نهيتك ما انتهيت والطبع فيك غالب

الكاتب : alighsaad | المشاهدات : 1,304 | الردود : 11 | ‏31 ديسمبر 2009
  1. alighsaad

    alighsaad بـترولـي نشيط

    131
    0
    0
    صباح الورد على الاخوان الكرام ...

    كل ما قلت وعدت يقولون .. بالغت .. والظلم حرام

    قلنا لكم .. الواحد فيهم .. يلتزم مع اهله وينقلب عليهم ... قلتوا اختلاف وجهات نظر
    قلنا لكم .. الواحد يفتن على زميله .. ويحاول يضره .. برزقه ورزق عياله .. قلتوا .. غلطه وما يعودها
    قلنا لكم .. يروح السناتر .. ويقول عن زملاءه العمال .. انهم واطين ... قمتوا تسبوني كأني انا اللي قايلها مو هو...

    تبون اثبات ان هالشي طبع فيهم .... امس الاربعاء كان افتتاح العمالية لمقرها .. وطبعا جاؤوا للزيارة والسلام الاخوي ... بس الحلويين .. قدموا لزملائهم كشف باسم عمال شركة نفط الكويت المسجلين بالنقابة ...
    على ورق ... مو سي دي
    وبالانجليزي .. مو بالعربي

    أولا الكل يدري ان الحكومة .. من باب التنافس الشريف توزع على المنافسين سي دي لكل الناخبين ...حق أي مرشح ... بس هذا لان حكومتنا حفظها ربي .. مو مثلهم

    يا الحبيب .. يا المتذاكي ... ترى في طباعين فالبلد يخلصونها بساعه .. بس ليش هالاسلوب مع ربعك ... وهم نقدر نسحبها من كمبيوترات الشركة
    ثانيا: ليش بالانجليزي ... الاخ خريج جامعة السربون .. والا اكسفورد ..

    بس اقول لك شغله ... ترى نسخة من عندكم الكترونية وبالعربي عند العمالية .. وصلت لهم عربون مرجلة وبدون رضاكم ....


    ملاحظة .. في اسماء من اخواننا العمال تم تسجيلهم بعد تسكير الوقت المحدد للتصويت ... اتمنى ما يدخلون بورطه ويصوتون .. بشكل غير رسمي .. لاني سمعت أن العمالية عندها عدد من الاسماء .. وأكره .. أنهم يصوتون .. وتضطر العمالية تسوي مثل غيرها وتفتن عند الجهات المختصه عليهم ... وينضرون .....

    علي العلي
     
  2. صريع النقرور

    صريع النقرور بـترولـي نشيط جدا

    152
    0
    16
    1- بو سلمان ما انقلب على اهله والي صار انت اتعرفه زين ومايحتاج اقوله لك يا اخ علي الرجل وقع على فرعيه بس هي صارت؟؟؟؟؟؟ والي اعرفه اذا القبيله زكت واحد من ابناءها يكون ماشي على منهجه مايقولوله ثلاث انفار حتى لو تاخذ اغلبية الاصوات تكون في صف العماليه يعني تعال وخالف كل مبادئك وهذا ماله معنى الا شي واحد ان هذي ما كانت فرعيه لتخدم قبيلة مطير لكن لتخدم اعضاء لجنة الفرعيه الي صارت وبعدين يخوي من الي نصب اعضاء اللجنه ؟؟؟؟؟؟
    ولما سلم ناصر المطيري كشفه شنو كانت ردة الفعل على العموم هذا الكلام ماخوذ خيره سواء منك او من يقوله

    2-بو لافي فتن على المنصوري!!!!!!!!! حدث العاقل بما يعقل فان صدق فلا عقل له
    كم رقم المنصوري قبل سنتين وكم رقم الاخير بقائمة الائتلاف ما اقولك بولافي الي كان ترتيبه الاول بالانتخابات السابقه ووالله ان كان احد يبي يقطع رزق الرجال فهو انتو الي خليتوا الي ما يشتري يتفرج على قولة اخوانا المصرين وانت بالذات الي قمت ادلل بالمنتدى على موضوع مايصدقه اي صاحب عقل وبعدين على ما اظن ان احمد سلطان الحمادي هو من طمطم موضوع المنصوري والمنصوري اعتقد ان عنده خبر بهالشي وتقدر تستفسر منه والي ياخذ على الاخ المنصوري ان ماله اي رد بهالسالفه كلها وكانه مستانس عليها

    3- قال واطين ليتك تذكر الحادثه مثل ماصارت وتاخذها من راس جمال التوره بشخصه والي صار بالضبط من غير اي ابهارات زايده يا اخ علي لان كلامك اسمحلي اقولك كذب على شخص بو لافي لجل توصل لغايه ابشرك منت واصلها

