قصيده قمه عن الفرقا اهداء لكم

الكاتب : كلمـ ولو جبر خاطر ـه | المشاهدات : 309 | الردود : 2 | ‏25 نوفمبر 2007
  1. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    :: يا بحر بسألك ليش أمواجك الليلة تعاني
    ـــــــــــــــ أنت مثلي يا بحر قبل أمس فاقد لك حبيبه؟

    انت متضايق عشانك ولا متضايق عشاني
    ـــــــــــــــ اسألك بالله قلي يا بحر ايش المصيبة ؟

    ولا اقول أسكت وأنا بحكي عن اللي لك خذاني
    ـــــــــــــــ ببتدي معك الكلام وكل ما عندي بجيبه

    تذكر اللي لا لفتتني بشر القلب المعاني
    ـــــــــــــــ تذكر اللي كلها حب وغرام ونهر طيبة

    تذكر اللي صوتها تشتاق له حتى المواني
    ـــــــــــــــ كل ميناء يسأل الثاني إذا طوّل مغيبه

    تذكر اللي في كفوفي تشعل الدنيا اماني
    ـــــــــــــــ تذكر اللي نورها سود الليالي تقتدي به

    تذكر اللي سلهمتها تقلب الساعة ثواني
    ـــــــــــــــ تذكر اللي عطرها حتى طيورك تحتفي به

    تذكر اللي علمتني كيف اروّض هالمعاني
    ـــــــــــــــ كل ما مرت عليّه رحت للشعر انتخي به

    تذكر اللي كل صبح تمرني باحلى تهاني
    ـــــــــــــــ صار كل العمر عيد وصارت اقرب من قريبة

    قبل يومين اتركتني!!

    قبل يومين اتركتني!!

    قبل يومين اتركتني

    قبل يومين اتركتني ورحلت مع شخص ثاني
    ـــــــــــــــ شخص ما كانت تحبه بس ما ادري وش تبي به ؟

    أدري اني من سببها كاسرٍ خاطر زماني
    ـــــــــــــــ وادري اني اول انسان إنكسر خاطر نصيبه

    وأدري أن ربي اخذ مني مثل ما هو عطاني
    ـــــــــــــــ وادري ان الغالية راحت رضى ماهي غصيبة

    بس اقول الله كريم وعمر كل الناس فاني
    ـــــــــــــــ والمكان اللي خلا من زولها وش ينبغي به

    مدخلك بالله قلي حط نفسك في مكاني
    ـــــــــــــــ وش تسوي يا بحر لا صرت فاقد لك حبيبه؟؟
     
  2. حنان

    حنان بـترولـي خـاص

    2,197
    1
    38
    مشكور اخوي على هالقصيدة الجميلة
    الله لا ييب فراق بين الاهل والاحباب عن بعض وان شالله يتم الكل عايش مع بعض وحوالين بعض
     
  3. النزغة

    النزغة بـترولـي خـاص

    1,073
    0
    0
    يابختها شالقصيدة اتينن:) يعطيك العافية بس منو الشاعر؟
     
جاري تحميل الصفحة...

مشاركة هذه الصفحة