لجنة المهندسين ترفع دعاوى مجانية للمتظلمين من عدم تطبيق كادر المهندسين

الكاتب : ذيب | المشاهدات : 2,656 | الردود : 22 | ‏31 ديسمبر 2009
  1. ذيب

    ذيب بـترولـي جـديـد

    44
    0
    0
    أعلنت لجنة مهندسي القطاع النفطي في جمعية المهندسين الكويتية أنها بصدد رفع عدد من القضايا الفردية وبصفة المهندسين الشخصية حول قضية عدم تطبيق قرار ديوان الخدمة المدنية 27 لسنة 2006 لكادر المهندسين للمؤسسات والشركات المملوكة للدولة ، رغم أن القرار واجب التنفيذ لجميع المهندسين بالقطاع النفطي .

    ودعت اللجنة المهندسين العاملين في القطاع النفطي الراغبين في رفع دعاوى فردية إلى مراجعتها علما بأنها سترفع هذه الدعاوى على نفقتها الخاصة .

    وذكرت اللجنة أنها تأنت في الماضي عن رفع هذه الدعاوى بعد أن قامت بعض النقابات بالإصرار بالمضي قدما في بعض القضايا الخاسرة على الرغم من رفضها في الحكم الابتدائي لأسباب واضحة ولم يقم هؤلاء العاملين في بعض النقابات ولأسباب انتخابية وإعلامية بحته نعرفها جميعا بتصحيح خطأ الدعوة المرفوعة والتي رفضت لعدم وجود صفة شخصية لرافع القضية ، ولم يتم تصحيح الخطأ حتى بالاستئناف ، ولهذا رفضت القضية .

    وأوضحت اللجنة أنها أبت أن ترفع قضية في بداية الموضوع لأن المستشارين القانونيين نصحوا بعدم رفعها حتى لا يتم دمجها مع القضية الأولى ويتم تأخيرها ، إلا أننا وبعد أن استكملت القضية الأولى كافة درجات التقاضي وبات حكم المحكمة نهائيا فإننا نفتح الباب على مصراعيه لكافة الزملاء المهندسين الراغبين برفع قضايا إلى التقدم من خلالنا وعلى نفقتنا لرفع هذه القضايا لأننا نرى أن تطبيق كادرا لمهندسين حق لجميع المهندسين الذين تنطبق عليهم الشروط.

    والله ولى التوفيق

    لجنة مهندسي القطاع النفطي

    2009/12/31
     
  2. Winchester

    Winchester المـراقب الـعـام

    بالتوفيق ان شاء الله
     
  3. Workers

    Workers إدارة المنتدى

    7,767
    30
    48
    ذكر
    الكويت
    عساكم على القوة وبالتوفيق إن شاء الله ..
     
  4. AD-01

    AD-01 بـترولـي خـاص

    1,040
    2
    38


    والله انكم (موفي) يا شيخ

    حركاتكم بارده ومالها طعم ... ما تحركوا الا بعد ما نزلت نقابة نفط الكويت بيان ان القضية شبه محسومه لها ؟؟!!


    ابي الناس تشوف تسلسل احداث السرقه والتطفل على شغل الغير .. واشلون جمعية المهندسين تسرق انجازات النقابة والاتحاد جهارا نهارا .. والله انكم نكته :

    1) نقابتنا (نقابة نفط الكويت) طالبت لكبير المهندسين الدرجه 17 .. قمتوا و سرقتوها وسويتوا روحكم ابطال .. وانكشفتوا قادم الناس بعد ما جحدكم الوزير بتصريحه الشهير وقال انها مطالب اتحاد العمال

    هذا رابط بيانكم :

    http://www.q8ow.com/vb/showthread.php?t=23223




    2) طلعتولنا بسالفة صندوق المؤسسة وقلتوا انه مقترحكم 750 دينار مادري 900 دينار

    هذا رابط بيانهم عن 900 دينار :

    http://www.q8ow.com/vb/showthread.php?t=22569



    3) وطلعتولنا ان ترقية المدراء للدرجه (20) مطلبكم السامي وان النقابة سارقته منكم .. والله انكم عجيبين ( محد قالكم استريحوا من قبل )