    4- والكشوف الشباب معطينكم اياها نفس ما جت من الاداره والا تبيهم يودونها لحضرتك مطبعه يترجمونها وانا اشره على الاخ عبدالله الزعبي الي كان يحاول يستعجل بالكشوف عشان قائمتكم وعلى فكره كشوف العربي مهي موجوده لحد الان عند الاخوان بالنقابه

    5- عن ملاحظتك الكريمه اثبتها وروح سو الي تبي بس كلام بهالهوى مثل الي تعودنا عليه منك مانبي الحين والا الملاحظه تمهيد لل15-0 : )

    ملاحظتي اساليب رخيصه ما تقدر تاثر على العمال فيها وخصوصا ان لهم عقول اتعرف الغلط من الصح واتعرف الي كلامه فاضي بالمنتدى
    عبدالله العبدالله
     
  3. AL-AWADHI

    AL-AWADHI بـترولـي جـديـد

    8
    0
    0
    يا ولد العلي

    قال الحكماء :: لسانك حصانك ان صنته صانك و ان خنته خانك واذا اهنته هانك يا ولد العلي


    والعرب تقول قديما : ( إياك وأن يضرب لسانك عنقك ) يعني لا تتكلم بالكلمة التي فيها هلاكك


    وانت يا ولد العلي للحين ما شفتلك موضوع مفيد او فيه طرح موضوعي بعيد عن التجريح و طرحك قاعد يؤثر
    سلبا على ربعك يا حلو



    طبعا كلامي موجه للأخ فرحان العلي :D
     
  4. المهندس

    المهندس بـترولـي خـاص

    1,305
    8
    0
    علي راح يختفي بعد الانتخابات :) ... يا علي تراك قاعد تخرب على العماليه اكثر من انك تفيدهم ... انا اقولك روح دور لك جات اتدردش فيه لانه خلليت للمنتدى انت وامثالك لتصفيه حسابات رخيصه.. اشدعوه مجلس أمه كلها نقابه بو سنتين ..

    صراحه قوله .. الناس مواعدينك بشنو :)!!؟
     
  5. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0



    أتعب يا فرسان الاتلاف .... كل يوم يطلع فارس جديد .... هدو يا شباب .... ما ستذبحتوا على الردود وهالعلي العلي عندكم غير مهم .... إلى كبرتة وخليتو له شأن أكبر من شأنه بسبب التصدي المستميت على مواضيعة

    بس يا حبايب تنتقدون على علي العلي أن ما عندة أدلة ولا أنتم عندكم أدلة ...


    بالنسبة للموضوع الاول : ناصر المطيري لجنة مطير وزعت صورة من التعهد إلي موقعه ناصر على نفسة ومن الشروط أن الاختيار بالتزكية مو تصويت وهذه النسخة موجودة عند كل مطيري في إيميل الشركة تقدر تتأكد بنفسك منها

    بالنسبة للموضوع الثاني : مهند موجود وفالح لافي ما فيه سنتر دخلة إلا كلموه بهذا الموضوع وقام يلف ودور
    وإذا الحمادي تدخل في الموضوع هذا يحتمل 3 أمور
    1-يكون الحمادي يرقع تصرفات صاحبة الـ......
    2- أو يكون فلم من الاتلاف علشان يبينون شهامتهم طيب صاحبك يرفع والريس يكبس
    3-أو تصرف شهم من الريس .... كل الاحتمالات واردة


    بس السالفة صحيحة والدليل أنك يا الغالي تقول أن الحمادي لو ما تدخل ..... تدخل في شنوا إذا مو فالح لافي مشتكي علية ؟!

    الموضوع الثالث : سالفة الواطين والعالين هذي صارت في سنتر 15 وكل الشباب موجودين وجمال موجود ما يحتاج تتهم أحد بالكذب دق وتأكد.

    بالنسبة للنقطة الرابعة و الخامسة ما عندي علم فيه





    في النهاية هدو يا شباب


     
  6. صريع النقرور

    صريع النقرور بـترولـي نشيط جدا

    152
    0
    16
    ممتاز الان وصلنا لشي نتناقش فيه وشهاده اعتز فيها اني فارس من فرسان الائتلاف اما عن ردودك

