خفايف تعدل مزاجك

الكاتب : سنفور | المشاهدات : 513 | الردود : 2 | ‏28 ديسمبر 2009
  1. سنفور

    سنفور بـترولـي نشيط

    111
    0
    0
    خلونا انغير روتين المواضيع الهامه ونقرا هذي00000000

    خفايف تعدل مزاجك

    احلى شيء بالدنيا الحب .. قالوها من قبل السرابيت الحب عذاب .. قاعدن فوق السطح من صباح الله حتى وجهك ماغسلته متورمه خديداتك وفمك من النوم تقال منفجرفيه لغم وتروح تبي تفقد حمامك اللي بالصندقه .. وتنصدم بأن الحب حق الحمام مخلص .. من وين تجيب له حب !!( الحب عذاب ) .. توك اللي بلغت وصرت رجل يعتمدون عليك بالبيت بكل شيء الا(تركك مع الخدامه والبيت فاضي ).. وصوتك خشن وبدت تضاريس خشتك تغير وبدأ يطلع لك انواع من الفطر على جبهتك وخديداتك واكبرهم على خشمك .. وتكتشف بعد الخوف والوسوسه ومراجعة الدكتورة سلمى انه حب الشباب ( الحب عذاب ) .....




    --------------------------------------------------------------------------------

    الحياة كلها كرم .. تعشى مع خوياك بالمطعم كل يوم والحساب قطّيه بينكم وكلن يدفع الا انت ناسين المحفظة بالبيت .. خمس سنين وانت ناسي المحفظه بالبيت وتعشّى بالمجان ( الحياة كلها كرم بكرم ) .. ويجي يوم من الأيام وتسوي عمرك كريم عليهم وتقرر انك تعشيهم على كيسك ( اللي قاعدن تحوش فيه تحويشة العمر من سادس ابتدائي ب ) وعازمين على حسابك سبعة نفر ماتعرفهم ولا عمرك شفتهم حتى ..ويختارون اطلز مطعم آسيوي .. وفي النهاية تخرج من المطعم وانت موقع على اوراق وكمبيالات هذا كثرها كلهن مديونيات .. وعطوك مهلة شهر للسداد ولا سددت وسحبوك الشرطة وجلدوك وخلوك تشتغل بالمطعم تنظف البلاط عشان تسدد اللي عليك ..( نصيحة لاتسوي نفسك كريم ولامرة وحده ..خلك مثل اول ولاتهتم الحياة كلها كرم بكرم)





    --------------------------------------------------------------------------------


    انت نحيف واخوك دب .. يومنك صغير امك كانت تحط لك الرضعه بقطرة العين - واخوك الدب يحطون له الرضعه بترمس الشاهي قطع لحم .. يومنك بالمدرسة ويزهمون على اسامي الطلاب بالفصل كلهم الا اسمك محدن شايفك .. واخوك الدب اول مايزهم المدرس عليه بالفصل هو ؟؟ مهوب شايفن غيره بالفصل .. توقف عند جدار بيتكم يحسبونك الناس خط بجدار .. واخوك الدب اذا وقف عند الجدار يحسبه المار هو الجدار .. لابغى واحدن يعطيك كف مغير يتقنصك عشان يصيدك بالكف .. واخوك الدب اذا بغى حد يعطيك كف يضرب بأي مكان بالهواء تجي فيه صح .. لا بغيت تروش يغمسونك بكاسة ماء تقال شابوره بشاهي - واخوك الدب لابغى يتروش ودوه مغسلة سيارات .. انت لابغيت تحتسي يطلع حتسيك مسرع - واخوك الدب يطلع حتسيه بطيء .. لابغيت تاكل مغير بمصاص من صغر فمك - واخوك الدب لابغى ياكل وكلوه بكريك .. انت لاجاء واحدن يسلم عليك مد لك اصيبعه الصغير - واخوك الدب لاجاء واحدن يسلم عليه حضنه .. ويجي لكم يوم يالسرابيت وتجمعون وكل حاطن يده على ظهر اخوه تبون تأخذون صوره ذكرى .. ( تطلع الصورة كنكم (مسجل رافعن إريله