    4) والحين ... لما نقابتنا (نقابة نفط الكويت) رفعت قضية ونزلت بيان انهم شبه كسبوا الحكم قمتوا تقولون حنا راح نرفع قضايا علشان الكادر لان النقابة متخاذله وخفنا اذا رفعنا قضية انها تندمج .. وتكسب انتخابي وكلام ماله داعي ؟!! والله انكم مفضوحين .. اقول دور غير هالكلام

    انتوا كنتوا تقولون انكم راح ترفعون قضية للكادر من سنتين ... وسحبتوا على الناس .. الحين استانستوا وسمعتوا كلام مستشاركم اللى كان يقول لحد يرفع قضية راح تخسر ؟!!


    كنت اتمنى ان كلامكم يتغير خصوصا ان نقابتنا اول نقابة تدعم المهندسين بمطالبها بدون لقافة منكم ... درجات ودعاوي قضائية كله من باب ان المهندسين ربعنا وعمال بالشركة ولهم حقوق .. واخرتها طلعوا ربعنا بالشينه


    والله انكم موفي يا شيخ .. خلوا هموم المهندسين مع نقابتنا واقعدوا خلوا الرياجيل تشتغل لكم ولربعكم .. محد راح يخرب القضايا الا انتوا ولقافتكم ههههههههههههه


    هذا رابط بيان نقابة نفط الكويت بخصوص قضية كادر المهندسين بتاريخ 27/12/2009 للي ما شافة :



    http://www.q8ow.com/vb/showthread.php?t=26258


    تحياتي يا لجنة المهندسين .. توكم تصحون لما شفتوا الناس خلصت ؟!!


    آل ايييه ... تخاذل وتكسب ... ليتك تعلم نفسك منو اللى يسلب انجازات غيره



    والسلام ... خير ختام !!



    ملاحظه : الاخوة المشرفين عطونا شويه من افضالكم ولا تعدلون بالموضوع ... بشوف منو الزلم اللى يرد :)
     
  5. Workers

    Workers إدارة المنتدى

    7,767
    30
    48
    ذكر
    الكويت
    بالعكس التوقيت سليم .. والاستعجال مغامره في هالقضية
     
  6. AD-01

    AD-01 بـترولـي خـاص

    1,040
    2
    38


    اشوف النكات الحمر صارت تدافع عن الجمعية

    معزبنا العزيز ..

    اقرا كلامي عدل وفكر بعقل وخلك منطقي ...


    ليش قالوا بنرفع الحين بالذات ؟؟؟ علشان نقابتنا خذت حكم ؟؟ والا تخطيط وتدبير ؟؟



    خلنا ساكتين واتمنى تكونون محايدين
     
  7. Workers

    Workers إدارة المنتدى

    7,767
    30
    48
    ذكر
    الكويت
    هلا اخوي الغالي

    الموضوع دعوة للمهندسين
    واجبنا الاهتمام في مثل هالمواضيع طالما فيها مصلحة لأخواننا المهندسين ..
     
  8. Eng.Vampire

    Eng.Vampire بـترولـي خـاص

    بالعكس خطوة موفقه من لجنة مهندسي القطاع النفطي اتخاذ هذا الاجراء ...

    واذا لنا حق ناخذه بالقانون وأكيد نحترم رأي قضائنا ....
     