    انا ابي اسالك هل كل المطران ابدو رايهم بالتزكيه ؟؟؟؟؟ طيب اذا اللجنه زكت ايا كان هل يحق لها انها تحدد توجهه يعني اتقوله لا تنزل بالقائمه الفلانيه انزل بالفلانيه يخوي اي انسان له توجهات وفكر هل تعتقد بهالحركه ان كان فيه احترام لفكر ناصر المطيري ؟؟؟؟؟؟ كم الوقت الي تم فيه تشكيل اللجنه؟؟؟ يا اخي هالامور ما تعطيك انطباع ان هالتزكيه كانت لمصلحة اعضاء اللجنه وخلوها مصلحة القبيله وهالاسطوانه الي حاولو يضغطون فيها على ناصر وابشرك هالتزكيه الي يغني فيها الاخ علي اغلب المطران ما يدرون عنها الا بعد ما خلصت واسال الاخ علي عن الكشف الي سلمه له الاخ ناصر المطيري وعومس الاخ علي وكم اسم كان فيه انهم يرفضون هالتزكيه ويطعنون فيها وللعلم واقسم بالله ان من المطران كانو بيحطون بنر فيه حول ال60 اسم من كبار قبيلة مطير بتواقيعهم عند باب النقابه يطعنون بهالتزكيه والي وقفهم شخصين واحد منهم ناصر المطيري لانه امور قبيلته تهمه ولا يرضى انه يخوض فيها بالمنتديات وباسماء مستعاره واسماء نص مكذوبه يعني اسم صح والثاني غلط عشان كرسي نقابه

    ردك الثاني كان بعيد عن النقطه الي انا كاتبها انا قلت شمصلحت فالح لافي بهالموضوع ويا اخي لو يبي يفتن يفتن على واحد يخاف منه مو على واحد بينه وبينه 10000 صوت وبعدين انا ما قلتلك انه لو لا تدخل الحمادي اتمنى انك تقرى ردي قبل لا ترد وبالنسبه للحمادي والاحتمالات الي انت حاطها انا راح اختار الاحتمال الاخير لان الحمادي هذا سلمه بكل وقت وعندكم واحد بالقائمه العماليه وهو صلاح الهاجري تقدر تساله عن مواقف الحمادي واخذها من اخوك ليت الناس مثله

    والموضوع الاخير في ناس زادته بهارات ونزلت فيه مواضيع لاغراض شخصيه انتخابيه نعم صار فيه شد بس انا اقولك مو مثل الي قاعد يذكر بالمنتدى وابشرك اغلب الناس عرفو الموضوع الي صار

    وعن النقاط الرابعه والخامسه هذي من بهارات الاخ علي بس انا ما فهمت قصدك بكلمتك فبدايت ردك انه احنا عطينا الاخ علي قدر اكبر من قدره

    اخيرا اتمنى اني اكون وصلتلك المعلومه
     
  7. محمد المذن

    محمد المذن بـترولـي مميز

    694
    0
    0
    الي يشوف مواضيع الاخ علي يقول انه في حرب بالشركه امى الموضوع غير جذي كلش الوضع طبيعي
    انا تقابلت مره مع الاخ حمود جريد و جمال السلطان و غانم جريد تناقشنا بأمور وايد بس بالنهايه الكل مشى ومو حاط على الثاني شي
    بالعكس ناس محترمين وتشرفت بمقابلتهم
    يعني نفس الي يشوف محمد جويهل يقول اوووه بالكويت صايره كفره بين الحضر والبدو
     
  8. وجهة نظر

    وجهة نظر بـترولـي جـديـد

    16
    0
    0
    مساء الخير ..

    يا جماعه الوضع طبيعي ومافيه مشكله .. بس اللي حاصل أن فيه مجموعه تحب تحط النقط على الحروف .

    وفيه مجموعه تحب تدافع لمجرد الدفاع .. ومجموعه تحب تهاجم .

    من حق أي شخص أنه يقول رايه بمن يحب ان يمثله .. كما انه مو من حق اي واحد ان يلجم فم من يريد الحديث !!

    بمعنى النقابه الحاليه من حقنا أنا نقول شنو شفنا منها إذا كان حصل منها أي تقصير .. وأنتم مو من حقكم أنكم تصادرون هالحق .. وبعدين هالنقابه صارلها سنتين ماسكه الإتحاد يعني إذا كان شغلها مضبوط مو محتاجه أحد يدافع عنها .. لإن الكل جربها ويعرف شنو أفعالها وشنو أقوالها .. ويعرف إذا هي تستحق أنها تمثله لدوره قادمه أم لا ..

    بما معناه أتمنى من الربع فرسان النقابه يريحون بالهم شوي .. ومثل ما أنتم شفتم أفعالها وعجبتكم .. غيركم عنده عيون ويشوف ويقيم ..

    إلا إذا كنتم مستفيدين منها بشغلات شخصيه غير عن باقي الموظفين .. وخايفين تسقط هالقائمه وتنقطع عنكم .. أعتقد هذا شي ثاني ..
     