    --------------------------------------------------------------------------------

    رسالة لقد ربحت مليون ريال الرجاء الأنتصال على الرقم .... لأكمال البيانات .. اكملناها ..سوف تصل رسالة بعد يومين تحديد موعد الأستلام .. وش ذا الحمد لله لك يارب .. هذا بفضل الله ثم بفضل شامبو صانسيلك ضد الكلف .. (( اموت فيك ياصانسيلك شاركت بمسابقتك وفزت المليون )) مع اني منيب خابرهم كاتبين الجائزة الكبرى مليون اللي اذكره ان الجائزة براد شاهي مطلي ذهب .. لكن ماهيب مشكلة يمكنهم زادوا الجائزة .. الحمد لله لك يارب .. رحت وعلمت اصحابي وكلن صار يحبني اصحابي اللي اعرفهم مايمرون ولا يسألون غير مرتن كل سبع سنوات صار يمروني باليوم سبع مرات .. وناس ماكان بيني وبينهم الا رمي سلام من بعيد صار بيني وبينه تبويس وحضن بعد .. واصحاب اصحابي ... وناس جيران اصحابي .. وآدم السوداني اللي ماعمره دين احد لو عسكريم ( طز والحس ) مايدينك لو بتموت عليه .. صار مضبط لي دفتر ابو اربعين لحالي مسطرة وملونه بالشتاكيل وانواع اللصق نجوم وفواكه وعقارب .. وانواع العزايم مفاطيح واشهى المأكولات في افخم المطاعم اللي كنت اخاف حتى اناظر فيها ويقولون لي ادفع فلوس عشانك ناظرت .. عطيت صديقي سيارتي الجي تي اللي مسجلها ب 1000 ريال اغلى منها عطيه ماوراها جزيه .. بعت البيت بالحريم اللي فيه .. رهنت اخوي الصغير بمحل جوالات وطقمت بداله اطلز جوال نوكيا يشتغل بالرقص وكله على الفواتير .. الرمله اللي عند البيت كتبتها بأسم واحدن مااعرفه سلم علي.. لبست اكشخ الكرفتات والشراشف الأفريقية بأحلى الألوان الحديثة اصفر واحمر اسود ابرتقالي مافيه غير الوان صارخه تجهر مع الشمس وكله على الفواتير .. حتى عطر اخوي الكبير اللي بغرفته وكاتبن عليه ممنوع اللمس .. اشتريته منه بـ100 الف وكله على الفواتير .. جاء يوم الرسالة الكل يدق علي وانا مصرفهم ومتخبي براس جبل تحت برج الأتصالات بعد عشان مايقطع الأرسال متربع احتري الرسالة ماسكن الجوال من الحماس بيديني الثنتين ومبقق عيوني بهالليل كني بومه .. في لحظه وصلت رسالة على نغمة سو ياسو حبيبي شوتوه .. من الحماس فتحت الرسالة بأصبعين .. جار فتح الرسالة نص الرسالة ( هههههههااااي تعيش وتأكل غيرها .. تذكر يومنك تخليني اغسل راسي بالببسي تقولي ينعم الشعر ) ....





    --------------------------------------------------------------------------------

    قمة الأحراج يومنك مراهق وتروح لمسجد من المساجد الكبيرة عندكم بالبلد انت وصاحبك تبي تصلي الجمعة ومالقيت مكان تصلي به الا بالساحة الخارجية وآخر الناس انت وخويك ولا وراك احد ويصير ان خويك غلط بالصلاة وماقدرت وقعدتوا تضحكون انت وخويك وكلن يهمز الثاني وقالبينها لعب لأنه ماحولكم احد ويوم تخلص الصلاة ويسلم الأمام وانتم معه وتبون تقومون وماتدرون الا وراكم 20 صف .. قمة القهر لا صرت قاعدن مع الضيوف بعزيمة ومكشخ بمزاج ولازق بجنبك رجل تحترمه من قوة احترامك له تستحي حتى تناظر به ويجي واحدن من هالمبزر ماشي طبلونه بدون اي سبب مقنع والكل يناظر به ويتجه لك وكلن يناظر به ويلخك بذاك الكف بدون اي سبب مقنع ويهج على سرعته والكل يناظرخديداتك وانت مولع ومنحرق وتبي سبب مقنع





    حمام ساخن ومساج
    لا يفوتك انواع الفهاوه والجووو



    [​IMG]


    داخل جوو


    [​IMG]

    مساج ومدلك خاص


    [​IMG]

    يا سلااااااااااااام


    [​IMG]


    ما هم فيه ابد
    [​IMG]


    [​IMG]






     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    كأأأأأأأأك

    حــلوة يا شيـخ

    وخاصة سالفة الرسالة ذي سبيشل :D
     
  3. الجمس الحمر

    الجمس الحمر بـترولـي جـديـد

    14
    0
    0
جاري تحميل الصفحة...

مشاركة هذه الصفحة