  9. المنجنيقي

    المنجنيقي بـترولـي خـاص

    1,966
    0
    36
    موفقين ... وعلى القوه


    المفروض يقرون الكادر من غير قضايا ومحاكم وبلاوي


    بس الضاهر ربعنا متعودين على المحاكم
     
  10. علميني الحب

    علميني الحب بـترولـي نشيط جدا

    365
    0
    0

    والمهندسين مو أعضاء جمعيه عموميه بنقابة شركة النفط

    أتقوا الله شوي
    جم سنه نايمين ولما الأخوان تحركوا صحيتم

    أقول كملوا نومتكم وأحلام سعيده

    وخلوا نقابة النفط تكمل شغلها
    ولما تخلص القضيه إنشالله أنسبوها لكم متعودين
     
  11. Workers

    Workers إدارة المنتدى

    7,767
    30
    48
    ذكر
    الكويت
    طيب اخوي شنو المشكلة .. المهندسين في جميع الشركات النفطية !
    شكو نقابة النفط .. منو جاب طاريها .. وطاري قضيتها .. الجماعة ناطرين انتهاء القضية طبعاً موقضية نفط الكويت
    اللي توها طالعة قبل يومين .. ومبهمة الملامح .. تبي تناقش انت والاخ AD-01 في هالموضوع
    لازم يكون فيه دليل على الحجه اللي قاعدين تدافعون عنها .. مو كل شوي طامرين في موضوع المهندسين
    وعافسين الموضوع على شنو .. على ايميل دازينه النقابة فيه شوية سوالف للجمعية العمومية ..
    هالشي مو منطقي ولايعطيكم الحق في العبث وتخريب المواضيع .. البيانات الرسمية يعرفها الجميع
    يذكر فيها ادق التفاصيل مو مقتطفات على الطاير .. !!
     
  12. Chem.Eng

    Chem.Eng بـترولـي نشيط جدا

    182
    0
    0
    الله يوفق الجميع
     
  13. AD-01

    AD-01 بـترولـي خـاص

    1,040
    2
    38


    ركز يا حبيبي تكفا :) نكك احمر المفروض تلقطها وهي طايره

    القرار 27-2006 شريحه وحده من القطاع النفطي .. وهو موظفي المؤسسة فقط .. موظفي الشركات مالها ذكر

    اذا ثبت ان مهندس او محاسب او قانوني باي شركة رفع قضية وكسب حكم راح يتعمم على كل مهندسين القطاع .. استوعبت هالفكره؟؟ اتمنى هالشي

    نرجع لموضوعنا .. جمعية المهندسين كانت تقول للمهندسين نبي نرفع دعوى وهالكلام بال2007 وطنشت الموضوع .. قامت نقابة نفط الكويت وارفعت الدعوى قبل سنه تقريبا .. ونزلت بيان الاسبوع الماضي تشرح فيه وضع القضية ووين وصلت وشنو حكم الخبير وموعد الجلسه القادمه

    الملاقيف متعودين يسرقون شغل غيرهم ... نزلوا بيانهم الكريم .. عرفت شنو علاقة بيانهم بنقابة نفط الكويت ؟؟ سوالف ناس عقولها بالثانوي ليلحين مو مهندسين !!

    بعدين يا استاذي لو تكرمت مانبيك تبرر للشباب ولا نبيك (تتباكى) على مواضيع المهندسين اللى قاعده تخترب بالمنتدى من AD-01 .. الله والمواضيع عاد :)


    هذا اللى قدرك الله تقوله معزبنا ؟؟؟ لازم يكون عندي حجة ؟!! اشهد بالله اني ماخليت حجه ما حطيتها .. تكرم شوي واقرا الكلام واربط الاحداث عدل وبطل سوالف طعن وتهميش بنقابتنا
     
  14. Workers

    Workers إدارة المنتدى

    7,767
    30
    48
    ذكر
    الكويت
    انت بس شوف هالكلام

    شنو قصدهم في هالكلام ؟

    =========================


    الناس رابطين موضوعهم مع قضية ثانية وانت تحاول تربطها مع قضية نفط الكويت
    انت شايف فيها حكم محكمة نهائي ..!! هم ناطرين القضية اللي انتهت تاريخ 28\12
    ونزلو بيانهم تاريخ 31\12 ........



    =========================


    انا ما ابرر لك انا احاول افهمك اللي قاعد تسوية في مواضيع المهندسين وبالذات اللي ينزلها صاحب الموضوع
    في كل مواضيعة لازم تطلع فيها وتقلب عاليها واطيها .. ولاتخلو من اساءة .. هالشي ماراح يتكرر
    وخاصة ان ردك الاخير لايسمن ولايغني من جوع بدون معلومة واضحة .. سوالف قضايا مبهمة !!