  9. صريع النقرور

    صريع النقرور بـترولـي نشيط جدا

    152
    0
    16
    اخوي انت لو تلاحظ ان دفاعي انا عن اشخاص مهو على عمل نقابي العمل النقابي من حق اي واحد انه ينتقده وانا اشد على ايدك فيه بس التعرض للاشخاص وتجريحهم هذا الي احنا ما نرضى فيه اما انتقادك العمل النقابي تاكد ان كان لي رد عليه اكيد اني راح ارد وهذا ما يعتبر دفاع واذا ما عندي علم فيه راح اسكت اما انشوف التعرض لاشخاص وتجريحهم تحت مظلة الدمقراطيه لا والله هذا مايرضي احد
     
  10. وجهة نظر

    وجهة نظر بـترولـي جـديـد

    16
    0
    0

    في هذا الموضوع ردك نقدر نقول أنه منطقي ولاكن في مواضيع ثانيه أنت وكذا واحد ..

    كانت ردودكم لمجرد الدفاع .. وعلى سبيل الذكر وليس الحصر موضوع الإحتفال وموقع رئيس النقابه منه !!

    وأنا من رأي أنكم تخلون الناس أتكلم ومو شرط تعلقون على كل شارده ووراده .. لأن اللي ما أقتنع بشغل سنتين صدقني عمره ماراح يقتنع من كلمتين .

    والصوره واضحه عند الناس .. بالإيجابيات والسلبيات

    بس اللي أنا أشوفه أنكم تحاولون تسكتون كل من يحاول أن ينتقد النقابه وعملها .. بحيث أن الواحد صار ما يحب يعلق لأنه ماراح يكتب كلمه ألا ولقى شخص يرد عليه بأسلوب إستفزازي .. وهذا بالضبط ماحصل معاي بكذا موضوع ..

    وهذا كله ليش ؟؟ .. لأني كانت عندي بعض المآخذ على النقابه اللي ما أتمنى لها السقوط بقدر ما أتمنى أنه إذا تم التجديد لها تاخذ بعين الإعتبار هذي الإنتقادات .. لأنها بالأول والأخير تصب في مصلحتها من حيث إنه يمكن أنها تحسن من وضعها وصورتها .. وما تعتقد أنها وصلت لمرحله .. لا يمكن إنتقداهاا ..

    وبالأخير يعطيك العافيه .. وأتمنى دايماً يكون التناقش بالمواضيع مغلف بالإحترام والتقدير .
     
  11. AD-01

    AD-01 بـترولـي خـاص

    1,040
    2
    38

    المفروض هالناس تنعطى طاااااااااااف ولا تشغل بالك فيها !!


    وما تكبرون (.....) بالرد عليهم :d



    ريح بالك وخل الناس تصارخ .. مابقى على الثلاثاء الا 5 ايام وتنتهي السالفه على خير ;)



    كل كلام هالناس كذب وتبلي والمواضيع سقيمة ورغي على غير معنى ..


    مع الاسف ناس فاضية و ذمتها وسيعه وماتستحق تقرى لها اصلا :)



     
  12. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0


    ما شاء الله عليك أفتيت قبل ما تقرا الورقة أقولك الرجال موقع على تعهد إنه ما يتعدى على راي اللجنة وأنه موقع على شرط أنها تكون تزكية وهذا مبين في الورقة يا أخي خاف الله ولا تدافع عن شي ما شفتة بعد الرد الاول رديت بأقل من ساعة الورقة الآن بإيد كل مطيري يعمل بالشركة أقرب واحد منك خله يراويك ياها وشوف بعينك وخل العالم تشوف بعينها الكذب إلي وصل لمستوا تتهم قبيلة منظمه نفسها ودخلكم كلكم في موضوع لا ناقة لكم فيه ولا جمل
    طبعا بتقول أنت شنو دخلك أنا بصراحة سعيت للحصول على نسخة من الورقة ولي صديق أخبرني أنها وصلته على اليميل طلبت أني أخذ النسخة وحطها بالمنتدى رفض قطعا لان هذا الشي يمس قبيلته قلت طيب بشوف الورقة لأطمن ولا أفتري على الرجال قال طيب وشفت الورقة والتوقيع واشروط ومن ظمنها أن الاختيار بالتزكية فخاف الله ولا تتكلم فيما لم تعلمه ولم تراه

    وبالنسبة لسيد علي العلي أقصد أنكم عطيتوه حجم كبير وخليتوه ظاهرة يا أخي هذى عضو عادي وله الحق أنه يكتب ما بدى له ولك الحق أنك تعترض على كلامة بس إلي أنا أشوفه نفس كلام السيد وجهة نظر أن علي العلي له ثقل كبير بالنسبة لكم وتتبعون أخبارة شوف مواضيعة وشوف من إلي قاعد يرد عليه في كل شاردة وواردةبتعرف أنهم فرسان الاتلاف
     

مشاركة هذه الصفحة