0
    0

    يا حبي ......... ترى الشركة موجود فيها خبرات محاسبية .. وهالكلام ما يفوت عليها مع احترامي الشديد

    اولا في نشرات دورية ربع سنوية او نصف سنوية لازم تحضرها النقابه اذا كان الانتخابات توافق التسكير السنوي للحسابات

    ثانيا فيه تسكير مبدئي للحسابات لشهر نوفمبر ممكن يتم تقديمه ك كشف مبدئي تتم من خلاله مناقشة التقرير المالي ..أما الأداري فمو مرتبط بالتسكير المالي السنوي

    حبيبي ......... لو على قولتك ..كان كل اعضاء مجالس ادارات الشركات حطوا جمعيتها العمومية بهالتاريخ عشان محد يناقشهم بأعمالهم

    اما سالفة متواصلين معانا بالايميل عن انجازاتهم ...فهذي عجيبه
    لان هالايميلات لا تعتبر رسمية بالعرف القانوني .. ثانيا تتكلم عن مواضيع تمت الاآن لكن المطالبة تمت قبل النقابه الحالية ...فشلون تحاسبهم ......... يا اخي ارجوك لا تحط عذر وانت غير متخصص

    علي العلي
     
  6. صريع النقرور

    صريع النقرور بـترولـي نشيط جدا

    152
    0
    16
    ههههههههههههههههه لا ومرشحين نفسكم بعد وانتو ما تعرفون ركزو ا شوي عشان تفهمون ترى ما راح اعيد
    التقرير المالي يا علي مايطلع وما تقدر تاخذه من البنك الا اخر يوم بالسنه وهو الي كان يوم امس وعلى ما توديه مكتب تدقيق الحسابات يبيله يوم وعلى ما تطبعه جم يبيلك يومين تقريبا عرفت شلون يا علي لاتبوق ولا تخاف وسوالفك الحلوه والله والله انكم حفله كبيره وانا ودي انا العمال يقرون مواضيعكم الي ترفعون فيها لبعضكم وانتو قاعدين بنفس الخيمه ويا mp ان عطيتك صوت تعطيني طبيه مجرد سؤال ولا اقصد فيه شي لاتفهمني غلط يخوك : )

    عبدالله العبدالله
     
  7. العامري

    العامري بـترولـي نشيط جدا

    فعلا انت ساحر شلون عرفت اننا في نفس الخيمه ههههههههه (شقلت لك PM هذا النقرور ساحر :D ) وبالنسبه للطبيات جعلك ما تشوف شر ما ياخذها الا واحد منحد لضروف عند اهله او ضروف خاصه او انه مريض فعلا وهذي جمايل ما عمرها كانت مسبه الا عندك ولا ما فيه احد بياخذ مرضيه وينخصم معاشه وهو قاعد ببيته
     
  8. صريع النقرور

    صريع النقرور بـترولـي نشيط جدا

    152
    0
    16
    جماااااايل زين نبهتني يعني مو قصه بقصه والجمايل هاليومين اشوف انها زايده يخوك من الجمايل الشفتات كلها فاضيه : ) يالله على العموم الله يهنيه بالي بيجيه وبالنسبه للقب والله انه خوش لقب بس سبقني عليه رونالدينو اذا ماني غلطان
    موفق

    عبدالله العبدالله
     
  9. ليره

    ليره بـترولـي نشيط

    51
    0
    0
    يجب توزيع التقرير بفتره لكي يتم الأطلاع عليه
     

مشاركة هذه الصفحة