     
  15. AD-01

    AD-01 بـترولـي خـاص

    1,040
    2
    38

    يا الحبيب انا ما تكلمت الا سائل وعارف الموضوع

    البيان اللى مكتوب فوق بالمشاركة رقم (1) عباره عن ايميل معدل تم ارساله لأغلب المهندسين في شركة نفط الكويت اول امس بنفس المحتوى وكان رد على بيان النقابة اللى انا اتكلم عنه وحاطين القضية عذر مع انهم يدرون انها خسرانة.. هذا اول شي

    ثاني شي القضية الخسرانه بتاريخ 28 مالت نقابة المؤسسة كان سببها معروف وماها حل وما معاها محامي اصلا، وفي قضية ثانية مصححه رافعينها نقابة المؤسسة وراح تآخذ حكم بالقبول والموافقة قريب





    اذا ما عجبك كلامي قمت تقول لا يسمن ولا يغني من جوع
     
  16. Workers

    Workers إدارة المنتدى

    7,767
    30
    48
    ذكر
    الكويت

    شوف يالحبيب لو في موضوع ثاني كان مومشكلة اي تصريح او ايميل من النقابه يمشي حاله

    انت هني قاعد تتهم ناس .. ولازم معك دليل تقنع الناس فيه .. نزل معلومات وارقام صحيحة تثبت
    الكلام اللي مايفهمه إلا انت واصحاب الايميلات .. اثبت فعلا ان هناك جلسات وجلسات خبراء
    تراها كبسة زر وتقوي موقفك .. وغير هالشي لايسمن ولايغني من جوع ..
     
  17. AD-01

    AD-01 بـترولـي خـاص

    1,040
    2
    38

    مافهمت شنو تبيه لكن .. هذا بيان نفط الكويت وفيه كلامهم عن الخبير المالي وكم حسبلهم ومتى موعد الجلسات

    انا ذاكره في ردي الاول


    بعدين يا اخوي انت كله معصب علي وكل مناشبني :mad:
     
  18. kandaaa

    kandaaa بـترولـي نشيط جدا

    158
    0
    0
    قرات بيان نقابة شركة نفط الكويت ولم اجد حتي رقم القضيه الي يتكلمون عنها ؟؟؟؟؟ الرجاء وضع رقم القضيه بالمنتدي لتعم الفائده.:rolleyes:
     
  19. eng_004

    eng_004 بـترولـي نشيط

    68
    0
    0
    سالت سؤال قبل كم يوم اسال متى انتخابات نقابه النفط....تفاجأت بالغاء المشاركه!!!!.....كان لي قصد من هالسؤال لاكن الاخوان لغو المشاركه....زبده الكلام اذا الاخوان ماطلعو رقم القضيه معناته قاعدين يسوون دعايه انتخابيه وهذا اللي احنا مانتمناه....
     
  20. names1

    names1 بـترولـي نشيط

    93
    0
    0

    مافي احد يسوي الكلام اللي تقول

    اعضاء النقابة ناس محترمه واصدقاء نعتز فيهم وما عهدنا عنهم كذب ولف ودوران

    يمكن في شي يمنعهم من نشر اسم صاحب الدعوى ورقم قضيته

    موعدنا معاهم بتفاصيل جلسة 2-2-2010
     
جاري تحميل الصفحة...
مواضيع مشابهة
  1. فيصل العجمي
    الردود:
    48
    المشاهدات:
    13,984
  2. المحرر النفطي
    الردود:
    0
    المشاهدات:
    12,642
  3. king_salem
    الردود:
    0
    المشاهدات:
    1,565
  4. المحرر النفطي
    الردود:
    0
    المشاهدات:
    7,233
  5. المحرر النفطي
    الردود:
    0
    المشاهدات:
    8,952

مشاركة هذه الصفحة