شكـرا ... صوتك وصــل

الكاتب : كور مخلبص | المشاهدات : 615 | الردود : 5 | ‏30 ديسمبر 2009
  1. كور مخلبص

    كور مخلبص بـترولـي نشيط

    141
    0
    0
    هذي مجرد ثرثرة بيني و بين نفســي ......



    تشتكي من ظلم و تحيز المسئولين ضدك و مشاركة البعض في تضبيط هذا التحييز عشان يطلع بإطار قانوني، إذا شارك و خل صوتك يوصل تقدر تتجرأ و تخلي صوتك يطلع بره المكتب عيل عبر عن رأيك.




    مسئولية عظيمة و المنصب برستيج بس ما له داعي الضرب تحت الحزام خصوصا بين الجنس اللطيف لأنه لطيف، خلوها نزاهه اللي يستحق يستاهل بس ليش نخسر أخلاقنا عشان مناصب زايلة.




    تشوف نفسك ناجح و قادر على القيادة عيل ابتعد عن كل نمام هماز، ينقل الحجي و تعتبره مكسب ترا بنفس الوقت عشان يدافع عنك بيصير مثل الدب اللي بنقذ صاحبه من الذبابة طقها و اهيا فوق خد صاحبه ولا ذابحـه، و فوق هذا مستحيل ينقل خبر صحيح لأنه مهمته فقط يرضيك فينقل ما يرضيك.




    تجاملون و تخشون أوراق رسمية مو مشكلة بس المهم لا تستخدم بطرق ملتوية و مخالفة للقانون المهم و الأهم ما نستخدم اسم الغير واجهة لحروب شخصية.




    تدخل بمنتديات بكذا إسم مستعار تبيع ضميرك عشان زيادة ولا ترقية بالأخير يبقى للناس سمعتها شنو تسوى سمعة شخص قيمته تشتريها الفلوس و يبيع ضميره مقابل جم دينار.




    المعروف أن الإشاعة تسبق الخبر لكن خبر يسبق إشاعه هذا عمره ما حصل، و تفسيره يمكن محاولة لتقليل حقيقة الخبر و يمكن محاولة عكسية لتسليط الضوء على صاحب الخبر للتعاطف معاه، بكلى الحالتين صارت مثل قصة الدب و الذبابة!





    الجو شتوي ربيعي مناسب للمخيمات و الطلعات إذا تعرف تشوي و تقول نكت و سوالفك حلوة ترا يتنظرك مستقبل بااهر و دربك خضر خضر خضر.





    في هذا العرس الديقراطي و أجواء ما بعد الإستجوابات تبين أن الفوز للجميع بدعم من الجميع يعني لازم الجميع يشارك و لازم الجميع ينتخب و لازم الجميع يعتبر نفسه فايز بأي طريقة ولا ثمن المهم نبي الجميع يفوووز شلوووون غير هيك ما في.





    تعرف تصلي، تعرف تصوم، تعرف تزكي، تعرف تحج، عيل المفروض أنك تعرف أن الله حق و الظلم مو زين شنو فايدة صلاة و صيام دام فعلك ظالم و كلامك زور.
     
  2. مشاكس

    مشاكس بـترولـي نشيط

    85
    0
    0
  3. الطواش

    الطواش بـترولـي نشيط

    126
    0
    0
    كلام جميل جداً جداً

    بعد ضيف عليها. . . .


    يطلع إشاعات عن مسئول ويتكلم في خصوصياته ويشوه سمعته .. ويعزمه بالاعراس وبكل مناسبه وبغير مناسبه ..

    واذا شافه يعطيه تعظيم سلام !!!!!!!!!




    لاتعليق !

    قواك الله
     
  4. مرعوب

    مرعوب بـترولـي نشيط

    98
    0
    0
    ياجماعه مافهمنا ايييييييييششششششششششش صاير منو تقصدون
    ولا بس نقد لمجرب النقد!!!
     
  5. why me

    why me بـترولـي نشيط

    54
    0
    6
    Data Entry Assistant
    الكويت
  6. مشاكس

    مشاكس بـترولـي نشيط

    85
    0
    0

مشاركة هذه الصفحة